Galaasi minin 4:4 - LAWA A BOO SONBORE

⁴ Sɛnɛ, biikoo mɛn nə n bɔ á n koa, bɛ bɛ́ á dɔ, Lawa ná a Nɛgiĩ dia. Á yɛ lɔ la, Zuifun dí-pɛn pàã giulun,

LAWA A BOO SONBORE 2011

⁴ Sɛnɛ, biikoo mɛn nə n bɔ á n koa, bɛ bɛ́ á dɔ, Lawa ná a Nɛgiĩ dia. Á yɛ lɔ la, Zuifun dí-pɛn pàã giulun,

Galaasi minin 4:4 ပူးပေါင်းရင်းမြစ်များ

Siin Giala 3:15

Ma á re baraabaa diɛ n laanka lɔ bii ni, ma da n tɔrɔ laanka lɔ tɔrɔ bii ni. Lɔ tɔrɔ á re n mìi yɔyɔrɛ, n dɔ á re lɔ tɔrɔ yawɛɛ a gòãtoro ganaa.»

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Izayii 48:16

Ka n zɔ̃ ka dɔ ma li ka n too kɔ. A kũ kanaa giala kɔ waáraa ganaa, ma tɔn boo durii da wa. Siin giala kɔ waáraa, bɛ̀ ma tan. Sisia kəni, Dɛnaa Lawa n ma diɛ, a yiri n ma la.

Izayii 7:14

Bɛ lɛ nɛ, Dɛnaa din nə die sii a kɔnboe koe ka la: Á ke, nɛnɛn tá re nɔ̀ sii, a nɛgiĩ yɛ. Á re a tɔ koe Emanuwɛli, bɛ giala mà "Lawa tá kun ka wɔ nɛ".

Zeremii 31:22

Nɛlɔ piã-wole, ma n woe n mìi giala yǎa biĩ? Hiĩ, Dɛnaa Lawa sii soree lɛ bɔ tán la: Lɔ n die baa sii ǹ zuũ kio kanna.

Zakarii 6:12

N pɛ-n kɛnɛn mà Dɛnaa Lawa Pàãyiidɛnaa n kɛ pii: Giĩ goon tan kanaa a tɔ n "Da ten". Á re gole koe. A din nə die wusii a maa kion lɛ dɔ.

Malakii 3:1

Dɛnaa Lawa Pàãyiidɛnaa a lɛ si ǹ boo n ka kɛ nɛ: Á ke, má maa dia dí-a wole dia máa a da zii zɛnaa ma nyɛɛnɛ. Ka bɛ́ giɛ dɛnaa mɛn li, á re we Lawa a kion a din bǎã-n gɔrɔ, maa boo gii-dali mɛn bɛ́ ka n duĩ, á re maa lɛ kɔ kɔn la ǹ boo lɛ pii ka nɛ. Á ke yii die, Dɛnaa Lawa Pàãyiidɛnaa na á pɛ.

Minin nimi 28:22

Ka bɛ dɔ nɛ, ka butumu goon bɔ sii baraa sawaa ǹ wúlu màn lɛa, ka sii baraa sawaa ǹ sii zɛnaa ka ganaa nɛ.

Matiə 1:23

«Nɛnɛn mɛn bɛ́ a tɔn giĩ dɔ̃ wa, á re nɛgiĩ yii, ǹ tá re a tɔ koe Emanuwɛli, bɛ giala mà "Lawa tá kun wɔ nɛ".»

Matiə 3:15

Yezu tɔ́n pɛ nɛ: «A giala, wɔ doamaa nɛ wɔ Lawa foo sii zɛnaa miɛ̃.» ZAÃ nɔmaa á lɛ kɔ.

Matiə 5:17

Muizu ka daraa landa siin mɛnɛn ganaa, hinlaa Lawa a boo gii-dalin nə ka daraa boon mɛnɛn ganaa, ka nyan toa ka taasɛ ka masɛ n má daa bɛn sàabaa wa dɛ! Masɛ n má daa ǹ yɔrɔ nyaa ka nɛ, máa ka ǹ giala ma taãnɛ, ma bie má daa ǹ sàabaa wa.

