Galaasi minin 6:8 - LAWA A BOO SONBORE

⁸ Bɛ̀ min màn da á kɔnpɛ ka a gɔ̀nɔn foo sii ni, gɔ̀nɔn foo sii bɛ́ màn mɛn koe, a n die bɛ kuri: Gɛ̀ nɛ. Sɛnɛ, bɛ̀ min màn da á kɔnpɛ ka Yiri Fu foo sii ni, Yiri Fu bɛ́ màn mɛn koe, a n die bɛ kuri: nyin nyabaã nɛ.

LAWA A BOO SONBORE 2011

⁸ Bɛ̀ min màn da á kɔnpɛ ka a gɔ̀nɔn foo sii ni, gɔ̀nɔn foo sii bɛ́ màn mɛn koe, a n die bɛ kuri: Gɛ̀ nɛ. Sɛnɛ, bɛ̀ min màn da á kɔnpɛ ka Yiri Fu foo sii ni, Yiri Fu bɛ́ màn mɛn koe, a n die bɛ kuri: nyin nyabaã nɛ.

Galaasi minin 6:8 ပူးပေါင်းရင်းမြစ်များ

Zɔbu 4:8

Masɛ màn mɛn yɛ, bɛ n ka kɛ nɛ: didie a zɛnaa ǹ sii n koe lɛ. Bɛ̀ ń zɛnaa baraa, baraa nə n yii.

Suusun 11:18

Min mɛnɛn bɛ́ sii baraa zɛnɛɛ, maǹ dí kooro nyɛɛ. Sàabaa ba la wa, bǐɛ̃-zɛnaalin man saraa sonbore yii.

Suusun 22:8

Min mɛn bɛ́ mɛnɛɛ minin la, koe á re yii. A kakaarɛbaa á re nyɛɛ.

Boo-laakalaali 11:6

Baayɛlɛ, n màn tɔrɔ da, n baran n gɔn basã wa, yǎa wasamiɛ̃nɛ. A giala, màn mɛn bɛ́ re bǐɛ̃ koe, n ba bɛ doɛ̃ wa, kɛ-n hinlaa kɛ nɛ, hinlaa ǹ dinin tumaa n die siĩn koe kun?

Izayii 32:20

Sɛnɛ, ka foo á re kɔɔ̃n koe: Mu bɛ́ bǎã mɛn tumaa nɛ, ka á re màn diɛ walan. Ka á re kaa diin laanka kaa dundunun kiɛ ǹ nə n bibiə̃ ǹ dinin gɔn wii á lɛa.

Zeremii 12:13

Ká *belee da, sɛnɛ, ka n nyan kuri. Ká nɔmaa wɔ, sɛnɛ a là goon din ba ka ganaa wa. Kaa kaa-piɛ mànan kɛn man sìi lɛa, Dɛnaa Lawa a foo yoo baraa kɛ taman yii.

Ozee 10:13

Sɛnɛ, ka n ka baraabaa kɔsɔ, kaa kaa-piɛ na á goã ka mɛnaa kɔn la nɛ. Ń soɛ da nɛ bii. Man nə́ n foo doa n pàã ganaa n zia nɛn mɔnaabaa a lɛa.

Ozee 8:7

Bɛ̀ n piɛ̃ lɔnlɔɔn yoo, n tá re la piɛ̃ yii. Bɛ̀ *belee mìi bɔ wa, a wùsu boe wa. Ta a na á bɔ dɔn dinin, tiin man bii.

Matiə 19:29

Bɛ̀ min mɛn ná a kionən toa walan masɛ tɔ taman yii, ǹ dɔɔ̃ngiĩn ni, ǹ miãnɛnɛn nɛ, ǹ di laanka ǹ dan nɛ, a nɛnyaanan nɛ, hinlaa a wuru ni, bɛa dɛnaa á die bɛ din tumaa a laman paabiɛ yii, a wusoo a nyin nyabaã dɔ yɛ.

Matiə 25:46

Bǎã mɛn bɛ́ a nɔmaa ná a ba nyɛɛ wa, bɛn tá re woe walan, min peperen tá re nyin nyabaã yii.

Luku 18:30

bɛa dɛnaa á die màn gigiã yii kanaa kɛ lɛ din ni, ka bɛ dɔ nɛ, á die nyin nyabaã yii biɛ̃.»

Zaã a sɛ́wɔ 4:14

sɛnɛ, masɛ bɛ́ re mu koe min mɛn la a mi, mu boro a bɛa dɛnaa kuĩ doo duduu wa. Ma bɛ́ re mu mɛn koe la a mi, bɛ lɛ n die n biɛ ka mu yala bɛ́ lɔn, nyin nyabaã n boe a nɛ.»

Zaã a sɛ́wɔ 4:36

Min mɛn bɛ́ a dí nyɛɛ, bɛ n màn nàn soekɔn biɛ̃ ǹ a lɛa. Á ke a saraa yii gɔrɔ, bɛ n ka nyin nyabaã nɛ. Bɛ lɛ nɛ, màn-dali laanka a yawaali ni, manə n nyɛnyɛɛ kun.

Zaã a sɛ́wɔ 6:27

Màn-bii mɛn bɛ́ ziziɛ̃, ka baran dí nya bɛa lɛa wa, sɛnɛ, màn-bii mɛn bɛ́ beleboe, a n nyin nyabaã koe, ka dí nya bɛa lɛa. Bɛa màn-bii kɛ lɛ, Min a Nɛgiĩ n koe, a giala, Díi Lawa din na á boo sii la ǹ pàã kɔ la.»

