Galaasi minin 6:12 - LAWA A BOO SONBORE

¹² Min mɛnɛn bɛ́, minbuiinbaa a din nyaa sii nə́ ǹ ganaa, bɛn lɛn man ke mà yǎa ka n kuri. Sɛnɛ, a zɛnaa miɛ̃ giala n ka kɛ dinsɔɔ̃ nɛ: Zuifun baran bɔ ǹsɛn yii ni, Krita a dere ǹ gɔn kɛ a lɛa wa.

LAWA A BOO SONBORE 2011

¹² Min mɛnɛn bɛ́, minbuiinbaa a din nyaa sii nə́ ǹ ganaa, bɛn lɛn man ke mà yǎa ka n kuri. Sɛnɛ, a zɛnaa miɛ̃ giala n ka kɛ dinsɔɔ̃ nɛ: Zuifun baran bɔ ǹsɛn yii ni, Krita a dere ǹ gɔn kɛ a lɛa wa.

Galaasi minin 6:12 ပူးပေါင်းရင်းမြစ်များ

Matiə 23:27

«Kasɛn landa sii-daraalin laanka Fariziɛ̃ gɔ́ɔ̃ tì-an kɛn, kaa wɔ n ka bɔ̀n nɛ! Gere yalan mɛnɛn lalan bɛ́ fu, ka n goon ka bɛn nɛ. Ǹ tá siĩn yɔrɔ-a, sɛnɛ, ǹ gɔ́ɔ̃ piɛ̃maa-n ka gere wen laanka màn bɔnɛɛ tɔrɔ din tumaa nɛ.

Matiə 23:28

Ka dɔn man miɛ̃. Ka nə n dinin biɛ min sonboren lɛa minin yɔrɔ-a, sɛnɛ, ka gɔ́ɔ̃ piɛ̃maa-n ka sii-duriin laanka sii baraan nɛ.

Matiə 23:5

Ǹ zɛnaa ǹ siin dinin tumaa n din nyaa sii lɛa. Bɛ lɛ na á toa, bɛ̀ ǹ Lawa a boo bǎãn kɔnɔn kiɛ̃, bɛ̀ ǹ kìri dadaran zumu ǹ ganaa a tɔ-a, bɛ̀ ǹ wɔ ǹ mìi-a hinlaa ǹ gɔn ganaa, pàsa mɛn bɛ́ ǹ tá kiɛ ǹ mɔnaa lɛkoron ganaa, bɛn man sɔsɔrɔ taãn-taãnɛ.

Matiə 5:10

Ǹ bɛ́ min mɛnɛn nɔmiɛ peperebaa taman yii, Lawa á re barka diɛ bɛn ganaa, a giala lon a kiibaa lɛ n bɛn wɔ lɛa.

Matiə 6:16

Bɛ̀ ka n lɛ sɔɔ, ka baran n yɔrɔ kɔsɛ ka gɔ́ɔ̃ tì-an kɛn bɛ́ zɛnɛɛ lɔn wa. Maǹ nə́ n yɔrɔ kɔsɛ, mà min din tumaa dɔ̃ mà ǹsɛn man nə́ n lɛ sɔɔ. Masɛ n pii ka nɛ, sonbore ne, ǹ nə́ ǹ saraa yɛ á nya.

Matiə 6:2

Bɛ̀ ka á doobaan goe ka wɔrɔ nɛ, ka baran n dinin nyaa minin yɔrɔ-a buəbuə, ka gɔ́ɔ̃ tì-an bɛ́ zɛnɛɛ Zuifun lɛsɔkɔn kionən laanka zii giala-an nɛ lɔn wa. Maǹ zɛnɛɛ miɛ̃ mà minin nə ǹsɛn laakalaa. Masɛ n pii ka nɛ, sonbore ne, ká kaa saraa yɛ á nya.

Matiə 6:5

Bɛ̀ ka á Lawa nyankoe, ka nyan nə n baa ka gɔ́ɔ̃ tì-an kɛn bɛ́ lɔn wa. Bɛ̀ ǹ tá lɛsɔkɔn kion hinlaa zii giala-a, golee lon a Lawa nyankɔ lɛ n kɔɔ̃nɛ ǹ ganaa. Maǹ giɛ li mà min din tumaa nə ǹsɛn yɛ. Masɛ n pii ka nɛ, sonbore ne, ǹ nə́ ǹ saraa yɛ á nya.

Luku 16:15

Yezu pɛ ǹ nɛ: – Kasɛn, ka n nyɛɛ minin yɔrɔ-a mà ka tá pepere, sɛnɛ, Lawa tá ka foon doɛ̃. Sii mɛn bɛ́ sii gole lɛa minbuiin nɛ yɔrɔ-a, bɛ tìĩ n boe-n Lawa nyin ni.

Luku 20:47

Maǹ Lawa nyan sɔsɔrɔn koe, ǹ nə́ n dinin biɛ min taãnan lɛa minin yɔrɔ-a, a da yaa maǹ mɛnɛɛ lɔ giɔɔrɔn la, ǹ tá ǹ gɔn mànan sii ǹ la. Lawa á die dɔlɔ gole diɛ ǹ mìi ni a la ǹ miãn wɔ nɛ.»

