Izayii 1:15 - LAWA A BOO SONBORE

¹⁵ Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.

LAWA A BOO SONBORE 2011

¹⁵ Bɛ̀ ka n gɔnɔn goa lon ka á ma nyankoe, man ma yɔrɔ bɔyɛɛ ma bɔ ka la. Ta ka ma nyankɔ lɔn, maa n too koe wa. Ka gɔnɔn man mà lɛa.

Izayii 1:15 ပူးပေါင်းရင်းမြစ်များ

Kiin1 8:22

Salomɔn golee Dɛnaa Lawa a *wúlu bɔ ǹ bǎã lɛ nyɛɛnɛ, Izirayeli zaman lɛ tumaa yɔrɔ-a, á n gɔnɔn goa, á ǹ dia lon á pɛ:

Kiin1 8:54

Salomɔn bɛ́ á bɛa siin kɛn lɛn tumaa nyankɔ Dɛnaa Lawa lon, á gòã-kũ da a ganaa á nya ǹ mɛn waáraa, á yoo á n bɔ tán Dɛnaa Lawa a wúlu bɔ ǹ bǎã lɛ yɔrɔ-a. A na á goã a musi lɛn la tán wúlu bɔ ǹ bǎã lɛ nɛ, a gɔnɔn nə́ dia-n lon.

Ɛsidrasi 9:5

Wasamiɛ̃n a wúlu bɔ biikoo lɛ bɛ́ á dɔ, má soo má n bɔ maa foo-ziziɛ̃ lɛ gɔ́ɔ̃ nɛ, maa mɔnaan nə́ tɔtoɛ̃ nɛ, má bɔ má mɛ ma musin la tán, má n gɔnɔn lɛ bɔ má ǹ dia Dɛnaa Lawa la,

Zɔbu 27:20

Nyɛ́ɛ da ǹ siin tá re kirii la, ka mu gole bɛ́ lɔn. Tèlò goon gɔ́ɔ̃ nɛ, kurunkurun tá re siɛ a kiɛ̃ nɛ.

Zɔbu 35:13

Maǹ nə́ n lɛ dii kooro, Lawa a n too koe bɛ li wa. Pàãyiidɛnaa a bɛ miɛ wa.

Loen 134:2

Ka n gɔnɔn dia bǎã sonbore kɛ la, ka barka da Dɛnaa Lawa nɛ.

Loen 55:1

LOE-saalin goledɛnaa loe mɛn lɔ, ǹ nə́ da zii ka loe lɔ ǹ mànan nɛ, biɛn nə́ ǹ ganaa. Davida a loe goon ne.

Loen 66:18

Bɛ̀ taasiɛ baraan man nə́ goã ma nɛ, bɛ̀ Dɛnaa Lawa a re n too koe ma lon wa.

Bɔ bɛ̀rɛbaa nɛ 9:29

Muizu pɛ nɛ: «Bɛ̀ ma soo kiwi lɛ lɛ-a lɔn gɔrɔ, ma á re n gɔnɔn goɛ lon, ma gòã-kũ da Dɛnaa ganaa. La a paraa lɛ á re golee, la gii a re kiɛ doo wa, màn mɛn bɛ́ toɛ, n dɔ̃ mà tán kɛ lɛ n Dɛnaa wɔ lɛa.

Suusun 1:28

Ka á re ma bíi, sɛnɛ, ma a re ka lɛ sii wa. Ka á re giɛ ma li, sɛnɛ ka a re ma yii wa.

Izayii 4:4

Yiri mɛn bɛ peperebaa ka yoreenbaa koe, Dɛnaa á re Siɔn lɔn *gɔ̀ pii ka bɛ nɛ bibinaa nɛ. Á re Zeruzalɛmu yoreen koe mà kɛa lɛa á kaa a kiwi.

Izayii 45:15

Izirayeli a Lawa, ma n Lawa lɛa n durii, sɛnɛ, ma n minin kirisibiɛ.

Izayii 58:4

Hiĩ, bɛ̀ ka n lɛ sɔɔ, ka n zia diɛ. Ka n kɔn dii ka gɔn munii ni. Bɛ̀ ka á n lɛ soɛ ka bɛa yɔrɔ kɛ nɛ, kaa nyankɔ á doe ma li lon wa.

Izayii 58:7

Ka kaa màn-bii gii kɔn ka bòonaa nɛ, ka kiɛnlɛ bũ doobaan manɛ, ǹ mɛnɛn kion bɛ́ a banban ka mɔnaa wɔ mɔnaa wɛɛnaa ganaa, ka nyan nə n dɔ̀ɔ̃ wɔ ka dɔɔ̃n nɛ wa.

Izayii 64:7

A da yaa Dɛnaa Lawa, n din ni wɔa díi lɛa. Wɔsɛn man gì lɛa, nsɛ n dɔn-bɔle lɛa. N din nə n wɔ tumaa zɛnaa.

