Galaasi minin 2:2 - LAWA A BOO SONBORE

² Lawa na á ma yii toɛ̃, á nyaa ma nɛ mà ma woo. Bɛ lɛ nɛ má woo. Ma bɛ́ má goã Boo Tii Kɔɔ̃n mɛn lakalɛɛ tɔrɔ kɔsɔn manɛ, má bɛ yɔrɔ pɛ ǹ nɛ. Nyɛɛnaandɛnan dininsɔɔ̃nɔn kɔn-yɛ goon bǎã dɔ nɛ, má a yɔrɔ pɛ. Ń giɛ ma dí mɛn nya lɛlɛ, ka sisia wɔ nɛ, bɛn baran goã kooro wa.

LAWA A BOO SONBORE 2011

² Lawa na á ma yii toɛ̃, á nyaa ma nɛ mà ma woo. Bɛ lɛ nɛ má woo. Ma bɛ́ má goã Boo Tii Kɔɔ̃n mɛn lakalɛɛ tɔrɔ kɔsɔn manɛ, má bɛ yɔrɔ pɛ ǹ nɛ. Nyɛɛnaandɛnan dininsɔɔ̃nɔn kɔn-yɛ goon bǎã dɔ nɛ, má a yɔrɔ pɛ. Ń giɛ ma dí mɛn nya lɛlɛ, ka sisia wɔ nɛ, bɛn baran goã kooro wa.

Galaasi minin 2:2 ပူးပေါင်းရင်းမြစ်များ

Boo-laakalaali 10:1

Nyuun geren man nyɔɔ gìĩ kɔɔ̃n zɛnaali a nyɔɔ gìĩ ziziɛ̃. Bɛa yɔrɔ lɛ la, baãnaabaa boɛɛn dɔ n sii-doɛ̃ laanka min a gugurubaa ziziɛ̃.

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Nya ǹ dín 15:12

Zaman lɛ tumaa golee ka kiĩni, ǹ nə́ n too kɔ Barnabaasi laanka Pooli lon. Lawa kaãbaa ǹ sii dadaran mɛnɛn zɛnaa ǹ gɔn tɔrɔ kɔsɔn gána nɛ, ǹ nə́ bɛn laakalaa.

Nya ǹ dín 15:2

Á n baa zia lɛa, liere gigiã wɔ Pooli laanka Barnabaasi biin ni ka bɛa minin kɛn lɛn nɛ. Ǹ nə́ tɔ́n pɛ mà Pooli ni ka Barnabaasi ni ka Antiɔsi min kɔsɔn dɔn nɛ, mà ǹ wo Zeruzalɛmu kiwi, dia dí-a wolen laanka nyɛɛnaandɛnan li, bɛa zia kɛ lɛ a boo ganaa.

Nya ǹ dín 15:4

Ǹ bɛ́ ǹ nə́ dɔ Zeruzalɛmu, Lawa a sɔmɔ minin ni, dia dí-a wolen ne, ka nyɛɛnaandɛnan nə́ n da ǹ lɛ sɔnbɔraanɛ. Lawa dí mɛn tumaa nya ǹ gɔn, ǹ nə́ bɛ yii laakalaa ǹ nɛ.

Nya ǹ dín 18:9

Tèlò kɔ́n nɛ Lawa sii nyaa Pooli ni, á pɛ nɛ: «N baran nyɛ́ɛ baa wa, maa a boo lɛ pɛ n wo-n nyɛɛnɛ, n baran n lɛ tã wa.

Nya ǹ dín 23:11

Tèlò bɛ́ á kɔ, Dɛnaa nə́ n din nyaa Pooli ni, á pɛ nɛ: «N foo taã. Ń masɛ a siérebaa ǹ boo pɛ maa lɛa Zeruzalɛmu, n doamaa nɛ n bɛ lɛ miã zɛnaa Rɔmu dɔ nɛ.»

Nya ǹ dín 5:34

Sɛnɛ, giĩ goon nə́ yoo kiri-wɔlen lɛn bii, á pɛ mà ǹ soo ka kòso nɛn lɛn nɛ kanaa boɛɛn nɛ. Bɛa giĩ lɛ n *Fariziɛ̃ lɛa, a tɔ n Gamalieli, landa sii-daraali goon ne, a sii á kɔɔ̃n gána lɛ a minin-a parsiini.

Rɔmu minin 9:16

Bɛ bie boe min kɔ́n dùũ li wa, ka min kɔ́n a doakasie-n wa, sɛnɛ, a n boe Lawa a makara dɔ̃libaa dinsɔɔ̃ li.

Korɛnti1 1:23

Sɛnɛ, Krita mɛn bɛ́ ǹ nə́ dere gɔn ganaa, wɔsɛn man bɛ boo diɛ. Bɛ n sii kaka lɛa Zuifun ganaa, a n gàãnaabaa lɛa tɔrɔ kɔsɔn yii li.