Zaã a sɛ́wɔ 7:18

Bɛ̀ min mɛn tá boo diɛ a din gɔn wìi a lɛa, bɛa dɛnaa n giɛ tɔ li. Sɛnɛ, min mɛn bɛ́ giɛ li mà a dia wole tɔ bɔ, bɛa dɛnaa n sonbore pii, gɔ́ɔ̃ tìbaa ba a lon wa.

Nya ǹ dín 15:1

Min tɛnɛn nə́ bɔ Zudee gána nɛ ǹ nə́ daa Antiɔsi kiwi. Maǹ Lawa-nyankɔlen darɛɛ mà bɛ̀ ǹ nə n dinin kuru á kɔnpɛ ka Muizu a dí-pɛn kɛn nɛ wa, mà ǹ ba boe la ǹ kirisibaa wa.

Nya ǹ dín 15:5

Sɛnɛ, Lawa-nyankɔlen lɛn mɛnɛn nə goã *Fariziɛ̃n lɛa lɛlɛ, bɛn kɔnɔn nə́ n lɛ bũ ǹ nə́ pɛ: «Ka doamaa nɛ ka tɔrɔ kɔsɔn lɛn kuru, ka pɛ ǹ nɛ mà ǹ kɔ Muizu a dí-pɛn lɛn lɛ.»

Korɛnti2 10:12

Min mɛnɛn bɛ́ n dinin piɛ̃ gole koe, masɛ ba n zoɛ̃ kɔn ka bɛn nɛ wa. A giala, ǹ mìi we banban, maǹ nə n zoɛ̃ kɔn ka ǹ dinin ni, ǹ kɔnboe n ka ǹ dinin ni.

Korɛnti2 11:13

Bɛa minin kɛn lɛn ba dia dí-a wole taãnan lɛa wa. Maǹ soɛ boe ka ǹ nya ǹ dí ni, ǹ nə́ n dinin biɛ Krita a dia dí-a wolen lɛa.

Galaasi minin 2:14

Sɛnɛ, má yɛ, máa ǹ ba koe Boo Tii Kɔɔ̃n a sonbore kɛ lɛ pepere wa. Má pɛ Piɛrɛ-n min tumaa yii ni: «N din mɛn bɛ́ Zuifu lɛa, sii zɛnɛɛ ka tɔrɔ kɔsɔn wɔ bɛ́ lɔn, a ná a kɔnpii ka Zuifun landa-n wa, ma n siɛ lɔn, n tɔn boo la n pɛ tɔrɔ kɔsɔn nɛ mà ǹ kɔ Zuifun landan lɛ ka pàã nɛ?»

Galaasi minin 2:3

Haalɛ maa tá kun wole Tiiti mɛn bɛ́ Grɛki lɛa, ǹ bɛ da kurii ganaa dinin wa.

Galaasi minin 5:11

Ma din wɔ paǹ li, dɔɔ̃nɔn lɛn, bɛ̀ ma din lɛ n má pɛ doo, máa kurii á siĩni, wàa na á baa, ǹ tá tɔn boe ma din yii-n dɔn? Bɛ̀ bɛ n taãn lɛa, bɛ̀ ma bɛ́ Krita a dere gɔn ganaa boo mɛn diɛ, bɛ̀ bɛa wusii a min kɔ́n yiri lɔlɔkɔn doo wa.

Galaasi minin 6:13

A giala, ǹ dinin mɛnɛn bɛ́ n kuri, ǹ ba dí-pɛn lɛsii wa. Bɛ din tumaa kio, maǹ zoɛ̃ mà ǹ ka kaa kurii ganaa, màn mɛn bɛ́ toɛ, ǹ nyaǹ mɛn da ka gɔ̀nɔn ganaa, ǹ nə n dinin laakalaa bɛa lɛa.

Filipi minin 1:15

Taãn nɛ, ǹ tɛnɛn tá ǹ bii, ǹ nə́ Krita boo diɛ ka foo a wuu pɛ nɛ, ǹ nə́ giɛ zia li; sɛnɛ, ǹ tɛnɛn dɔn tá Krita boo lɛ diɛ ka taasiɛ sonbore ne.

Filipi minin 2:4

Min kɔ́n baran ga a dinsɔsɔɔ̃ walan ma, sɛnɛ, ka ga min kɔsɔn walan.

Filipi minin 3:18

Má pɛ ka-n gunyin damata, man wusii ma á pii ka-n kanna ka wuu ni: min gigiã tá tɔn nə n dinin kuĩ Krita a gã gɔn la kɛ a zɔ́ɔn lɛa.

Kolɔɔsi minin 2:23

Sonbore, bɛa dí-pɛn kɛn lɛn minin nə́ giɛ ǹ ganaa, ka yiridɛnaabaa ǹ siin manɛ, ǹ dinin zii boen ne, ǹ soɛ bɔ ǹ din gisiĩ siin ni, ka ǹ fuu nyaa ǹ dinin gɔ̀nɔn nɛ siin ni. Là ba bɛa siin kɛn lɛn kɔ́n nɛ wa, maǹ kɔɔ̃n minbuiin nɛ gɔ̀nɔn dinsɔɔ̃ ganaa.