Izayii 1:31 - LAWA A BOO SONBORE

³¹ Min kaka n die goɛ̃ ka buu gere bɛ́ lɔn, a zɛnaa ǹ sii n die goɛ̃ ka tɛ nàn bɛ́ lɔn, ǹ tumaa n die kuĩ kun, min kɔn ba re boe la a nimi wa.

LAWA A BOO SONBORE 2011

³¹ Min kaka n die goɛ̃ ka buu gere bɛ́ lɔn, a zɛnaa ǹ sii n die goɛ̃ ka tɛ nàn bɛ́ lɔn, ǹ tumaa n die kuĩ kun, min kɔn ba re boe la a nimi wa.

Izayii 1:31 ပူးပေါင်းရင်းမြစ်များ

Izayii 24:6

Bɛ lɛ taman yii, Dɛnaa Lawa lɛn baraa bíi tán li. Bɛ lɛ a dɔlɔ n ke minbuiin nɛn mìi ni. Bɛ lɛ nɛ kanaa minin nə́ papaã, ǹ nə́ kiɛɛrɛ kɔ.

Izayii 26:11

Dɛnaa Lawa, n gɔn-munii n lon, ǹ yii ba a ganaa wa. Sɛnɛ, ǹ tá re n miãgoã-bɔ kɛ yii n zaman kɛa paǹ li, sìi á re ǹ kuĩ. N tɛ mɛn yɔrɔ bɔ n zɔ́ɔn wɔ lɛa, bɛ á re ǹ kuĩ.

Izayii 27:4

Ma foo a yoo-n li doo wa. Sɛnɛ, bɛ̀ má nyan dan yɛ a nɛ, ka koronkoron ne, ma nə ǹ kuri ma tɛ da ǹ ganaa.

Izayii 33:11

Ka bɛ siin mɛnɛn yɔrɔ boe, bɛn man ka buu gere bɛ́ lɔn. Ta ǹ nə́ yɔrɔ bɔ, maǹ ka làpaa bɛ́ lɔn. Ka dinin foo-yoo n die ka bɔ̀n biɛ ka tɛ bɛ́ lɔn.

Izayii 33:14

Siɔn kiwi, nyɛ́ɛ n zɛ̀rɛdɛnan ganaa. Min baraan gɔ̀nɔn nə bìn diɛ. Maǹ nɔ̀n diɛ: «Wɔ bii, die n boe la a n mɔrɔ tɛ baraa kɛ ganaa, hinlaa a diri tɛ girigiri kɛ la, a ná a nimi duduu wa?»

Izayii 4:4

Yiri mɛn bɛ peperebaa ka yoreenbaa koe, Dɛnaa á re Siɔn lɔn *gɔ̀ pii ka bɛ nɛ bibinaa nɛ. Á re Zeruzalɛmu yoreen koe mà kɛa lɛa á kaa a kiwi.

Izayii 43:17

Á soo ziabaa ǹ wotoron laanka sùin ni a nɛ, ka sɔraasin ni ka ziabaali zanbian nɛ. Ǹ nə́ mɛnaa, ǹ yoo duduu wa. Ǹ nə́ nimi, ka bolon tɛ bɛ́ lɔn.

Izayii 5:24

Bɛ lɛ nɛ, làpaa á ke kuĩ tɛ-n lɔn, tɛ á ke buu gere kuĩ lenlen lɔn, ka n die boɛ̃ ka da gòon bɛ́ boɛ̃ lɔn. Kaa yii gugurubaa kɛ n die papaɛ̃ ka da buũ bɛ́ lɔn, piɛ̃ li. A giala, ka n ka Pàãyiidɛnaa Lawa a dí-pɛn tii, ka n piã ka Izirayeli a Lawa sonbore a boon ne.

Izayii 50:11

Sɛnɛ, kasɛn man tɛ koɛ ka n ka dinin lɛnpɛnɛ ka kiɛ tɛdɛnan nɛ. Á bǐɛ̃ kɔ, ka wo bɛa tɛ lɛ nɛ ka kaa kiɛn tɛdɛnan lɛ nɛ. Dɛnaa Lawa din nə die bɛ zɛnɛɛ, ka n die wɛɛ tán fuu gole gɔ́ɔ̃ nɛ.

