Izayii 1:26 - LAWA A BOO SONBORE

²⁶ Ma á re toɛ n kiri-wɔlen kɛn nə goã ka lɛlɛ ǹ wɔn bɛ́ lɔn, n sii yɔrɔ-bɔlen nə ǹ lɛlɛ ǹ giã ǹ gɔn saa. Bɛ kio kəni, ǹ tá re n bíi "kiwi pepere", "kiwi bɔlɔgoondɛnaa".

LAWA A BOO SONBORE 2011

²⁶ Ma á re toɛ n kiri-wɔlen kɛn nə goã ka lɛlɛ ǹ wɔn bɛ́ lɔn, n sii yɔrɔ-bɔlen nə ǹ lɛlɛ ǹ giã ǹ gɔn saa. Bɛ kio kəni, ǹ tá re n bíi "kiwi pepere", "kiwi bɔlɔgoondɛnaa".

Izayii 1:26 ပူးပေါင်းရင်းမြစ်များ

Izayii 1:21

E! A na á saa lɔn kiwi sonbore kɛ á n bɔyɛɛ á n kɔrɔbaa zɛnɛɛ? Lɛlɛ, peperebaa goã Zeruzalɛmu, sonborebaa dɔ goã a nɛ. Sɛnɛ, sisia, kiwi lɛ piɛ̃maa-n ka gɛ̀-dɛlen ne.

Izayii 2:3

Gána gigiã á re zii siɛ, bɛ̀ ǹ nə́ pii kɔn nɛ kɛnɛn: Ka daa wɔ n tá wɔ dii Dɛnaa Lawa a kele la, wɔ wo Zakɔba a Lawa a kion. A din tá re a zii lɛ a tɔ wɔ ǹ gɔn nyɛɛ wɔ nɛ, bɛ̀ a din wɔ da zii mɛn la, wɔ á re koe bɛ lɛ. A giala, a dí-pɛn lɛn man boe *Siɔn, Dɛnaa Lawa a boo lɛ n boe Zeruzalɛmu.

Izayii 33:5

Dɛnaa Lawa a golebaa miã banban. A giala, a n màn tumaa mìi la. Á *Siɔn pã ka a peperebaa laanka a sonborebaa nɛ.

Izayii 54:14

Peperebaa n die pàã koe n la. Giã tìãlɛa mɛnaa ma la ganaa, nyɛ́ɛ ba re n kuĩ doo wa. N wɔlɔ sɔsɔɔ kɔ nyɛ́ɛ ganaa, a ba re n mɔrɛ n ganaa doo wa.

Izayii 60:14

Min mɛnɛn nə fuu nyaa n nɛ, bɛn nɔ̀ɔnɔn tá re n mɔrɛɛ n ganaa, ǹ mìi n kuməə ne. Min mɛnɛn nə n baa màn kooro lɛa, bɛn tá re n musin koɛ tán-a n yɔrɔ-a. Ǹ tá re n bíi: «Dɛnaa Lawa a kiwi, Izirayeli a Lawa sonbore a *Siɔn.»

Izayii 60:21

N zaman kɛa minin tumaa n die goɛ̃ pepere, gána lɛ n die goɛ̃ ǹ wɔ lɛa yǎa duduu. Maǹ ka da gùrù bɛ́ lɔn, ma dinmaa nə́ ǹ zumu. Ma din gɔn na á ǹ zɛnaa, maǹ maa gugurubaa nyɛɛ.

Zeremii 31:23

Dɛnaa Lawa Pàãyiidɛnaa, Izirayeli a Lawa n kɛ pii: – Bɛ̀ má wusoo má Zudaa gána laanka a kiwin giã ǹ gɔn zizi kɛ kɔ ǹ la ǹ mɛn waáraa, minin tá re kɛa boon kɛn pii doo: «Peperebaa bɛ́ bǎã mɛn nɛ, kele sonbore, Dɛnaa Lawa barka da n ganaa.»

