Galaasi minin 6:9 - LAWA A BOO SONBORE

⁹ Wɔ nyan nɔmaa ka sii bǐɛ̃ zɛnaa-n wa. A giala, bɛ̀ wɔ n gù basã wa, wɔ á re màn sonbore kuri, bɛ̀ a biikoo dɔ.

LAWA A BOO SONBORE 2011

⁹ Wɔ nyan nɔmaa ka sii bǐɛ̃ zɛnaa-n wa. A giala, bɛ̀ wɔ n gù basã wa, wɔ á re màn sonbore kuri, bɛ̀ a biikoo dɔ.

Galaasi minin 6:9 ပူးပေါင်းရင်းမြစ်များ

Siin Giala 29:7

Zakɔba wusoo á pɛ ǹ nɛ: «Ka ga, wasa á tɔn gole bɔrɔ. Tɔɔn lɛn lɛ sɔkɔn biikoo tɔn dɔ wa. Ka ǹ gɔ mu ni, ka ǹ loo ka wo ǹ kaa buu ganaa.»

Loen 104:27

Bɛa mànan kɛn lɛn tumaa nə n yii diɛ n din la, mà n màn-bii kɔ ǹsɛn la a biikoo li.

Loen 126:5

Min mɛnɛn bɛ́ ǹ nə́ màn tɔrɔ da ka yii mu ni, toa bɛn nə kuru ka nyɛnyɛɛ nɛ.

Loen 145:15

Min tumaa yii nə n din la, ǹ foo n doa nɛ n din ganaa. N din nə màn-bii koe ǹ la a biikoo li.

Suusun 11:18

Min mɛnɛn bɛ́ sii baraa zɛnɛɛ, maǹ dí kooro nyɛɛ. Sàabaa ba la wa, bǐɛ̃-zɛnaalin man saraa sonbore yii.

Boo-laakalaali 11:1

Bɛ̀ n tá re sii mɛn zɛnɛɛ, n yii tã n zɛnaa, n wɔ á re yii a-n biɛ̃.

Zeremii 45:3

– Ń goã ń pɛ kɛnɛn: «Masɛ wɔ n ka koe ne. Hiĩ, man nɔmaa-n lɛlɛ ǹ dùũ, Dɛnaa Lawa wusoo á daa màn da maa foo ziziɛ̃ li. Má nɔmaa ka ginii ni. Susui ba ma la wa.»

Lawa a wúlu-bɔlen 26:4

Bɛ̀ ka zɛnaa miɛ̃, lan mɛnɛn bɛ́ ka laadoo bǐɛ̃ koe, ma á die toɛ, bɛn nə kaa a biikoo li. Tán-kɔsiɛ á die bǐɛ̃ koe, dan dɔn tá re nɛ koe.

Sofonii 3:16

Bɛa pinaa kɛ lɛ nɛ, ǹ tá re pii Zeruzalɛmu ni: N nyan nyɛ́ɛ baa doo wa, Siɔn kiwi, n foo nyan ziziɛ̃ wa!

Malakii 1:13

Ka n pii dinin: «Kɛa nɔmaa lɛa.» Ka masɛ Dɛnaa Lawa Pàãyiidɛnaa da ka gɔn dɔ̀ɔ̃ nɛ. Ka tɔɔn mɛnɛn koã, ǹ mɛnɛn bɛ́ gisiĩ ka á bɔlɔkan nɛ ka n bɛn koe masɛ la. Man siɛ lɔn ma tɔn bɛa wúlu màn kɛ miã si? Man nɔ̀n diɛ ka la.

Matiə 10:22

Min din tumaa á die ka biɛ zɔ́ɔ masɛ tɔ taman yii. Sɛnɛ, bɛ̀ min mɛn si a ganaa yǎa a woo kaa a lɛ nyɔmiɛ̃ lɛ, Lawa á die bɛa dɛnaa kirisibiɛ.

Matiə 24:13

Sɛnɛ, bɛ̀ min mɛn si a ganaa yǎa a woo kaa a giala-nyɔmiɛ̃ lɛ, bɛa dɛnaa á die kirisibiɛ.

Matiə 25:17

A sana kuturu paa kɔ min mɛn la, bɛ dɔ́ woo pii kɔ ka a wɔ-n miɛ̃, á sana kuturu paa kɔsɔ yɛ á tí a ganaa.

Matiə 9:19

Yezu laanka a kialandɛnan nə́ yoo, ǹ nə́ kɔ lɛ ǹ nə́ woo.

Marki 3:3

Yezu tɔ́n pɛ giĩ gɔn gere-a lɛ nɛ: «Yoo n da kànaa min din tumaa yɔrɔ-a.»

Luku 18:1

Yezu boo giməə kɔ́n da a kialandɛnan manɛ, á nyaa ǹ nɛ mà min doamaa nɛ, a Lawa nyankɔ biikoo tumaa waáraa, a gù ná a giɛ̃ wa.

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Korɛnti2 4:1

Lawa din na á bǐɛ̃ kɔ ma ganaa, á bɛa dí kɛ koa ma li. Bɛ lɛ n toɛ ma gù a basɛ̃ wa.

