Galaasi minin 4:6 - LAWA A BOO SONBORE

⁶ Wɔ bɛ́ na a nɛ taãnan lɛa, bɛ lɛ nɛ, Lawa ná a Nɛgiĩ Yiri dia wɔ foo ne. Bɛ lɛ n pii wɔ gɔ́ɔ̃ nɛ mà "Wɔa Díi".

LAWA A BOO SONBORE 2011

⁶ Wɔ bɛ́ na a nɛ taãnan lɛa, bɛ lɛ nɛ, Lawa ná a Nɛgiĩ Yiri dia wɔ foo ne. Bɛ lɛ n pii wɔ gɔ́ɔ̃ nɛ mà "Wɔa Díi".

Galaasi minin 4:6 ပူးပေါင်းရင်းမြစ်များ

Zeremii 3:19

Man má goã pii: Man zoɛ̃ li ma n baa maa nɛnyaanan kɛn goon lɛa. Man zoɛ̃ li ma gána sonbore kɔ n la, a n liɛ nɛ kanaa a bǎã sonbore tumaa nɛ. Man má goã pii máa n tá re ma bíi: "Maa díi", n nə n ba n dɔ̀ɔ̃ we ma-n doo wa.

Zeremii 3:4

Kanna kəni, ma nə n lɛ dii masɛ ganaa n nə́ pii: «Maa díi, maa tenmaa waáraa a giaára!»

Marki 14:36

A na á goã pii: «E, maa Díi! N tá boe sii din tumaa la. Là-paparɛɛ kɛ wɔlɔ lui masɛ ganaa. Sɛnɛ, masɛ foo sii baran n zɛnaa wa, n din wɔ nə n zɛnaa.»

Luku 11:13

Ka laanka kaa baraabaa kɛ din tumaa nɛ, bɛ̀ kasɛn tá kaa nɛnyaanan foo dùũ mànan doɛ̃ ka n koe ǹ la, sanparɛ ka Díi Lawa nɛ, min mɛnɛn bɛ́ Yiri Fu nyankoe la, a n die koe bɛn la!»

Luku 11:2

Yezu pɛ ǹ nɛ: – Bɛ̀ ka tá Lawa nyankoe, ka pɛ kɛnɛn: «Díi, toa n tɔ gole kɔ, toa n kiibaa daa.

Zaã a sɛ́wɔ 14:16

Masɛ dɔ á re maa Díi nyankoe má a Dɔmalɛ Wole kɔsɔ kɔ ka la, bɛ n die goɛ̃ ka li miɛ̃ biikoo tumaa waáraa.

Zaã a sɛ́wɔ 15:26

Ma bɛ́ re n toɛ maa Díi li, ma Dɔmalɛ Wole mɛn dia ka la, Yiri Fu sonbore-pɛle kɛ lɛ boe maa Díi li, bɛ̀ bɛ lɛ daa ǹ mɛn waáraa, á die siére biɛ masɛ a lɛa.

Zaã a sɛ́wɔ 16:7

Bɛ din tumaa kio, man taãn pii ka nɛ: Maa woo á soɛ ka ganaa. A giala, bɛ̀ ma woo wa, Dɔmalɛ Wole lɛ a die ka li wa. Sɛnɛ, bɛ̀ má woo, ma á die diɛ ka la.

Zaã a sɛ́wɔ 3:34

Lawa bɛ́ á min mɛn dia, bɛa dɛnaa lɛ n Lawa a boon pii, a giala, Lawa din na a Yiri koe la ka a parsiini.

Zaã a sɛ́wɔ 7:39

(Yezu na á pɛ miɛ̃, á goã boo diɛ Lawa a Yiri Fu wɔ gɔn la, a goleemali wolen bɛ́ re ǹ mɛn yii. Sonbore, bɛa biikoo li, bɛ̀ Lawa a Yiri Fu tɔn nə n kɔ ǹ la wa, a giala, bɛ á zɛnɛɛ, bɛ̀ Lawa tɔn gugurubaa kɔ Yezu la bɔrɔ wa.)

Nya ǹ dín 16:7

Ǹ bɛ́ ǹ nə́ dɔ Miizii lɛkoro-a, ǹ ná a lɛn zɔɔ̃ mà maǹ woe Bitinii gána nɛ, sɛnɛ, Yezu a Yiri Fu toa ǹ nə́ woo wa.

Rɔmu minin 5:5

Sàabaa ba bɛ la wa. Lawa ba wɔ daɛ wa. A tá wɔ narɛ. A na á kɔn-narɛɛ gole dɔ da wɔ foo ne, ka Yiri Fu kɛ barka nɛ, a din kɔ wɔ la.

Rɔmu minin 8:9

Sɛnɛ, kasɛn ba koe gɔ̀nɔn foo siin lɛ wa, ka ǹ tɔ we á kɔnpii ka Lawa a Yiri Fu dùũ siin ni, bɛ̀ á daa yaa bɛ̀ Lawa a Yiri Fu lɛ tá ka li sonbore. Bɛ̀ Krita Yiri kɛ ba min mɛn li wa, bɛa dɛnaa ba a wɔ lɛa wa.

Korɛnti1 15:45

Bɛ lɛ nɛ, Lawa a sɛ́wɔ pɛ: «Maǹ nə́ min bibinaa Aadã zɛnaa màn yiikoonaa lɛa.» Sɛnɛ, nyɔnyɔɔ Aadã ke, bɛ giala mà Krita, Yiri Fu n bɛ nɛ, á n yiikoonaabaa koe.

Korɛnti2 1:22

A din na á ná a wɔbaa ǹ nyaǹ kiɛ̃ wɔ ganaa, a ná a Yiri Fu dɔ da wɔ foon ne. Bɛ n nyɛɛ mà a bǐɛ̃n mɛnɛn koa wɔ nɛ, mà wɔ á re bɛn yii.

Korɛnti2 3:17

Bɛ má pɛ máa Dɛnaa, bɛ giala mà Yiri Fu. Bɛ̀ Dɛnaa a Yiri Fu tá bǎã mɛn nɛ, tá ma din gɔn wìi a lɛa dɔ n goɛ̃ walan.

Efɛɛzi minin 1:13

Kasɛn dɔn bɛ́ ka sonbore boo kɛ ma, Boo Tii Kɔɔ̃n kɛ lɛ ka kirisibiɛ, ka dɔn man ká golee Krita lɛ li. Bɛ lɛ nɛ, Lawa din nə n lɛ kɔ ka Yiri Fu mɛn nɛ, a na á bɛ kɔ ka la, a wɔbaa ǹ nyaǹ kiɛ̃ lɛa ka ganaa.

Efɛɛzi minin 2:18

Sonbore ne, a din Yezu Krita lɛ pàã nɛ, wɔ Zuifun laanka tɔrɔ kɔsɔn tá boe la, wɔ golee Díi Lawa yɔrɔ-a, ka Yiri Fu goon toto a dɔmalɛ nɛ.

Efɛɛzi minin 4:30

Ka nyan gù-basiɛ̃ da Lawa a Yiri Fu ganaa wa. A din nə Lawa a nyaǹ lɛa ka ganaa. Wɔ n doɛ̃ bɛ lɛ li, wáa Lawa á die wɔ sii sii baraa la lenlen ǹ kɔn pinaa.

Efɛɛzi minin 6:18

Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

Filipi minin 1:19

A giala, ma á doɛ̃ máa bɛ tumaa n die ǹ bɔyɛɛ, a ma kirisibaa ǹ sii baa, Lawa n kaa Lawa-nyankɔ pàã nɛ, ka Yezu Krita a Yiri Fu a dɔmalɛ kɛ pàã nɛ.

Tesaloniki1 4:8

Bɛ lɛ nɛ, bɛ̀ min mɛn nə́ n piã bɛa doroo lɛ nɛ, ǹ dɛnaa bie á n piã ka minbuiin nɛ-n wa, a na á n piã ka Lawa nɛ, asɛ mɛn bɛ́ a Yiri Fu koe ka la.

Piɛrɛ1 1:11

Krita Yiri mɛn goã Lawa a boo gii-dalin lɛn li, bɛ na á saa lɛlɛ á nyaa ǹ nɛ, mà Krita lɛ á re fuu yii, mà bɛa fuun lɛn kio, mà á re wusii a gugurubaa yɛ. Lawa a boo gii-dalin lɛn man nə́ goã giɛ li ǹ dɔ̃, Krita Yiri bɛ́ á boon mɛnɛn nyaa ǹ nɛ, mà bɛn man die n zɛnɛɛ wàa biikoo laanka wàa siin li.

Zude 1:20

Sɛnɛ, maa giaáran lɛn, kasɛn nə ga wo-nyɛɛn li kaa goleemali sonbore kɛ gɔ́ɔ̃ nɛ. Ka Lawa nyankɔ ka Yiri Fu pàã nɛ.

Sii-nyaan 19:10

Má kaa tán lon a dia dí-a wole lɛ giulun, máa ma na a guguru koe. Sɛnɛ, á pɛ ma nɛ: «N nyan toa n bɛ zɛnaa wa! Lawa din sɔɔ̃ guguru kɔ. Masɛ dɔ n Lawa a dí-nyali lɛa ka n dɔ bɛ́ lɔn, ka n dɔɔ̃nɔn mɛnɛn bɛ́ Yezu boo taãn nyaa ǹ nɛ, a nə́ ǹ gɔn.» Yezu boo taãn mɛn nyaa, a din ni Yiri Fu nyaa Lawa a boo gii-dalin dɔn manɛ.