Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Galaasi minin 4:19 - LAWA A BOO SONBORE

19 Maa giaáran lɛn, ma bɛ́ fuu mɛn yii kaa lɛa kanna, a n goon ka lɔ nɛ-yɛle a fuu ni, yǎa Krita yii ka nɛ.

အခန်းကိုကြည့်ပါ။ ကော်ပီ

LAWA A BOO SONBORE 2011

19 Maa giaáran lɛn, ma bɛ́ fuu mɛn yii kaa lɛa kanna, a n goon ka lɔ nɛ-yɛle a fuu ni, yǎa Krita yii ka nɛ.

အခန်းကိုကြည့်ပါ။ ကော်ပီ




Galaasi minin 4:19
28 ပူးပေါင်းရင်းမြစ်များ  

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.


Yiri lɔlɔkɔn baraa Yezu kũ, á wusoo á màn da a Lawa nyankɔ li. Á tɛ̀fuu pã, bɛ n kiɛ ka mà bɛ́ doɛ tán lɔn.]


Ka Dɛnaa Yezu *Krita pàã wɔ ka ganaa, ka baran ka dinin kɔ gɔ̀nɔn foo siin kɛn la, ka ǹ bɔlɔ sɛ̀-mui siin kɛn zɛnaa wa.


A giala, Lawa din bɛ́ á saa lɛlɛ á min mɛnɛn bɔ, a din na á bɛn kaa ǹ gɔrɔn. A na á ǹ baa a Nɛgiĩ a kɔnboen lɛa, ǹ nə́ ǹ diɛ̃n lɛa, màn mɛn bɛ́ toɛ, Nɛgiĩ lɛ goã gole ǹ bii.


Á ke ma á zoɛ̃ doo, ma da kaa piɛ ká a sɔɔbaa ǹ wɔ nɛ. Ma a re goɛ̃ guĩ lɛa ka mìi-n wa. Man giɛ ka dinin li, ma bie giɛ kaa wɔrɔ li wa. A taãnbaa li, nɛnyaanan bie giɛ wɔrɔ li ǹ nə ǹ díin laadoo zɛnaa-n ma, sɛnɛ, díin man giɛ li ǹ nə ǹ nɛnyaanan laadoo saa nɛ.


Bɛa yɔrɔ kɛ lɛ la, wɔ tumaa á re goɛ̃ goon goleemali laanka Lawa a Nɛgiĩ doɛ̃ gɔ́ɔ̃ nɛ. Wɔ tumaa a min golebaa lɛ á re piɛ̃, wɔ n baa Krita din a kɔnboe taãnan lɛa.


Lawa foo sii dii mɛn zɛnaa a din a kɔnboe lɛa, ka kɔ bɛ lɛ. Ka á re min peperen biɛ, ka min sonboren baa ka sonbore barka nɛ.


Ma pɛ ka-n lɔn, Lawa din nə maa siére lɛa, ma á ka tumaa narɛ ka Yezu Krita bɛ́ ka narɛ lɔn.


Bɛ̀ a n doa wa, bɛ̀ má gɛ̀-wɔle baa, ma mà á re goɛ̃ kun ka kaa *wúlu màn kɛ nɛ, ka n koe Lawa la ka goleemali ni. Bɛ̀ bɛ́ taãn baa, ma foo n die kɔɔ̃n koe, ma ka dɔn tumaa gii da maa foo kɔɔ̃n kɔ kɛ nɛ.


Ka toa Yezu Krita din a taasiɛn nə goã ka bii.


Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.


Sonbore, ma bɛ́ dí kaka mɛn nyɛɛ ka a lɛa, ka Lawodisee minin ni, ka min gigiã kɔsɔn mɛnɛn bin bɛ́ ǹ ma yɛ duduu wa, man giɛ li ka bɛ dɔ̃.


ká dùũ sii diin saa, Lawa din nə ǹ mɛnɛn zɛnaa. Bɛa dùũ sii diin kɛn lɛn, Lawa nə ǹ gialaa tetele miɛ̃, mà ǹ nə n baa ka a din wɔn bɛ́ lɔn, màn mɛn bɛ́ toɛ, ka asɛ Lawa dɔ̃ taãn-taãnɛ.


