Galaasi minin 1:21 - LAWA A BOO SONBORE

²¹ Bɛ dɔ kio ne, má tɔ́n woo Siirii ka Siliisii gána nɛ.

LAWA A BOO SONBORE 2011

²¹ Bɛ dɔ kio ne, má tɔ́n woo Siirii ka Siliisii gána nɛ.

Galaasi minin 1:21 ပူးပေါင်းရင်းမြစ်များ

Matiə 4:24

Yezu tɔ bɔ gána lɛ din tumaa nɛ, yǎa á woo dɔ Siirii gána nɛ. Bɛ lɛ na á toa min mɛnɛn bɛ́ ǹ nə́ goã nɔmaa-n busu tɔrɔ gigiã gɔn, busii n die ǹ dii, ǹ nə́ daa ka bɛn nɛ a li. Nɔ̀ɔnɔn bɛ́ ǹ nə́ goã min mɛnɛn ganaa, gigirisandɛnan nɛ, ka min paǹ paa gere-an nɛ, ǹ nə́ daa ka bɛ din tumaa nɛ, Yezu nə́ ǹ busu nya.

Nya ǹ dín 13:1

Lawa a boo gii-dalin laanka minin-daraalin kɔnɔn nə́ goã Lawa a sɔmɔ lɛ nɛ Antiɔsi kiwi. Bɛa minin lɛn man ka Barnabaasi ni, Simiɔn nɛ, ǹ bɛ́ min mɛn bíi Min Tì, ka Lusiisu mɛn bɛ́ boe Sirɛni kiwi, ka kii Erɔdi a nɛnyaanmaa a koa-kun wole Manayɛni ni, ka Sooli ni.

Nya ǹ dín 15:23

Ǹ nə́ tɔ́n sɛ́wɔ kɛ kɔ ǹ la a n kiɛ̃-n kɛnɛn: «Dɔɔ̃nɔn lɛn, kasɛn mɛnɛn bɛ́ tɔrɔ kɔsɔn lɛa, ka golee Lawa li, ka n Antiɔsi kiwi ka Siirii laanka Siliisii gána nɛ, wɔsɛn dia dí-a wolen ne, nyɛɛnaandɛnan nɛ, ka Lawa-nyankɔlen tá fòo diɛ ka nɛ.

Nya ǹ dín 15:41

Á Siirii gána wɔsɔ ka Siliisii gána nɛ, á Lawa a sɔmɔ minin foo taã mà ǹ goã golee Lawa li gɔ́ɔ̃ nɛ.

Nya ǹ dín 18:18

Pooli giã Korɛnti á biikoo gigiã zɛnaa. Bɛ kio, á dɔɔ̃n Lawa-nyankɔlen lɛn toa walan, á wɔ tà kuru ǹ goo ne, á woo Siirii gána-n kun ka Prisili laanka Akilaasi ni. A bɛ́ á dɔ Sankree kiwi, á n mìi kɔɔ̃ kəni, a giala, a na á goã á n lɛ kɔ Lawa la.

Nya ǹ dín 21:3

Wɔ bɛ́ wɔ́ diri Siipri la, wɔ́ nə́ n toɛ tà kuru ǹ goo ne wɔ yii ná a ganaa, wɔ́ kanaa wɔ́ bɔ a gusin a lɛ̀gɔn li, wɔ́ mu kuru wɔ́ woo Siirii ganaa. Wɔ́ golee Tiiri kiwi, a giala, ǹ doamaa nɛ ǹ tà kuru ǹ goo lɛ a guĩ gisĩ walan.

Nya ǹ dín 21:39

Pooli pɛ: «Masɛ? Masɛ n Zuifu lɛa, man boe Tarsi, Siliisii gána nɛ, min tumaa tá maa bɔ ǹ kiwi lɛ tɔ miɛ. Ma nə n nyankoe, n toa ma boo da ka zaman lɛ nɛ.»

Nya ǹ dín 22:3

Pooli pɛ: – Man Zuifu lɛa, man má yɛ Tarsi kiwi, Siliisii gána nɛ, sɛnɛ, man má gole kɔ kiwi kɛ lɛ nɛ kànaa, man má daraa wɔ Gamalieli lon, á kɔnpɛ taãn-taãnɛ ka wɔsɛn digolon landa nɛ. Lawa sii na á goã kaka ma gɔn parsiini, ká a bɛ́ kaka ka dɔn gɔn pelo lɔn ke.

Nya ǹ dín 23:34

Kii Feliksi sɛ́wɔ lɛ pɛ, á nɔ̀n da Pooli la mà a n gána mɛn min lɛa? Pooli ná a lɛ si mà asɛ n Siliisii gána min lɛa.

Nya ǹ dín 6:9

Sɛnɛ, bɛa siin kɛn lɛn zɛnaa gɔ́ɔ̃ nɛ, liere wɔ Itian laanka minin kɔnɔn bii ni. Ǹ tɛnɛn man boe lɛsɔkɔn kion kɔ́n nɛ, ǹ nə́ bíi mà Bɔ Bɛ̀rɛbaa-n Wolen lɛsɔkɔn kion, gialakunun man Sirɛni gána minin lɛa, ka Alɛksandrii kiwi minin ni, kɔsɔn dɔn man Siliisii laanka Azii gána minin lɛa.

Nya ǹ dín 9:30

Ǹ dɔɔ̃n Lawa-nyankɔlen bɛ́ ǹ nə́ bɛ ma, ǹ nə́ kũ ǹ nə́ woo ne Sezaaree kiwi, ǹ nə́ tɔ́n nə n toa walan, ǹ nə́ dia Tarsi kiwi.