Galaasi minin 3:17 - LAWA A BOO SONBORE

¹⁷ Masɛ a taasiɛ n ka kɛ nɛ: Lawa din na á lɛ-kɔ wɔ bɔrɔ, á zɛnaa a yɔrɔ li. Dí-pɛn man nə́ daa lɛ̀ biɛsii ka pɔsɔɔ (430) bɛ kio. Bɛn ba boe la ǹ lɛ kɔ kɔn la lɛ sàabaa wa. Bɛ bie wa bɛ̀ Lawa a lɛ-kɔ kɛ n kooro biɛ.

LAWA A BOO SONBORE 2011

¹⁷ Masɛ a taasiɛ n ka kɛ nɛ: Lawa din na á lɛ-kɔ wɔ bɔrɔ, á zɛnaa a yɔrɔ li. Dí-pɛn man nə́ daa lɛ̀ biɛsii ka pɔsɔɔ (430) bɛ kio. Bɛn ba boe la ǹ lɛ kɔ kɔn la lɛ sàabaa wa. Bɛ bie wa bɛ̀ Lawa a lɛ-kɔ kɛ n kooro biɛ.

Galaasi minin 3:17 ပူးပေါင်းရင်းမြစ်များ

Siin Giala 15:13

Dɛnaa tɔ́n pɛ nɛ: «A dɔ̃ taãnɛ, mà n tɔrɔn tá re giɛ̃ gána kɔ́n nɛ, gána mɛn bɛ́ a ba ǹ wɔ lɛa wa. Min kɔsɔn tá re ǹ biɛ bɛ̀rɛn lɛa, ǹ fuu nyaa ǹ nɛ lɛ̀ biɛsii (400) gɔ́ɔ̃ nɛ.

Siin Giala 15:18

Bɛ lɛ a pinaa, Dɛnaa lɛ kɔ kɔn la doa kɔn ka Abramu ni, á pɛ-n kɛnɛn: «Man die gána kɛ lɛ koe n din tɔrɔn la, a saa Ezipti a tà ganaa, a wo Efrati tà gole kɛ yaa:

Siin Giala 17:19

Lawa tɔ́n pɛ kɛnɛn: «Haayii dɛ! N lɔ Saaraa kɛ lɛ á re nɛgiĩ yii n wɔ lɛa, n tá re a tɔ koe Izaaki. Ma lɛ kɔ kɔn la mɛn wɔ, man die bɛ lɛ doɛ kɔn nɛ, a laanka a tɔrɔn mɛnɛn bɛ́ re yii a kio. Ma ba n lɛ boe wa. A n lɛ kɔ kɔn la lɛa yǎa duduu.

Zɔbu 40:8

N din parsii, mà n ba masɛ a kiri-kurii lɛ biɛ a lɛa wa? Man giɛ li n masɛ zɛ̀rɛ baa, n sonbore kɔ n din la?

Loen 105:9

A lɛ kɔ kɔn la mɛn wɔ ka Abrahamu ni, bɛ lɛ nɛ. A na á baa liɛ lɛa Izaaki ni.

Loen 33:10

Tɔrɔ kɔsɔn nə sii mɛn yɔrɔ bɔ, Dɛnaa Lawa bɛ ziziɛ̃. Tɔrɔ kɔsɔ minin nə sii mɛn koa ǹ yiri ni, á bɛ sàabaa.

Izayii 14:27

Bɛ̀ Dɛnaa Lawa Pàãyiidɛnaa golee sii li, die n boe la a kurəə a zɛnaa ganaa? Bɛ̀ á n gɔn munii saa lon, die n boe la a gisĩ?

Izayii 28:18

Ka lɛ kɔ kɔn la mɛn wɔ ka gɛ̀ nɛ, bɛ á re sàabiɛ, ka ǹ mɛn dɔ wɔ ka geren ne, bɛ dɔ a re yɔrɔ yii wa. Bɛ̀ koe daa, á re ka yɔyɔrɛ.

