Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Galaasi minin 4:9 - LAWA A BOO SONBORE

9 Sɛnɛ kanna, ká Lawa dɔ̃. A taãnbaa din li Lawa na á kasɛn dɔ̃. Kanaa màn pàãwɛɛnan kɛn, là goon ná a ba ǹ ganaa wa, ka ǹ li ka goã bɛn bɛ̀rɛn lɛa doo?

အခန်းကိုကြည့်ပါ။ ကော်ပီ

LAWA A BOO SONBORE 2011

9 Sɛnɛ kanna, ká Lawa dɔ̃. A taãnbaa din li Lawa na á kasɛn dɔ̃. Kanaa màn pàãwɛɛnan kɛn, là goon ná a ba ǹ ganaa wa, ka ǹ li ka goã bɛn bɛ̀rɛn lɛa doo?

အခန်းကိုကြည့်ပါ။ ကော်ပီ




Galaasi minin 4:9
30 ပူးပေါင်းရင်းမြစ်များ  

a bɛ́ re màn mɛn tumaa nyankoe n la, n too kɔ a lon n giã ǹ bǎã lɛ nɛ, n bɛ kɔ la. Màn mɛn bɛ́ toɛ kanaa a tɔrɔn tumaa dɔ̃, ǹ nə n guguru kɔ, ka n zaman Izirayeli minin bɛ́ zɛnɛɛ lɔn. Ka bɛ dɔ nɛ, ǹ dɔ̃ mà kion ke masɛ dɔ, mà n din tɔ n la.


A giala, Dɛnaa Lawa n giɛ min sonboren walan, sɛnɛ, min baraan wɔ n ka bɔ̀n nɛ.


Dɛnaa Lawa, n din die n fuu-yɛle a duru ǹ bǎã baa. Nɔmaa biikoo li, a n duru n din li.


Dɛnaa tɔ́n pɛ Muizu ni: «N boo mɛn da sisia ke, ma á re bɛ lɛ dɔ zɛnɛɛ. A giala, ma á doɛ̃ taãn-taãnɛ, máa n kɔɔ̃n kɔ ma ganaa.»


Bɛ̀ n bɛ tumaa zɛnaa, n tá re nyɛɛbaa Lawa-n giala miɛ, n tá re Lawa doɛ̃.


Min kɔn ba re ǹ miã hinlaa ǹ dɔɔ̃n darɛɛ a pɛ-n kɛnɛn wa: «Ka n daraa Dɛnaa Lawa doɛ̃ ganaa!» A giala, min tumaa á re ma doɛ̃. A kũ nɛnyaanan ganaa, a wo min zizin yaa. Ma á re ǹ sãn toɛ ǹ nɛ, ma yiri bɔ ka ǹ sii baraan nɛ. Dɛnaa Lawa a da ǹ boo ne.


Sonbore, min tumaa á re Dɛnaa Lawa a gugurubaa doɛ̃. Á re tán piɛ̃ ka yìsi mu gole bɛ́ lɔn.


Maa Díi Lawa na á màn din tumaa sii toa ma gɔn. Min kɔ́n ba Nɛgiĩ doɛ̃ wa, bɛ̀ á n bɔ Díi dinsɔɔ̃ nɛ, min kɔ́n ba Díi doɛ̃ wa, bɛ̀ á n bɔ a Nɛgiĩ lɛ dinsɔɔ̃ laanka Nɛgiĩ lɛ bɛ́ li a nyaa min mɛn nɛ.


Sonbore, duvɛ̃ dii n siĩni a n kaa màn dii ni.


Masɛ n sèren-lɛduə̃li sonbore lɛa. Maa Díi bɛ́ ma doɛ̃ lɔn ke, masɛ dɔ bɛ́ maa Díi doɛ̃ lɔn ke, min mɛnɛn bɛ́ masɛ wɔn lɛa, masɛ dɔ n bɛn lɛn doɛ̃ miɛ̃, ǹ dɔn man masɛ doɛ̃ miɛ̃, ka sèren-lɛduə̃li bɛ́ a sèren doɛ̃ lɔn, ka sèren dɔn bɛ́ ǹ lɛduə̃li doɛ̃ lɔn. Ma nə n din koe bɛn lɛn lɛa.


Maa sèren lɛn tá ma bɔlɔ miɛ. Ma tá ǹ doɛ̃, ǹ tá koe ma lɛ.


Nyin nyabaã lɛ n ke, ǹ nə n din lɛ dɔ̃, Lawa taãn goon toto lɛa, n masɛ Yezu *Krita mɛn dɔ dia, ǹ ma dɔ dɔ̃.


