Izayii 1:29 - LAWA A BOO SONBORE

²⁹ Bɛa biikoo li kəni, dan kɛn kɔɔ̃n ka-a, ká goã wúlu boe ǹ ganaa, ka foo á re ziziɛ̃ bɛn taman yii. Dù gɔrɔn kɛn kaa wúlu bɔ ǹ bǎãn lɛa, sìi á re ka kuĩ bɛn taman yii.

LAWA A BOO SONBORE 2011

²⁹ Bɛa biikoo li kəni, dan kɛn kɔɔ̃n ka-a, ká goã wúlu boe ǹ ganaa, ka foo á re ziziɛ̃ bɛn taman yii. Dù gɔrɔn kɛn kaa wúlu bɔ ǹ bǎãn lɛa, sìi á re ka kuĩ bɛn taman yii.

Izayii 1:29 ပူးပေါင်းရင်းမြစ်များ

Izayii 30:22

N dìn kɛn n wɔrɔ kaa ǹ la n dì kooron kɛn n sana kaa ǹ la, n tá re giɛ bɛn ganaa *gɔ̀ dama-a ǹ mànan lɛa. N tá re ǹ zuĩ ka màn gɔgɔrɛn bɛ́ lɔn, n pɛ ǹ nɛ: «Ka n tá ka n bɔ kànaa!»

Izayii 31:7

Ǹ kɔn pinaa, ka gogoonmaa á re kaa dìn kɛn zuĩ, kɛn lɛn wɔrɔ lɛa ka ǹ mɛnɛn bɛ́ sana lɛa, ka ǹ mɛnɛn lɛn zɛnaa ka dinin wɔ lɛa ka ka gɔn gɔgɔrɛn kɛn nɛ.

Izayii 42:17

Sɛnɛ ǹ tá re wusii ǹ kio ne, sìi á re ǹ kuĩ, ǹsɛn mɛnɛn foo bɛ́ doa-n dìn ganaa, ǹ nə́ pii màn nyínin manɛ: «Wɔa lawa n ka ka dinin ni.»

Izayii 45:16

Min mɛnɛn bɛ́ dì nyínin zɛnɛɛ, sìi laanka sɔ n bɛn wɔ lɛa. Maǹ woe, ǹ mìi n zuməə ne.

Izayii 57:5

Dan mɛnɛn bɛ́ kɔɔ̃n ka ganaa, ka n kɔrɔbaa zɛnɛɛ bɛn giulun, ka da mɛn tumaa bɛ́ ǹ luu n kɛkɛ. Ka n kaa nɛnyaanan koe *wúlu màn lɛa mu ziin ganaa, ka gɛ̀fu yalan nɛ.

Izayii 65:3

Bɛa tɔrɔ lɛ n giɛ ma lɛ li biikoo tumaa li. Maǹ wúlu boe dù gɔrɔn nɛ, maǹ da yon gìĩ kɔɔ̃n tiɛ̃ kɔlɔn la.

Izayii 66:17

Minin kɛn n dinin *yoreen koe a tɔ-a ǹ tɔn wɔ dù gɔrɔn nɛ, min mɛn bɛ́ bii, maǹ kiɛ bɛ kio. Maǹ birii hinlaa nyan soɛ̃, bɛa màn bɔbɔnɛɛn kɛn. Bɛa minin lɛn tumaa tá re gɛ̀ we kun. Dɛnaa Lawa a da ǹ boo ne.

Zeremii 2:20

Dɛnaa Lawa pɛ: Izirayeli, haalɛ bibi n nə́ n wìi li ǹ zǔu kɛ yiɛ, n nə́ n gɔn ganaa ǹ biɛn kɛn nana. Ń goã ń pɛ: «Ma ba li ma bɛ̀rɛbaa doo wa.» Sɛnɛ, kele tumaa mìi ni, da luu tì tumaa giulun, n nə́ n goã wɛɛ tán ka lɔ kɔrɔ bɛ́ lɔn.

Zeremii 3:6

Kii Zoziasi a biikoo li, Dɛnaa Lawa pɛ ma nɛ: «Izirayeli bɔyaa wole lɛ sii mɛn zɛnaa, ń yɛ? Á woo kele mìi tumaa la, dan giulun, ǹ mɛn tumaa luu bɛ́ tì, á kɔrɔbaa zɛnaa walan.

Ezekieli 16:63

Bɛa biikoo li kəni, n yiri á die gisĩ ka lɛlɛ ǹ kɛ nɛ. Sìi á re n kuĩ, n yii din ba re we, n nə n lɛ bũ n boo da wa. Sɛnɛ, n sii baraa mɛn tumaa zɛnaa, ma á re ǹ toɛ n nɛ. Ma din Dɛnaa Lawa a da ǹ boo ne.

Ezekieli 36:31

Bɛa biikoo li, ka yiri á die gisĩ ka kaa giã ǹ gɔn baraa laanka kaa zɛnaa ǹ siin kɛn nɛ, ǹ mɛnɛn bɛ́ ǹ goã siĩn wa. Ka tìĩ á re boe ka dinin nyin ni, kaa sii baraan laanka kaa sii bɔbɔnɛɛn lɛn taman yii.

Ezekieli 6:13

Ǹ geren tá re goɛ̃ tán kun ka ǹ dìn lɛn nɛ, ǹ wúlu bɔ ǹ bǎãn kɛn lɛnpɛnɛ, tenten sɔsɔrɔn tumaa laanka kelen tumaa mìi ni, da tumaa giulun ǹ mɛnɛn bɛ́ luu buruu lɛa ka kɛkɛ, ǹ goã wúlu boe bǎã mɛn tumaa nɛ ka màn gìĩ kɔɔ̃ nɛ ǹ dì kɔrɔn ganaa.

Ozee 14:3

Ka boo yɔrɔ bɔ ka wusoo ka da Dɛnaa Lawa li, ka pɛ nɛ: Sii baraa tumaa papaã, n lɛ kɔ sii sonbore tumaa ganaa. Wɔ n wɔ lɛgɔ́ɔ̃ ǹ boo koe n la *wúlu màn lɛa, dii gɔ̀lɔ̀n bǎã nɛ.

Ozee 14:8

Min mɛnɛn nə goã giã nɛ a wúlu li, ǹ tá re wusii ǹ daa. Ǹ tá re wusii ǹ *belee kɔsɔ, ǹ tá re buũ koe ka *rezɛ̃ da bɛ́ lɔn, ǹ tá re a boo diɛ ka Liban a duvɛ̃ kɛ bɛ́ lɔn.

Ozee 4:13

Maǹ nɛn bɛ̀ ǹ wúlun bɔbɔ kelen mìi ni, maǹ nɛn bɛ̀ ǹ nyɔɔ gìĩ kɔɔ̃n tã tentenen la, ka da luu kɛkɛn kɛn giulun ni, a giala ǹ wúlu n kɔɔ̃nɛ. Bɛ lɛ na á toa, kaa nɛlɔn tá kɔrɔbaa zɛnɛɛ, ka manaan tá naarɛbaa zɛnɛɛ.

Ozee 4:19

Piɛ̃ á re ǹ siɛ. Ǹ wúlu mànan kɛn lɛn tá re sìi diɛ ǹ ganaa.

Rɔmu minin 6:21

Ka ǹ ká wàa là yɛ kəni? Pelo, bɛa siin kɛn lɛn man sìi diɛ ka ganaa, a giala, ǹ giala-nyɔmiɛ n ka gɛ̀ nɛ.