Minin nimi 23:19

Lawa bie min lɛa, a tɔn soɛ bɔ wa! A bie minbuiin nɛ lɛa, a tɔn wusoo a kio-n wa! A ba boo diɛ, bɛ̀ a ná a ba a lɛ piɛ̃ wa! A boo diɛ a n lɛ bɔ wa!

Minin nimi 30:8

bɛ̀ ǹ zuũ bɔ a siére-a ǹ mɛn pinaa, a ná a boo kɔn da-n bɛa pinaa kɛ lɛ-n wa, lɔ lɛ doamaa nɛ a na a da ǹ boon lɛn sii zɛnaa.

Zaã a sɛ́wɔ 1:17

Lawa na á dí-pɛ kɔ Muizu la, mà a ǹ pɛ wɔ nɛ, sɛnɛ, Yezu *Krita na á daa a bǐɛ̃baa kɛ laanka a sonborebaa nɛ.

Nya ǹ dín 7:6

Lawa na á boo da kɛnɛn: «N nɛnyaanan tá re woe gána kɔsɔ nɛ, ǹ tá re ǹ biɛ bɛ̀rɛn lɛa, ǹ tá re ǹ nɔmiɛ lɛ̀ biɛsii (400) gɔ́ɔ̃ nɛ.»

Rɔmu minin 3:25

Minin bɛ́ kɔn gòã kuĩ lɔn ka tɔɔ nɛ, Lawa dɔ na á Yezu kɔ miɛ̃ *wúlu màn lɛa, á gɛ̀ wɔ. Lawa na á bɛ zɛnaa á nyaa mà asɛ á pepere. A laanɛ á goã minbuiin nɛn sii sii a ganaa lɛlɛ, a ná a ba ǹ sii baraa diɛ sii li wa.

Rɔmu minin 3:3

Sonbore ne, ǹ tɛnɛn nə goã bɔlɔgoondɛnaabaa la wa. Sɛnɛ, bɛ á boe la a Lawa a bɔlɔgoondɛnaabaa sàabaa ya?

Korɛnti1 1:12

Ma bɛ́ màn mɛn pii ka nɛ á ke: Kaa didie tumaa n boo totoro diɛ. Ke mà asɛ n Pooli wɔ lɛa, ke mà asɛ n Apolɔɔsi wɔ lɛa, kɔsɔ dɔ mà asɛ n Piɛrɛ wɔ lɛa, kɔsɔ dɔ doo mà Krita wɔ-n ka asɛ nɛ.

Korɛnti1 1:17

Krita masɛ dia batɛmu diɛ wa. Sɛnɛ, a na á ma dia Boo Tii Kɔɔ̃n kɛ pii minin manɛ. Ma bie má pɛ ka ma din a yiridɛnaabaa boon ne, n ma yaa barka boe Krita a gã gɔn ganaa kɛ-n wa.

Korɛnti1 10:19

Man giɛ li ma pɛ mà wàa? Mà là tá dì wúlu siĩ lɛ laanka dì lɛ din ganaa?

Korɛnti1 7:29

Maa boo kɛ bɛ́ màn mɛn pii ka nɛ, ma dɔɔ̃nɔn lɛn, á ke: biikoo lɛ gialakun ba tɛ doo wa. A saa sisia ganaa, min mɛnɛn lɔ bɛ́ á tan, ǹ goã ka ǹ lɔ na a banban.

Korɛnti2 1:20

Sonbore ne, a din nə Lawa a lɛ-kɔ ǹ sii tumaa a «Hiĩ» diɛ lɛ piɛ̃. Yezu Krita a lɛa nɛ, wɔ á pii wáa «a n miɛ̃», wɔ n Lawa tɔ gole koe ne.

