Galaasi minin 3:10 - LAWA A BOO SONBORE

¹⁰ Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

LAWA A BOO SONBORE 2011

¹⁰ Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

Galaasi minin 3:10 ပူးပေါင်းရင်းမြစ်များ

Siin Giala 4:11

A kũ sisia ganaa, n diɛ̃ kɛ lɛ ń dɛ, tán mɛn nə n lɛ bũ a ná a mà mi, masɛ n lɛn pipiã bíi n li bɛa tán lɛ la.

Izayii 43:28

Bɛ lɛ nɛ, má bǎã sonbore kɛa kiãn nɔɔ má ǹ kaa, má Zakɔba tɔrɔ lɛ wɔ a ziziɛ̃ wolen gɔn, má Izirayeli toa a sɔ kaa ma la wolen gɔn.

Zeremii 11:3

n pɛ ǹ nɛ: «Dɛnaa Lawa Izirayeli a Lawa boo mɛn da á ke: Bɛ̀ min mɛn kɔ lɛ kɔ kɔn la ǹ boo kɛn lɛ wa, lɛn baraa nə n bíi li.

Zeremii 32:23

Ǹ nə́ wɔ a nɛ, ǹ nə́ si ǹ nə́ baa ǹ wɔ lɛa. Sɛnɛ, ǹ nə n too kɔ n lon wa, ǹ kɔ n daraan lɛ wa, ǹ kɔ n dí-pɛn lɛ wa. Bɛ lɛ nɛ pelo, koe kɛ tumaa á boe ǹ ganaa.

Ezekieli 18:4

Sonbore ne, min tumaa n masɛ din wɔ lɛa. Díi bɛ́ maa wɔ lɛa lɔn, nɛ dɔ n maa wɔ lɛa miɛ̃. Min mɛn bɛ́ sii baraa zɛnɛɛ, bɛa dɛnaa lɛ din nə die giɛ̃.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Rɔmu minin 4:15

Lawa a dí-pɛn lɛn man dɔlɔ diɛ min mìi ni, a giala, dí-pɛn bɛ́ ǹ ba bǎã mɛn nɛ wa, dí-pɛn bɔlɔ-tii dɔ banban.

Rɔmu minin 6:23

Sii baraa a saraa n ka gɛ̀ nɛ. Sɛnɛ, Lawa din na á bǐɛ̃ zɛnaa wɔ nɛ kooro, bɛ n ka nyin nyabaã wole kɛ nɛ, wɔa tá kun Dɛnaa Yezu Krita-n gɔ́ɔ̃ nɛ.

Rɔmu minin 8:7

Min mɛnɛn taasiɛ bɛ́ doa-n gɔ̀nɔn foo siin ganaa, bɛn man Lawa a zɔ́ɔn lɛa. A giala, ǹ ba Lawa a dí-pɛn bɔlɔ sii wa, ǹ ba boe la dinin ǹ bɛ zɛnaa wa.

Korɛnti2 3:7

Landa mɛn bɛ́ á n kiɛ̃ kɔlɔ ganaa sɛ́wɔ nɛ gogoon, Lawa a gugurubaa a siĩnbaa yɛ bɛa biikoo lɛ li. Muizu yɔrɔ tɛ pɛ ka yɔrɔ kɔ́n nɛ, yǎa Izirayeli minin nə́ ǹ ba boe la, ǹ tá n yiin doɛ la wa, a da yaa, bɛa tɛ-pɛ kɛ lɛ doamaa nɛ a papaã. Á ke, Landa mɛn bɛ́ a nya ǹ dí n woe ka min ni gɛ̀ ganaa, siĩnbaa kɛ miã na á yɛ bɛ nɛ.

Galaasi minin 2:16

Sɛnɛ, wɔ á doɛ̃ wáa Lawa n lɛ koe min ganaa min pepere lɛa, a golee Yezu Krita li barka nɛ. A bie lɛ koe min ganaa Muizu a dí-pɛn zɛnaan lɛa wa. Wɔsɛn dɔn man wɔ golee Yezu Krita li, màn mɛn bɛ́ toɛ, Lawa lɛ kɔ wɔ ganaa min peperen lɛa, wɔa golee Krita li taman yii. Sɛnɛ, wɔa dí-pɛn sii zɛnaan taman yii bie wa. A giala, Lawa a lɛ koe min kɔ́n ganaa min pepere lɛa, dí-pɛn sii zɛnaan lɛa wa.

Timəə dí-pɛn 27:26

Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ! Bɛ kio, zaman lɛ tumaa pɛ: «A n miɛ̃!»

Timəə dí-pɛn 29:20

Dɛnaa Lawa á re niɛ a bɔ Izirayeli minin lɛn tumaa ganaa, a dɔlɔ bɔ a ganaa, a kɔnpɛ ka lɛ kɔ kɔn la lɛ a dɔlɔ tumaa nɛ, ǹ mɛnɛn boo bɛ́ kiɛ̃ nɛ dí-pɛn sɛ́wɔ kɛ nɛ.