A giala, Lawa din bɛ́ á saa lɛlɛ á min mɛnɛn bɔ, a din na á bɛn kaa ǹ gɔrɔn. A na á ǹ baa a Nɛgiĩ a kɔnboen lɛa, ǹ nə́ ǹ diɛ̃n lɛa, màn mɛn bɛ́ toɛ, Nɛgiĩ lɛ goã gole ǹ bii.


Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.


Sisia, wɔ yii n màn yii nuùnaà nɛ kooro ka damalon wɔ bɛ́ lɔn, sɛnɛ ǹ kɔ́n pinaa, wɔ á re goɛ̃ kɔn yɔrɔ-a dəndəənəə ne. Sisia maa màn-doɛ̃ lɛ lɛ a piɛ̃-n wa, sɛnɛ, ǹ kɔ́n pinaa maa màn-doɛ̃ lɛ lɛ á re piɛ̃ ka Lawa bɛ́ ma doɛ̃ lɔn.


Ka toa ka wusoo ka sii giala ma, ka sii baraa zɛnaa lɛ da. A n kaa sìi boo lɛa ma á diɛ ka nɛ: Ka tɛnɛn ba Lawa doɛ̃ wa.


Sɛnɛ, bɛ̀ min tá Lawa narɛ, Lawa tá ǹ dɛnaa doɛ̃.


Ka ǹ lɛ koe mà ǹ ka lɛduə̃ ka bɛ̀rɛn bɛ́ lɔn, ǹ ka bebere ǹ ka gɔn mànan si ka la, ǹ ka yiri sã, ǹ ga ka ganaa màn bɔnboɛɛnɛn lɛa, ǹ ka dɛ ka yɔrɔ-a.


Lawa mɛn bɛ́ á pɛ mà wɔlɔ fúlu yɛ wɔlɔ tì bii, a din na á toa wɔlɔ fúlu tɛ pɛ ma dɔ foo ne. Lawa a gugurubaa mɛn bɛ́ tɛ pii Yezu Krita yɔrɔ nɛ, a n mà minin nə boo la ǹ bɛ dɔ̃.


Ka ǹ yiriwɛɛnaan lɛa miɛ̃ ya? Ka ǹ ká a giala kɔ ka Lawa a Yiri Fu ni. Ka n zoɛ̃ mà ka a giala-nyɔmɔɔ kanna ka ka dinin gɔ̀nɔn foo sii ni?


Wɔsɛn dɔn man wɔ́ goã miɛ̃ ka nɛnyaanan bɛ́ lɔn. Wɔ n wɔ́ goã kanaa a màn pàãdɛnan kɛn gɔn, wɔ nə́ ǹ bɛ̀rɛn lɛa.


Wɔa Dɛnaa Yezu Krita a Lawa, Díi mɛn bɛ́ gugurubaa ná a wɔ lɛa, bɛ die a Yiri Fu kɔ ka la, bɛ Lawa nyaa ka nɛ, ka boo la ka dɔ̃ taãnɛ.


Sɛnɛ, Lawa din kion giala mɛn daa, bɛ lɛ n goɛ̃. Boon kɛn man kiɛ̃ nɛ a ganaa gɔn bǎã lɛa kɛnɛn: «Dɛnaa din tá a wɔn doɛ̃.» Á n pɛ dɔn: «Min mɛn tumaa bɛ́ mà asɛ n Dɛnaa wɔ lɛa, bɛ nə n bɔ sii baraa wɔlɔ li.»


Bɛa yɔrɔ kɛ la, sii zɛnaa ǹ gɔn zizi kɛ nya, a giala, pàã goã a-n wa, là dɔ goã a ganaa wa.


Sonbore, min mɛnɛn bɛ́ ǹ nə́ n si kanaa a sii gɔgɔrɛ zɛnaan kɛn la, wɔa Dɛnaa laanka wɔ Nyin-sili Yezu *Krita kɛ a doɛ̃ barka nɛ, bɛ̀ bɛn nə́ toa bɛa siin kɛn lɛn nə́ boo ǹ la, ǹ nə́ ǹ kũ doo, bɛn sisiamaa n baraa koe a la ǹ lɛlɛmaa nɛ.


Wɔ á doɛ̃, wáa Lawa a Nɛgiĩ na á daa, á yiri kɔ wɔ la, mà wɔ Lawa Taãn kɛ dɔ̃. Wɔ ǹ goɛ̃ kun ka Lawa Taãn kɛ nɛ, a din a Nɛgiĩ Yezu Krita pàã ganaa. A din Yezu lɛ n Lawa Taãn lɛ lɛa, a din dɔ n nyin nyabaã dɔ lɛa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