Korɛnti2 9:6

Ka n yiri koa kɛ li: bɛ̀ min màn tɔrɔ boɛɛn da, a n màn boɛɛn kuri. Bɛ̀ min màn tɔrɔ gigiã da, a n màn gigiã kuri.

Galaasi minin 3:15

Ma dɔɔ̃nɔn lɛn, ka daa wɔ ga minbuiinin sii-zɛnaa goon ganaa. Bɛ̀ minin man nə́ lɛ-kɔ kɔn la wɔ, ǹ nə́ zɛnaa a yɔrɔ li, min kɔ́n ba ziziɛ̃ wa, min dɔ a màn diɛ li wa.

Galaasi minin 3:21

Dí-pɛn lɛn man zia biɛ kɔn ka Lawa a lɛ-kɔ kɛ-n kəni? Haayii, ǹ ba zia biɛ kɔn wa! Sonbore, dí-pɛn nə́ n kɔ. Bɛ̀ pàã nə ǹ lon ǹ nə́ nyin nyabaã koe minbuiinin la, bɛ̀ min tá boe la, a pepere kɔ Lawa yɔrɔ-a ǹ pàã ganaa.

Galaasi minin 5:16

Ka n too kɔ ma lon: Ka tɔ wɔ Yiri Fu gòã wuu li, ka a re gɔ̀nɔn foo siin zɛnɛɛ doo wa.

Galaasi minin 5:4

Táa ka n giɛ li, mà Lawa lɛ kɔ ka ganaa min peperen lɛa dí-pɛn taman yii! Haya, ka n ká n dinin na ka n bɔ Krita ganaa. Kaa wɔ gii ba Lawa a bǐɛ̃ kɛ-n doo wa.

Efɛɛzi minin 2:12

Ka dɔ̃ mà bɛa biikoo li, mà ka ǹ ká goã sɔsɔɔ kɔn ka Krita nɛ. Lawa zaman mɛn bɔ, ka goã kun ka bɛ-n wa, ka ǹ ká goã tiin lɛa. A lɛ kɔ a zaman la ka màn mɛn nɛ, á lɛ kɔ kɔn la wɔ la, kaa wɔ gii goã bɛ-n wa. Ka ǹ kanaa miɛ̃, ka yiri a doa-n màn kɔ́n ganaa wa, kaa Lawa banban.

Efɛɛzi minin 4:17

Ma bɛ́ màn mɛn pii ka nɛ ma á laɛ, ka Dɛnaa tɔ nɛ, bɛ á ke: Ka nyan ka dinin baa ka min kooron bɛ́ lɔn wa. Bɛn man koe ǹ dinin taasiɛ kooron lɛ,

Kolɔɔsi minin 2:4

Man bɛ pii ka nɛ, màn mɛn bɛ́ toɛ, min kɔ́n baran boo la, a ka yiri sã ka lɛ gɔ́ɔ̃ paparɛ boon ne wa.

Ebrəə 11:13

Min sɔɔ kɛ tumaa na á gã golee Lawa li gɔ́ɔ̃ nɛ. Ǹ bɛa lɛ-kɔ ǹ siin lɛn zɛnaa yɛ ǹ yii-n wa. Sɛnɛ, maǹ nə́ ǹ yɛ ǹ nə́ fòo da ǹ nɛ sɔsɔɔ, ǹ nə́ pɛ mà ǹsɛn man gùlin laanka zii tɔ-wɔlen lɛa kanaa kɛ nɛ.

Ebrəə 7:18

Bɛa yɔrɔ kɛ la, sii zɛnaa ǹ gɔn zizi kɛ nya, a giala, pàã goã a-n wa, là dɔ goã a ganaa wa.

Piɛrɛ1 1:20

Lawa na á ná a din lɛ bɔ, á koa bɛa lɛa, bɛ̀ kanaa bɛ́ a tɔn nə n da wa. A na á nyaa kanna a biikoo kɛ li biikoo giala-nyɔmiɛ lɛa, ka dinin bǐɛ̃ taman yii.