Izayii 1:27 - LAWA A BOO SONBORE

²⁷ Bɛ̀ Siɔn kiwi kɔ peperebaa ǹ zii lɛ, á re kirisibiɛ. A min mɛnɛn bɛ́ re n bɔyɛɛ ǹ da masɛ li, bɛn tá re kirisibiɛ ǹ peperebaa taman yii.

LAWA A BOO SONBORE 2011

²⁷ Bɛ̀ Siɔn kiwi kɔ peperebaa ǹ zii lɛ, á re kirisibiɛ. A min mɛnɛn bɛ́ re n bɔyɛɛ ǹ da masɛ li, bɛn tá re kirisibiɛ ǹ peperebaa taman yii.

Izayii 1:27 ပူးပေါင်းရင်းမြစ်များ

Izayii 35:10

Dɛnaa Lawa min mɛnɛn kirisibaa, bɛn man die wusii ǹ daa. Maǹ die woe *Siɔn ka foo kɔɔ̃nbaa ǹ lɛ-dɛ nɛ. Ǹ yɔrɔ koa ǹ gɔn nə foo kɔɔ̃n lɛa, foo kɔɔ̃nbaa mɛn bɛ́ a nyɛɛ wa. Foo kɔɔ̃nbaa gole n die goɛ̃ ǹ li. Nɔmaa laanka ginii á re papaɛ̃.

Izayii 35:9

Yàra laanka don siĩn ba re yii walan wa. Ǹ kɔn ba re die walan wa. Dɛnaa Lawa bɛ́ re min mɛnɛn sii a ǹ kaa, bɛn dininsɔɔ̃nɔn man die zii kɛ siɛ.

Izayii 5:16

Dɛnaa Lawa Pàãyiidɛnaa á re gugurubaa yii a kiri wɔ gɔ́ɔ̃ nɛ. Lawa sonbore na a sonborebaa nyɛɛ, a peperebaa zɛnaa gɔ̀ɔ̃ nɛ.

Izayii 51:4

Kasɛn maa zaman, ka n too kɔ ma lon! Kasɛn maa tɔrɔn lɛn, ka n too da! Ma din nə die dí-pɛn koe, ma bɛ́ re kiri mɛn kuri ka la, á re tɛ fúlu koe tɔrɔn la.

Izayii 52:3

Dɛnaa Lawa bɛ́ boo mɛn diɛ, á ke: «Maǹ nə́ goã ǹ nə́ ka sã bɛ̀rɛn lɛa kooro. Ǹ tá re wusii ǹ ka mìi bɔ wɔrɔ ná a ba a-n wa.»

Izayii 54:14

Peperebaa n die pàã koe n la. Giã tìãlɛa mɛnaa ma la ganaa, nyɛ́ɛ ba re n kuĩ doo wa. N wɔlɔ sɔsɔɔ kɔ nyɛ́ɛ ganaa, a ba re n mɔrɛ n ganaa doo wa.

Izayii 62:12

Ǹ tá re ǹ bíi mà «Tɔrɔ sonbore» «Dɛnaa Lawa min mɛnɛn si á ǹ kaa». Nsɛ Zeruzalɛmu, ǹ tá re n bíi: «Lawa foo sii kiwi», «kiwi mɛn bɛ́ ǹ nə n la bɔ a ganaa wa».

Izayii 63:4

A nà á goã ma gɔ́ɔ̃ nɛ, máa ma gɛ̀ dòo bɔ. Maa zaman lɛ a si a kaa lɛ̀ na á dɔ.

Ozee 2:19

Dì Baali tɔn kɛn, ma a re toɛ bɛn kɔn soo n lɛ-n doo wa. Min kɔn din yiri a die goɛ̃ ǹ tɔn nɛ doo wa.

Misee 6:5

Moabun kii Balaaki bɛ́ á goã mà a n die sii mɛn zɛnɛɛ ka nɛ, Pewɔɔrɔ a nɛgiĩ Balaamu na a lɛ si ka boo mɛn nɛ, kaa toa Sitimu a da Gilgaali ke, maa minin, ka toa ka n taasɛ ka bɛn nɛ. Ka á re doɛ̃ kəni, mà Dɛnaa Lawa sii sonboren zɛnaa ka nɛ.»

Korɛnti1 1:30

Sɛnɛ, Lawa na á wɔ bíi, á wɔ kaa kun ka Yezu Krita nɛ. A din na á n baa sii-doɛ̃ lɛa, peperebaa nɛ, *yoreenbaa lɛa ka kirisibaa nɛ, wɔ nɛ.

Korɛnti2 5:21

Sii baraa kɔ́n goã Krita li wa, sɛnɛ, Lawa na á wɔa sii baraan guĩ da a din lɛ mìi ni, ń giɛ, wɔ á min peperen biɛ asɛ din yɔrɔ-a Krita pàã ganaa.

Tiitii 2:14

A na á n din kɔ wɔa lɛa, mà a wɔ si sii baraa tumaa la. A na á bɛ zɛnaa mà a wɔ baa zaman yoreen lɛa, wɔ na a dinsɔɔ̃ wɔn lɛa, wɔ goã din kɔ sii ganaa wolen lɛa, wɔ dí sonboren nya nɛ.