Galaasi minin 6:2 - LAWA A BOO SONBORE

² Ka n dɔ kɔn lɛ, ka kɔn a guĩ gũ. Bɛ̀ ka á zɛnɛɛ miɛ̃, ka ǹ *Krita a dí-pɛn lɛ sii.

LAWA A BOO SONBORE 2011

² Ka n dɔ kɔn lɛ, ka kɔn a guĩ gũ. Bɛ̀ ka á zɛnɛɛ miɛ̃, ka ǹ *Krita a dí-pɛn lɛ sii.

Galaasi minin 6:2 ပူးပေါင်းရင်းမြစ်များ

KZS1 19:12

Á tɔ́n pɛ: «Bɛ̀ Aaramu minin lɛn pàã la ma nɛ, n tá re die maa gu ganaa. Bɛ̀ Amɔn nɛn lɛn pàã la n dɔ nɛ, ma dɔ á re die n dɔ a gu ganaa.

Bɔ bɛ̀rɛbaa nɛ 23:5

Bɛ̀ ka kaa zɔ́ɔ lɛ a dundun yɛ, á nɔmaa a guĩ giulun, á kaa tán nɛ, ka baran kiɛ̃ ka toa walan wa. Ka n dɔ lɛ ka guĩ lɛ zɛnaa kun ni.

Izayii 58:6

Lɛ sɔɔ mɛn bɛ́ kɔɔ̃n ma ganaa, á ke: Ǹ mɛnaa min mɛnɛn la, ka bɛn si ka ǹ kaa. Zǔu mɛn bɛ ǹ wìi li, ka bɛ bɔ ka bɔ ǹ ganaa. Ǹ bɛ́ min mɛnɛn nɔmɛɛ, ka bɛn si ka ǹ kaa. Sii mɛn tumaa bɛ́ ǹ biɛ bɛ̀rɛn lɛa, ka bɛ yii sàabaa.

Matiə 8:17

A ná a zɛnaa màn mɛn bɛ́ toɛ Lawa a boo gii-dali Izayii boo mɛn da, bɛ lɛ lɛ pã: «Wɔ dinin busun man nə́ goã a mìi ni, a na á wɔa fuun si a din ganaa.»

Luku 11:46

Yezu ná a lɛ si: «Ka dɔn wɔ n ka bɔ̀n nɛ, kasɛn landa sii-daraalin lɛn. Bɛ̀ ka tá landa siin lɛn pii, a n ka guĩ gugurun mɛnɛn bɛ́, min ba boe la wa, ka n yii diɛ minin mìi ni, ka dininmaan ba n doe ǹ lɛ boɛɛn nɛ kɛnɛn dinin ka gũ wa.

Zaã a sɛ́wɔ 13:34

«Man dí-pɛ dii koe ka la: Ka kɔn narɛ. Masɛ ka narɛ lɔn, ka dɔn nə kɔn narɛ miɛ̃.

Zaã a sɛ́wɔ 15:12

Maa dí-pɛ n ka kɛ nɛ: Ka kɔn narɛ ka masɛ bɛ́ má ka dɔn narɛ lɔn.

Rɔmu minin 15:1

Wɔsɛn mɛnɛn pàã bɛ́ gole golee Lawa li gɔ́ɔ̃ nɛ, wɔ doamaa nɛ, min mɛnɛn pàã bɛ́ kiɛɛrɛ golee Lawa li gɔ́ɔ̃ nɛ, wɔ bɛn sii si wɔ ganaa. Siin mɛnɛn bɛ́ kɔɔ̃n wɔ ganaa, wɔ baran ga bɛn li wa.

Rɔmu minin 8:2

Sonbore ne, Lawa a Yiri Fu mɛn bɛ́ nyin nyabaã koe ma la, maa kaa kun ka Yezu Krita-n barka nɛ, bɛ pàã na á ma si sii baraa laanka gɛ̀ pàã la.

