Galaasi minin 5:10 - LAWA A BOO SONBORE

¹⁰ A laanka bɛ tumaa nɛ, ma foo á doa-n Dɛnaa ganaa kaa wɔ paǹ li. Ma á doɛ̃, máa ka a re zii kɔsɔ siɛ wa. Sɛnɛ, min mɛn bɛ́ ka yiri lɔlɛkɔn, ta ǹ dɛnaa n màn mɛn lɛa, Lawa á re dɔlɔ boe a ganaa.

LAWA A BOO SONBORE 2011

¹⁰ A laanka bɛ tumaa nɛ, ma foo á doa-n Dɛnaa ganaa kaa wɔ paǹ li. Ma á doɛ̃, máa ka a re zii kɔsɔ siɛ wa. Sɛnɛ, min mɛn bɛ́ ka yiri lɔlɛkɔn, ta ǹ dɛnaa n màn mɛn lɛa, Lawa á re dɔlɔ boe a ganaa.

Galaasi minin 5:10 ပူးပေါင်းရင်းမြစ်များ

Nya ǹ dín 15:24

«Wɔ́ ma mà minin kɔnɔn nə́ bɔ wɔ li ǹ nə́ daa ka yiri lɔlɔkɔn ka ǹ daraan nɛ. Wɔsɛn nə ǹ dia wa.

Korɛnti1 5:5

ka bɛa dɛnaa kɛ lɛ kɔ *Sɛtaan la, a na a gɔ̀nɔn siĩ ziziɛ̃, ń giɛ a telenboen tá kirisibiɛ Dɛnaa a lɛawaa pinaa.

Korɛnti2 1:15

Man má n foo doa ka ganaa taãn-taãnɛ. Bɛ lɛ-n má tɔ́n lɛ kɔ, máa bɛ̀ ma á woe Masedoanɛ gána nɛ, máa ma á re boe ka li, bɛ̀ má n bɔyaa doo, ma da golee ka li. Bɛ̀ a na á n baa miɛ̃, bɛ̀ a n die foo kɔɔ̃n kɔ biɛ ka ganaa gunyin paa. Ka bɛ nɛ, bɛ̀ ka n die n doe ma lɛ, ka maa Zudee zii tɔ-wɔ kɛ nɛ.

Korɛnti2 10:2

Bɛ̀ má daa ka li, ka nyan ma da kakaarɛbaa ǹ sii zɛnaa ganaa ka pàã-n wa. A giala, min mɛnɛn bɛ́ taasɛ, mà man maa siin zɛnɛɛ kanaa sii dinsɔɔ̃ a lɛa, ma á boe la ma kakaarɛbaa ǹ sii zɛnaa ǹ nɛ doɛ̃.

Korɛnti2 10:6

Bɛ̀ ká boo-sili peperen baa lɔn, man dɔlɔ boe boo-sili baãnaan tumaa ganaa gɔrɔ.

Korɛnti2 13:10

Bɛ lɛ n toɛ, ma bɛ́ tɔn sɔsɔɔ ka ganaa, ma á siɛ lɛlɛ má n sɛ́wɔ kɛ diɛ ka la, ń giɛ bɛ̀ má daa ka li biikoo mɛn li, ma nyan sii zɛnaa ka-n ka baraabaa-n wa. Dɛnaa pàã mɛn kɔ ma la, a bie á kɔ ma la, mà ma dɔlɔ bɔ-n ka ganaa wa, sɛnɛ, mà a pàã kɔ ka la.

Korɛnti2 2:3

Bɛ lɛ na á toa, má sɛ́wɔ lɛ dia ka la, ka ma bɛ́ má zɛnaa lɔn. Man ma ba li máa bɛ̀ má dɔ kaa piɛ, min mɛnɛn doamaa bɛ́ ǹ ma foo kɔɔ̃n kɔ, bɛn nə ma foo-ziziɛ̃lin baa wa. Má golee li taãnɛ, máa bɛ̀ má foo kɔɔ̃nbaa yɛ, ka dɔn tumaa a foo kɔɔ̃nbaa nɛ.

Korɛnti2 2:6

Kaa min gigiã bɛ́ á dɔlɔ bɔ bɛa min lɛ ganaa, bɛ́ á boe.

Korɛnti2 5:16

Bɛ lɛ nɛ, ma bie min kɔ́n doɛ̃ doo minbuiinbaa ǹ yɔrɔ kɛ la wa. Haalɛ ta má Krita dɔ̃ minbuiinbaa ǹ yɔrɔ la lɛlɛ, kanna, ma bie doɛ̃ bɛa yɔrɔ kɛ la doo wa.

Korɛnti2 7:16

Ma nə n nyɛnyɛɛ parsiini, a giala, ma á boe la man foo doa ka ganaa sii tumaa gɔ́ɔ̃ nɛ.

Korɛnti2 8:22

Ma dɔɔ̃n kɔsɔ dɔ á ke, ma á diɛ kunun ǹ ni. Biikoo gigiã li, má a sii gɔsɛ, á n din nyaa din kɔ sii ganaa wole lɛa biikoo tumaa li. Sɛnɛ kanna, a din kɔ sii ganaa la lɛlɛ wɔ nɛ, a giala, á waa ka la parsiini.

