Galaasi minin 5:13 - LAWA A BOO SONBORE

¹³ Kasɛn wɔ paǹ li, ma dɔɔ̃nɔn lɛn, Lawa na á kasɛn bíi mà ka goã ka gɔn wìi a lɛa. Sɛnɛ, ka bɛ́ ka dinin gɔn wìi a lɛa ke, ka nyan taasɛ, mà ka á boe la ka sii tumaa zɛnaa kanna, a kɔnpɛ ka ka gɔ̀nɔn foo siin kɛn nɛ wa. Sɛnɛ, ka n dɔ kɔn lɛ ka kɔn-narɛɛ nɛ.

LAWA A BOO SONBORE 2011

¹³ Kasɛn wɔ paǹ li, ma dɔɔ̃nɔn lɛn, Lawa na á kasɛn bíi mà ka goã ka gɔn wìi a lɛa. Sɛnɛ, ka bɛ́ ka dinin gɔn wìi a lɛa ke, ka nyan taasɛ, mà ka á boe la ka sii tumaa zɛnaa kanna, a kɔnpɛ ka ka gɔ̀nɔn foo siin kɛn nɛ wa. Sɛnɛ, ka n dɔ kɔn lɛ ka kɔn-narɛɛ nɛ.

Galaasi minin 5:13 ပူးပေါင်းရင်းမြစ်များ

Izayii 61:1

Dɛnaa Lawa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ. Min mɛnɛn bɛ́ nɔmaa nɛ, mà ma wo bɛn foo basã. Ǹ min mɛnɛn goa ǹ nə́ woo ǹ ne, mà ma wo pɛ bɛn manɛ, mà ǹ tá re ǹ kiɛ. Min mɛnɛn bɛ́ kòso ne, ǹ tá re bɛn sii ǹ nə ǹ kaa.

Luku 4:18

Dɛnaa Yiri n ma la. Hiĩ, a na á ma bɔ á ma koa, mà ma boo tii kɔɔ̃n pɛ doobaan manɛ,

Nya ǹ dín 20:35

Sii din tumaa gɔ́ɔ̃ nɛ, má nyaa ka nɛ máa min nə siĩni a nɔmaa miɛ̃, a tɔn nə n dɔ doobaan lɛ, bɛ̀ a yiri n Yezu din a boo kɛ nɛ: «Nyɛnyɛɛ tá màn kɔ min la nɛ á la min a màn kɔmala nɛ.»

Korɛnti1 8:9

Sɛnɛ, ka n yiri kɔ, bɛa tá ma din gɔn wìi a lɛa kɛ lɛ, a nyan goleemali boɛɛndɛnan kaa sii baraa-n wa.

Korɛnti1 9:19

Hiĩ, man ma din gɔn wìi a lɛa, ma a min kɔn a bɛ̀rɛ lɛa wa. Sɛnɛ, má n din baa min tumaa a bɛ̀rɛ lɛa, màn mɛn bɛ́ toɛ, ma min gigiã yɛ.

Korɛnti2 12:15

Man boe ma din ni, má n ma gɔn màn tumaa koe ka la, ka ma din tumumaa dɔ nɛ. Bɛ̀ má màn da ka narɛɛ li, ka á re nyaabiɛ ma narɛɛ ganaa?

Korɛnti2 2:8

Bɛ lɛ a lɛa, masɛ bɛ́ màn mɛn li, man máa ka sii zɛnaa a wɔ paǹ li, màn mɛn bɛ́ toɛ, a dɔ̃ ma ka tá asɛ narɛ.

Korɛnti2 3:17

Bɛ má pɛ máa Dɛnaa, bɛ giala mà Yiri Fu. Bɛ̀ Dɛnaa a Yiri Fu tá bǎã mɛn nɛ, tá ma din gɔn wìi a lɛa dɔ n goɛ̃ walan.

Korɛnti2 4:5

Sonbore, bɛ̀ ma á boo laakalɛɛ, ma bie ma din boo diɛ wa: Yezu Krita mɛn bɛ́ Dɛnaa lɛa, man bɛ boo diɛ ka nɛ. Masɛ n kaa dí-nyali dinsɔɔ̃ lɛa Yezu taman yii.

