Galaasi minin 6:4 - LAWA A BOO SONBORE

⁴ Didie ga a din a zɛnaa ǹ sii ganaa. Bɛ̀ a tá a din laakalaa ǹ sii lɛa, bɛ n kɔɔ̃n a dinsɔɔ̃ ganaa. Bɛ ba n zoɛ̃ kɔn ka min kɔsɔn wɔ-n wa.

LAWA A BOO SONBORE 2011

⁴ Didie ga a din a zɛnaa ǹ sii ganaa. Bɛ̀ a tá a din laakalaa ǹ sii lɛa, bɛ n kɔɔ̃n a dinsɔɔ̃ ganaa. Bɛ ba n zoɛ̃ kɔn ka min kɔsɔn wɔ-n wa.

Galaasi minin 6:4 ပူးပေါင်းရင်းမြစ်များ

Zɔbu 13:15

Bɛ̀ Lawa lɛ á ma dii, a ma dɛ. Maa sii... Sɛnɛ, ma á re n bɔlɔ pii a din lɛ yɔrɔ-a.

Loen 26:2

Dɛnaa Lawa, n din maa sii gɔsɛ, n zɔɔ̃ n ga a ganaa, maa taasiɛ laanka ma gɔ́ɔ̃gɔ́ɔ̃ ǹ sii gɔsɛ n ga a ganaa.

Suusun 14:14

Min mɛn bɛ́ a yiikoonaabaa zɛnɛɛ a din mìi gialaa, a bɛ́ kɔnboe ka màn mɛn nɛ, á re bɛ yii. Min mɛn a giã ǹ gɔn bɛ́ siĩni, bɛa sii á re bǐɛ̃ koe.

Luku 18:11

Fariziɛ̃ lɛ sɛ giã lon a gɔrɔn, á Lawa nyankoe kɛnɛn: «Lawa, masɛ á barka diɛ n nɛ, a giala masɛ a goon ka min gialakunun kɛn nɛ wa. Bɛn man wurumunun lɛa, ka min baraan nɛ, ka naarɛbaalin ni. Ma á barka diɛ Lawa-n doo, a giala ma ba ka wusuru-sili kɛ bɛ́ lɔn wa.

Korɛnti1 11:28

Didie tumaa golee a dinmaa li taãnɛ, a tɔn buuru kɛ sɔ̃ a màn mi paan kɛ nɛ.

Korɛnti1 3:14

Bɛ̀ min mɛn màn dɔ kion gòã-daa kɛ la, tɛ ná a boe la á kuĩ wa, bɛa dɛnaa á re saraa yii.

Korɛnti1 3:8

Min mɛn bɛ́ zumi ka min mɛn bɛ́ mu kiɛ a ganaa, maǹ goon. Lawa din nə die ǹ didie a saraa koe la, a nya ǹ dí yii li.

Korɛnti2 1:12

Ma á boe la man din laakalaa ka màn kɔ́n nɛ. Bɛa màn lɛ á ke: Ma gɔ́ɔ̃gɔ́ɔ̃ ǹ taasiɛ ǹ nyɛɛ ma nɛ, mà má tɔ wɔ kanaa kɛ nɛ, sanparɛ kasɛn wɔ paǹ li, ka gɔ́ɔ̃ fubaa nɛ, ka Lawa a *yoreenbaa nɛ. Ma bie má zɛnaa ka minbuiinin sii-doɛ̃-n wa. Man má zɛnaa ka Lawa a bǐɛ̃baa barka nɛ.

Korɛnti2 13:5

Ka n dinin zɔɔ̃, ka n taasɛ ka ga a ganaa, bɛ̀ ka á goleemali gɔ́ɔ̃ nɛ. Ka á doɛ̃ mà Yezu Krita tá ka bii sɛn, ta mà lɔn? Yǎa tan, bɛ̀ ka a boe la ka a goleemali a siin zɛnɛɛ wa.

Galaasi minin 6:13

A giala, ǹ dinin mɛnɛn bɛ́ n kuri, ǹ ba dí-pɛn lɛsii wa. Bɛ din tumaa kio, maǹ zoɛ̃ mà ǹ ka kaa kurii ganaa, màn mɛn bɛ́ toɛ, ǹ nyaǹ mɛn da ka gɔ̀nɔn ganaa, ǹ nə n dinin laakalaa bɛa lɛa.

Filipi minin 1:26

Ma á re wusii ma da ka li doo. Bɛ̀ má daa, Yezu Krita sii mɛn zɛnaa ka nɛ masɛ pàã ganaa, sonbore á die yii ka lon ka ka dinin laakalaa ka bɛ nɛ.