Izayii 1:28 - LAWA A BOO SONBORE

²⁸ Sɛnɛ, gòãn dii wolen kɛn, ka sii baraa-zɛnaalin kɛn nɛ, bɛn tumaa wɔ n ka bɔ̀n nɛ. Min mɛnɛn bɛ́ n dɔ̀ɔ̃ we Dɛnaa Lawa nɛ, bɛn man die bɔ̀n biɛ.

LAWA A BOO SONBORE 2011

²⁸ Sɛnɛ, gòãn dii wolen kɛn, ka sii baraa-zɛnaalin kɛn nɛ, bɛn tumaa wɔ n ka bɔ̀n nɛ. Min mɛnɛn bɛ́ n dɔ̀ɔ̃ we Dɛnaa Lawa nɛ, bɛn man die bɔ̀n biɛ.

Izayii 1:28 ပူးပေါင်းရင်းမြစ်များ

KZS2 21:10

Sɛnɛ, Edɔmu zaman lɛ nə́ n gòãn dii Zudaa gána. A n tɔn miɛ̃ a da pelo yaa. A din biikoo goon lɛ nɛ, Libnaa kiwi nə́ n piã Zoraamu a pàã nɛ, a giala, a na á Dɛnaa Lawa, ǹ digolon Lawa toa walan.

KZS2 28:23

A n wúlu mànan koe Damaasi minin dìn kɛn la, ǹ mɛnɛn lɛn dinin bɛ ǹ nə́ boo ǹ la. A n pii: «Siiriin kiin dìn bɛ́ n doe ǹ lɛ lɔn, ma dɔ n die wúlu màn koe ǹ la ń giɛ ǹ tá n doe ma dɔ lɛ.» Sɛnɛ bɛa dìn lɛn man bɔ̀n diɛ a din ganaa kɔnlɛ ka Izirayeli tumaa nɛ.

KZS2 28:6

Lɛawaa goon gɔ́ɔ̃ nɛ, Remalia a nɛgiĩ Pekaa Zudaa sɔraasi duu paabiɛ ka fuə (120 000) dɛ, ǹ tumaa n sɔraasi foo kaka-a lɛa. Bɛ na á yɔrɔ yɛ miɛ̃, a giala maǹ nə́ n la bɔ Dɛnaa Lawa, ǹ digolon Lawa ganaa.

Zɔbu 31:3

Nɔmaa bie sii baraa-zɛnaali yii wa ya? Bɔ̀n bie sii kɔkɔrɔ-zɛnaali yii wa ya?

Zɔbu 34:26

A nə ǹ dii ka ǹ bɛ́ sii baraa-zɛnaali dii lɔn, zaman yɔrɔ-a.

Zɔbu 34:27

A giala, ǹ nə́ n piã ka Lawa nɛ, ǹ ba li ǹ na a sii kɔn din dɔ̃ wa.

Loen 1:6

A giala, Dɛnaa Lawa n giɛ min sonboren walan, sɛnɛ, min baraan wɔ n ka bɔ̀n nɛ.

Loen 104:35

Sii baraa-zɛnaali kɛn die ǹ papaã ǹ nə n bɔ tán la, n nyan min baraan kɛn toa kanaa doo wa. Man kɔnboe ma barka da Dɛnaa Lawa nɛ ka ma foo tumaa nɛ, ma pɛ, máa aleluya! Ka Dɛnaa Lawa tɔ bɔ!

Loen 125:5

Sɛnɛ, min mɛnɛn nə kanaa, ǹ nə́ zii kɔkɔrɔ saa, Dɛnaa Lawa, bɛn loo kun ka baraa-zɛnaalin kɛn nɛ. Là nyantoro die a giã Izirayeli li.

Loen 37:38

Sɛnɛ, Dɛnaa Lawa n piã-wɔlen tumaa bɔ̀n biɛ kun. A ba min baraan tɔrɔ koɛ wa.

Loen 5:6

Din-koa wole a giɛ̃ n yɔrɔ-a wa, baraa-zɛnaali kɛ tumaa, bɛn tìĩ bɔ n nɛ.

Loen 73:27

A din lɛ n ke: Min mɛn bɛ́ n wɔlɔ lui Dɛnaa ganaa, bɛ n bɔ̀n biɛ. Min mɛn bɛ́ n tii, n nə n bɛa dɛnaa ziziɛ̃.

