Galaasi minin 3:16 - LAWA A BOO SONBORE

¹⁶ Lawa na á lɛ-kɔ ǹ boon da Abrahamu ni ka a tɔrɔ nɛ. A bie á pɛ mà "ka a tɔrɔn nɛ", ka n pɛ mà a n min gigiã ganaa wa. Sɛnɛ, mà "ka a tɔrɔ nɛ". A n min goon toto nyɛɛ, bɛ n ka Krita nɛ.

LAWA A BOO SONBORE 2011

¹⁶ Lawa na á lɛ-kɔ ǹ boon da Abrahamu ni ka a tɔrɔ nɛ. A bie á pɛ mà "ka a tɔrɔn nɛ", ka n pɛ mà a n min gigiã ganaa wa. Sɛnɛ, mà "ka a tɔrɔ nɛ". A n min goon toto nyɛɛ, bɛ n ka Krita nɛ.

Galaasi minin 3:16 ပူးပေါင်းရင်းမြစ်များ

Siin Giala 12:3

Bɛ̀ min mɛnɛn nə́ lɛn bǐɛ̃ bíi n li, ma á re lɛn bǐɛ̃ bíi bɛa dɛnan li. Bɛ̀ min mɛnɛn nə́ lɛn pipiã bíi n li, ma á re lɛn pipiã bíi bɛa dɛnan li. Kanaa a tɔrɔn tumaa wɔ á re bǐɛ̃ koe n wɔ gɔ́ɔ̃ nɛ.»

Siin Giala 12:7

Dɛnaa nə́ n din nyaa Abramu ni, á pɛ nɛ: «Man die gána kɛ koe n din tɔrɔn la.» Dɛnaa nə n din nyaa nɛ bǎã mɛn nɛ, Abramu *wúlu bɔ ǹ bǎã dɔ walan Dɛnaa wɔ lɛa.

Siin Giala 15:5

Bɛ kio, á Abramu kũ á soo-n kanaa, á pɛ nɛ: «Ga lon, bɛ̀ ń tá boe la n leeren kɛn nimi, n nə ǹ nimi. N dɔ tɔrɔn man die mɔnɛɛ miɛ̃, min ba re boe la, a ǹ nimi a ǹ lɛ yɛ wa.»

Siin Giala 21:12

Sɛnɛ, Lawa pɛ nɛ: «N foo baran busu nɛginin kɛ laanka bɛ̀rɛlɔ kɛa sii gɔ́ɔ̃-n wa. Bɛ̀ Saaraa boo mɛn pɛ n nɛ, a tumaa si. A giala, n tɔrɔ giala basa n die boe Izaaki ni.

Siin Giala 49:10

Kiibaa n die goɛ̃ Zudaa a kion biikoo tumaa li. Kiibaa ǹ bàbàla n die goɛ̃ a tɔrɔn gɔn biikoo tumaa li, yǎa kiibaa ǹ bàbàla lɛ a dɛnaa die, tɔrɔ tumaa doamaa bɛ́ ǹ min mɛn bɔlɔ si.

Matiə 1:1

Yezu *Krita n kii Davida laanka Abrahamu tɔrɔ lɛa. Ǹ digolon tɔn nə́ ke:

Luku 1:55

A bɛ́ á n lɛ kɔ wɔ digolo Abrahamu la ka siin mɛnɛn nɛ, a n die bɛn zɛnɛɛ wɔsɛn kɛn lɛn manɛ a nɛnyaanan lɛa, a na a lɛ pã yǎa duduu.»

Nya ǹ dín 3:25

Kaa wɔ nə́ n zɛnaa, a giala, ka dinin lɛn man Lawa a boo gii-dalin lɛn nɛnyaanan lɛa. Lawa na á lɛ kɔ kɔn la wɔ ka ka dinin lɛn digolon ne. Á pɛ Abrahamu-n dinin, mà asɛ Lawa n die barka diɛ kanaa minin tɔrɔ tumaa ganaa ka a din a nɛnyaanan barka nɛ.

Rɔmu minin 12:5

Bɛa yɔrɔ kɛ lɛ la, wɔsɛn mɛnɛn bɛ́ gigiã, wɔa kaa kun ka Krita-n lɛ a lɛa nɛ, wɔ á gɔ̀nɔn goon lɛa. Wɔ tumaa n doa-n kɔn ganaa ka min gùn bɛ́ lɔn.

Rɔmu minin 4:13

Sonbore, Lawa na á n lɛ kɔ Abrahamu la, mà asɛ n die kanaa din tumaa koe a nɛnyaanan la ǹ wɔ lɛa. Lawa na á n lɛ kɔ Abrahamu la kɛnɛn, Abrahamu a kɔ Lawa a dí-pɛn lɛ a lɛa bie wa. Sɛnɛ, Lawa din bɛ́ á ga a ganaa min pepere lɛa, a golee Lawa li mɛn a lɛa ke, bɛ taman yii ni.