Marki 1:15

a na á goã pii: «Biikoo lɛ pã kəni, Lawa n die a kiibaa ǹ dí lɛ nyɛɛ wɔsɛn bii sisia. Ka n taasɛ, ka wusoo kaa sii baraan kio, ka lɛ kɔ Lawa a Boo Tii Kɔɔ̃n kɛ ganaa.»

Luku 1:31

N tá re nɔ̀ sii, n nɛgiĩ yɛ, n tá re a tɔ koe Yezu.

Luku 1:35

Lon a dia dí-a wole lɛ tɔ́n na a lɛ si á pɛ: «Lawa a Yiri Fu n die gisĩ n la, Lon a Lawa gole n die a din pàã gisĩ n la. Bɛ lɛ taman yii, n bɛ́ die nɛ mɛn yii, maǹ die bíi "Lawa wɔ", ka bɛ dɔ-n doo "Lawa a Nɛgiĩ".

Luku 2:7

A ná a gɔn binaa nɛ lɛ yɛ, nɛgiĩ lɛa. Á mɔnaa gɔnɔn pɛnɛ a ganaa. Ǹ bɛ́ tɔɔn kion mɛn nɛ, á naa bɛa tɔɔn lɛn màn bii ǹ goo ne, a giala, bǎã yɛ ǹsɛn wɔ lɛa, tiin yu ǹ kion kɔ́n nɛ wa.

Luku 20:44

Kii Davida n Nyin-sili lɛ bíi mà asɛ a Dɛnaa. A n goɛ̃ a nɔ̀ɔn dɔ lɛa lɔn doo?

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Zaã a sɛ́wɔ 10:36

Sɛnɛ, Lawa bɛ́ á masɛ mɛn bɔ, á ma dia kanaa kɛ gɔ́ɔ̃ nɛ, a n siɛ lɔn ka tá pii, mà masɛ n Lawa tɔ ziziɛ̃, a giala, mà man má pɛ mà man Lawa a Nɛgiĩ lɛa?

Zaã a sɛ́wɔ 3:16

«A giala Lawa kanaa narɛ parsiini, yǎa a ná a Nɛgiĩ kɔ, a Nɛgiĩ goon toto, màn mɛn bɛ́ toɛ, bɛ̀ min woo min golee li, ǹ dɛnaa baran bɔ̀n baa wa, sɛnɛ, a nyin nyabaã yɛ.

Zaã a sɛ́wɔ 6:38

A giala, ma bie má n toa lon má gisĩ ma din foo sii zɛnaa a lɛa wa, min mɛn bɛ́ á ma dia, man má daa bɛ lɛ foo sii zɛnaa.

Zaã a sɛ́wɔ 8:42

Yezu tɔ́n pɛ ǹ nɛ: «Bɛ̀ Lawa n kaa Díi lɛa sonbore, bɛ̀ ka á masɛ narɛ. A giala, masɛ n má bɔ Lawa li má daa. Ma bie má daa ma din gɔn wìi a lɛa wa, a din na á ma dia.

Nya ǹ dín 1:7

Á pɛ ǹ nɛ: «Maa Díi bɛ́ á biikoon mɛnɛn koa ka a din pàã nɛ, ka doamaa bie ka bɛn dɔ̃ wa.

Rɔmu minin 1:3

Bɛa Boo Tii Kɔɔ̃n lɛ n boo diɛ a din a Nɛgiĩ Yezu Krita wɔ gɔn la. Wɔa Dɛnaa Yezu kɛ lɛ kii Davida tɔrɔ lɛa, gɔ̀nɔn siĩ wɔ gɔn la,

Rɔmu minin 15:8

Man bɛ lɛ pii ka nɛ, máa Krita na á daa Zuifun lɛa, á nyaa mà Lawa n bɔlɔgoondɛnaa lɛa. Lawa bɛ́ a n lɛ kɔ Zuifun digolon la ka siin mɛnɛn nɛ, a na á bɛn zɛnaa á ǹ lɛ pã, ka Krita lɛ barka nɛ.