Izayii 8:17

Ma nə n yii diɛ Dɛnaa Lawa la. Á n yɔrɔ bɔyaa bɔrɔ á bɔ Zakɔba tɔrɔn la. Sɛnɛ, masɛ yii n doa-n a din la.

Zeremii 11:11

Bɛ lɛ nɛ, masɛ Dɛnaa Lawa á kɛ pii: «Á ke, man die koe diɛ ǹ la, ǹ bɛ́ ǹ ba re n boe ǹ mɛn nɛ wa. Bɛ̀ ǹ tá gú diɛ, ma a re n too koe ǹ lon wa.

Zeremii 14:12

Ta ǹ nə́ n lɛ sɔɔ, ma a re n too koe ǹ nyankɔ li wa. Ta ǹ nə́ *wúlu màn tiɛ̃ laanka wúlu màn gìĩ kɔɔ̃n kɔ ma la, ma a re lɛ koe ǹ ganaa wa. Sɛnɛ, man die ǹ bɔ̀n biɛ ka zia nɛ, bòo ne ka piɛ̃ busu ni.»

Zeremii 4:31

Sonbore, ma á lɛ-dɛ miɛ̃, ka lɔ nɛ-yɛli bɛ́ lɔn, lɔ ten a lɛ-dɛ lɛa, a gɔ́ɔ̃ yii bibinaa nɛ yii. Siɔn kiwi a lɛ-dɛn manɛ. A n gini, á n gɔnɔn lɛ boe: «Aba! Man giɛ̃ gɛ̀-dɛlin mandɛ gɔn.»

Ezekieli 11:6

Ka min gigiã dɛ kiwi lɛ nɛ, gere n tán zii la bǎã yii ni.

Ezekieli 14:3

– Nsɛ minbuiin a nɛ, minin kɛn lɛn dìn sii tá kaka ǹ ganaa. A din dìn lɛn manə ǹ kiɛ sii baraa zɛnaa ganaa. Ma á re toɛ bɛa minin lɛn nə nɔ̀n da ma la ka sii ni sonbore?

Ezekieli 39:23

«Tɔrɔ kɔsɔn tá re doɛ̃, mà Izirayeli tɔrɔn lɛn sii baraa na á toa, ǹ nə́ woo bɛ̀rɛbaa ǹ bǎã nɛ, a giala, ǹ nə́ ma bɔlɔ tii. Bɛ lɛ na á toa má n yɔrɔ bɔyaa má bɔ ǹ la, má ǹ wɔ ǹ zɔ́ɔn gɔn, ǹ nə́ ǹ tumaa dɛ zia la.

Ozee 5:6

Ǹ tá re die ka ǹ tɔɔ dadaran laanka ǹ tɔɔ bisinin ni mà maǹ giɛ Dɛnaa Lawa li. Sɛnɛ, ǹ ba re yii wa. A giala á soo á n bɔ ǹ bii.

Misee 3:4

Min mɛnɛn bɛ́ bɛ lɛ zɛnɛɛ, ta ǹ nə́ n lɛ dɛ Dɛnaa Lawa ganaa ǹ mɛn pinaa, a re n nyii ǹ la wa. A n die n yɔrɔ din bɔyɛɛ a bɔ ǹ la bɛa pinaa, ǹ zɛnaa ǹ sii babaraan lɛn taman yii.

Zakarii 7:13

á pɛ: «Ma bɛ́ máa ǹ ma bɔlɔ si, ǹ nə n too kɔ wa. A din yii goon ne, bɛ̀ ǹ tá gú diɛ, ma dɔ ba n too koe ǹ lon wa.

Matiə 23:13

Yezu tɔ́n pɛ: – Kasɛn landa sii-daraalin laanka Fariziɛ̃ gɔ́ɔ̃ tì-an kɛn, bɔ̀n na á ka yɛ! Ka n lon a kiibaa ǹ bǎã lɛ a wɔ ǹ kiɛnlɛ tiɛ̃ minin ganaa. Ka dinin ba we wa, min mɛnɛn bɛ́ li ǹ wɔ, ka a toɛ bɛn dɔn tá we wa! [

Matiə 6:7

Bɛ̀ ka tá Lawa nyankoe, ka baran boo gigiã da, ka min kooron bɛ́ zɛnɛɛ lɔn wa. Maǹ taasɛ mà bɛ̀ ǹsɛn nə́ boo gigiã da, mà bɛ lɛ n toɛ Lawa nə n too kɔ ǹsɛn lon.

Zaã a sɛ́wɔ 9:31

Min tumaa á doɛ̃ mà Lawa ba sii baraa-zɛnaalin lɛ sii wa. Sɛnɛ, bɛ̀ min mɛn tá nyɛ́ɛ biɛ a yii ni, a ná a foo sii zɛnɛɛ, a n bɛa dɛnaa lɛ sii.

Timote1 2:8

Man giɛ li kəni, máa giĩn nə Lawa nyankɔ bǎã tumaa ni, ǹ nə n gɔnɔn dia Lawa la, ǹ gɔ́ɔ̃ n fu, foo-busii ná a banban, zia ná a banban.