Filipi minin 4:7 - LAWA A BOO SONBORE

⁷ Là nyantoro mɛn bɛ́ á kiɛ̃ minbuiinin doɛ̃ tumaa la, Lawa á re bɛ koe ka la, á re ka foo laanka ka yiri lɛduĩ Yezu *Krita wɔbaa gɔ́ɔ̃ nɛ.

LAWA A BOO SONBORE 2011

⁷ Là nyantoro mɛn bɛ́ á kiɛ̃ minbuiinin doɛ̃ tumaa la, Lawa á re bɛ koe ka la, á re ka foo laanka ka yiri lɛduĩ Yezu *Krita wɔbaa gɔ́ɔ̃ nɛ.

Filipi minin 4:7 ပူးပေါင်းရင်းမြစ်များ

Nehemii 8:10

Ɛsidrasi tɔ́n pɛ ǹ nɛ: «Ka wo nyɔɔ mànan bii, ka mi ǹ màn nɔnɔ̀ɔn mi. Bɛ̀ min mɛnɛn nə boo màn kɔn la ǹ nə́ zɛnaa wa, ka die ka bɛn gii bɔ, a giala pelo a lɛawaa kɛ na á n kɔ wɔsɛn Dɛnaa Lawa la. Ka foo baran ziziɛ̃ wa, a giala, Lawa bɛ́ foo kɔɔ̃nbaa mɛn koe, bɛ lɛ nə ka pàã lɛa.»

Zɔbu 22:21

A bɛ́ miɛ̃, wusoo n kaa kun ka Lawa nɛ, là nyantoro goã ka biin ni. Bɛ̀ ń bɛ zɛnaa, á re wusii a yii-nyɛɛ kɔ n la.

Zɔbu 34:29

Sɛnɛ, bɛ̀ Lawa ba li a sii zɛnaa wa, die n die a zɛ̀rɛ biɛ? Bɛ̀ á n duru, die n boe la a yɛ? A bɛ́ giɛ tɔrɔn walan lɔn, a n giɛ min gogoonmaa dɔ walan miɛ̃.

Loen 29:11

Dɛnaa Lawa din tá re pàã koe a minin kɛn la, Dɛnaa Lawa din tá re a minin kɛn gɛrɛsiɛ boe, a là nyantoro kɔ ǹ la.

Loen 85:8

Dɛnaa Lawa, n kɔn-narɛɛ gole kɛ nyaa wɔ nɛ, wɔ yɛ, n din nə wɔ kirisibaa.

Suusun 2:11

Sii bɔkɔnlɛ á re n tamaɛ̃, yirikɔɔ̃baa nə n lɛduə̃.

Suusun 4:6

N nyan nə n wɔlɔ lui sii-doɛ̃ ganaa wa, á re n lɛduĩ. A narɛ, á re n tamɛɛ.

Suusun 6:22

Bɛ̀ ń tá tɔ we, ǹ tá re n nyɛɛnaan boe, bɛ̀ n waa tán, ǹ tá re n tamɛɛ. Bɛ̀ n yii kaa, ǹ tá re n doe n lɛ.

Izayii 26:12

Dɛnaa Lawa, n din nə là nyantoro koe wɔ la. Wɔ sii mɛn tumaa lɛ bɔ, n din nə ǹ tumaa lɛ piɛ̃.

Izayii 26:3

Min mɛn bɛ́ n foo doɛ Dɛnaa Lawa ganaa bɛa dɛnaa n yii nyɛɛ taãn yii, a giala a foo n doa nɛ a din ganaa.

Izayii 45:7

Man wɔlɔ fúlu koɛ, ma wɔlɔ tì zɛnaa. Man là nyantoro zɛnɛɛ, ma koe dɔ zɛnaa. Hiĩ, ma din Dɛnaa Lawa n bɛ tumaa zɛnɛɛ.

Izayii 48:18

Bɛ̀ ma n nə́ n yiri koa maa dí-pɛn kɛn li, bɛ̀ n yii-nyɛɛ n goɛ̃ ka tà mu bɛ́ lɔn, n peperebaa goã ka yìsi mu gole bɛ́ lɔn,

Izayii 48:22

Sɛnɛ, Dɛnaa Lawa pɛ: «Yii-nyɛɛ banban min baraan wɔ lɛa wa.»