Galaasi minin 2:4

A laan wɔ dɔɔ̃n gɔ́ɔ̃ tìtì-an nə́ n lɔlɔkɔn ka wɔ nɛ, ǹ nə́ zɔɔ̃ mà yǎa ǹsɛn nə kuri. Wɔa tá wɔ dinin gɔn wìi a lɛa mɛn bɛ́ boe Yezu *Krita li ke, bɛa minin kɛn lɛn man nə́ wɔ wɔ bii, ǹ nə́ giɛ bɛ giala li, maǹ giɛ li ǹ bɛ giala dɔ̃. Maǹ giɛ li mà ǹ wɔ bɔyaa ǹ wɔ baa Landa a bɛ̀rɛn lɛa doo.

Galaasi minin 4:22

Sonbore, a n kiɛ̃ nɛ Lawa a sɛ́wɔ nɛ, mà Abrahamu a nɛ n paa. Ǹ goon na á yɛ a bɛ̀rɛlɔ Agaara la, ǹ goon dɔ́ yɛ a lɔ wɔsiɛ Saaraa la.

Galaasi minin 5:1

*Krita na á wɔ si bɛ̀rɛbaa la, mà wɔ goã wɔ gɔn wìi a lɛa taãn-taãnɛ. Ka toa ka goã doa-n sɔnbɔraanɛ bɛa tá ma din gɔn wìi a lɛa kɛ lɛ gɔ́ɔ̃ nɛ. Ka nyan toa, ka wusoo ka ka dinin kɔ bɛ̀rɛbaa la doo wa.

Galaasi minin 5:14

A giala, dí-pɛ tumumaa lɛ n piɛ̃ ka boo goon toto kɛ nɛ: «Ǹ miã kɔsɔ narɛ ka n bɛ́ n din narɛ lɔn.»

Galaasi minin 5:22

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Galaasi minin 6:2

Ka n dɔ kɔn lɛ, ka kɔn a guĩ gũ. Bɛ̀ ka á zɛnɛɛ miɛ̃, ka ǹ *Krita a dí-pɛn lɛ sii.

Efɛɛzi minin 5:21

Kasɛn mɛnɛn bɛ́ nyɛ́ɛ biɛ Krita nɛ, ka kɔn lɛ si.

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Piɛrɛ1 2:16

Ka ǹ ka dinin gɔn wìi a lɛa, sɛnɛ, ka baran taasɛ mà ka bɛ́ ka dinin gɔn wìi a lɛa ke, mà ka á boe la ka sii baraa zɛnaa, bɛ̀ a ná a ba n doɛ̃ wa. Ka tɔ wɔ ka n pɛ mà ka ǹ Lawa a bɛ̀rɛn lɛa.

Piɛrɛ2 2:19

Maǹ pii bɛa minin kɛn lɛn manɛ, mà ǹ tá re yii-nyɛɛ yii, a da yaa ǹ dinin dɔn man bɛ̀rɛn lɛa lɛ-mui siin gɔn, ǹ mɛnɛn bɛ́ woe ǹ kiɛ gɛ̀ nɛ. A giala, sii mɛn bɛ́ á min kũ á yii ka kaka, ma n bɛa sii lɛ a bɛ̀rɛ lɛa.

Zude 1:4

Sonbore, min baraan kɔnɔn nə́ wɔ ka bii ka durii ni, ǹ nə́ wɔa Lawa a bǐɛ̃baa ǹ boo kɛ kɔkɔrɛ, ǹ nə́ sonbore koe ǹ dinin la, ǹ naarɛbaa siin kɛn zɛnaa gɔ́ɔ̃ nɛ. Maǹ nə́ n piɛ̃ ka wɔ Mìinaa laanka wɔa Dɛnaa Yezu Krita dɔ nɛ. Bɛa minin kɛn lɛn, ǹ dɔlɔ bɔ ma ganaa boo nə́ n da haalɛ bibi.