Korɛnti2 4:16

Bɛ lɛ n toɛ, maa foo tãbaa a nyɛɛ pin kɔ́n-a wa. Haalɛ ta ma gɔ̀nɔn siĩ n ziziɛ̃ boɛboɛ woe, ma telenboen nə màn dii biɛ lɛawaa gogoonmaa li.

Korɛnti2 9:6

Ka n yiri koa kɛ li: bɛ̀ min màn tɔrɔ boɛɛn da, a n màn boɛɛn kuri. Bɛ̀ min màn tɔrɔ gigiã da, a n màn gigiã kuri.

Efɛɛzi minin 3:13

Bɛ lɛ taman yii, man ka nyankoe, máa ma bɛ́ fuun mɛnɛn yii ka a lɛa, bɛn baran ka gù basã wa. Bɛn lɛn man tɔ koe ka la.

Timəə dí-pɛn 11:14

á re kaa gána lɛ a la kiɛ a biikoo li, a la bibinaan laanka a giala-nyɔmiɛ̃ kɔ ka la. Bɛ á re toɛ kaa tán-kɔsiɛ mànan nə bǐɛ̃ kɔ, ka *belee laanka duvɛ̃ yɛ, ka nyɔɔ nɛ.

Tesaloniki2 3:13

Dɔɔ̃nɔn lɛn, kasɛn baran nɔmaa ka sii sonbore zɛnaa-n wa.

Ebrəə 12:3

Sonbore, ka n taasɛ a din lɛ nɛ, màn mɛn bɛ́ toɛ, ka foo baran ziziɛ̃ ka gù gã wa. Á min baraan piãman si a ganaa.

Ebrəə 12:5

Táa ka á n yiri koɛ ka doroo kɛ nɛ, Lawa n koe ka la ka a nɛnyaanan bɛ́ lɔn: «Maa nɛ, Dɛnaa bɛ́ n dii a nə́ n doree ke, n baran ga bɛ ganaa sii kiɛɛrɛ lɛa wa. Bɛ̀ a tá n zɛ̀rɛ biɛ, n foo baran ziziɛ̃ wa.

Ebrəə 3:14

Sonbore ne, wɔ ǹ wɔ́ n baa Krita a koakun wolen lɛa, wɔ goleemali mɛn wɔ a giala-koe li, bɛ̀ wɔ́ bɛ tamaa yǎa á woo kaa a giala-nyɔmiɛ lɛ.

Ebrəə 3:6

Sɛnɛ, *Krita sɛ na á Nɛgiĩ bɔlɔgoondɛnaa baa, Lawa a tɔrɔ minin mìi la. Wɔ dinin man a tɔrɔ minin lɛn lɛa, bɛ̀ wɔ gòãn tá we-n tán wɔa foo doa ǹ màn kɛ lɛ la, wɔ nə n nyɛnyɛɛ a wɔ gɔn la ka foo tãbaa nɛ.

Zaaki 5:7

Bɛ lɛ taman yii, ma dɔɔ̃nɔn lɛn, ka si ka ganaa yǎa Dɛnaa a daa pinaa. Ka ga buu-kɔsɔli ganaa. A màn tɔrɔ mɛn da tán, a nə n yii diɛ bɛ la yǎa a miɛ sɔnbɔraanɛ. Bɛ gɔ́ɔ̃ nɛ, a n sii sii a ganaa, yǎa la bibinaa laanka a nyɔɔbaa nə kiɛ.

Piɛrɛ1 2:15

A giala, a n Lawa dùũ lɛa, ka bǐɛ̃ zɛnaa, ka baãnaanan sii doɛ̃baã kɛ kii yiɛ nɛ.

Piɛrɛ1 3:17

Sɛnɛ, bɛ̀ Lawa dùũ ni ka á fuu yii, a goã bǐɛ̃ zɛnaa a lɛa, a baran goã baraa zɛnaa a lɛa wa.

Piɛrɛ1 4:19

Bɛa yɔrɔ kɛ lɛ la, min mɛnɛn bɛ́ fuu yii Lawa din dùũ a lɛa, bɛn nə wo nyɛɛnɛ ka ǹ bǐɛ̃ zɛnaa nɛ, ǹ nə ǹ sii din tumaa toa ǹ zɛnaa wole Lawa gɔn, Lawa mɛn bɛ́ bɔlɔgoondɛnaa lɛa.

Sii-nyaan 2:17

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, *maánə mɛn bɛ́ durii-n pelo, ma á re bɛ koe bɛ la. Ma á re kɔlɔ fu koe la, a tɔ soree n kiɛ̃ nɛ a ganaa, min kɔ́n ná a doɛ̃ wa, yǎa a din.»

Sii-nyaan 2:3

N tá n foo kuĩ, n fuu yɛ masɛ tɔ a lɛa, a n gù basã wa".

Sii-nyaan 2:7

«Too bɛ́ min mɛn lon, Lawa a Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, ma á re lɛ koe la, yiikoonaabaa ǹ da mɛn bɛ́ Lawa a piɛ, a bɛa nɛ bii.»