Zeremii 32:16

Ma bɛ́ má wuru pii ǹ sɛ́wɔ lɛ kɔ Neriya a nɛgiĩ Baruku la, má Dɛnaa Lawa nyankɔ kɛnɛn:

Zeremii 33:6

Sɛnɛ, ma á re dagòã diɛ ǹ ganaa, ma ǹ kaka kɔ, ma á re là nyantoro taãn-taãn koe ǹ la ka bɔlɔ goondɛnaabaa nɛ.

Minin nimi 6:26

Dɛnaa Lawa yii die a goã ka la, a là nyantoro kɔ ka la.»

Luku 1:79

Min mɛnɛn bɛ́ wɔlɔ tì li, ǹ nə́ nyɛ́ɛ biɛ gɛ̀ nɛ, a n wɔlɔ fúlu kiɛ bɛn ganaa. A n là nyantoro zii nyɛɛ wɔ nɛ.»

Luku 2:14

«Lon màn tumaa Lawa guguru kɔ! A na a là nyantoro koe kanaa minin la, a giala, a tá ǹ narɛ.»

Zaã a sɛ́wɔ 14:27

Man là nyantoro koɛ ka li, ma din a là nyantoro ne. Kanaa bɛ́ là nyantoro koe lɔn, masɛ wɔ kɛ bie miɛ̃ wa. Ka yiri baran n lɔlɔkɔn doo wa, ka baran nyɛ́ɛ baa doo wa.

Zaã a sɛ́wɔ 16:33

Man má kɛ pɛ ka nɛ, màn mɛn bɛ́ toɛ, ka goã là nyantoro la masɛ li. Kanaa kɛ gɔ́ɔ̃ nɛ ka n nɔmaa la, sɛnɛ, ka n foo taã, má gɔ̀lɔ̀baa si kanaa la.»

Rɔmu minin 1:7

Ka mɛnɛn tumaa bɛ́ Rɔmu kiwi, Lawa n ka narɛ, á ka bíi á ka baa a din wɔn lɛa, ma á fòo diɛ ka nɛ. Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Rɔmu minin 14:17

A giala, *Lawa a kiibaa ǹ sii bie màn-bii laanka màn-mii sii lɛa wa. Sɛnɛ, a n peperebaa sii lɛa, là nyantoro ne, ka nyɛnyɛɛ nɛ, Yiri Fu bɛ́ ǹ mɛnɛn lɛn koe.

Rɔmu minin 15:13

Lawa mɛn bɛ́ foo-doa koe, a din die a foo kɔɔ̃nbaa kɔ ka la, ka là nyantoro ne, kaa golee a din li lɛ gɔ́ɔ̃ nɛ. Màn mɛn bɛ́ toɛ, kaa foo-doa lɛ pàã gole kɔ, Yiri Fu pàã barka nɛ.

Rɔmu minin 5:1

Kanna kəni, wɔ n pepere Lawa yɔrɔ-a wɔa goleemali barka nɛ. Bǐɛ̃ tá wɔ laanka Lawa bii ni wɔa Dɛnaa Yezu *Krita lɛ barka nɛ.

Rɔmu minin 8:6

Taasiɛ doa gɔ̀nɔn foo siin ganaa n woe min diɛ gɛ̀ nɛ. Taasiɛ doa Lawa a Yiri Fu dùũ siin ganaa n woe min diɛ nyin nyabaã laanka là nyantoro ne.

Korɛnti2 10:5

Min mɛn tumaa a din gole kɔ bɛ́ a la yii ni, n dinin koɛ Lawa-doɛ̃ ganaa, wɔ ǹ bɛn tumaa gisĩ. Wɔ n min tumaa a taasiɛ kuĩ wɔ á golee ne, yǎa ǹ dɔn nə Krita a boo sii.

Korɛnti2 13:11

Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.

Galaasi minin 5:22

Sɛnɛ, Yiri Fu bɛ́ sii mɛn zɛnɛɛ wɔ nɛ, bɛ dɔ á ke: kɔn-narɛɛ nɛ ka nyɛnyaa nɛ, là nyantoro ne ka foo-kũ ni, min bǐɛ̃baa nɛ ka yiri kɔ sii li ni, ka bɔlɔgoondɛnaabaa nɛ,

Efɛɛzi minin 3:19

Krita a kɔn-narɛɛ mɛn dɔ bɛ́ gole á la sii-doɛ̃ tumaa nɛ, a die a toa ka bɛ dɔ dɔ̃, ń giɛ Lawa mɛn bɛ́ a nyɛɛ duduu wa ka pã ka bɛ nɛ.