Galaasi minin 1:7

Sonbore, a bie ka Boo Tii Kɔɔ̃n kɔsɔ na a tan wa. Sɛnɛ, man pii ka-n miɛ̃, a giala, minin tan, ǹ nə́ ka yiri lɔlɛkɔn. Boo Tii Kɔɔ̃n mɛn nə n da Krita wɔ paǹ li, maǹ zoɛ̃ mà ǹ bɛ bɔyaa.

Galaasi minin 2:4

A laan wɔ dɔɔ̃n gɔ́ɔ̃ tìtì-an nə́ n lɔlɔkɔn ka wɔ nɛ, ǹ nə́ zɔɔ̃ mà yǎa ǹsɛn nə kuri. Wɔa tá wɔ dinin gɔn wìi a lɛa mɛn bɛ́ boe Yezu *Krita li ke, bɛa minin kɛn lɛn man nə́ wɔ wɔ bii, ǹ nə́ giɛ bɛ giala li, maǹ giɛ li ǹ bɛ giala dɔ̃. Maǹ giɛ li mà ǹ wɔ bɔyaa ǹ wɔ baa Landa a bɛ̀rɛn lɛa doo.

Galaasi minin 2:6

Sɛnɛ, ǹsɛn mɛnɛn nə goã nyɛɛnaandɛnan lɛa, ǹ yiri dii kɔ́n da masɛ yiri li wa. Ǹ bɛ́ ǹ nə́ goã màn mɛn lɛa, bɛ kaa masɛ a sii li wa. A giala, Lawa a bɔǹbii-a we wa.

Galaasi minin 3:1

Galaasi yiriwɛɛnaan lɛn! Die na á kɔnkoãbaa zɛnaa ka nɛ? A da yaa, ǹ nə́ Yezu *Krita a dere gɔn ganaa boo kɛ da ka yii-n foaãnɛ.

Galaasi minin 4:11

Nyɛ́ɛ tá ma ganaa kaa wɔ paǹ li. Masɛ dí mɛn tumaa nya ka nɛ, bɛ n die goɛ̃ kooro?

Galaasi minin 4:17

Minin tá n là kakaɛ̃ ka li, sɛnɛ, kaa bǐɛ̃ kɔ a lɛa bie wa. Maǹ giɛ li mà ǹ ka na kɔn ka masɛ nɛ, ń giɛ ka á n là kakaɛ̃ ǹsɛn dinin li.

Galaasi minin 4:20

Bɛ̀ man ka li biikoo kɛ gɔ́ɔ̃ nɛ, ma boo la ma boo da ka-n ka yɔrɔ kɔsɔ nɛ, a n kɔɔ̃n ma ganaa. A giala, kaa sii á gɔ́ɔ̃-bii diɛ ma ganaa.

Galaasi minin 5:12

Bɛ̀ masɛ wɔ a lɛa nɛ, min mɛnɛn bɛ́ ka yiri lɔlɛkɔn, bɛn nə ǹ dí-pɛ siin lɛn zɛnaa ǹ wo nyɛɛnɛ, ǹ nə ǹ giĩbaa dɔ din bɔ duduu.

Galaasi minin 5:7

Ka a giala kɔ doɛ̃ sɔnbɔraanɛ! Sɛnɛ, die na á ka kurəə mà ka nyan sonbore boo lɛ si doo wa?

Galaasi minin 6:17

Kɛ kio, kɛ nyɛɛnɛ, min kɔ́n nyan nɔmaa ǹ sii zɛnaa ma-n doo wa. A giala, nyaǹan mɛnɛn bɛ́ ma gɔ̀nɔn ganaa, bɛn man nyɛɛ mà Yezu a bɛ̀rɛ n ka ma nɛ.

Filipi minin 3:15

Wɔsɛn mɛnɛn tumaa bɛ́ wɔ́ woo nyɛɛn goleemali gɔ́ɔ̃ nɛ, ka toa wɔa taasiɛ goã bɛa yɔrɔ goon kɛ la. Sɛnɛ, ta min tɛnɛn tá ka bii, ǹ nə́ n taasɛ ka yɔrɔ kɔsɔ nɛ, Lawa á re wɔlɔ fúlu kiɛ ka ganaa bɛn sii taman yii.

Tesaloniki2 3:4

Wɔ́ foo tãbaa yɛ Dɛnaa li kasɛn wɔ gɔn la; a giala, wɔ bɛ́ pii ka nɛ wáa ka sii mɛn zɛnaa, ka n bɛ zɛnɛɛ, a din lɛ-n kaa tɔn a gialaa zɛnɛɛ.

Timote1 1:20

Imenee laanka Alɛksandrə tá kunun ǹ ni. Má bɛn kɔ *Sɛtaan la, màn mɛn bɛ́ toɛ, ǹ dɔ̃, ǹ baran Lawa tɔ ziziɛ̃ wa.

Filemɔn 1:21

Ma bɛ́ sɛ́wɔ kɛ kiɛ̃, ma á waa-n la taãn-taãnɛ, máa ma bɛ́ n nyankoe ka sii mɛn nɛ, máa n tá re bɛ zɛnɛɛ ma nɛ. Ma á doɛ̃ dinin máa n tá re zɛnɛɛ, a kiɛ̃ maa taasiɛ la.