Zeremii 33:11

Bɛa kiwin kɛn lɛn nɛ, zɔ́n bìndiɛn tá re boe, foo kɔɔ̃n lɛ-dɛ nɛ, ka kɔn-wɔle tenən loen ne. Min mɛnɛn bɛ́ die Lawa a kion ka barka da ǹ loen ne, wɔ á re bɛn dɔn lɛ miɛ pii: Ka barka da Dɛnaa Lawa Pàãyiidɛnaa nɛ, a giala á siĩni, a minin narɛɛ a nyɛɛ duduu wa. Hiĩ, ma á re gána lɛ a lɛlɛ ǹ giã ǹ gɔn koe la.» Dɛnaa Lawa na á pɛ.

Zeremii 33:7

Ma á re die Zudaa laanka Zeruzalɛmu a wo bɛ̀rɛbaa ǹ bǎã-n wolen ne piɛ, ma ǹ lɛlɛ ǹ giã ǹ gɔn kɛ kɔ ǹ la.

Ezekieli 45:8

Kii lɛ a bǎã n die goɛ̃ ka bɛ nɛ, Izirayeli gána nɛ. Bɛ̀ á n baa miɛ̃, kiin kɛn ba re mɛnɛɛ maa zaman kɛ la doo wa, ǹ tá re gána lɛ toɛ Izirayeli tɔrɔn lɛn gɔn.»

Misee 4:8

Nsɛ Siɔn kele lɛ, maa zaman kɛa daa ǹ bǎã, Zeruzalɛmu kiwi a lɛduə̃ ǹ bǎã, n lɛlɛ a pàã lɛ á re wusii a dɔ n-a, kiibaa lɛ á re wusii a da Zeruzalɛmu kiwi.»

Sofonii 3:13

Izirayeli minin mɛnɛn yii bɛ́ re goɛ̃ koo, bɛn ba re sii baraa zɛnɛɛ doo wa, ǹ ba re soɛ boe doo wa, ǹ ba re ǹ miãn yiri siɛ̃ ka ǹ da ǹ boo n doo wa, ǹ tá re màn bii, ǹ nyuù wɔ, min kɔn ba re nyɛ́ɛ diɛ ǹ ganaa wa.

Sofonii 3:9

Ma á re tɔrɔn tumaa *yoreen koe, màn mɛn bɛ́ toɛ, ǹ boo la ǹ masɛ Dɛnaa Lawa nyankɔ, ǹ dí nya ma nɛ ka foo goon ne.

Zakarii 8:3

Dɛnaa Lawa bɛ́ boo mɛn pii á ke: «Man wusii die Siɔn, hiĩ, man wusii giɛ̃ Zeruzalɛmu. Ǹ tá re Zeruzalɛmu bíi "kiwi bɔlɔgoondɛnaa", Dɛnaa Lawa Pàãyiidɛnaa a kele ke, ǹ tá re bɛ bíi "Kele sonbore".»

Zakarii 8:8

«Man die wusii ma da ǹ nɛ, màn mɛn bɛ́ toɛ ǹ giã Zeruzalɛmu. Ǹ tá re maa zaman biɛ, ma dɔ á re ǹ Lawa biɛ, Lawa pepere bɔlɔgoondɛnaa lɛa.»

Minin nimi 12:3

Muizu na á goã din gisiĩ wole lɛa, á la kanaa lɛ a min tumaa nɛ.

Minin nimi 16:15

Muizu foo tɔ́n yoo taãn-taãnɛ, á pɛ Dɛnaa Lawa nɛ: «Bɛa minin kɛn lɛn bɛ́ re n goe ka mànan mɛnɛn nɛ, n baran n yɔrɔ bǐɛ̃ da bɛ la wa. Haalɛ dundun din ni, ma si ǹ la wa. Ma sii dɔ la ǹ kɔn la wa.»

Sii-nyaan 21:27

Màn mɛn tumaa bɛ́ *gɔ̀ lɛa, bɛ kɔ́n ba we kiwi kɛ-n wa, min gɛsɛ a we wa, soɛ-bɔle dɔ a we wa. Sɛnɛ, min mɛnɛn tɔ bɛ́ kiɛ̃-n Sère Nɛ a yiikoonaabaa ǹ sɛ́wɔ kɛ nɛ, bɛn dininsɔɔ̃nɔn man we kiwi lɛ nɛ.