Rɔmu minin 4:16

Lawa na á ná a lɛ kɔ ǹ sii lɛ zɛnaa a giala, mà Abrahamu golee li. Bɛa lɛ kɔ ǹ sii lɛ n bǐɛ̃baa ǹ màn lɛa á kɔ kooro. Bɛa yɔrɔ kɛ la, a n lɛ kɔ ka sii mɛn nɛ, bɛ n Abrahamu a nɛnyaanan tumaa wɔ lɛa. Ǹ mɛnɛn bɛ́ Lawa a dí-pɛn nə́ ǹ li, a bie bɛn dininsɔɔ̃nɔn wɔ lɛa wa. Sɛnɛ, ǹ mɛnɛn dɔn nə golee Lawa li ka Abrahamu din bɛ́ lɔn, a n bɛn dɔn wɔ lɛa. Abrahamu lɛ n wɔ tumaa a díi lɛa.

Rɔmu minin 9:4

Ǹ dinin lɛn man Izirayeli minin lɛa, maǹ Lawa din a tɔrɔ lɛa, á ǹ bɔ a nɛnyaanan lɛa, a ná a din a gugurubaa kɛ nyaa ǹ nɛ. A na á lɛ kɔ kɔn la wɔ ka ǹ dinin ni, a ná a dí-pɛn kɔ ǹ la, a ná a din guguru kɔ ǹ gɔn nyaa ǹ nɛ, á n lɛ kɔ ǹ la gunyin damata ka kirisibaa ǹ boo ne.

Korɛnti1 12:12

Taãn nɛ, *Krita n ka gɔ̀nɔn goon bɛ́ lɔn, gù gigiã ná a ganaa. Sɛnɛ, gù lɛ laanka a gigiãbaa nɛ, a n gɔ̀nɔn goon lɛa.

Korɛnti1 12:27

A da yaa ka tumaa n Krita gɔ̀nɔn lɛa, kaa didie dɔ na a gù kɔ́n lɛa.

Korɛnti2 11:22

Bɛ̀ maǹ *Ebrəən lɛa? Masɛ dɔ na a lɛa. Bɛ̀ maǹ Izirayeli minin lɛa? Masɛ dɔ na a lɛa. Bɛ̀ maǹ Abrahamu tɔrɔn lɛa? Masɛ dɔ na a lɛa.

Galaasi minin 3:19

Dí-pɛn man nə́ daa wàa mɛn a lɛa kəni? Maǹ nə́ daa, ń giɛ màn mɛn bɛ́ sii baraa lɛ lɛa taãnɛ, wɔ bɛ dɔ̃. Lon a dia dí-a wolen man nə́ bɛa dí-pɛn kɛn lɛn kɔ. Ǹ nə́ min goon baa zɛlɛ lɛa, Muizu ni. Maǹ nə́ dí-pɛn lɛn kɔ, mà ǹ goã yǎa Abrahamu tɔrɔ kɛ lɛ a daa doe, lɛ-kɔ nə n wɔ asɛ mɛn lɛ nɛ.

Galaasi minin 3:8

Lawa a sɛ́wɔ wɔ yiri da a-n lɛlɛ, mà Lawa á re lɛ koe tɔrɔ kɔsɔn ganaa min peperen lɛa ǹ goleemali taman yii. Bɛ lɛ nɛ, á saa lɛlɛ á boo kɔɔ̃n kɛ pɛ Abrahamu ni: «Lawa á re barka diɛ kanaa minin tumaa ganaa n lɛa.»

Efɛɛzi minin 5:32

Sii-durii gole n ka kɛ nɛ. Man pii Krita laanka Lawa a sɔmɔ kɛ wɔ paǹ li.

Kolɔɔsi minin 2:19

ǹ ba goɛ̃ doa-n Krita ganaa wa, Krita mɛn bɛ́ màn din tumaa mìi lɛa. A din mìi kɛ lɛ barka nɛ gɔ̀nɔn lɛ din tumaa lɛ, Lawa a sɔmɔ lɛa, bɛ n goɛ̃ doa-n kɔn, a nə́ n toe, màn mɛn bɛ́ toɛ a gole kɔ a kɔnpɛ ka Lawa din dùũ ni.

Kolɔɔsi minin 3:11

Bɛa yɔrɔ kɛ la, bɔkɔnlɛ banban doo Zuifu laanka tɔrɔ kɔsɔ bii ni wa, kurii wole banban ka kurii baãnaa-n wa; tii ni, sii-doɛ̃ baãnaa nɛ, bɛ̀rɛ nɛ, tá ma din gɔn wìi a lɛa wole ne, bɛ kɔ́n banban. Krita dinsɔɔ̃ na a tan, a din nə màn tumaa lɛa ka tumaa gɔ́ɔ̃ nɛ.