Galaasi minin 6:16 - LAWA A BOO SONBORE

¹⁶ Min mɛnɛn bɛ́ koe bɛa sii kɛ lɛ, là nyantoro laanka Lawa a makara-doɛ̃ die ǹ dɔ bɛn li kun ka Lawa a zaman kaa kun kɛ din tumaa nɛ.

LAWA A BOO SONBORE 2011

¹⁶ Min mɛnɛn bɛ́ koe bɛa sii kɛ lɛ, là nyantoro laanka Lawa a makara-doɛ̃ die ǹ dɔ bɛn li kun ka Lawa a zaman kaa kun kɛ din tumaa nɛ.

Galaasi minin 6:16 ပူးပေါင်းရင်းမြစ်များ

KZS1 12:18

Davida soo á n da ǹ lɛ, á boo da ǹ nɛ á pɛ: «Bɛ̀ là nyantoro a lɛa nɛ ka daa ma li ka n die n doe ma lɛ, ma á kun ka nɛ ka ma foo tumaa nɛ. Sɛnɛ, bɛ̀ ka n ka daa ka n die ma mìi doe li, ka ma kɔ maa zɔ́ɔn la, a da yaa maán ma sii kɔn dɔ la wa, wɔ digolon Lawa lɛ die a n baa bɛa siére lɛa a dɔlɔ bɔ ka ganaa!»

Loen 73:1

Asaafu a loe. Sonbore, Lawa lɛ á Lawa bǐɛ̃ lɛa Izirayeli nɛnyaanan wɔ paǹ li, ka min mɛnɛn dɔn bɛ́ ǹ gɔ́ɔ̃ n fu.

Izayii 45:25

Min mɛn tumaa bɛ́ Izirayeli tɔrɔ lɛa, ǹ tumaa á re peperebaa yii ma din barka nɛ, ǹ tá re ma tɔ boe.

Zaã a sɛ́wɔ 1:47

Yezu ga Natanayeli ganaa die a li, á tɔ́n pɛ a wɔ gɔn la: «Izirayeli min taãn goon nə́ ke, kɔkɔrɔbaa ná a ba a wɔlɔ li wa.»

Zaã a sɛ́wɔ 14:27

Man là nyantoro koɛ ka li, ma din a là nyantoro ne. Kanaa bɛ́ là nyantoro koe lɔn, masɛ wɔ kɛ bie miɛ̃ wa. Ka yiri baran n lɔlɔkɔn doo wa, ka baran nyɛ́ɛ baa doo wa.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Rɔmu minin 1:7

Ka mɛnɛn tumaa bɛ́ Rɔmu kiwi, Lawa n ka narɛ, á ka bíi á ka baa a din wɔn lɛa, ma á fòo diɛ ka nɛ. Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Rɔmu minin 4:12

Sonbore, Abrahamu n kurii wolen lɛn dɔn díi lɛa. Sɛnɛ, kurii wole kɛ tumaa bie Abrahamu a nɛ lɛa wa. Min mɛnɛn bɛ́ a lɛa, bɛn man ke, golee Lawa li wolen dininsɔɔ̃nɔn, ka wɔ di Abrahamu din bɛ́ á zɛnaa lɔn, bɛ̀ a ná a tɔn nə n kuru wa.

Galaasi minin 1:3

Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Galaasi minin 3:29

Bɛ̀ ka á Krita wɔn lɛa, bɛ n nyɛɛ kəni, mà ka n Abrahamu tɔrɔn dɔn lɛa. Lawa nə n lɛ kɔ la ka bǐɛ̃n mɛnɛn nɛ, ka dɔn tá re bɛn yii, a kɔnpɛ ka Lawa din a lɛ-kɔ kɛ nɛ.

Galaasi minin 5:16

Ka n too kɔ ma lon: Ka tɔ wɔ Yiri Fu gòã wuu li, ka a re gɔ̀nɔn foo siin zɛnɛɛ doo wa.

Galaasi minin 5:25

Yiri Fu bɛ́ á nyin dii kɔ wɔ la, yǎa wɔ toɛ a wɔa giã ǹ gɔn dɔ tele.

Efɛɛzi minin 6:23

Wɔ Di Lawa laanka wɔa Dɛnaa Yezu Krita die ǹ là nyantoro kɔ wɔ dɔɔ̃nɔn lɛn tumaa la, ka kɔn-narɛɛ nɛ, ka goleemali ni.

Filipi minin 3:16

Ta á n baa lɔn, ka daa wɔ n ta nyɛɛnɛ, a kɔnpɛ ka wɔ bɛ́ wɔ́ kɔ zii mɛn lɛ, á dɔ pelo ǹ ganaa.

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Filipi minin 4:7

Là nyantoro mɛn bɛ́ á kiɛ̃ minbuiinin doɛ̃ tumaa la, Lawa á re bɛ koe ka la, á re ka foo laanka ka yiri lɛduĩ Yezu *Krita wɔbaa gɔ́ɔ̃ nɛ.

Piɛrɛ1 1:3

Ka daa wɔ barka da Lawa nɛ, wɔa Dɛnaa Yezu Krita n Di Lawa nɛ! Lawa din a bǐɛ̃baa gole kɛ taman yii, á yiikoonaabaa dii kɔ wɔ la, a n foo-doa sonbore dɔ koe wɔ la. Bɛa foo-doa kɛ lɛ giala n we-n Yezu Krita a yii kaa a bɔ geren bii kɛ ganaa.

Zude 1:2

Lawa die a ka makara dɔ̃ parsiini, a là nyantoro laanka kɔn-narɛɛ gigiã kɔ ka la!