Galaasi minin 5:22 - LAWA A BOO SONBORE

²² Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

LAWA A BOO SONBORE 2011

²² Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Galaasi minin 5:22 ပူးပေါင်းရင်းမြစ်များ

Loen 1:3

A n ka da mɛn bɛ́ ǹ nə́ zumu tà lɛ-a, a na a nɛ koe a biikoo li, a luu a bɛbɛnɛ wa. Bɛa dɛnaa kɛ bɛ́ sii mɛn tumaa zɛnɛɛ, a n bǐɛ̃ koe.

Loen 92:14

A n goɛ̃ zumii-n Dɛnaa Lawa a Kion, a n boe a gole kɔ Lawa a sumu-n.

Boo-laakalaali 7:8

Sii a gɔn nyɔmiɛ̃ á soɛ a giala kɔ nɛ. Sii simaa á soɛ din gole kɔ nɛ.

Zeremii 33:6

Sɛnɛ, ma á re dagòã diɛ ǹ ganaa, ma ǹ kaka kɔ, ma á re là nyantoro taãn-taãn koe ǹ la ka bɔlɔ goondɛnaabaa nɛ.

Ozee 14:8

Min mɛnɛn nə goã giã nɛ a wúlu li, ǹ tá re wusii ǹ daa. Ǹ tá re wusii ǹ *belee kɔsɔ, ǹ tá re buũ koe ka *rezɛ̃ da bɛ́ lɔn, ǹ tá re a boo diɛ ka Liban a duvɛ̃ kɛ bɛ́ lɔn.

Matiə 12:33

«Min nə da doɛ̃ a nɛ li. Da sonbore n nɛ sonbore koe, da baraa dɔ n nɛ baraa koe.

Luku 13:9

Kɔntan á die nɛ koe lɛ̀boe. Bɛ̀ a nɛ kɔ wa, ma tɔn kuru.»

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Zaã a sɛ́wɔ 15:2

Bɛ̀ da gùrù mɛn tá masɛ ganaa, a ná a nɛ koe wa, a n bɛ kuri; bɛ̀ ǹ mɛn tá nɛ koe, a n bɛ karan zɛnɛ a bǐɛ̃ kɔ, màn mɛn bɛ́ toɛ, màn wusoo a mɛ a nɛ kɔ li doo.

Zaã a sɛ́wɔ 15:5

Masɛ n goon ka da kɔ́n nɛ, kasɛn man a gùrùn lɛa. Bɛ̀ min mɛn tá doa-n kɔn ka masɛ nɛ, masɛ dɔ́ n doa-n kɔn ka ǹ dɛnaa nɛ, bɛa dɛnaa á die sii gigiã zɛnɛɛ, a giala, ka a boe la ka sii kɔ́n zɛnaa, bɛ̀ masɛ sii ná a ba a-n wa.

Rɔmu minin 14:17

A giala, *Lawa a kiibaa ǹ sii bie màn-bii laanka màn-mii sii lɛa wa. Sɛnɛ, a n peperebaa sii lɛa, là nyantoro ne, ka nyɛnyɛɛ nɛ, Yiri Fu bɛ́ ǹ mɛnɛn lɛn koe.

Rɔmu minin 15:14

Masɛ dinmaa waa la, máa ka á sii sonbore zɛnɛɛ, haalɛ ta ma yiri kɔ ka la dinin wa. Ka á Lawa dùũ sii doɛ̃, bɛ lɛ taman yii ni, ka á boe la ka á yiri koe kɔn la.

Rɔmu minin 15:3

Sonbore, *Krita dinmaa lɛ bie á ga a dùũ siin li wa. Sɛnɛ, ká a bɛ́ á n kiɛ̃ lɔn: «N sɔ kɔma a wolen sɔ na á dɔ masɛ ganaa.»

Rɔmu minin 15:30

Sɛnɛ, sii goon nə́ ke, má n die a nyankoe ka la taãn-taãnɛ, dɔɔ̃nɔn lɛn. Wɔa Dɛnaa Yezu Krita lɛ tɔ ganaa, ka kɔn-narɛɛ tɔ nɛ, Yiri Fu bɛ́ kɔn-narɛɛ mɛn koe, ka n doa parsiini ka Lawa nyankɔ maa lɛa. Ka Lawa nyankɔ kun ma nɛ,

Rɔmu minin 6:22

Sɛnɛ sisia, Lawa ka si sii baraa la, á ka baa a din a bɛ̀rɛn lɛa. Ka bɛ́ dí mɛn nyɛɛ, bɛa là n ka yoreenbaa nɛ, a giala-nyɔmiɛ n ka nyin nyabaã nɛ.

Rɔmu minin 7:4

Ma dɔɔ̃nɔn lɛn, ka dɔn man miɛ̃. *Krita a gɛ̀ lɛ gɔ́ɔ̃ nɛ, ka dɔn man ká gã dí-pɛn wɔ gɔn la. Sisia, ka ǹ min kɔsɔ wɔn lɛa, min mɛn bɛ́ a yii kaa á n bɔ geren bii. Wɔ ǹ bɛ wɔn lɛa, màn mɛn bɛ́ toɛ, wɔ dí nya Lawa nɛ.