Loen 9:5

A giala, ń giã n kiibaa ǹ dankan kɛ nɛ, kii pepere, ń kiri wɔ ma a lɛa, ń maa sii yɔrɔ bɔ.

Loen 92:9

Sɛnɛ, Dɛnaa Lawa, nsɛ mɛn bɛ́ lon, nsɛ n Dɛnaa Lawa Gole lɛ lɛa yǎa duduu.

Suusun 29:1

Min mɛn bɛ́ a lɛ koe doroo ganaa wa, sàabaa ba la wa, á re ziziɛ̃ bǎã goon ne.

Izayii 1:4

Nsɛ, sii baraa-zɛnaali tɔrɔ, n sii baraan nə́ la yii ni, n wɔ n ka bɔ̀n nɛ! Nɛnyaan gòãn dii wole, tɔrɔ babaraa, ka n dɔ̀ɔ̃ wɔ Dɛnaa Lawa nɛ! Ká Izirayeli a Lawa sonbore kɛ bɔlɔ tii, ka n gòãn dii a ganaa.

Izayii 24:20

Yɔ bɛ́ min yii kuĩ a tatalaa lɔn, tán nə tatalɛɛ miɛ̃, ka piɛ̃ bɛ́ bìn diɛ siã ganaa bɛ̀ a n kanaa lɔn. A n mɛnɛɛ a sãn taman yii, a boe la a yoo doo wa.

Izayii 30:13

Sisia kəni, bɛa sã kɛn die n biɛ ka ganaa ka kungɔn bɛ ke á yu lɔn. Kungɔn lɛ n kolo boe, a bɔ a kaa bǎã goon ne.

Izayii 33:14

Siɔn kiwi, nyɛ́ɛ n zɛ̀rɛdɛnan ganaa. Min baraan gɔ̀nɔn nə bìn diɛ. Maǹ nɔ̀n diɛ: «Wɔ bii, die n boe la a n mɔrɔ tɛ baraa kɛ ganaa, hinlaa a diri tɛ girigiri kɛ la, a ná a nimi duduu wa?»

Izayii 50:1

Dɛnaa Lawa n kɛ pii: Ka ǹ pii mà má kaa náa Zeruzalɛmu loo, ka a loo ǹ sɛ́wɔ nyaa ma-n kəni! Ma ka sã min mɛn la, má maa giɔ̀mɔ saraa nɛ, ka ǹ dɛnaa pɛ ma-n kəni! Á ke, bɛ̀ n yaa ǹ nə́ ka sã, kaa siɛ̃n lɛn lɛa nɛ. Bɛ̀ ǹ nə́ kaa náa loo, kaa sii baraan lɛn lɛa nɛ.

Izayii 50:11

Sɛnɛ, kasɛn man tɛ koɛ ka n ka dinin lɛnpɛnɛ ka kiɛ tɛdɛnan nɛ. Á bǐɛ̃ kɔ, ka wo bɛa tɛ lɛ nɛ ka kaa kiɛn tɛdɛnan lɛ nɛ. Dɛnaa Lawa din nə die bɛ zɛnɛɛ, ka n die wɛɛ tán fuu gole gɔ́ɔ̃ nɛ.

Izayii 58:2

Lɛawaa tumaa li, maǹ nɔ̀n diɛ maa taasiɛn nɛ. Maǹ giɛ li ǹ ma foo siin dɔ̃. Maǹ nə́ kɔnbɔ ka tɔrɔ mɛn nə́ ke, koe peperebaa lɛ, ǹ nə́ ǹ ba ǹ Lawa a dí-pɛn tii wa. Maǹ kiri pepere li. Maǹ li ma goã mɔrɛɛ nɛ ǹ ganaa.

Izayii 64:6

Min kɔn ba n tɔ bii doo wa, min kɔn yii á we a n mɔrɔ n ganaa wa, a giala, n ba li n wɔ yɛ doo wa, ń wɔ toa wɔa sii baraan gɔn.

Izayii 65:11

Sɛnɛ, kasɛn mɛnɛn bɛ́ ka n la bɔ masɛ Dɛnaa Lawa ganaa, ka yiri bɔ maa kele sonboren kɛn nɛ. Ka n màn-bii koe dì Gaadi la. Ka n duvɛ̃ lɔlɔkɔn-a koe dì Menii la.

