Galaasi minin 5:17 - LAWA A BOO SONBORE

¹⁷ A giala, gɔ̀nɔn foo siin man yɔ boe kɔn ka Yiri Fu wɔn nɛ. Yiri Fu dɔ wɔn man yɔ boe kɔn ka gɔ̀nɔn wɔn nɛ. Zɔ́ɔbaa nə ǹ bii ni. Bɛ lɛ na a toa ka á ka dinin foo sii zɛnɛɛ wa.

LAWA A BOO SONBORE 2011

¹⁷ A giala, gɔ̀nɔn foo siin man yɔ boe kɔn ka Yiri Fu wɔn nɛ. Yiri Fu dɔ wɔn man yɔ boe kɔn ka gɔ̀nɔn wɔn nɛ. Zɔ́ɔbaa nə ǹ bii ni. Bɛ lɛ na a toa ka á ka dinin foo sii zɛnɛɛ wa.

Galaasi minin 5:17 ပူးပေါင်းရင်းမြစ်များ

Siin Giala 6:3

Dɛnaa tɔ́n pɛ kɛnɛn: «Ma fɔfoã mɛn kɔ minbuiin nɛ la, ma a re lɛ koe, bɛ goã a nɛ yǎa duduu wa. A bɛ́ gɔ̀nɔn siĩ gɛ̀-wɔle lɛa, a die kiɛ̃ lɛ̀ paabiɛ ka fuə (120) la kanaa doo wa.»

Loen 119:133

Ma foo taã ka n lɛ kɔ ǹ boon kɛn nɛ, n nyan toa sii baraa kɔn boo ma la wa.

Loen 119:159

Dɛnaa Lawa, ma bɛ́ n doree boon kɛn narɛ lɔn, n din ga bɛ ganaa. N din a kɔn-narɛɛ gole lɛ taman yii, toa ma yii goã koo.

Loen 119:176

Ma nə n binbirin boe ka sère papaã wole bɛ́ lɔn. Masɛ nə n bɛ̀rɛgiĩ lɛa, ma basa bɔ, n ga ma li, a giala, ma yiri a boe ka n dí-pɛn kɛn nɛ wa.

Loen 119:20

N sii yɔrɔ bɔ ǹ boon kɛn doɛ̃ n kɔɔ̃n ma ganaa. Biikoo tumaa li, ǹ sii n ma kuĩ tɛ lɛa.

Loen 119:32

Man baa sii n dí-pɛn kɛn kio, a giala ń ma yiri bũ.

Loen 119:35

Ma da n dí-pɛn kɛn zii la. A giala, bɛ lɛ n kɔɔ̃n ma ganaa.

Loen 119:40

Sonbore, n minin doroo ǹ boon lɛn tá kɔɔ̃n ma ganaa. N din a peperebaa gɔ́ɔ̃ nɛ, yiikoonaabaa kɔ ma la.

Loen 130:3

Bɛ̀ ma n wɔ kuĩ wɔa sã ǹ siin kɛn li, Dɛnaa Lawa, die n boe la a la?

Loen 65:3

a giala, mà n tá minin nyankɔ lɛ sii. Minbuiinin tumaa n die n din li

Boo-laakalaali 7:20

Taãn nɛ, min pepere goon ba kanaa kɛ gɔ́ɔ̃ nɛ, sii bǐɛ̃ zɛnɛɛ, a ná a ba sii baraa dɔ zɛnɛɛ wa.

Izayii 6:5

Má tɔ́n pɛ kəni: «Koe bɔ ma ganaa! Maa wɔ nya lenlen! A giala, man gɔ̀dɛnaa lɛa, ma bɛ́ giã-n tɔrɔn mɛnɛn dɔn bii, bɛn dɔn man gɔ̀dɛnan lɛa. A giala ma yii Kii gole yɛ, Dɛnaa Lawa Pàãyiidɛnaa lɛ!»

Matiə 12:30

«Min mɛn bɛ́ a ba masɛ a dàã lɛa wa, bɛ n masɛ a zɔ́ɔ lɛa. Bɛ̀ min mɛn ba n doe masɛ lɛ a minin lɛ sɔkɔn wa, bɛa dɛnaa nə ǹ sasawɛɛ.

Matiə 16:17

Yezu tɔ́n pɛ a dɔ nɛ: – Zonaasi a nɛgiĩ Simɔn ganaa, n wɔ na á bǐɛ̃ kɔ. A giala minbuiin nɛ bie á kɛ nyaa n nɛ wa, ma Di Lawa na á nyaa n nɛ.

Matiə 16:23

Yezu tɔ́n nə n bɔyaa á pɛ Piɛrɛ nɛ: «N *Sɛtaan kɛ nə n tan n nə n bɔ masɛ kio! Masɛ sã ǹ gɔn nə ke n tá giɛ li. A giala, n taasiɛ laanka Lawa wɔ a goon wa, minbuiinin taasiɛ nə n lon.»

Matiə 26:41

Ka n yii toa koo, ka Lawa nyankɔ, màn mɛn bɛ́ toɛ, ka baran mɛnaa damagɔ́ɔ̃ li ǹ sii-n wa. Sii sonbore zɛnaa ǹ foo tá minbuiin nɛ lon, sɛnɛ, a zɛnaa ǹ pàã na a ba a lon wa.

Matiə 5:6

Min mɛnɛn bɛ́ peperebaa boro laanka bòo nə́ ǹ ganaa Lawa á re barka diɛ bɛa dɛnan ganaa, a giala Lawa á die toɛ ǹ kã.

Luku 22:33

Piɛrɛ mà a ganaa: «Dɛnaa, masɛ bii yiimaa-n kunun n ni, ta ma wo kòso-n kunun n ni hinlaa ma gã kunun n ni.»

Luku 22:46

Á pɛ ǹ nɛ: «Wàa na á baa ka á nyuù we? Ka yoo ka Lawa nyankɔ, màn mɛn bɛ́ toɛ, ka nyan mɛnaa damagɔ́ɔ̃li ǹ sii-n wa.»

Zaã a sɛ́wɔ 3:6

Bɛ̀ min mɛn yɛ gɔ̀nɔn siĩn la, bɛa dɛnaa n gɔ̀nɔn siĩn lɛa. Bɛ̀ min mɛn dɔ yɛ ka Yiri Fu pàã nɛ, bɛ n yiri màn lɛa.

Rɔmu minin 8:13

Bɛ̀ ka á tɔ we á kɔnpii ka gɔ̀nɔn foo siin ni, ka á re giɛ̃. Sɛnɛ, Lawa Yiri barka nɛ, bɛ̀ ka gɔ̀nɔn foo siin kɛn zɛnaa toa walan ka lenlen, ka á re yiikoonaabaa yii.

Galaasi minin 3:21

Dí-pɛn lɛn man zia biɛ kɔn ka Lawa a lɛ-kɔ kɛ-n kəni? Haayii, ǹ ba zia biɛ kɔn wa! Sonbore, dí-pɛn nə́ n kɔ. Bɛ̀ pàã nə ǹ lon ǹ nə́ nyin nyabaã koe minbuiinin la, bɛ̀ min tá boe la, a pepere kɔ Lawa yɔrɔ-a ǹ pàã ganaa.

Zaaki 3:2

Wɔ tumaa á siɛ̃ yɔrɔ gigiã la. Min mɛn bɛ́ a siɛ̃ a da ǹ boo gɔ́ɔ̃-n wa, bɛa dɛnaa a minbuiinbaa lɛ na á pã, á boe la a n din kũ ka sii tumaa nɛ.