Galaasi minin 1:8 - LAWA A BOO SONBORE

⁸ Sɛnɛ, bɛ̀ min daa Boo Tii Kɔɔ̃n kɔsɔ pɛ ka nɛ, a ná a ba goon ka kɛ lɛ nɛ, má pɛ ka-n wa, koe die a bɔ ǹ dɛnaa ganaa. Haalɛ ta ma dinmaa lɛ nɛ, hinlaa lon a dia dí-a wole kɔ́n nɛ.

LAWA A BOO SONBORE 2011

⁸ Sɛnɛ, bɛ̀ min daa Boo Tii Kɔɔ̃n kɔsɔ pɛ ka nɛ, a ná a ba goon ka kɛ lɛ nɛ, má pɛ ka-n wa, koe die a bɔ ǹ dɛnaa ganaa. Haalɛ ta ma dinmaa lɛ nɛ, hinlaa lon a dia dí-a wole kɔ́n nɛ.

Galaasi minin 1:8 ပူးပေါင်းရင်းမြစ်များ

Siin Giala 9:25

Á tɔ́n pɛ: «Koe die a bɔ Kanaan ganaa. A die a n baa ǹ dɔɔ̃nɔn lɛn bɛ̀rɛn bɛ̀rɛ lɛa!»

Kiin1 13:18

Giĩ zizi lɛ tɔ́n pɛ nɛ: «Masɛ dɔ n Lawa a boo gii-dali lɛa, ka n dɔ bɛ́ lɔn. Dɛnaa Lawa lon a dia dí-a wole goon dia die pii ma nɛ mà man lɛ goa, n nə n ta kun ka masɛ-n piɛ, n die n màn bii, n mu mi.» Sɛnɛ giĩ zizi Lawa a boo gii-dali lɛ na á goã á soɛ bɔ nɛ.

Nehemii 13:25

Má ǹ zɛ̀rɛ baa, má n lɛ baraa da ǹ kio. Ma gɔn mɛ min didi ganaa ǹ bii, má ǹ mìi ka wɔwoɛ̃. Bɛ kio, má ǹ kaa liɛ ganaa ka Lawa tɔ nɛ, máa ǹ baran toa ǹ nə ǹ nɛlɔn kɔ bɛa minin kɛn lɛn nɛgiĩn la wa, ǹ baran ǹ dɔn nɛlɔn goa ǹ nɛgiĩn laanka ǹ dinin wɔn lɛa wa.

Zeremii 23:16

Dɛnaa Lawa Pàãyiidɛnaa pɛ: Ka nyan nə n too kɔ Lawa a boo gii-dalin kɛn lon wa. Maǹ ka yiri siɛ̃. Ǹ bɛ́ boo mɛn diɛ, ǹ dinin taasiɛn manɛ. Masɛ a boon bie wa.

Zeremii 23:36

Ka doamaa bie ka pɛ doo mà Dɛnaa Lawa na á guĩ da min mìi-n wa. Dɛnaa Lawa a boo n guĩ lɛa? Haayii. Sɛnɛ, bɛ̀ ka bɛa boon kɛn tɔrɔn da, ka ǹ Lawa Yiikoonaa, Lawa Pàãyiidɛnaa, wɔa Lawa a boo kɔkɔrɔ koe.

Matiə 25:41

Bɛ kio, kii lɛ á die pii a gɔsɛdɛnan lɛn manɛ: «Lawa bɛ́ á barka bɔ kasɛn mɛnɛn nɛ, ka n zɔ̃ ka n bɔ masɛ ganaa! Tɛ mɛn bɛ́ a ba nimi wa, Lawa zɛnaa *Sɛtaan laanka a dia dí-a wolen manɛ, ka wo walan.

Marki 14:71

Piɛrɛ yoo á dì bíi á n liɛ, á pɛ: «Bɛ̀ masɛ soɛ bɔ, Lawa dɔlɔ bɔ ma ganaa! Ka bɛ́ giĩ mɛn lɛ boo diɛ masɛ nɛ, masɛ a doɛ̃ wa!»

Nya ǹ dín 23:14

Ǹ nə́ woo wúlu-bɔlen goledɛnan laanka nyɛɛnaandɛnan yaa, ǹ nə́ pɛ bɛn manɛ: «Wɔsɛn man wɔ́ n liɛ taãn-taãnɛ, wáa wɔ ba màn kɔ́n we wɔ lɛ-n wa, yǎa wɔ Pooli dii a giɛ̃.

