Izayii 1:25 - LAWA A BOO SONBORE

²⁵ Zeruzalɛmu, ma á re n bɔyɛɛ nsɛ li, man pii ka sɔmaa nɛ, n *yoreen kɔ. Ma á re n gɔ̀ yoe ma bɔ n ganaa, ma n yoreen kɔ.

LAWA A BOO SONBORE 2011

²⁵ Zeruzalɛmu, ma á re n bɔyɛɛ nsɛ li, man pii ka sɔmaa nɛ, n *yoreen kɔ. Ma á re n gɔ̀ yoe ma bɔ n ganaa, ma n yoreen kɔ.

Izayii 1:25 ပူးပေါင်းရင်းမြစ်များ

Loen 119:119

Kanaa a min baraan kɛn, n din nə bɛn papaɛ̃ ka yisi bɛ́ lɔn. Bɛ lɛ na á toa n gɔn waa ǹ boon lɛn tá kɔɔ̃n ma ganaa.

Izayii 1:22

Zeruzalɛmu, ma n min yiri gisĩ ka wɔrɔ a màn koorobaa nɛ, ǹ nə́ mu kaa n duvɛ̃ kɔɔ̃n kɛ li.

Izayii 27:9

Zakɔba tɔrɔn siɛ̃ bɛ́ re n toɛ ǹ nɛ lɔn, bɛ á ke, ǹ sii baraan toa manɛ bɛ́ re die ka sii mɛn nɛ, bɛ á ke: *Wúlu bɔ ǹ bǎã a kɔlɔn kɛn, maǹ die bɛn yɔyɔrɛ mɔnɔmɔnɔ. Wúlu bɔ ǹ bìbìn kɛn laanka ǹ da yon gìĩ kɔɔ̃n tã n mànan kɛn, bɛn kɔn ba re goɛ̃ lon doo wa.

Izayii 4:4

Yiri mɛn bɛ peperebaa ka yoreenbaa koe, Dɛnaa á re Siɔn lɔn *gɔ̀ pii ka bɛ nɛ bibinaa nɛ. Á re Zeruzalɛmu yoreen koe mà kɛa lɛa á kaa a kiwi.

Zeremii 6:29

Fuũ na a tɛ zoɛ̃ biikoo yii li. Bɛ̀ á daa a zii li, fɔlɔ n yoe tɛ-n. Fuũ lɛ n zoɛ̃ li mà a zan lɛ yoreen kɔ. Sɛnɛ kànaa, bɛa yɔrɔ yii wa, *gɔ̀ lɛ a boe wa.

Zeremii 9:6

Bɛ lɛ nɛ, Dɛnaa Lawa Pàãyiidɛnaa á kɛ pii: «Man die ǹ *yoreen koe ka tɛ nɛ. Man die giɛ ǹ giala-a. Man die maa zaman lɛ kuĩ lɔn doo?

Zeremii 9:7

Minin kɛn lɛwɔn nə ka kiɛ bɛ́ lɔn gɛ̀ dii. Maǹ soɛ boe, maǹ boo paparɛ diɛ ǹ giaáran manɛ, Sɛnɛ, ǹ foo ne, maǹ kan koe ǹ ne.»

Ezekieli 20:38

Min mɛnɛn nə n piã ka ma nɛ, ǹ nə́ ma bɔlɔ tii, má á re bɛn wɛɛ ma ǹ bɔ kun ka nɛ. Ǹ bɛ́ ǹ nə́ woo giã gána kɔsɔ mɛn nɛ, ma á re ǹ wɛɛ ma ǹ bɔ walan, sɛnɛ, ǹ gòã na a re miɛ̃ Izirayeli gána-n wa. Ka á re doɛ̃ ka bɛ-n kəni, mà ma din nə Dɛnaa Lawa lɛa.»

Ezekieli 22:19

Bɛ lɛ na á toa masɛ Dɛnaa Lawa á kɛ pii: «Haya! Ka tumaa bɛ́ ká fɔlɔ bù baa, man die ka kiɛ kɔn la Zeruzalɛmu kiwi bii.

Ezekieli 22:20

Wɔrɔ nɛ, zan nɛ, fɔlɔ nɛ ka fɔlɔ bù ni, maǹ bɛa mànan lɛn kiɛ kɔn la fɔlɔ yo ǹ kùsì ni, ǹ tɛ wɔ ǹ giulun, yǎa ǹ yoe. A din yɔrɔ goon la, bɛ̀ ma foo busu ka li, á yoo ka li, ma á re ka soekɔn, ma ka kaa kɔn la fɔlɔ yo ǹ kùsì kɛ nɛ, ma ka tã.

Ezekieli 22:22

Wɔrɔ bɛ́ yoe a yo ǹ kùsì-n lɔn, ka dɔn tá re yoe Zeruzalɛmu kiwi lɛ gɔ́ɔ̃-n miɛ̃. Ka á re doɛ̃ ka bɛ lɛ-n kəni mà ma din nə Dɛnaa Lawa lɛa, maa foo-yoo lɛ a dɔlɔ boe ka ganaa.»

Sofonii 3:11

Bɛa pinaa lɛ nɛ, maa zaman sii baraa mɛn tumaa zɛnaa, ǹ sii woo sii zɛnaa masɛ nɛ, bɛa sìi ba re ǹ kuĩ doo wa. Bɛa biikoo li kəni, min mɛn tumaa bɛ́ ka bii ǹ nə́ n dinin gole koe, ma á re bɛn lui ma ǹ bɔ ka bii, nsɛ, maa zaman, n tɔ nə n din gole kɔ kɛ kaa kəni, n bɔ maa kele sonbore kɛ la.

Malakii 3:3

A n die die a yisi boe ka *gɔ̀ nɛ, ká ǹ bɛ́ sana laanka wɔrɔ yoe bɛ̀ ǹ na a yoreen kɔ lɔn. *Levii tɔrɔn kɛn Lawa a wúlu-bɔlen lɛa, á re ǹ tumaa yoreen koe. Bɛn tá re ǹ *wúlu mànan koe Dɛnaa Lawa la a zii li.

Matiə 3:12

A n die min sonboren laanka min baraan niɛ̃ a ǹ bɔ kɔn, ka buu-kɔsɔli bɛ́ màn nàn laanka a kaása niɛ̃ á boe kɔn lɔn, màn mɛn bɛ́ toɛ, a na a màn nàn bɔ a kaa dɔǹ nɛ. Sɛnɛ, á die màn kaása kɛ sɛ tiɛ̃ tɛ-n, tɛ mɛn bɛ́ a ba nimi duduu wa.»

Timəə dí-pɛn 32:43

Tɔrɔn lɛn, ka n nyɛnyɛɛ kun ka Dɛnaa a zaman nɛ. A giala, a n die a dí-nyalin lɛn gɛ̀ dòo boe, a n die dɔlɔ diɛ a zɔ́ɔn lɛn mìi ni. Sɛnɛ, á re a gána lɛ laanka a minin lɛn sii baraan sawɛɛ.

Sii-nyaan 3:19

«Min mɛn bɛ́ kɔɔ̃n ma ganaa, man doree ka ma we ne. N gù kaa, n wusoo n sii baraan kio.