Galaasi minin 2:9 - LAWA A BOO SONBORE

⁹ Zaaki ni, Piɛrɛ nɛ, ka ZAÃ nɛ, bɛn lɛn man nə́ goã nyɛɛnaan-bɔlen lɛa. Ǹ nə́ dɔ̃ mà Lawa na á bɛa bǐɛ̃baa ǹ dí kɛ lɛ kɔ masɛ la. Ǹ nə́ n gɔn wɔ masɛ gɔn ka Barnabaasi ni. Bɛ nə́ n baa wɔa kaa kun mìi lɛa, màn mɛn bɛ́ toɛ, wɔsɛn nə wo tɔrɔ kɔsɔn li, ǹsɛn nə wo Zuifun li.

LAWA A BOO SONBORE 2011

⁹ Zaaki ni, Piɛrɛ nɛ, ka Zaã nɛ, bɛn lɛn man nə́ goã nyɛɛnaan-bɔlen lɛa. Ǹ nə́ dɔ̃ mà Lawa na á bɛa bǐɛ̃baa ǹ dí kɛ lɛ kɔ masɛ la. Ǹ nə́ n gɔn wɔ masɛ gɔn ka Barnabaasi ni. Bɛ nə́ n baa wɔa kaa kun mìi lɛa, màn mɛn bɛ́ toɛ, wɔsɛn nə wo tɔrɔ kɔsɔn li, ǹsɛn nə wo Zuifun li.

Galaasi minin 2:9 ပူးပေါင်းရင်းမြစ်များ

Kiin2 10:15

Zewu bɛ́ á kiɛ̃ á n bɔ walan, á n da Rekabu a nɛgiĩ Zonaadaabu lɛ, a nyɛɛnɛ die n diɛ lɛ. Zewu fòo da nɛ á pɛ nɛ: «N gɔ́ɔ̃ tá fu masɛ wɔ paǹ li ka maa wɔ bɛ́ fu n wɔ paǹ li lɔn?» Zonaadaabu ná a lɛ si: «Á fu.» Zewu nə́ n toa: «Bɛ̀ n gɔ́ɔ̃ lɛ á fu, n gɔn kɔ ma la.» Zonaadaabu nə́ n gɔn lɛ kɔ la. Zewu Zonaadaabu kũ á da a din genli, a wotoro ne,

Matiə 16:18

Bɛ lɛ taman yii, man pii n dɔ Piɛrɛ nɛ: «Ma n Piɛrɛ lɛa (bɛ giala mà gɛ̀taã). Masɛ n die maa sɔmɔ giala koɛ bɛa gɛtaã lɛ la. Haalɛ gɛ̀ din ba re màn kɔ́n zɛnɛɛ a minin man wa.

Luku 22:8

Yezu Piɛrɛ laanka ZAÃ dia, á pɛ ǹ nɛ mà ǹ wo kiɛ̃mala ǹ zɔ́n lɛ a màn-bii zɛnaa, ǹsɛn nə da bii.

Zaã a sɛ́wɔ 1:42

Á kũ á daa-n Yezu li. Yezu nə́ ǹ yiin doa Piɛrɛ la á pɛ: «ZAÃ a nɛgiĩ Simɔn lɛ n ka n din ni. N tɔ á die n bíi Sefasi (bɛ giala mà Kɔlɔ, ǹ tá boe la ǹ bíi dɔn mà Piɛrɛ).»

Nya ǹ dín 12:17

Piɛrɛ nə́ n gɔn yiɛ ǹ nɛ, mà ǹ nə n lɛ tã. Dɛnaa bɛ́ á bɔ kòso-n lɔn, á bɛ laakalaa ǹ nɛ. A ná a boo gɔn nyɔmɔɔ ka kɛ nɛ: «Ka wo bɛ pɛ Zaaki laanka dɔɔ̃nɔn manɛ.» Bɛ kio, á zii kũ á woo kɛ kɔsɔ ganaa.

Nya ǹ dín 15:13

Ǹ bɛ́ ǹ nə́ boo da ǹ nə́ nya, Zaaki dɔ tɔ́n nə́ n lɛ bũ á pɛ: – Ma dɔɔ̃nɔn lɛn, ka n too kɔ masɛ lon.

Nya ǹ dín 15:7

Liere lɛ bɛ́ á sasa kɔ, Piɛrɛ nə́ n lɛ bũ á pɛ: «Ma dɔɔ̃nɔn lɛn, táa ka á doɛ̃ mà Lawa na á masɛ bɔ ka bii a giala koe li, màn mɛn bɛ́ toɛ, ma boo tii kɔɔ̃n pɛ tɔrɔ kɔsɔn manɛ, ǹ lɛ kɔ a ganaa ǹ golee Yezu li.

Nya ǹ dín 4:36

Bɛ lɛ nɛ, giĩ goon dɔ́ zɛnaa miɛ̃. Bɛa giĩ lɛ tɔ na á goã Zozɛfu, Siipri gána min ni, Levii tɔrɔ lɛa, dia dí-a wolen man nə́ goã bíi Barnabaasi, bɛ giala, mà "Minin foo-taãli".

Rɔmu minin 1:5

A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

Rɔmu minin 12:3

Lawa din na á dí kɛ lɛ kɔ ma la, ka a din a bǐɛ̃baa barka nɛ. Bɛ lɛ tɔ ganaa, man pii ka tumaa nɛ, máa min kɔ́n baran taasiɛ wɔ, a n din da bǎã gole-n wa. Sɛnɛ, didie din boɛɛn kɔ ǹ taasiɛ wɔ a din wɔ gɔn la, Lawa goleemali pàã lɛ mɛn kɔ la, a kɔnpɛ ka bɛ nɛ.