Korɛnti1 2:2

A giala, ma biikoo mɛn zɛnaa ka li, ma ga li máa ma màn kɔsɔ nyaa ka nɛ, á kiɛ̃ Yezu *Krita boo la wa, sanparɛ a dere gɔn ganaa boo kɛ din.

Korɛnti1 9:24

Ka á doɛ̃ mà baa-silin man baa sii kun, sɛnɛ, min goon toto na a saraa yii. A bɛ́ miɛ, ka dɔn nə baa si, ń giɛ ka á saraa lɛ yii.

Korɛnti1 9:26

Bɛ lɛ-n masɛ á baa sii, ma yii n doa-n golee ǹ bǎã la. Man ka gɔn-munii wɔle mɛn bɛ́, a min dii a mìi gialaa wa.

Korɛnti2 12:1

Á kɔnboe man din kalaa, a laanɛ a siĩn wa. Sɛnɛ, Dɛnaa toa ma siin mɛnɛn yɛ, man die bɛn boo diɛ kanna.

Galaasi minin 1:12

Minbuiin nɛ bie á kɔ ma la wa, min kɔ́n dɔ bie á ma daraa ganaa wa. Sɛnɛ, Yezu Krita din na á ma yii toɛ̃ ka a doɛ̃ nɛ.

Galaasi minin 1:6

Dɔɔ̃nɔn lɛn, kɛ masɛ tɔwaa kaa wɔ paǹ li parsiini! Lawa na á ka bíi Yezu Krita a bǐɛ̃ pàã ganaa. Sɛnɛ, asɛ mɛn ka bíi, ká n yɔrɔ bɔyaa, ká bɔ la bǎã goon ne, ká n yɔrɔ da Boo Tii Kɔɔ̃n kɔsɔ la.

Galaasi minin 2:6

Sɛnɛ, ǹsɛn mɛnɛn nə goã nyɛɛnaandɛnan lɛa, ǹ yiri dii kɔ́n da masɛ yiri li wa. Ǹ bɛ́ ǹ nə́ goã màn mɛn lɛa, bɛ kaa masɛ a sii li wa. A giala, Lawa a bɔǹbii-a we wa.

Galaasi minin 2:9

Zaaki ni, Piɛrɛ nɛ, ka ZAÃ nɛ, bɛn lɛn man nə́ goã nyɛɛnaan-bɔlen lɛa. Ǹ nə́ dɔ̃ mà Lawa na á bɛa bǐɛ̃baa ǹ dí kɛ lɛ kɔ masɛ la. Ǹ nə́ n gɔn wɔ masɛ gɔn ka Barnabaasi ni. Bɛ nə́ n baa wɔa kaa kun mìi lɛa, màn mɛn bɛ́ toɛ, wɔsɛn nə wo tɔrɔ kɔsɔn li, ǹsɛn nə wo Zuifun li.

Galaasi minin 5:7

Ka a giala kɔ doɛ̃ sɔnbɔraanɛ! Sɛnɛ, die na á ka kurəə mà ka nyan sonbore boo lɛ si doo wa?

Filipi minin 2:16

ka yiikoonaabaa kɔ ǹ boo kɛ nyaa ǹ nɛ. Bɛ̀ ka á zɛnɛɛ miɛ̃, ma foo á re kɔɔ̃n koe ka ka nɛ, Krita a lɛawaa kɛ a pinaa; bɛ á re nyɛɛ, mà maa wen waa tumaa nɛ, ka maa dí nyɛɛ tumaa nɛ, mà ǹ goã kooro wa.

Filipi minin 2:29

A bɛ́ miɛ, ka n da lɛ ka foo kɔɔ̃n kɔ tumaa nɛ, ka dɔɔ̃n lɛa Dɛnaa wɔ gɔ́ɔ̃ nɛ. Ka doamaa-n ka guguru kɔ ǹ sii zɛnaa bɛa minin kɛn miãn manɛ, ka asɛ kɛ lɛ bɛ́ lɔn.

Tesaloniki1 3:5

Bɛ lɛ na á toa ke, ma bɛ́ má giã má fɔ̃, má Timote dia máa a da kaa golee Lawa li lɛ konpa bɔ. Nyɛ́ɛ na á goã ma ganaa, máa *Sɛtaan tɔn nə n da ka gɔ́ɔ̃ li, a ka bebele, wɔa nɔmaa kɛ tɔn kiɛ̃ a kooro baa.

Timote2 4:7

Má n doa má yɔ bɔ sɔnbɔraanɛ. Má dɔ maa baa lɛ dan ganaa. Má bɔlɔgoondɛnaa baa.

Ebrəə 12:1

Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ.