Izayii 1:21 - LAWA A BOO SONBORE

²¹ E! A na á saa lɔn kiwi sonbore kɛ á n bɔyɛɛ á n kɔrɔbaa zɛnɛɛ? Lɛlɛ, peperebaa goã Zeruzalɛmu, sonborebaa dɔ goã a nɛ. Sɛnɛ, sisia, kiwi lɛ piɛ̃maa-n ka gɛ̀-dɛlen ne.

LAWA A BOO SONBORE 2011

²¹ E! A na á saa lɔn kiwi sonbore kɛ á n bɔyɛɛ á n kɔrɔbaa zɛnɛɛ? Lɛlɛ, peperebaa goã Zeruzalɛmu, sonborebaa dɔ goã a nɛ. Sɛnɛ, sisia, kiwi lɛ piɛ̃maa-n ka gɛ̀-dɛlen ne.

Izayii 1:21 ပူးပေါင်းရင်းမြစ်များ

Samayeli2 8:15

Davida giã Izirayeli minin lɛn tumaa mìi la. A na á goã zaman lɛ tumaa a sii yɔrɔ boe ka peperebaa nɛ, a bɔkɔnlɛ we wa.

KZS2 19:9

A dí-pɛ mɛn pɛ ǹ nɛ, bɛ á ke: «Ka n die sii zɛnɛɛ ka nyɛ́ɛ baa Dɛnaa Lawa yii-n ni, peperebaa nɛ ka foo goon toto ne.

Nehemii 11:1

Bɛ kio, zaman lɛ a nyɛɛnaandɛnan nə́ giã Zeruzalɛmu. Zaman gialakun lɛ nə́ n pã, màn mɛn bɛ́ toɛ min fù bii, min goon da giã Lawa a kiwi Zeruzalɛmu kɛ nɛ, a manangɔrɔ gialakun kɛ goã kiwi kɔsɔn nɛ.

Loen 46:4

haalɛ ta kɔ̀ mu wuu n boe, á n kaã boe, á n yui á n bìn diɛ kelen ganaa. *Doa.

Loen 48:1

Koore a minin Lawa tɔ bɔ ǹ loe.

Loen 48:8

A n ka lɛ̀giala piɛ̃ gole kɛ bɛ́ lɔn, Tarsisi mu la ǹ goo dadaran niɛ̃ kɔn.

Izayii 1:22

Zeruzalɛmu, ma n min yiri gisĩ ka wɔrɔ a màn koorobaa nɛ, ǹ nə́ mu kaa n duvɛ̃ kɔɔ̃n kɛ li.

Izayii 26:10

Sɛnɛ, bɛ̀ makara nə́ n bɔ min baraa ganaa, a ba n darɛɛ peperebaa zɛnaa a wa. Peperebaa bɛ́ gána mɛn nɛ, a n sii baraa zɛnɛɛ walan dɔn. A yii ba Dɛnaa Lawa a golebaa kɛ ganaa wa.

Izayii 48:2

A da yaa, ka nə n dinin bíi "kiwi sonbore a minin". Ka nə n doɛ Izirayeli a Lawa ganaa, asɛ mɛn tɔ bɛ́ Lawa Pàãyiidɛnaa.

Izayii 5:7

Dɛnaa Lawa Pàãyiidɛnaa a rezɛ̃ wuru n ka Izirayeli ni. Dan mɛnɛn nə goã kɔɔ̃nɛ a ganaa parsiini, bɛ n ka Zudaa a zaman nɛ. Dɛnaa Lawa nə n yii diɛ peperebaa la, sɛnɛ bǎã tumaa nɛ, peperebaabaã nɛ. A nə n yii diɛ sonborebaa la, sɛnɛ bǎã tumaa nɛ, sonborebaabaã nɛ.

Izayii 59:14

Bɛ lɛ na á toa, sonborebaa nə́ n zɔ̃, peperebaa nə́ n wɔlɔ lui wɔ ganaa. Zaman bǎã nɛ, sonbore nya. Bɔlɔgoondɛnaabaa á woe walan wa.

Izayii 59:15

Taãn nɛ, sonbore nya. Min mɛn bɛ n nyɛnɛɛ sii baraa nɛ, maǹ bɛa dɛnaa kokoe. Dɛnaa Lawa bɛ tumaa yɛ. Peperebaa baã kɛ n sii bɔnɛɛ lɛa a yii li.