Rɔmu minin 13:14

Ka Dɛnaa Yezu *Krita pàã wɔ ka ganaa, ka baran ka dinin kɔ gɔ̀nɔn foo siin kɛn la, ka ǹ bɔlɔ sɛ̀-mui siin kɛn zɛnaa wa.

Rɔmu minin 6:13

Ka baran ka dinin kɔ sii baraa la doo, ka sii baraa zɛnaa ǹ mànan baa wa. Sɛnɛ, ka ka dinin kɔ Lawa la, ka min mɛnɛn bɛ́, ǹ yii kaa ǹ nə́ n bɔ geren bii. Ka ka gɔ̀nɔn paǹ din tumaa kɔ la, peperebaa sii zɛnaa ǹ mànan lɛa.

Rɔmu minin 6:23

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Rɔmu minin 8:11

Lawa mɛn Yezu yii kaa á bɔ geren bii, bɛ̀ bɛ Yiri tá ka li, bɛ̀ ká gã, Lawa lɛ din nə die wusii a ka dɔn yii kaa, ká a Yiri lɛ pàã nɛ, a Yiri mɛn bɛ́ ka li ke lɛn.

Rɔmu minin 8:13

Bɛ̀ ka á tɔ we á kɔnpii ka gɔ̀nɔn foo siin ni, ka á re giɛ̃. Sɛnɛ, Lawa Yiri barka nɛ, bɛ̀ ka gɔ̀nɔn foo siin kɛn zɛnaa toa walan ka lenlen, ka á re yiikoonaabaa yii.

Rɔmu minin 8:6

Taasiɛ doa gɔ̀nɔn foo siin ganaa n woe min diɛ gɛ̀ nɛ. Taasiɛ doa Lawa a Yiri Fu dùũ siin ganaa n woe min diɛ nyin nyabaã laanka là nyantoro ne.

Korɛnti1 15:42

A din yii goon ne ka geren yii kaa lɛ dɔ nɛ. Bɛ̀ ǹ nə́ gɔ̀nɔn da yala-n, a n boɛ̃. Bɛ̀ a yii kaa, a boɛ̃ doo duduu wa.

Galaasi minin 6:7

Ka nyan sã ka dinin yiri ganaa wa. Min ba yaa we Lawa ganaa wa. Bɛ̀ min màn mɛn da, a n die bɛ lɛ kuri.

Timote1 1:16

Sɛnɛ, bɛ̀ Lawa makara bɔ masɛ sii baraa zɛnaali gole kɛ ganaa, a n li mà Yezu Krita na a sii simaa tumaa nyaa masɛ wɔ a paǹ li. A na á masɛ lɛ baa sii a kɔnboe lɛa, màn mɛn bɛ́ toɛ, min mɛnɛn bɛ́ re golee li, ǹ nyin nyabaã yɛ.

Tiitii 3:7

Bɛ na á n zɛnaa, màn mɛn bɛ́ toɛ, a bǐɛ̃ kɛ wɔ baa min peperen lɛa a din yɔrɔ-a. Wɔ bɛ́ n yiri koɛ nyin-nyabaã wole mɛn ganaa, wɔ boo la wɔ bɛ yɛ.

Zaaki 3:18

Min mɛnɛn bɛ́ giɛ là nyatoro li, bɛn man peperebaa a là yii là nyantoro gɔ́ɔ̃ nɛ.

Piɛrɛ2 2:12

Sɛnɛ, minin kɛn lɛn manə ǹ sii tumaa zɛnɛɛ ka baãnaabaa nɛ, ka tɔɔn bɛ́ lɔn, tɔɔn mɛnɛn bɛ́ ǹ tan kũ a dɛ a lɛa. Ǹ ba màn mɛn giala miɛ wa, maǹ sɔ koe bɛ ganaa. Maǹ die ǹ dɔn dii ka ǹ bɛ́ tɔɔn dii lɔn.

Piɛrɛ2 2:19

Maǹ pii bɛa minin kɛn lɛn manɛ, mà ǹ tá re yii-nyɛɛ yii, a da yaa ǹ dinin dɔn man bɛ̀rɛn lɛa lɛ-mui siin gɔn, ǹ mɛnɛn bɛ́ woe ǹ kiɛ gɛ̀ nɛ. A giala, sii mɛn bɛ́ á min kũ á yii ka kaka, ma n bɛa sii lɛ a bɛ̀rɛ lɛa.

Zude 1:21

Lawa bɛ́ ka narɛ ke, ka toa ka goã bɛ gɔ́ɔ̃ nɛ, ka n yii da, wɔa Dɛnaa Yezu Krita bɛ́ re die a bǐɛ̃baa gole kɛ gɔ́ɔ̃ nɛ, a n die nyin nyabaã koe ka la.

Sii-nyaan 22:11

Bɛ̀ min mɛn tá kɔkɔrɔ, bɛ goã kɔkɔrɔ, min mɛn bɛ́ gɔgɔrɛ, bɛ dɔ goã gɔgɔrɛ. Sɛnɛ, min mɛn bɛ́ pepere, bɛ goã pepere, min mɛn dɔ bɛ́ min sonbore lɛa, bɛ dɔ goã min sonbore lɛa.»