Izayii 66:17

Minin kɛn n dinin *yoreen koe a tɔ-a ǹ tɔn wɔ dù gɔrɔn nɛ, min mɛn bɛ́ bii, maǹ kiɛ bɛ kio. Maǹ birii hinlaa nyan soɛ̃, bɛa màn bɔbɔnɛɛn kɛn. Bɛa minin lɛn tumaa tá re gɛ̀ we kun. Dɛnaa Lawa a da ǹ boo ne.

Izayii 66:24

Bɛ̀ ǹ tá soe kiwi lɛ nɛ, min mɛnɛn nə goã ǹ nə́ n gòã dii ma ganaa, ǹ tá re bɛn gere yii tán. Nyuunun mɛnɛn bɛ́ ǹ soɛ̃, bɛn ba re giɛ̃ duduu wa. Tɛ mɛn bɛ́ ǹ kuĩ, bɛa nimi wa. Bɛ ǹ die goɛ̃ sii bɔbɔnɛɛ lɛa minbuiin nɛ tumaa ganaa.

Izayii 9:19

Maǹ pɔrɛɛ gusin, ǹ bòo dɔ a nyɛɛ wa. Maǹ pɔrɛɛ gɔsɛ, sɛnɛ ǹ ba kiɛ̃ wa. Didie n yui ǹ dɔɔ̃n gialaa:

Zeremii 21:12

Davida a sumu minin lɛn, Dɛnaa Lawa a boo á ke: Baayɛlɛ woo baayɛlɛ, ka kiri pepere wɔ. Ǹ bɛ́ mɛnɛɛ min mɛnɛn la, ka ǹ gɔsɛ ka ǹ bɔ mɛnaa ma la wolen gɔn. Bɛ bie wa, maa foo-yoo baraa kɛ n die yui ka gialaa ka tɛ bɛ́ lɔn. A n die màn tumaa kuĩ, min kɔn ba re boe la a nimi wa kaa zɛnaa ǹ sii baraan kɛn lɛa.

Ezekieli 32:21

Sɛ̀mɔɔ kakan mɛnɛn nə wo gèren piɛ, ǹ mɛnɛn lɛn nə goã n doe lɛ, bɛn tá re pii ni: «Ǹ nə́ soroman lɛn dɔn dɛ zia la, ǹ nə́ ke ǹ nə́ wɔ ǹ nə́ daa waa tán yala-n.»

Matiə 3:10

«Lawa a kiri-kurii lɛ a biikoo dɔ á nya, a n die n biɛ ka sɛ̀miɛ̃ dɔ da giala-n bɛ́ lɔn. Da mɛn din tumaa bɛ́ a nɛ sonbore koe wa, maǹ die bɛ kuri ǹ zũ tɛ-n.

Matiə 3:12

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»

Sii-nyaan 19:20

Tɔɔ lɛ laanka a boo gii-dali soɛ-bɔle mɛn bɛ́ á goã kaãbaa ǹ siin zɛnɛɛ a yɔrɔ-a, ǹ nə́ ǹ kũ ǹ nə́ ǹ kaa kòso-n. Tɔɔ lɛ a nyaǹ goã kiɛ̃-n min mɛnɛn ganaa, ǹ ná a nyin dɔ guguru koe, a na á bɛn yiri sã ka bɛa kaãbaa ǹ siin kɛn lɛn nɛ. Ǹ nə́ ǹ dinin paanan kũ ǹ nə́ ǹ zũ kiribi tɛ gole kɛ nɛ.

Sii-nyaan 20:10

Bɛ ganaa, ǹ nə́ nɔ̀ɔn babaraan kiã kɛ kũ, ǹ nə́ zũ kiribi tɛ panapana kɛ nɛ, ǹ goã ǹ nə́ Tɔɔ kɛ laanka a boo gii-dali soɛ-bɔle kɛ zũ bǎã mɛn nɛ ke lɛn. Ǹ tá re nɔmaa ǹ fuu yii walan baayɛlɛ ka tèlò ne yǎa duduu.

Sii yɔrɔ-bɔlen 15:14

A bɛ́ á dɔ Leyii kiwi, Filisiti minin lɛn nə́ daa n da lɛ ka lɛ-dɛ nɛ. Sɛnɛ, Dɛnaa Lawa Yiri wɔ Sansɔn nɛ. Bɛ lɛ nɛ, ǹ na a gɔnɔn yii ka biɛn mɛnɛn nɛ, bɛn nə́ n bɔyaa ǹ nə́ n baa ka baasan biɛ mɛn bɛ́ tɛ kũ. A biɛn lɛn nə́ kaa, ǹ nə́ n bɔ a gɔnɔn ganaa.