Filipi minin 4:6 - LAWA A BOO SONBORE

⁶ Ka baran n gɔ́ɔ̃ bii ka sii kɔ́n nɛ wa. Sɛnɛ, ka laadoo bɛ́ màn mɛn ganaa, ka a nyankɔ Lawa la, ka a gòã kũ, ka barka da nɛ.

LAWA A BOO SONBORE 2011

⁶ Ka baran n gɔ́ɔ̃ bii ka sii kɔ́n nɛ wa. Sɛnɛ, ka laadoo bɛ́ màn mɛn ganaa, ka a nyankɔ Lawa la, ka a gòã kũ, ka barka da nɛ.

Filipi minin 4:6 ပူးပေါင်းရင်းမြစ်များ

Kiin1 8:28

Sɛnɛ Dɛnaa Lawa, maa Lawa, n bɔyaa n nə n yɔrɔ dia masɛ la, n too kɔ maa nyankɔ laanka maa gòã kũ ganaa. N dí-nyali lɛ bɛ́ n lɛ mɛn dii pelo ma nə n nyankoe, n too kɔ bɛ ganaa.

KZS2 32:20

Kii Ezekiasi laanka Amɔsi a nɛgiĩ, Lawa a boo gii-dali Ezayii bɔ ǹ nə́ mɛ Lawa nyankɔ la, ǹ nə́ n lɛ dii lon ganaa.

Loen 51:15

Min mɛnɛn nə sii la, ma á re n zii lɛ nyɛɛ bɛn manɛ. Sii baraa-zɛnaalin tá re wusii ǹ da n li.

Loen 55:17

Masɛ n lɛ diɛ Lawa la, a da n dɔ ma lɛ. Dɛnaa Lawa á re ma kirisibiɛ.

Loen 55:22

A lɛ gɔ́ɔ̃ ǹ boo n parɛparɛ ka zoo ne, sɛnɛ, zia na a gɔ́ɔ̃ nɛ. A boon lɛn man suusuu, ǹ nə́ la nyɔɔ nɛ, sɛnɛ, minin fɔ ǹ gɔyan manɛ.

Loen 62:8

Maa kirisibaa laanka maa guguru-kɔ n doa-n Lawa ganaa. A din nə maa kɔmalɛ wole kaka lɛa, maa duru ǹ bǎã nɛ.

Suusun 15:8

Min baraan *wúlu màn ba kɔɔ̃n Dɛnaa Lawa ganaa wa. Sɛnɛ, min peperen Lawa nyankɔ n kiɛ foo la.

Suusun 16:3

N bɛ́ sii mɛn tumaa zɛnɛɛ, a sii wɔ Dɛnaa Lawa gɔn. Ń sii mɛn lɛ bɔ, bɛ á re yɔrɔ yii.

Loe kɔɔ̃n kɔɔ̃n 2:14

Maa paa ǹ wɔ, nsɛ mɛn bɛ́ ka zɛrɛkantoan nə gɛ̀fu yala-n, durii-n kele kɔ́sɔ nɛ, da bɔ, ma n yɛ, da bɔ, ma n bɔlɔ ma. A giala n lɛn gɔ́ɔ̃ lɛ á kɔɔ̃nɛ, n yɔrɔ dɔ á siĩn parɛ.»

Zeremii 32:16

Ma bɛ́ má wuru pii ǹ sɛ́wɔ lɛ kɔ Neriya a nɛgiĩ Baruku la, má Dɛnaa Lawa nyankɔ kɛnɛn:

Zeremii 33:3

Ma bíi wɔ, ma á re n lɛ sii. Ma á re sii duriin nyɛɛ n nɛ, sii dadaran lɛa n bɛ́ n tɔ nə ǹ mɛnɛn dɔ̃ wa.

Matiə 10:19

Bɛ̀ ǹ tá woe ka nɛ kiri kuru ǹ bǎã nɛ, ka baran ǹ gɔ́ɔ̃ bii ka kaa da ǹ boo-n wa, ka baran ǹ gɔ́ɔ̃ bii ka a da ǹ gɔn dɔ-n wa. Ka doamaa bɛ́ nɛ ka boon mɛnɛn da, Lawa á re bɛa boon lɛn koe ka la a din biikoo kɛ lɛ li.

Matiə 13:22

Min tɛn dɔ n kɔnboe ka màn tɔrɔ nɛ á mɛnaa nyan bii. Ǹ nə́ boo lɛ ma koe, sɛnɛ, kanaa sii a taasiɛn laanka naforo a lɛn bebelee siin man boo lɛ kuĩ, ǹ baa nɛ-kɔbaã wole lɛa.

