Galaasi minin 1:15 - LAWA A BOO SONBORE

^15-16 Sɛnɛ bɛ kio, Lawa lɛ kɔ mà ma a Nɛgiĩ dɔ̃, màn mɛn bɛ́ toɛ, ma a sii nyaa tɔrɔn tumaa nɛ. Bɛ lɛ a lɛa nɛ, á ma bɔ gɔrɔ, bɛ̀ ma tɔn yɛ dinin wa. A din a bǐɛ̃baa gɔ́ɔ̃ nɛ, á ma bíi, mà ma dí nya asɛ nɛ. Bɛ bɛ́ á n zɛnaa, ma nɔ̀n da min kɔ́n la ka yiri-n wa.

LAWA A BOO SONBORE 2011

^15-16 Sɛnɛ bɛ kio, Lawa lɛ kɔ mà ma a Nɛgiĩ dɔ̃, màn mɛn bɛ́ toɛ, ma a sii nyaa tɔrɔn tumaa nɛ. Bɛ lɛ a lɛa nɛ, á ma bɔ gɔrɔ, bɛ̀ ma tɔn yɛ dinin wa. A din a bǐɛ̃baa gɔ́ɔ̃ nɛ, á ma bíi, mà ma dí nya asɛ nɛ. Bɛ bɛ́ á n zɛnaa, ma nɔ̀n da min kɔ́n la ka yiri-n wa.

Galaasi minin 1:15 ပူးပေါင်းရင်းမြစ်များ

Zeremii 1:5

«Ma laan bɛ̀ ma n da n dan gɔ́ɔ̃ nɛ, bɛ̀ ma tá n doɛ̃. N laan bɛ̀ n yɛ, má n bɔ má n koa, máa n maa dí nya, n maa boo gii-dali baa tɔrɔn bii.»

Izayii 49:5

Kanna kəni, Dɛnaa Lawa pɛ, mà asɛ din na á ma zɛnaa ma dan gɔ́ɔ̃ nɛ, mà ma asɛ a dí-nyali baa, màn mɛn bɛ́ toɛ ma da ka Zakɔba tɔrɔn nɛ asɛ li, ma Izirayeli tɔrɔn sɔkɔn bǎã goon ne, asɛ wɔ lɛa. Ma á re gugurubaa yii Dɛnaa Lawa yɔrɔ-a. Maa Lawa n ma pàã lɛa.

Izayii 49:1

Kasɛn, gánan kɛn mu ka da bii, ka n too kɔ ma lon. Tɔrɔn mɛnɛn bɛ́ tìãlɛa, ka n yiri kɔ. Dɛnaa Lawa ma bíi, bɛ̀ ma tɔn yɛ wa. Ma bɛ́ tɔn ma dan gɔ́ɔ̃ nɛ, á ma bii ka ma tɔ nɛ.

Timote2 1:9

Lawa din na á wɔ kirisibaa, á wɔ bíi á wɔ baa a din a minin lɛa. Wɔa zɛnaa ǹ siin lɛa bie wa; sɛnɛ, a na á wɔ bíi, a giala, mà a din foo sii ni. Haalɛ kanaa bɛ́ a tɔn nə n giala kɔ wa, a din na á bǐɛ̃ baa wɔ la ka Yezu Krita nɛ.

Efɛɛzi minin 1:5

a na á saa lɛlɛ, á wɔ baa a din a nɛnyaanan lɛa ka Yezu Krita barka nɛ. A na á zɛnaa miɛ̃, a giala mà bɛ á kɔɔ̃n a ganaa.

Korɛnti1 1:9

Lawa a wusii a boo diɛ kio wa, a din Lawa kɛ lɛ na á ka bíi, mà ka goã doa-n kɔn ka a Nɛgiĩ Yezu Krita, wɔa Dɛnaa kɛ nɛ.

Rɔmu minin 1:1

Masɛ Pooli mɛn bɛ́ Yezu *Krita a bɛ̀rɛ lɛa, masɛ n sɛ́wɔ kɛ kiɛ̃. Lawa na á ma bíi, mà ma dia dí-a wole baa. A na á ma bɔ, mà ma a din a Boo Tii Kɔɔ̃n kɛ pɛ.

Nya ǹ dín 13:2

Ǹ bɛ́ Dɛnaa guguru kɔ ǹ bǎã nɛ ǹ kɔ́n pinaa, ǹ lɛ n sɔɔ nɛ, Yiri Fu pɛ: «Ka Barnabaasi laanka Sooli bɔ ka koa ǹ gɔrɔn, masɛ nə ǹ bíi dí mɛn ganaa, bɛa lɛa.»

Nya ǹ dín 9:15

Sɛnɛ, Dɛnaa pɛ nɛ: «Woo, a giala giĩ kɛ lɛ, min ni, ma din bɔ, màn mɛn bɛ́ toɛ, a masɛ tɔ kɛ laakalaa tɔrɔ kɔsɔn manɛ, ka kiin ni, ka Izirayeli minin ni.

Rɔmu minin 8:30

Lawa din bɛ́ á min mɛnɛn kaa ǹ gɔrɔn, a din na á bɛn bíi, mà ǹ na asɛ a minin baa. A min mɛnɛn bíi, a din na á lɛ kɔ bɛn ganaa min peperen lɛa. A din lɛ kɔ min mɛnɛn ganaa min peperen lɛa, á gugurubaa kɔ bɛn la.

