Izayii 1:13 - LAWA A BOO SONBORE

¹³ Kaa Lawa gɔ ǹ màn ke, ka n susu ka bɛa koe ne. A là banban. A tɛmaa gìĩ kɔɔ̃n ke, bɛ tìĩ bɔ ma nyin ni. A giala, kaa mui dii zɔ́nɔn kɛn bɛ̀ ka ǹ zɛnaa, kaa susu ǹ piin kɛn nɛ, ka kaa zɔ́n dadaraan kɛn nɛ, ka n sii baraan zɛnɛɛ bɛn li. Ma a bɛ sii ma ganaa duduu wa.

LAWA A BOO SONBORE 2011

¹³ Kaa Lawa gɔ ǹ màn ke, ka n susu ka bɛa koe ne. A là banban. A tɛmaa gìĩ kɔɔ̃n ke, bɛ tìĩ bɔ ma nyin ni. A giala, kaa mui dii zɔ́nɔn kɛn bɛ̀ ka ǹ zɛnaa, kaa susu ǹ piin kɛn nɛ, ka kaa zɔ́n dadaraan kɛn nɛ, ka n sii baraan zɛnɛɛ bɛn li. Ma a bɛ sii ma ganaa duduu wa.

Izayii 1:13 ပူးပေါင်းရင်းမြစ်များ

Kiin2 4:23

Ǹ zuũ lɛ pɛ: «Wàa na á baa n tá li n wo a li pelo? Mui dii zɔ́n hinlaa *susu ǹ pii dɔ bɛ́ a bie wa!» Lɔ lɛ nə́ n toa: «N foo baran biɛ na wa.»

KZS1 23:31

ǹ *wúlu màn tiɛ̃ kɔ Lawa la *susu ǹ pii pinaa, mui a lɛawaa bibinaa nɛ hinlaa lɛawaa kɔsɔn nɛ zɔ́n pinaa lɛa, ǹ bɛa dí kɛ nya duduu Dɛnaa Lawa yɔrɔ-a, ǹ nə ǹ dí nya mɔnaa nɛ ka landa boo á ke á nyaa lɔn.

Loen 78:40

Ǹ nə́ n gòãn dii Dɛnaa Lawa ganaa gunyin gigiã, ǹ nə́ wɔ a lon don sa bii gunyin damata.

Bɔ bɛ̀rɛbaa nɛ 12:16

Lɛawaa bibinaa lɛ li, ka tá re n lɛ soekɔn ka Lawa guguru kɔ. A lɛawaa sɔbaabaa ǹ wɔ pinaa doo, ka wusoo ka zɛnaa miɛ̃. Bɛa lɛawaan kɛn lɛn li, min baran dí kɔ́n nya wa, yǎa kaa màn-bii dinsɔɔ̃, bɛ á boe la a n zɛnaa.

Suusun 21:27

Min baraan wúlu màn nə màn bɔnɛɛ lɛa, sanparɛ bɛ́ ǹ nə́ zɛnaa ka gɔ́ɔ̃ tìbaa nɛ.

Suusun 7:14

«Ma bɛ́ má n lɛ kɔ Lawa la ka wúlu mànan mɛnɛn nɛ, má bɛn bɔ pelo. Bɛa siĩ tá ma li kion.

Izayii 66:23

Bɛa yɔrɔ lɛ la, mui dii zɔ́n gogoonmaa li, ka *susu ǹ pii gogoonmaa nɛ, minbuiin nɛ tumaa á re n musin koɛ tán masɛ Dɛnaa Lawa yɔrɔ-a. Dɛnaa Lawa na á pɛ.

Izayii 66:3

A da yaa, wúlu mànan wɔ paǹ li, minin man diin dii, ǹ wusoo doo ǹ minbuiin nɛn dɛ. Maǹ sèren bɔlɔ kuri, bɛ̀ ǹ tá ginin dɔn dii. Maǹ die ka Lawa gɔ ǹ màn nɛ bɛ̀ ǹ tá biriin mà kiɛ tán. Maǹ da yon gìĩ kɔɔ̃n tiɛ̃ maa wɔ lɛa, bɛ̀ ǹ tá dìn dɔn guguru koe. Maǹ nə ǹ dinin foo siin zɛnɛɛ, sii bɔbɔnɛɛ n kɔɔ̃nɛ ǹ ganaa.

Busii pɛ 2:6

A ná a zìã lɛ yiɛ ka dù gɔrɔ bɛ́ lɔn. Dakɔnlɛ ǹ bǎã ke a din wɔ lɛa, á bɛ yu. Dɛnaa Lawa toa Siɔn kiwi yiri bɔ zɔ́n pinaa nɛ, ka *susu ǹ pii ni. A foo yoo baraa lɛ gɔ́ɔ̃ nɛ, á kiin laanka Lawa a wúlu-bɔlen yii puusə kɔ.