Epafrasi mɛn bɛ́ á bɔ ka dinin li, bɛ dɔ á fòo diɛ ka nɛ. A n Yezu Krita a bɛ̀rɛ lɛa; biikoo tumaa li, a n yɔ boe kaa lɛa ka Lawa-nyankɔ nɛ, màn mɛn bɛ́ toɛ, ka goã doa nɛ, kaa sii yii lɛ n piɛ̃ nɛ, ka n golee-n Lawa dùũ li, ka n koe lɛ.


Wɔ bɛ́ *Krita a dia dí-a wolen lɛa, wɔ á boe la wɔ sii kɔ́n da ka mìi ni yǎa ka zɛnɛɛ wɔ nɛ. Sɛnɛ, wɔ n wɔ́ goã ka bii basiɛ̃nɛ a tɔ-a, ka nɛ ǹ dan bɛ́ a nɛnyaanan tamaɛ lɔn.


Masɛ n sɛ́wɔ kɛ diɛ nsɛ Timote la, nsɛ mɛn bɛ́ maa nɛ taãn-taãn lɛa golee Lawa li gɔ́ɔ̃ nɛ. Díi Lawa laanka wɔa Dɛnaa Yezu Krita die ǹ bǐɛ̃ zɛnaa n nɛ, ǹ makara bɔ n ganaa, ǹ là nyantoro kɔ n la.


Tiiti, goleemali bɛ́ wɔa lɛ kaa kun màn lɛa, n nə́ maa nɛ sonbore lɛa a gɔ́ɔ̃ nɛ, man sɛ́wɔ kɛ diɛ n la. Wɔ Di Lawa laanka wɔ Nyin-sili Yezu Krita a bǐɛ̃ die a dɔ n ganaa, ǹ là nyantoro kɔ n la.


ma nə n nyankoe Onezimu wɔ gɔn la. Onezimu mɛn bɛ́, ma bɛ́ kòso-n kànaa, má Lawa a boo pɛ nɛ, á si á golee Lawa li, á n ka maa nɛ bɛ́ lɔn sisia.


Masɛ dinmaa Pooli n bǎã kɛ kiɛ̃, ka ma din gɔn nɛ, ma á nyɛɛ n nɛ, máa ma á re sarɛɛ. Mìi ba la, masɛ nyaa n nɛ, mà maa giɔ̀mɔ tá n ganaa wa, a giala bɛa giɔ̀mɔ lɛ, n dinmaa nɛ.


Yezu lɛ bɛ́ kanaa ǹ mɛn waáraa, Lawa mɛn bɛ́ boe la, a na a kirisibaa gɛ̀ ganaa, a na á bɛ lɛ nyankɔ ka lɛn gole ne, ka yii mu ni. Lawa ná a lɛ si a doroo Lawa-n lɛ a lɛa.


A na á kɔɔ̃n kɔ Lawa ganaa, a yiikoonaabaa dii kɔ wɔ la ka boo sonbore kɛ barka nɛ, màn mɛn bɛ́ toɛ, a bɛ́ re min kɔsɔn mɛnɛn dɔn yii miɛ̃, wɔ bɛn nyɛɛnaandɛnan baa.


Maa nɛnyaanan lɛn, man sɛ́wɔ kɛ diɛ ka la, máa ka baran sii baraa zɛnaa wa. Sɛnɛ, ta min mɛn na á sii baraa zɛnaa dinin, min mɛn bɛ́ boo diɛ wɔ a lɛa wɔ Di Lawa li, bɛ tan, Yezu *Krita pepere kɛ nɛ.


Maa nɛnyaanan lɛn, man sɛ́wɔ diɛ ka la, a giala, kaa sii baraan nə́ n toa ka nɛ Krita tɔ ganaa.


Maa nɛnyaanan lɛn, ka n dinin kũ dì mànan ganaa.


Bɛ̀ ma á miɛ, mà maa nɛnyaanan tá sonbore gɔ́ɔ̃ nɛ, màn kɔ́n ba kɔɔ̃n ma ganaa á dɔ bɛ li wa.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