Rɔmu minin 5:6

Wɔ bɛ́ sii baraa pàã giulun ǹ mɛn waáraa, Lawa din biikoo mɛn bɔ á koa, Krita na á gã bɛ li Lawa a zɔ́ɔn lɛa.

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.

Rɔmu minin 9:5

Ǹ dinin lɛn man wɔ digolo Abrahamu laanka Izaaki ka Zakɔba a nɛnyaanan lɛa. Haalɛ wɔ Nyin-sili Yezu Krita dɔ dinmaa lɛ nə ǹ dinin tɔrɔ min lɛa, gɔ̀nɔn siĩ wɔ gɔn la. Krita lɛ n Lawa lɛa, a din nə màn tumaa mìi la. Gugurubaa na a wɔ lɛa yǎa duduu. A n miɛ̃!

Efɛɛzi minin 1:10

Bɛ̀ a biikoo dɔ ǹ mɛn waáraa, màn mɛnɛn tumaa bɛ́ lon, ǹ mɛnɛn tumaa bɛ́ tán, a n die ǹ soekɔn, a goledɛnaa goon toto koa ǹ mìi la, bɛ n ka Krita nɛ.

Kolɔɔsi minin 2:14

Sãn mɛnɛn tumaa goã giɔ̀mɔ lɛa wɔ bɔlɔ-a, Lawa bɛn tumaa saa kun ka dí-pɛ kɛ nɛ ǹ yɔrɔ diɛ wɔ la, á ǹ bɔ wɔ mìi ni, á ǹ tuturu ka Krita a dere gɔn ganaa nɛ.

Timote1 2:6

Asɛ lɛ na á n din kɔ minbuiin tumaa nyin si ǹ giɔ̀mɔ lɛa. A na á bɛ zɛnaa á kɔnpɛ ka a biikoo ne.

Timote1 3:16

Sonbore ne, sii-durii mɛn bɛ́ wɔa golee Yezu li ǹ sii lɛa, á n nyaa, bɛ á gole á la yii ni: Á n din baa minbuiin nɛ lɛa, á daa, Lawa Yiri ná a peperebaa nyaa, Lon a dia dí-a wolen nə́ yɛ miɛ̃. A boo nə́ n kalaa tɔrɔn bii, kanaa minin nə́ golee li, Lawa tɔ́n saa á woo-n lon.

Ebrəə 2:14

Bɛa yɔrɔ kɛ la, mà laanka gɔ̀nɔn siĩ bɛ́ minin kɛn lɛn lon lɔn, a na á n zɛnaa Yezu dɔ-n miɛ̃, á daa yɛ a din minbuiin nɛbaa kɛ lɛ nɛ. Yezu na á bɛ lɛ zɛnaa, màn mɛn bɛ́ toɛ, a gɛ̀ barka nɛ, *Sɛtaan mɛn bɛ́ gɛ̀ a pàã ná a gɔn, a bɛ pàã ziziɛ̃,

Ebrəə 9:10

Bɛa Lawa guguru kɔ ǹ siin kɛn lɛn man doa-n màn-biin ganaa, ka màn-miin ni, ka zoo a *gɔ̀ bɔmaganaa tɔrɔ gigiã nɛ, Landa wɔ paǹ li. Bɛn man nə́ goã minin yɔrɔ-a siin lɛa, ǹ nə́ goã n zɛnɛɛ, yǎa Lawa din a wusoo a sii tumaa giala kɔ dii lɛa kɛ a biikoo dɔ.

Zaã1 4:14

Wɔsɛn yii yɛ, wɔ na a siére pii, wáa Díi Lawa na á ná a Nɛgiĩ dia, mà a kanaa kirisibaali baa.

Zaã1 4:2

Bɛ̀ Lawa Yiri tá ǹ li, ka bɛ́ re doɛ̃ lɔn bɛ á ke: min mɛn bɛ́ pii, mà Yezu *Krita na á daa minbuiin lɛa, Lawa Yiri tá bɛ lon.