Rɔmu minin 16:17

Ma dɔɔ̃nɔn lɛn, man ka nyankoe taãn-taãnɛ, min mɛnɛn bɛ́ toɛ̃-kɔn we Lawa-nyankɔlen bii, ǹ nə́ ǹ yiri siɛ̃ ǹ tá ǹ papaɛ̃, ka n dinin kũ bɛn ganaa. Ka n daraa Lawa a boo mɛn ganaa, bɛa minin kɛn lɛn da ǹ boon laanka ǹ minin daraa ǹ siin man zia biɛ bɛa boo kɛ lɛ ganaa. Ka n na ka n bɔ bɛa minin kɛn lɛn ganaa.

Rɔmu minin 9:3

ma dɔɔ̃nɔn lɛa, ma din tɔrɔ minin kɛn. Á kɔɔ̃n ma ganaa Lawa ma daa, a ma na dinin, a ma bɔ Krita ganaa ǹsɛn lɛa.

Korɛnti1 12:3

Bɛ lɛ nɛ, ma á pii ka nɛ foaãnɛ: Min kɔ́n ba boe la a goã Lawa a Yiri Fu pàã giulun, a boo baraa dɔ da Yezu ganaa wa. Min kɔ́n dɔ a boe la a pɛ mà Yezu n Dɛnaa lɛa, bɛ̀ Yiri Fu ná a ba kun ni wa.

Korɛnti1 16:22

Bɛ̀ Dɛnaa a kɔɔ̃n min mɛn ganaa wa, koe bɔ ǹ dɛnaa ganaa! Maranata! – bɛ giala mà «Wɔa Dɛnaa, daa!»

Galaasi minin 1:9

Má bɛ pɛ ka-n gɔrɔ. Man wusii ma á pii ka-n kanna doo, máa bɛ̀ min mɛn daa Boo Tii Kɔɔ̃n kɔsɔ pɛ ka nɛ, a ná a ba goon ka kɛ lɛ nɛ má pɛ ka-n wa, máa koe die a bɔ ǹ dɛnaa ganaa!

Galaasi minin 3:10

Sɛnɛ, min mɛnɛn bɛ́ n foo doɛ dí-pɛn ganaa, mà ǹsɛn nə pepere kɔ Lawa yɔrɔ-a, koe á re boe bɛn ganaa. A giala, á kiɛ̃-n Lawa a sɛ́wɔ nɛ: «Min mɛn bɛ́ a re koe bɛa dí-pɛ kɛ lɛ a boon lɛ a ǹ lɛ pã wa, bɔ̀n na á bɛa dɛnaa yɛ!»

Galaasi minin 3:13

Koe mɛn goã wɔ mìi-n dí-pɛn lɛ-tii a lɛa, Krita na á wɔ kirisibaa bɛ lɛ ganaa. A giala, koe bɔ a dinmaa lɛ ganaa wɔ a lɛa. Ka Lawa a sɛ́wɔ bɛ́ á pɛ lɔn: «Bɛ̀ ǹ nə́ min mɛn gere da da la, koedɛnaa n ka bɛ nɛ.»

Tiitii 3:10

Min mɛn bɛ́ na kɔn-a ǹ dí nyɛɛ, n nə n dan da bɛ nɛ a dɔ gunyin paa, n tɔn yɛ n toa.

Zozoe 9:23

Bɛ lɛ nɛ, a kũ sisia ganaa, bɔ̀n na á ka yɛ. Ka n die goɛ̃ bɛ̀rɛbaa ǹ dí la miɛ̃, ka gɔn yu, bɛ̀ ka mu si masɛ a Lawa a kion kɛ wɔ lɛa.»

Piɛrɛ2 2:14

Yii bɔ lɔn li nə ǹ dí lɛa; sii baraa zɛnaa ba ǹ gɔ̀nɔn boe wa. Maǹ gɔn diɛ min pàã wɛɛnaan ganaa ǹ tá ǹ kuĩ. Ǹ la yii n kakaɛ̃ ka ga màn li baraa nɛ. Bɔ̀n minin manɛ Lawa yɔrɔ-a.

Samayeli1 26:19

Maa dɛnaagiĩ kii lɛ die a bǐɛ̃ kɔ sisia, a n too kɔ a bɛrɛgiĩ a boo ganaa. Bɛ̀ Dɛnaa Lawa nə n sɔmɛ n diɛ ma ganaa, Lawa gɔ ǹ màn die a Dɛnaa Lawa foo basã! Sɛnɛ, bɛ̀ minin manə n sɔmɛ n diɛ ma ganaa, bɛn dɛnan wɔ die a ziziɛ̃ Dɛnaa Lawa yɔrɔ-a. A giala, maǹ nə́ ma loo pelo, ǹ nə́ ma bɔ Dɛnaa Lawa a kíɛ̃ ganaa, ǹ nə́ die ma diɛ lawa kɔsɔn guguru kɔ ganaa.