Filipi minin 1:1

Masɛ Pooli laanka Timote n Yezu *Krita a bɛ̀rɛn lɛa. Lawa a zaman mɛn bɛ́ Filipi kiwi ǹ nə́ golee-n Yezu Krita li, wɔ ǹ sɛ́wɔ kɛ diɛ bɛn la, ǹ laanka ǹ Lawa a sɔmɔ nyɛɛnaandɛnan nɛ, ka ǹ dɔmalɛ wolen ne.

Filipi minin 1:2

Wɔ Di Lawa laanka Dɛnaa Yezu Krita die ǹ bǐɛ̃ zɛnaa ka nɛ, ǹ là nyantoro kɔ ka la.

Filipi minin 4:19

Maa Lawa á re giɛ ka laadoo tumaa walan sɔnbɔraanɛ, a kɔnpɛ ka a din a pàãmabaa gole kɛ nɛ, Yezu Krita wɔ gɔ́ɔ̃ nɛ.

Filipi minin 4:21

Min mɛnɛn tumaa bɛ́ Yezu Krita wɔbaa gɔ́ɔ̃ nɛ, ka fòo da ǹ gogoonmaa nɛ. Wɔ dɔɔ̃nɔn mɛnɛn bɛ́ kun ma nɛ, bɛn dɔn tá fòo diɛ ka nɛ.

Filipi minin 4:9

Ka màn mɛn yɛ masɛ li, ká n daraa a ganaa, ka ma lɛ ma boo mɛn diɛ, ká ma yɛ a sii zɛnɛɛ, ka toa ka bɛ tumaa a sii zɛnaa. Bɛ̀ á n baa miɛ̃, Lawa mɛn bɛ́ là nyantoro koe wɔ la, bɛ á re goɛ̃ kun ka nɛ.

Kolɔɔsi minin 3:15

Krita dinsɔɔ̃ n boe la, a toa minin nə goã kun là nyantoro la. Ka n doa ka bɛa là nyantoro kɛ lɛ tamaa ka foo ne, a giala, a na á ka bíi bɛ lɛ a lɛa, ka goã kun ka gɔ̀nɔn goon toto bɛ́ lɔn. Ka toa ka bǐɛ̃ dɔ̃ Lawa nɛ.

Tesaloniki2 3:16

Dɛnaa mɛn din bɛ́ là nyantoro kɔle lɛa, a dinmaa die a là nyantoro kɔ ka la, biikoo tumaa li ka yɔrɔ din tumaa nɛ. Dɛnaa die a goã ka dinin tumaa li.

Ebrəə 13:20

Lawa din na á wɔa Dɛnaa Yezu, Sèren-Lɛduə̃li gole kɛ yii kaa, á bɔ geren bii. A din na á lɛ-kɔ duduu wɔ ka minbuiin nɛ nɛ, á bɛ́ á sonborebaa nyaa ka Yezu a gɛ̀ barka nɛ. Man bɛa Là Nyantoro Kɔle Lawa kɛ lɛ nyankoe,

Zude 1:1

Masɛ Zude mɛn bɛ́ Yezu *Krita a bɛ̀rɛ lɛa, man Zaaki ǹ diɛ̃giĩ lɛa, masɛ n sɛ́wɔ kɛ kiɛ̃. Díi Lawa min mɛnɛn bíi, a nə́ ǹ narɛ, Yezu Krita nə́ ǹ tamaɛ, man sɛ́wɔ lɛ diɛ bɛn la.

Sii-nyaan 1:4

Masɛ ZAÃ nə fòo kɛ diɛ Lawa a sɔmɔ sɔbaa kɛ nɛ Azii gána nɛ. Min mɛn bɛ́ a goã a tan, a ná a tan, a n die die dɔn, yiri sɔbaa kɛ nɛ a kii dankan yɔrɔ-a, ka Yezu Krita nɛ, bɛn die ǹ bǐɛ̃ zɛnaa ka nɛ, ǹ là nyantoro kɔ ka la.

Sii-nyaan 2:17

«Too bɛ́ min mɛn lon, Yiri Fu bɛ́ boo mɛn pii Lawa a sɔmɔn manɛ, a n too kɔ doɛ̃ a bɛ ma! «Min mɛn bɛ́ re gɔ̀lɔ̀ biɛ, *maánə mɛn bɛ́ durii-n pelo, ma á re bɛ koe bɛ la. Ma á re kɔlɔ fu koe la, a tɔ soree n kiɛ̃ nɛ a ganaa, min kɔ́n ná a doɛ̃ wa, yǎa a din.»