Rɔmu minin 15:15

Má sɛ́wɔ kɛ a paǹ tɛn kiɛ̃ ka boo kaka nɛ, a mìi n ka kɛ dinsɔɔ̃ nɛ: Ka bɛ́ màn mɛn doɛ̃ gɔrɔ ke lɛn, man ka yiri gisĩ bɛ nɛ. Lawa din bɛ́ á dí mɛn kɔ ma la, ká a din a bǐɛ̃ barka nɛ, bɛ n zii koe ma la ma á zɛnɛɛ miɛ̃.

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti2 11:5

A tá ma yiri ni, máa masɛ a nyaabaa nɛ bɛa dia dí-a wole gɔ̀lɔ̀ dadaran kɛn lɛn-a wa.

Korɛnti2 12:11

Ma á ke boo mɛn diɛ ka gàãnaa wɔ bɛ́ lɔn, ka dinin man ká ma da bɛ ganaa, bɛ̀ ka dinin doamaa nɛ, ka maa zia gii si. A giala, ta masɛ a màn kɔ́n lɛa wa, maa a nyaabaa nɛ bɛa dia dí-a wole gɔ̀lɔ̀ dadaran kɛn lɛn-a wa.

Korɛnti2 8:4

Ǹ nə́ ma nyankɔ ka ǹ parsii ni, mà ma lɛ kɔ ma n gii kaa kun ka ǹsɛn nɛ, ǹ boo la, ǹ nə ǹ dɔmalɛ kɛ dia Zudee gána a Lawa a minin la.

Galaasi minin 1:18

Lɛ̀ sɔɔ bɛ kio, má woo Zeruzalɛmu, má kɔn dɔ̃ ka Piɛrɛ nɛ. Wɔ́ goã kun piizii paa.

Galaasi minin 2:1

Lɛ̀ fulusii bɛ kio, má wusoo má woo Zeruzalɛmu kun ka Barnabaasi ni. Má Tiiti dɔ kũ má woo ne.

Galaasi minin 2:2

Lawa na á ma yii toɛ̃, á nyaa ma nɛ mà ma woo. Bɛ lɛ nɛ má woo. Ma bɛ́ má goã Boo Tii Kɔɔ̃n mɛn lakalɛɛ tɔrɔ kɔsɔn manɛ, má bɛ yɔrɔ pɛ ǹ nɛ. Nyɛɛnaandɛnan dininsɔɔ̃nɔn kɔn-yɛ goon bǎã dɔ nɛ, má a yɔrɔ pɛ. Ń giɛ ma dí mɛn nya lɛlɛ, ka sisia wɔ nɛ, bɛn baran goã kooro wa.

Galaasi minin 6:3

Bɛ̀ min mɛn tá taasɛ mà asɛ n màn gole lɛa, a ná a màn kɔ́n dɔ lɛa wa, a nə n din yiri siɛ̃.

Efɛɛzi minin 2:20

Ǹ bɛ́ kion mɛn doe, Yezu a dia dí-a wolen laanka Lawa a boo gii-dalin kion gòã-daa kɛ la, kasɛn dɔn man bɛ lɛa. Yezu Krita dinmaa na a gùrù koa ǹ kɔlɔ lɛa.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Kolɔɔsi minin 1:29

Maa doa parsiini lɛ mìi n ka bɛ nɛ. Ma bɛ́ dí mɛn dɔ nyɛɛ ka Krita pàã kɛ nɛ, a nə́ n doe ma lɛ taãn-taãnɛ, bɛ lɛ dɔ mìi n ka bɛ nɛ.

Timote1 3:15

Sɛnɛ, bɛ̀ má belebɔ ma a die wa, n doamaa bɛ́ nɛ n dí mɛn nya Lawa a kion minin bii, sɛ́wɔ kɛ lɛ á re toɛ n bɛ dɔ̃. Bɛa kion lɛ n Lawa yiikoonaa a sɔmɔ lɛa, sonbore koa ǹ bǎã laanka a tamaa ǹ bǎã nɛ, ka yírəə bɛ́ we-n kion li lɔn, á n kuĩ koɛ lon.

Zaã1 1:3

Wɔ màn mɛn ma, wɔ́ yɛ dɔn, wɔ ǹ bɛ lɛ pii ka dɔn nɛ, ń giɛ kaa-kun mɛn bɛ́ wɔ bii ni ka Díi Lawa nɛ, ka a Nɛgiĩ Yezu *Krita nɛ, ka dɔn nə goã kun ka wɔ nɛ bɛ gɔ́ɔ̃ nɛ.

Sii-nyaan 3:12

Min mɛn bɛ́ re gɔ̀lɔ̀ biɛ, bìbì bɛ́ Lawa a kion li lɔn, a tá re goɛ̃ Lawa a kion miɛ̃, a ba re soe a n bɔ a-n duduu wa. Ma á re maa Lawa tɔ kiɛ̃ a ganaa. Ma á re ma din tɔ dii kɛ kiɛ̃ a ganaa. Ma á re Zeruzalɛmu dii kɛ tɔ kiɛ̃ a ganaa, asɛ kiwi mɛn bɛ́ maa Lawa a giã ǹ bǎã lɛa, á bɔ lon maa Lawa li á gisĩ tán.