Galaasi minin 6:13 - LAWA A BOO SONBORE

¹³ A giala, ǹ dinin mɛnɛn bɛ́ n kuri, ǹ ba dí-pɛn lɛsii wa. Bɛ din tumaa kio, maǹ zoɛ̃ mà ǹ ka kaa kurii ganaa, màn mɛn bɛ́ toɛ, ǹ nyaǹ mɛn da ka gɔ̀nɔn ganaa, ǹ nə n dinin laakalaa bɛa lɛa.

LAWA A BOO SONBORE 2011

¹³ A giala, ǹ dinin mɛnɛn bɛ́ n kuri, ǹ ba dí-pɛn lɛsii wa. Bɛ din tumaa kio, maǹ zoɛ̃ mà ǹ ka kaa kurii ganaa, màn mɛn bɛ́ toɛ, ǹ nyaǹ mɛn da ka gɔ̀nɔn ganaa, ǹ nə n dinin laakalaa bɛa lɛa.

Galaasi minin 6:13 ပူးပေါင်းရင်းမြစ်များ

Matiə 23:15

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka nə n gɔ̀nɔn diɛ ka dinin ganaa, bɛ̀ ka n bibiə̃ gánan gɔ́ɔ̃ nɛ, mà kasɛn nə min goon dinsɔɔ̃ yɛ ka da Zuifun Lawa a zii ni. Bɛ̀ ka gɔn dɔ a ganaa, ka n wusii ka bɛa dɛnaa baa *Sɛtaan a piɛ min lɛa á la ka dinin manɛ gunyin paa.»

Matiə 23:23

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Ka n Lawa wɔ gii boe ka dù luu buruu bisin tumaa nɛ. Sɛnɛ, Lawa a dí-pɛn lɛn mɛnɛn dinin sii bɛ́ kaka, ka peperebaa á ke lɔn, ka makara bɔ min ganaa laanka bɔlɔgoondɛnaabaa nɛ, ka a bɛn diɛ sii li wa. Bɛ̀ ka doamaa nɛ, ka bɛn lɛn zɛnaa, a ná a ba gialakun kɛ lɛ dɔ sàabiɛ wa.

Matiə 23:3

Bɛ lɛ taman yii, ǹ bɛ́ boo mɛn tumaa pii ka nɛ, ka ǹ bɔlɔ si ka zɛnaa miɛ̃. Sɛnɛ, nyan ka toa ka kɔ ǹ zɛnaa ǹ siin lɛ wa. A giala, ǹ bɛ́ màn mɛn pii, ǹ dinin ba koe bɛ lɛ wa.

Luku 5:38

Sonbore, duvɛ̃ dii n siĩni a n kaa màn dii ni.

Korɛnti1 3:21

Bɛ lɛ nɛ, min kɔ́n doamaa bie a n din koa ka daraa-wɔlen sii ni, a da yaa ǹ dɔn nə́ minbuiinin lɛa wa. A giala, mà ǹ tumaa n kaa wɔ lɛa:

Korɛnti1 5:6

Kaa din-koa kɛ lɛ a siĩn wa! Ka tumaa suusu kɛ ma mà yɔ bù boɛɛn nə toɛ buuru yia tumaa yoo.

Korɛnti2 11:18

Bɛ̀ gialakunun tá n dinin laakalɛɛ ǹ minbuiinbaa ǹ siin lɛa, ma dɔ n die ma din laakalɛɛ.

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Piɛrɛ2 2:19

Maǹ pii bɛa minin kɛn lɛn manɛ, mà ǹ tá re yii-nyɛɛ yii, a da yaa ǹ dinin dɔn man bɛ̀rɛn lɛa lɛ-mui siin gɔn, ǹ mɛnɛn bɛ́ woe ǹ kiɛ gɛ̀ nɛ. A giala, sii mɛn bɛ́ á min kũ á yii ka kaka, ma n bɛa sii lɛ a bɛ̀rɛ lɛa.