Izayii 59:3

Ka gɔnɔn man mà lɛa, kaa siɛ̃n nə́ ka gòonən tii. Soɛ boon man ka lɛ-n, ka lɛwɔn nə́ boo baraa diɛ.

Zeremii 3:1

Dɛnaa Lawa pɛ: «Bɛ̀ giĩ ná a lɔ loo, lɔ lɛ soo li, yǎa giĩ kɔsɔ saa lɔ lɛa, ǹ zuũ zizi lɛ á boe la a wusoo a saa lɔ lɛa? Haayii, a giala, *gɔ̀ n die gána lɛ kuĩ bɛ lɛ taman yii. Sɛnɛ nsɛ Izirayeli, ń kɔrɔbaa zɛnaa ka giĩ gigiã nɛ. Ma n giɛ li n wusoo n da masɛ li?» Dɛnaa Lawa a da ǹ boo ne.

Ozee 2:5

Bɛ bie wa, man die sɔlɛɛ ma a tontoro da. Ma á re a tontoro diɛ ka a yɛ pinaa bɛ́ lɔn. A gána lɛ á re don biɛ, ma á re bɔyɛɛ ma baa ka bǎã gere bɛ lɔn, ma á re toɛ mu boro dɛ a gã.

Abakuku 1:4

Dí-pɛn pàã nya. Min kɔn ba kiri pepere we wa. Min baraa n yui min pepere gialaa, Kiri-wɔlen man kiri kɔkɔrɔ we.

Zakarii 8:3

Dɛnaa Lawa bɛ́ boo mɛn pii á ke: «Man wusii die Siɔn, hiĩ, man wusii giɛ̃ Zeruzalɛmu. Ǹ tá re Zeruzalɛmu bíi "kiwi bɔlɔgoondɛnaa", Dɛnaa Lawa Pàãyiidɛnaa a kele ke, ǹ tá re bɛ bíi "Kele sonbore".»

Luku 13:34

Yezu pɛ: – Zeruzalɛmu kiwi, nsɛ lɛ n Lawa a boo gii-dalin dii ǹ nə́ giɛ̃. Lawa bɛ́ min mɛnɛn diɛ n nɛ dí ganaa, ma n bɛn dii ka kɔlɔn nɛ. Masɛ gunyin damata ke man giɛ li, ma tá minin lɛ soekɔn, ka koo dan bɛ́ a nɛn soekɔn a nyàa kan giulun lɔn. Ǹ bɛ́ ǹ lɛ kɔ wa.

Nya ǹ dín 7:52

Lawa a boo gii-dali kɛ mɛn nɛ, mà ka digolon manə ǹ fuu nyaa-n wa? Minin mɛnɛn nə goã Min Pepere kɛ a daa boo diɛ, táa ka digolon lɛn nə́ bɛn dɛ ǹ nə́ gã. Sisia, ka dininmaan dɔn nə́ bɛa Min Pepere kɛ lɛ kɔ a zɔ́ɔn la ǹ ná a nyin bɔ.

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.

Sii-nyaan 11:2

Sɛnɛ, Lawa a Kion lɛ a kanaa sumu gole ke, n nyan bɛ zɔɔ̃ wa, a giala, maǹ nə́ bɛ kɔ tɔrɔ kɔsɔn la, ǹsɛn mɛnɛn bɛ́ re Zeruzalɛmu kiwi sonbore kɛ tɔtɔrɛ yǎa mui pusiwenpaa.

Sii-nyaan 11:8

Ǹ bɛ́ ǹ nə́ Dɛnaa dere gɔn ganaa kiwi gole mɛn nɛ, ǹ geren tá re goɛ̃ tán-a bɛa kɔn yɛ ǹ bǎã nɛ. A din kiwi kɛ lɛ nɛ ǹ nə́ bíi ka tɔ giməə ne, mà "Sodɔmu", ka "Ezipti".

Sii-nyaan 17:1

Lon a dia dí-a wolen mɛnɛn bɛ́ ǹ nə́ goã ka koe mànan nɛ ǹ gunun, bɛn goon nə́ n zɔ̃ á dɔ ma li, á pɛ ma nɛ: «Ǹ bɛ́ re dɔlɔ boe lɔ naarɛbaali gole kɛ ganaa ka yɔrɔ mɛn nɛ, daa, ma á re bɛ nyɛɛ n nɛ, kiwi gole mɛn bɛ́ ǹ nə́ dɔ pɛrɛ damata lɛkoro lɛ-a.