Rɔmu minin 8:5

Min mɛnɛn bɛ́ tɔ we, á kɔnpii ka gɔ̀nɔn foo siin ni, bɛn taasiɛn man doa nɛ ǹ dinin dùũ siin dininsɔɔ̃nɔn ganaa. Sɛnɛ, min mɛnɛn bɛ́ tɔ we á kɔnpii Lawa a Yiri Fu dùũ siin ni, bɛn taasiɛn man doa-n Lawa a Yiri Fu dùũ siin ganaa.

Korɛnti1 13:13

Kanna kəni, sii sɔɔ kɛ na a tan, goleemali ni, foo-doa nɛ, kɔn-narɛɛ nɛ, sɛnɛ, kɔn-narɛɛ n gole ǹ tumaa nɛ.

Galaasi minin 5:13

Kasɛn wɔ paǹ li, ma dɔɔ̃nɔn lɛn, Lawa na á kasɛn bíi mà ka goã ka gɔn wìi a lɛa. Sɛnɛ, ka bɛ́ ka dinin gɔn wìi a lɛa ke, ka nyan taasɛ, mà ka á boe la ka sii tumaa zɛnaa kanna, a kɔnpɛ ka ka gɔ̀nɔn foo siin kɛn nɛ wa. Sɛnɛ, ka n dɔ kɔn lɛ ka kɔn-narɛɛ nɛ.

Efɛɛzi minin 4:23

Yǎa ka min diin biɛ ka foo ne, ka ka yiri ni.

Efɛɛzi minin 5:9

Wɔlɔ fúlu bɛ́ sii mɛn koe, bɛ n ka min bǐɛ̃baa nɛ, peperebaa nɛ, ka sonbore ne.

Filipi minin 1:11

Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.

Kolɔɔsi minin 1:10

Bɛa yɔrɔ kɛ lɛ la, ka á re boe la ka tɔ wɔ, ka Dɛnaa tɔ bɔ, ka á re boe la dɔn ka a dùũ siin zɛnaa biikoo tumaa li. Ka á re bǐɛ̃ tɔrɔ tumaa zɛnɛɛ, kaa dí á re bǐɛ̃ koe, ka á re woe nyɛɛnɛ Lawa doɛ̃ gɔ́ɔ̃ nɛ.

Tesaloniki2 3:2

Ka Lawa nyankɔ wɔa lɛa dɔn, màn mɛn bɛ́ toɛ, wɔ kanbaa min babaraa naarɛn kɛn ganaa; a giala, golee Lawa li ba min tumaa lon wa.

Timote1 3:11

Ǹ lɔn dɔn doamaa nɛ ǹ yii goã guguru. Ǹ baran goã minin tɔ-ziziɛ̃lin lɛa duduu wa. Ǹ goã din-kũlin lɛa, bɔlɔ pepere-pɛlen lɛa sii tumaa gɔ́ɔ̃ nɛ.

Timote1 4:12

N nyan toa min kɔ́n nə n yii puusə kɔ n nɛnyaanbaa kɛ taman yii wa. Sɛnɛ, da ǹ boo ne, tɔ wɔ ǹ gɔn nɛ, kɔn-narɛɛ nɛ, goleemali laanka *yoreenbaa nɛ, toa n goã bɛn yɔrɔ-nyaali lɛa golee Lawa li wolen manɛ.

Piɛrɛ1 1:22

Kasɛn mɛnɛn bɛ́ ka lɛ kɔ Lawa a sonbore boo kɛ ganaa, ka yoreen kɔ ka bɛ nɛ, sisia kəni, ka á boe la sonbore, ka ka dɔɔ̃nɔn narɛ. Ka kɔn narɛ taãn-taãn ka ka foo din tumaa nɛ.

Piɛrɛ1 1:8

A laan ka bini Krita yɛ ka yii-n wa, ka n narɛ; a laan ka yii ba a ganaa kanna dɔn dinin wa, ka n golee-n li. Bɛ lɛ tɔ ganaa, nyɛnyɛɛ tá ka lon, á n guguru, lɛ dɔ ná a pii doɛ̃ wa,

Piɛrɛ1 5:12

Boo nɛ paa ke má n die diɛ ka la, Silaasi na á n dɔ ma lɛ, á ǹ kiɛ̃, Silaasi mɛn bɛ́, man kuĩ ma dɔɔ̃n Lawa-nyankɔle bɔlɔgoondɛnaa lɛa. Man sɛ́wɔ kɛ diɛ ma á ka foo taɛ̃. Man maa siérebaa ǹ boo kɛ pii ka nɛ, máa Lawa a bǐɛ̃baa kɛ n sonbore lɛa, máa ka goã bɛ lɛ gɔ́ɔ̃ nɛ.