Izayii 1:10 - LAWA A BOO SONBORE

¹⁰ Kasɛn Zudaa a kiãn kɛn, ka n ka Sodɔmu kiãn bɛ́ lɔn: Ka n too kɔ Dɛnaa Lawa a da ǹ boon li. Kasɛn Zudaa minin, ka n ka Gomɔɔrɔ minin bɛ́ lɔn: Ka n too kɔ Dɛnaa Lawa a boo li, ka n too kɔ wɔa Lawa a doroon li!

LAWA A BOO SONBORE 2011

¹⁰ Kasɛn Zudaa a kiãn kɛn, ka n ka Sodɔmu kiãn bɛ́ lɔn: Ka n too kɔ Dɛnaa Lawa a da ǹ boon li. Kasɛn Zudaa minin, ka n ka Gomɔɔrɔ minin bɛ́ lɔn: Ka n too kɔ Dɛnaa Lawa a boo li, ka n too kɔ wɔa Lawa a doroon li!

Izayii 1:10 ပူးပေါင်းရင်းမြစ်များ

Siin Giala 13:13

Bɛa kiwi lɛ dɔ a minin man nə́ goã we Lawa lon parsiini, ka ǹ zɛnaa ǹ sii babaraan nɛ.

Izayii 28:14

Kasɛn foo-saalin kɛn Zeruzalɛmu nyɛɛnaan boe, ka n too kɔ Dɛnaa Lawa a boo li:

Izayii 3:9

Ǹ yɔrɔ gɔ́ɔ̃ din nə ǹ zɛnaa ǹ siin nyɛɛ. Ǹ ba ǹ sii baraan duri wa, maǹ nə ǹ pii ǹ lɛ-a ka Sodɔmu minin wɔ bɛ́ lɔn. Koe n ka kɛ nɛ, maǹ bɔ̀n yɔrɔ boe ǹ dinin wɔ lɛa.

Izayii 30:9

Tɔrɔ piã wolen manɛ, maǹ soɛ-bɔlen lɛa. Minin manɛ ǹ nə́ n piɛ̃ ka Dɛnaa Lawa a daraa ǹ boo a too kɔ ma-a nɛ.

Izayii 33:22

Dɛnaa Lawa n wɔ nyɛɛnaan-bɔle lɛa. A din nə wɔa kiri-kuruli lɛa. Dɛnaa Lawa n wɔa kii lɛa. A din nə wɔ kirisibiɛ.

Izayii 8:20

ka die ka ǹ lɛ si kɛnɛn: «Wɔ doamaa nɛ, wɔ kɔ Dɛnaa Lawa a boon laanka a doroon lɛ.» Min mɛn bɛ́ a zɛnɛɛ miɛ̃ wa, bɛa re baayɛlɛ a wɔlɔ fúlu yii wa.

Zeremii 23:14

Zeruzalɛmu a Lawa a boo gii-dalin dɔn li, ma yii n sii bɔbɔnɛɛn ganaa: Maǹ naarɛbiɛ, maǹ soɛ boe. Ǹ giala n kun ka min baraan nɛ, Bɛa yɔrɔ lɛ la, min kɔn ba n nyɛnɛɛ sii baraa-n wa. Masɛ yii li, maǹ nə́ kɔnbɔ ka Sodɔmu minin ni. Zeruzalɛmu minin man nə́ kɔnbɔ ka Gomɔɔrɔ minin ni.

Ezekieli 13:2

– Nsɛ minbuiin a nɛ, min mɛnɛn bɛ́ n dinin biɛ Lawa a boo gii-dalin lɛa Izirayeli gána nɛ, ǹ nə́ boo diɛ ǹ dinin gɔn wìi a lɛa, sɛ̀ pɛ ǹ ganaa. A pɛ ǹ nɛ, maǹ nə n too kɔ masɛ Dɛnaa Lawa a da ǹ boo li.

Ezekieli 16:35

Nsɛ Zeruzalɛmu, lɔ kɔrɔ, n too kɔ Dɛnaa Lawa a boo ganaa kəni:

Ezekieli 16:46

N gololɔ n ka Samarii kiwi kɛ nɛ gɔsɛ a lɛ̀gɔn la, kun ka a lɛkoro lɛ-a kiwin ni. N diɛ̃lɔ n ka Sodɔmu kiwi kɛ nɛ gusin a lɛ̀gɔn la, kun ka a lɛkoro lɛ-a kiwin ni.

Ezekieli 16:49

Á ke, ǹ dɔɔ̃nlɔ Sodɔmu laanka a lɛkoro lɛ-a kiwin sii baraa n ka kɛ nɛ: Maǹ nə́ goã n dinin gole koe. A giala, maǹ nə́ kã, ǹ nə́ là nyantoro la, ǹ ba n taasɛ ka sii kɔn nɛ wa. Ǹ nə n dɔ doobaan laanka nɔmaa wolen lɛ wa.

Amɔɔsi 3:1

Izirayeli minin lɛn, ka n too kɔ Dɛnaa Lawa kasɛn sɔmɔ lɛ a minin mɛnɛn waa, á ǹ bɔ Ezipti gána nɛ, a na á boo kɛ da ka dinin wɔ paǹ li, á pɛ kɛnɛn:

Amɔɔsi 3:8

Bɛ̀ yàra wɔɔsaa wɔ, nyɛ́ɛ na a die kuĩ wa? Bɛ̀ Dɛnaa Lawa boo da, die nə n piɛ̃ mà asɛ a bɛ pii wa?

Amɔɔsi 9:7

Dɛnaa Lawa n kɛ pii: Izirayeli minin lɛn, ka dɔn laanka Etiopii minin kɛn man goon masɛ gɔn. Má ka waa má ka bɔ Ezipti gána nɛ. Má Filisiti minin kɛn dɔn waa má ǹ bɔ Kafutɔɔrɔ kiwi, má Siirii minin kɛn waa má ǹ bɔ Kiiri kiwi.

Misee 3:1

Zakɔba tɔrɔn goledɛnan lɛn, Izirayeli minin sii yɔrɔ-bɔlen lɛn, masɛ Misee n ka nyankoe: ka bǐɛ̃ kɔ ka n too kɔ. Min doamaa nɛ a sii yɔrɔ bɔ ǹ gɔn nyaa kasɛn kɛn ma-n doo?

Rɔmu minin 9:29

Izayii na á saa lɛlɛ á bɛ lɛ dɔ pɛ kɛnɛn: «Bɛ̀ Pàãyiidɛnaa Lawa din bie, á wɔsɛn tɔrɔ gialakun boɛɛn toa wa, bɛ̀ wɔsɛn nə́ papaã kanna ka lenlen, ka Sodɔmu laanka Gomɔɔrɔ kiwi babaraan kɛn bɛ́ ǹ nə́ papaã lɔn.»

Timəə dí-pɛn 32:32

Wɔa zɔ́ɔn lɛn man ka Sodɔmu minin kɛn bɛ́ lɔn, maǹ ka Gomɔɔrɔ minin kɛn bɛ́ lɔn. Ǹ zɛnaa ǹ sii lɛ n ka sèwò bɛ́ lɔn, ǹ nya ǹ dí lɛ n kɔɔsɛ.

Sii-nyaan 11:8

Ǹ bɛ́ ǹ nə́ Dɛnaa dere gɔn ganaa kiwi gole mɛn nɛ, ǹ geren tá re goɛ̃ tán-a bɛa kɔn yɛ ǹ bǎã nɛ. A din kiwi kɛ lɛ nɛ ǹ nə́ bíi ka tɔ giməə ne, mà "Sodɔmu", ka "Ezipti".