Izayii 1:19 - LAWA A BOO SONBORE

¹⁹ Bɛ̀ ka lɛ kɔ, ka n too kɔ, ka á re gána lɛ a màn sonboren bii.

LAWA A BOO SONBORE 2011

¹⁹ Bɛ̀ ka lɛ kɔ, ka n too kɔ, ka á re gána lɛ a màn sonboren bii.

Izayii 1:19 ပူးပေါင်းရင်းမြစ်များ

Izayii 25:6

*Siɔn kele la, Dɛnaa Lawa Pàãyiidɛnaa á re màn-bii zɛnɛɛ tɔrɔn tumaa wɔ lɛa, siĩ nyɔɔnaa n la, ka duvɛ̃ kɔɔ̃n nɛ. Siĩ nyɔɔnaa basiɛ̃ n la ka duvɛ̃ sonbore ne.

Izayii 3:10

Ka pɛ kɛnɛn: «Min pepere n yii-nyɛɛ la, a giala, á re a nya ǹ dí sonboren kɛn là yii.»

Izayii 58:14

ka bɛ-n kəni, n tá re yii-nyɛɛ yii Dɛnaa Lawa barka nɛ. Ma á re toɛ n dii gána lɛ a kelen mìi ni. Ma á re toɛ n là yɛ n digolo Zakɔba a tán kɛ ganaa má kɔ la. Hiĩ, Dɛnaa Lawa na á pɛ miɛ̃.

Izayii 65:13

Dɛnaa Lawa n kɛ pii: Á ke, min mɛnɛn bɛ́ maa dí-nyalin lɛa, bɛn tá re màn bii. Sɛnɛ, bòo á re kasɛn kuĩ. Min mɛnɛn bɛ́ maa dí nyɛɛ, bɛn tá re màn mii. Sɛnɛ mu boro á re kasɛn kuĩ. Min mɛnɛn bɛ́ maa dí-nyalin lɛa, bɛn foo á re kɔɔ̃n koe. Sɛnɛ, sìi n die n koe kasɛn lɛ.

Zeremii 21:8

Ǹ tá re pii zaman lɛ-n kɛnɛn: – Dɛnaa Lawa n kɛ pii: «Á ke, man yiikoonaabaa laanka gɛ̀ diɛ ka nyɛɛnɛ.

Zeremii 7:3

Dɛnaa Lawa Pàãyiidɛnaa, Izirayeli a Lawa a da ǹ boo á ke: «Ka kaa giã ǹ gɔn laanka kaa zɛnaa ǹ siin bɔyaa. Ka bɛ nɛ, ma á re toɛ ka giã gána kɛ nɛ.»

Zeremii 7:5

Sɛnɛ, ka kaa giã ǹ gɔn laanka kaa zɛnaa ǹ siin bɔyaa ka ka foo tumaa nɛ, ka kiri pepere wɔ kɔn nɛ.

Zeremii 7:7

Ka bɛ nɛ, ka á re giɛ̃ gána kɛ nɛ ma kɔ ka digolon la duduu, duduu wɔ lɛa.

Zowɛli 2:26

Ka á re màn bii sɔnbɔraanɛ ka kã ka á re loe loe, ka masɛ Dɛnaa Lawa, kaa Lawa lɛ tɔ bɔ nɛ. Ma din nə má kaãbaa ǹ siin zɛnaa ka nɛ, sìi á re maa zaman kɛ kuĩ doo duduu wa.

Lawa a wúlu-bɔlen 25:19

Kaa tán-kɔsiɛ á die bǐɛ̃ koe, ka màn bii ka kã, ka n giã-n gána lɛ nɛ, ka yiri n bǎã goon ne.

Lawa a wúlu-bɔlen 26:3

Dɛnaa Lawa wusoo á pɛ: Ka kɔ masɛ a landa boon kɛn lɛ, ka maa gɔn waa ǹ boon kɛn tamaa, ka ǹ sii zɛnaa.

Lawa a wúlu-bɔlen 26:5

Ka bɛ́ re màn mɛn yii, ka á re bɛ duwii, yǎa a woe doe rezɛ̃ ma waáraa ganaa. Ka bɛ́ re rezɛ̃ mɛn dɔ yii, ka á re bɛ niɛ̃, yǎa a woe doe *belee diɛ waáraa ganaa. Ka á re màn bii ka kã. Ka á re boe la ka giã kaa gána lɛ nɛ, ka yiri n bǎã goon ne.

Azee 1:12

Salatieli a nɛ Zorobabeli, ka Zozadaaki Lawa a wúlu-bɔlen goledɛnaa a nɛ Zozoe, ka zaman gialakun kɛ nə́ ǹ too da Dɛnaa Lawa, ǹ Lawa bɔlɔ li. Ǹ nə́ n too kɔ Lawa a boo gii-dali Azee lon, Dɛnaa Lawa bɛ́ á n mɛn lɛ dia ǹ la, zaman lɛ tɔ́n nyɛ́ɛ baa Dɛnaa Lawa yii ni.

Timəə dí-pɛn 28:1

Bɛ̀ ká ma bɔlɔ si, ma bɛ́ gɔn waa ǹ boon mɛnɛn tumaa koe ka la pelo, bɛ̀ ká n yiri koa bɛn li ká kɔ ǹ lɛ, kaa Lawa, Dɛnaa Lawa lɛ á re ka siɛ lon, a ka koa kanaa a tɔrɔn tumaa mìi la.

Ebrəə 5:9

A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.