Rɔmu minin 1:5

A din lɛ pàã ganaa, Lawa na á bǐɛ̃ baa masɛ la, á ma baa dia dí-a wole lɛa. Mà ma dí nya Yezu ni, ma tɔrɔ kɔsɔn tumaa nyɛɛnaan sabɔ, ǹ Lawa bɔlɔ si, ǹ goleemali wɔ.

Matiə 11:26

Hiĩ, maa Díi ganaa, a zɛnaa miɛ̃ kɛ na á kɔɔ̃n kɔ n din ganaa.

Samayeli1 12:22

Dɛnaa Lawa tɔ golebaa lɛ taman yii, a ba re a zaman lɛ toɛ walan wa. A giala, Lawa na á bɔ a din ni, á ka baa a zaman lɛa.

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.

Efɛɛzi minin 3:11

Lawa na á goã giɛ li mà a bɛa sii lɛ zɛnaa haalɛ bibi. A na á zɛnaa kanna ka wɔa Dɛnaa Yezu Krita nɛ.

Efɛɛzi minin 1:9

Lawa dinmaa na á saa lɛlɛ á bɛa sii lɛ yɔrɔ bɔ á koa, á n die zɛnɛɛ ka Krita nɛ. A din foo sii ni, á goã durii-n lɛlɛ. Sɛnɛ kanna, á nyaa wɔ nɛ.

Galaasi minin 1:6

Dɔɔ̃nɔn lɛn, kɛ masɛ tɔwaa kaa wɔ paǹ li parsiini! Lawa na á ka bíi Yezu Krita a bǐɛ̃ pàã ganaa. Sɛnɛ, asɛ mɛn ka bíi, ká n yɔrɔ bɔyaa, ká bɔ la bǎã goon ne, ká n yɔrɔ da Boo Tii Kɔɔ̃n kɔsɔ la.

Korɛnti1 15:10

Sɛnɛ, ma bɛ́ màn mɛn lɛa kanna, man bɛ lɛa Lawa a bǐɛ̃baa pàã ganaa. A bǐɛ̃ mɛn baa ma la, bɛ goã kooro wa. A giala dinin, mà má dí nya má la dia dí-a wole gialakunun kɛn lɛn tumaa nɛ. A taãnbaa li, Lawa a bǐɛ̃ mɛn bɛ́ kun ma nɛ, bɛ pàã nɛ, ma din wɔ bie wa.

Korɛnti1 1:24

Sɛnɛ, Lawa min mɛnɛn bɔ, ta Zuifu ni, ta tɔrɔ kɔsɔ nɛ, Krita lɛ n Lawa a pàãyiidɛnaabaa lɛa, ka a sii-doɛ̃ nɛ bɛn yii li.

Korɛnti1 1:1

Masɛ Pooli, Lawa lɛ kɔ á ma bíi, mà ma Yezu *Krita a dia dí-a wole baa. Ma laanka ma dɔɔ̃n Sɔstɛnɛ n fòo diɛ ka nɛ.

Luku 10:21

A din bǎã-n gɔrɔ Lawa a Yiri Fu Yezu da nyɛnyɛɛ ganaa parsiini. Á pɛ: «Díi, lon laanka tán a dɛnaa, ma á barka diɛ nɛ. A giala, n din ni ń bɛa siin kɛn duru sii-dɔ̃lin laanka yiridɛnan la, n nə́ ǹ nyaa min bɔnboɛɛnən manɛ. Díi Lawa, bɛa zɛnaa miɛ̃ kɛ na á kɔɔ̃n kɔ n din ganaa.

Rɔmu minin 9:24

Lawa wɔ dinin mɛnɛn bíi, wɔ́ n wɔ ba Zuifun dininsɔɔ̃nɔn lɛa wa, wɔ n tɔrɔ kɔsɔn dɔn lɛa.

Rɔmu minin 8:28

Wɔ á doɛ̃ dɔn, wáa min mɛnɛn bɛ́ Lawa narɛ, Lawa n dí nyɛɛ sii din tumaa nɛ bɛn bǐɛ̃ a lɛa. A din na á bɛn bíi, á kɔnpɛ ka a din a sii yɔrɔ bɔ nɛ.

Korɛnti1 1:21

Sonbore, kanaa minin nə boo la, ka ǹ dinin sii-doɛ̃ kɛ barka nɛ, ǹ nə́ Lawa a sii-doɛ̃ kɛ giala ma wa. Wɔ bɛ́ dí mɛn pii ka nɛ Yezu a gɛ̀ wɔ gɔn la, a n gàãnaabaa lɛa kanaa minin yii li, a da yaa Lawa golee la, mà min mɛnɛn bɛ́ golee bɛa gàãnaabaa ǹ dí kɛ lɛ li, mà á re bɛn kirisibiɛ.

Galaasi minin 1:1

Masɛ Pooli n dia dí-a wole lɛa. Bɛ bie á bɔ minbuiin nɛ kɔ́n li wa. Min kɔ́n dɔ na a zɛlɛ baa wa. Yezu *Krita laanka Díi Lawa na á ma bíi, Díi Lawa mɛn Yezu lɛ din yii kaa, á bɔ geren li.