Ezekieli 20:39

Izirayeli minin lɛn, sisia kəni, man kɛ pii ka nɛ: «Ka wo kaa dìn lɛn guguru kɔ! Bɛ̀ ka a re n too koe ma lon wa, ma á re giɛ a ganaa. Ma tɔ sonbore kɛ sɛ, ma a re lɛ koe, ka wúlu mànan kɔ kaa dìn la ka bɛ ziziɛ̃-n wa.

Ozee 2:11

Bɛ lɛ na á toa, ma á re maa belee kuĩ ma si la, a kurii biikoo li, ma á re maa rezɛ̃ kuĩ ma si la, a ma biikoo li. Sère ka mɔnaa laanka gɛ̀sɛ sonbore mɔnaa ke, ǹ mɛnɛn lɛn bɛ́ a sìi duri, ma á re bɛn wɛɛ, ma ǹ bɔ a ganaa.

Zowɛli 1:14

Ka lɛawaa bɔ, ka n lɛ sɔɔ bɛ li. Ka zaman bii a tɔ-a, ka min golen lɛ sɔkɔn, ka gána lɛ a minin tumaa nɛ, Dɛnaa, kaa Lawa a kion kɛ nɛ, ka goã-kũ da Dɛnaa Lawa ganaa.

Zowɛli 2:15

Ka bɛn pɛ Zeruzalɛmu kiwi, ka lɛ-sɔɔ ǹ lɛawaa bɔ ka koa, ka zaman bii a tɔ-a.

Lawa a wúlu-bɔlen 26:31

Ma á die kaa kiwin kɛn yui lenlen. Kaa dìn guguru kɔ ǹ bǎãn kɛn, man die bɛn wurii, min ná a ba woe walan doo wa. Kaa wúlu mànan kɛn tɛmaa din gìĩ ba re kɔɔ̃n koe masɛ-n doo wa.

Malakii 1:10

Bɛ̀ kaa min goon na á woo Lawa a kion kɛa kiɛnlɛn tã á soɛ. Ka a re woe tɛ koɛ wúlu bɔ ǹ bǎã kɛ-n kooro wa. A bɛ miɛ̃ kaa yɛ ka ma yiin din ba foo kɔɔ̃n goon din lɛa ma ganaa wa, ka bɛ́ wúlu bɔ ǹ mànan mɛnɛn dɔn koe ma la, man pii ka nɛ, ma ba ǹ li wa, masɛ Dɛnaa Lawa Pàãyiidɛnaa mà miɛ̃.

Minin nimi 10:2

«Bɛn màn paa zɛnaa. Wɔrɔ dɛ n nə ǹ zɛnaa nɛ. Bɛa bɛnɛn kɛn lɛn manɛ, ka tá re zaman lɛ soekɔn nɛ, ka gòon dɔ yiɛ minin ganaa nɛ, bɛ̀ ka tá re yui n boe giã ǹ bǎãn nɛ biikoo mɛn li.

Matiə 15:9

Maǹ ma guguru koe kooro, a giala, maǹ minbuiinin dí-pɛn siɛ ǹ tá ǹ biɛ Lawa a dí-pɛn lɛa, bɛ̀ ǹ minin daraa ǹ ganaa.»

Luku 11:42

«Fariziɛ̃n lɛn, kaa wɔ n ka bɔ̀n nɛ. Ka n Lawa wɔ gii boe màn din tumaa nɛ, haalɛ dù tɔrɔ din tumaa. Sɛnɛ, ka n peperebaa laanka Lawa narɛɛ sii diɛ para li. Bɛ̀ ka doamaa nɛ ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Korɛnti1 11:17

Ma bɛ́ die kaa siin mɛnɛn ganaa kanna, ma a ka tɔ bǐɛ̃ pii ka bɛn nɛ wa. A giala, ka bɛ́ lɛsɔkɔnɔn mɛnɛn zɛnɛɛ, bɛn ba n doe ka lɛ wa. Maǹ ka laadoo ziziɛ̃.

Efɛɛzi minin 4:30

Ka nyan gù-basiɛ̃ da Lawa a Yiri Fu ganaa wa. A din nə Lawa a nyaǹ lɛa ka ganaa. Wɔ n doɛ̃ bɛ lɛ li, wáa Lawa á die wɔ sii sii baraa la lenlen ǹ kɔn pinaa.

Filipi minin 1:15

Taãn nɛ, ǹ tɛnɛn tá ǹ bii, ǹ nə́ Krita boo diɛ ka foo a wuu pɛ nɛ, ǹ nə́ giɛ zia li; sɛnɛ, ǹ tɛnɛn dɔn tá Krita boo lɛ diɛ ka taasiɛ sonbore ne.