Korɛnti1 9:21

Min mɛnɛn bɛ́ Muizu a Landa goã ǹ li wa, má goã kun ka bɛn dɔn nɛ, ka ma dɔ n ma a Muizu a Landa lɛ doɛ̃ wa, màn mɛn bɛ́ toɛ, ma gɔn dɔ ǹ ganaa. A da yaa, ma bie Lawa a landa-zɛnaali baãnaa lɛa wa; a giala, maa landa n ka Krita nɛ.

Galaasi minin 6:5

A giala, didie n die a din a guĩ guĩ.

Timəə dí-pɛn 1:12

Sɛnɛ, ma dinsɔɔ̃ a boe la, man toɛ̃ ka kaa sii yɔrɔ bɔ nɛ, má n ka laadoon bǐɛ̃ koe, má n kaa zian nyɛɛ ka bii wa.

Tesaloniki1 5:14

Min mɛnɛn bɛ́ yoo biɛ, wɔ ǹ ka nyankoe, dɔɔ̃nɔn lɛn, wáa ka bɛn doroo, foo tãbaa bɛ́ a ba min mɛnɛn lon taãn wa, ka bɛn foo taã, min mɛnɛn pàã bɛ́ kiɛɛrɛ, ka n dɔ bɛn lɛ, ka sii si ka ganaa min tumaa wɔ paǹ li.

Zaaki 1:25

Sɛnɛ, bɛ̀ min mɛn nə́ n yii wɔ Lawa a minin doroo ǹ boo lɛ piɛ̃ kɛ-n taãn-taãnɛ, bɛ mɛn bɛ́ wɔ boe sii ni, bɛ̀ n dɛnaa nə́ n doa a ganaa ka a parsiini, a bɛ́ boo mɛn miɛ, bɛ̀ a yiri á goɛ̃ bɛ nɛ, á n tɔ we á kɔnpii ni, Lawa á die barka we bɛa dɛnaa nɛ a nya ǹ dín gɔ́ɔ̃ nɛ.

Zaaki 2:12

Ka toa kaa boo da ǹ gɔn laanka kaa tɔ wɔ ǹ gɔn kɔnpɛ ka Lawa a dí-pɛn lɛn nɛ, bɛn mɛnɛn bɛ́ wɔ boe sii ni. A giala, Lawa n die kiri kuri ka la, a kɔnpɛ ka bɛn lɛn nɛ.

Zaaki 2:8

Sonbore, kii Lawa dí-pɛ mɛn kɔ, bɛ̀ ka á bɛ tamaɛ á kɔnpii ka a boo ne, sii sonbore n ka bɛ nɛ ka á zɛnɛɛ. «N nə n miã kɔsɔ narɛ ka n bɛ́ n din narɛ lɔn.»

Piɛrɛ1 2:24

Krita na á n din kɔ, á wɔa sii baraan gũ gɔn ganaa, màn mɛn bɛ́ toɛ, wɔsɛn mɛnɛn dɔn bɛ́ ka geren bɛ́ lɔn kanna, sii baraan wɔ a paǹ li, wɔ boo la wɔ peperebaa ǹ dí nya. Asɛ a màbɔmaa busulɛn man nə́ wɔsɛn wɔn nya.

Piɛrɛ2 2:21

A giala, bɛ̀ minin kɛn lɛn manə ǹ zii pepere kɛ dɔ̃ wa, bɛ̀ bɛ á soɛ ǹ ganaa á la a doɛ̃ a wusoo a kio kɛ nɛ, Lawa a dí-pɛ sonbore mɛn nə n kɔ ǹ la, ǹ nə́ n dɔ̀ɔ̃ wɔ bɛ nɛ.

Piɛrɛ2 3:2

Man giɛ li, ka n yiri gisĩ boon kɛn nɛ, Lawa a boo gii-dali sonboren kɛn nə́ ǹ pɛ lɛlɛ, ka Dɛnaa Minin Nyin-sili a dí-pɛ kɛ nɛ, dia dí-a wolen nə́ ka daraa a ganaa.

Zaã1 4:21

Krita dí-pɛ mɛn kɔ wɔ la, bɛ n ka kɛ nɛ: Min mɛn bɛ́ Lawa narɛ, a doamaa nɛ a ǹ dɔɔ̃n dɔ narɛ.