Izayii 66:17

Minin kɛn n dinin *yoreen koe a tɔ-a ǹ tɔn wɔ dù gɔrɔn nɛ, min mɛn bɛ́ bii, maǹ kiɛ bɛ kio. Maǹ birii hinlaa nyan soɛ̃, bɛa màn bɔbɔnɛɛn kɛn. Bɛa minin lɛn tumaa tá re gɛ̀ we kun. Dɛnaa Lawa a da ǹ boo ne.

Izayii 66:24

Bɛ̀ ǹ tá soe kiwi lɛ nɛ, min mɛnɛn nə goã ǹ nə́ n gòã dii ma ganaa, ǹ tá re bɛn gere yii tán. Nyuunun mɛnɛn bɛ́ ǹ soɛ̃, bɛn ba re giɛ̃ duduu wa. Tɛ mɛn bɛ́ ǹ kuĩ, bɛa nimi wa. Bɛ ǹ die goɛ̃ sii bɔbɔnɛɛ lɛa minbuiin nɛ tumaa ganaa.

Zeremii 17:13

Dɛnaa Lawa, Izirayeli foo n doa nɛ n din ganaa. Min mɛn tumaa bɛ́ n la boe n ganaa, sìi á re n koe ǹ lɛ. Ǹ mɛnɛn bɛ́ n dɔ̀ɔ̃ we n ne, bɛn man die goɛ̃ ka tɔ mɛn nə́ ke ǹ nə́ kiɛ̃ gusuũ li! A giala, maǹ nə́ n la bɔ nsɛ Dɛnaa Lawa ganaa, nsɛ mu yala nyantoto ke, nyin koe.

Zeremii 44:12

Zudaa minin mɛnɛn yii goã koo ǹ nə́ daa gùli kɔ Ezipti gána nɛ, ma á re ǹ tumaa dii lenlen. Ǹ tumaa n die giɛ̃ bɛa gána lɛ nɛ, zia laanka bòo gɔn, ǹ tumaa, nɛnyaanan nɛ ka min zizin ni. Hiĩ, ǹ tumaa n die giɛ̃ bɛa yɔrɔ kɛ lɛ la. Maǹ die ǹ biɛ sii a kɔnboe lɛa, bɛ̀ ǹ tá re lɛn baraa bíi, ǹ sii bɔbɔnɛɛ boo da, ǹ nyɛ́ɛ da min ganaa ka sìi da ǹ sii ni.

Ozee 14:9

Efrayimu, maa wàa n kɔn ka dìn kɛn nɛ doo. Ma din nə n lɛ sii, ma din nə n lɛduĩ. Masɛ n ka siprɛsi da bɛ́ lɔn, ma luu n tì biikoo yii li. N nɛ kɔ n boe masɛ li.

Tesaloniki1 5:3

Minin bɛ́ re pii biikoo mɛn li mà «Là nyantoro tan, mà baraa banban!», a din biikoo lɛ nɛ, basaã á die kirii ǹ la, ka nɔɔrɔ bɛ́ kirii lɔ nɔnɔa la lɔn, ǹ ba re n boe a-n dɔn wa.

Piɛrɛ2 3:7

Lawa a boo lɛ n lon laanka sisia a kanaa kɛ tamaɛ, á koɛ kiri pinaa nɛ, ka piã-wɔlen papaã pinaa kɛ nɛ.

Sii-nyaan 21:8

Sɛnɛ, fɔ̃ ma din baa lɛ wolen wɔa paǹ li, ka bɔlɔgoondɛnaabaabaã wolen ne, min gɛsɛn nɛ, gɛ̀-dɛlen ne, din kũ doɛ̃baã wolen ne, minin yiri sã ǹ dagòã-bɔlen ne, dì wúlu-bɔlen ne, ka soɛ-bɔlen ne, bɛn tumaa a woo ǹ bǎã n ka kiribi tɛ panapana kɛ nɛ. A din lɛ dɔ n gɛ̀ paabaa ǹ wɔ lɛa.»

Samayeli1 12:25

Sɛnɛ, bɛ̀ ká sii baraa zɛnaa, ka tá re bɔ̀n biɛ, ka dinin laanka kaa kii lɛ nɛ.»