Matiə 6:34

Ka baran n gɔ́ɔ̃ bii ka biɛ̃ ǹ sii ni pelo wa. Biɛ̃ ǹ dɔ á re die ka a din a gɔ́ɔ̃ bii ǹ siin ni. Lɛawaa din tumaa laanka a nɔmaa nɛ.

Matiə 6:8

Ka baran ǹ lɛn zɔɔ̃ wa. A giala, ka laadoo bɛ́ màn mɛn ganaa, ka Di Lawa bɛ dɔ̃ gɔrɔ, bɛ̀ ka n ka tɔn na a nyan din kɔ la wa.

Luku 10:41

Dɛnaa Marti lɛ si á pɛ: «Ma miãnɛn, ma nə n gɔ́ɔ̃ bii n nə́ n là kakaɛ̃ sii gigiã ganaa.»

Luku 12:22

Yezu pɛ a kialandɛnan manɛ: «Ka baran n gɔ́ɔ̃ bii ka ka dinin too ǹ màn-bii sii-n wa, ka ka dinin gɔ̀nɔn kũ ǹ mɔnaa sii-n wa.

Luku 12:29

Ka baran n yiri lɔlɔkɔn, ga màn-bii laanka màn-mii li sii ganaa wa.

Luku 18:1

Yezu boo giməə kɔ́n da a kialandɛnan manɛ, á nyaa ǹ nɛ mà min doamaa nɛ, a Lawa nyankɔ biikoo tumaa waáraa, a gù ná a giɛ̃ wa.

Luku 18:7

Sanparɛ ka Lawa nɛ, min mɛnɛn bɛ́ Lawa wɔn lɛa, ǹ ná a nyankoe tèlò-n ka penleen ne, a ba re bǐɛ̃ zɛnɛɛ bɛn man wa? A ba re n nanaɛ a n dɔ ǹ lɛ wa?

Korɛnti1 7:21

Ta n mɛn nə n goã bɛ̀rɛ lɛa, n bíi-wɔ pinaa, n nyan nə n gɔ́ɔ̃ bii ka bɛ-n wa. Sɛnɛ, ta ma nə n din si ǹ gɔn yii dinin, n doa n dí nya Lawa nɛ bɛ dɔ gɔ́ɔ̃ nɛ.

Korɛnti1 7:32

Ma ba li máa taasiɛ mɔnaa ka ganaa wa. Giĩ mɛn bɛ́ a tɔn lɔ wɔ wa, bɛ nə n taasɛ Dɛnaa foo siin dininsɔɔ̃nɔn ganaa, a n giɛ li, mà asɛ Dɛnaa foo kɔɔ̃n kɔ.

Korɛnti2 1:11

Ka dɔn tá re n doe ma lɛ ka kaa Lawa nyankɔ nɛ. Lawa á re min gigiã a nyankɔ sii, a bɛa bǐɛ̃ kɛ zɛnaa ma nɛ, bɛa yɔrɔ kɛ la, min gigiã á re barka diɛ Lawa nɛ maa lɛa.

Efɛɛzi minin 5:20

Ka barka da Díi Lawa nɛ, biikoo tumaa li, sii din tumaa a lɛa, ka wɔa Dɛnaa Yezu Krita tɔ nɛ.

Efɛɛzi minin 6:18

Ka bɛa sii lɛ tumaa zɛnaa Lawa nyankɔ gɔ́ɔ̃ nɛ, ka dɔmalɛ nyankɔ Lawa lon. Ka Lawa nyankɔ sii tumaa gɔ́ɔ̃ nɛ, Yiri Fu n ka nyɛɛnaan boe. A bɛ́ miɛ̃, ka goã ka gòãn la, ka n yii kaka kɔ, ka goã bɔlɔgoondɛnan lɛa ka wo ne. Ka Lawa nyankɔ Lawa a zaman min din tumaa a lɛa.

Kolɔɔsi minin 3:15

Krita dinsɔɔ̃ n boe la, a toa minin nə goã kun là nyantoro la. Ka n doa ka bɛa là nyantoro kɛ lɛ tamaa ka foo ne, a giala, a na á ka bíi bɛ lɛ a lɛa, ka goã kun ka gɔ̀nɔn goon toto bɛ́ lɔn. Ka toa ka bǐɛ̃ dɔ̃ Lawa nɛ.

Kolɔɔsi minin 3:17

Ka bɛ́ boe la ka á boo woo boo diɛ, ka á sii woo sii zɛnɛɛ, ka bɛ tumaa zɛnaa ka wɔa Dɛnaa Yezu tɔ nɛ, bɛ̀ ka n barka diɛ Díi Lawa nɛ, a din lɛ pàã ganaa.

Kolɔɔsi minin 4:2

Ka n doa Lawa-nyankɔ ganaa, ka n yii dɔraa bɛ gɔ́ɔ̃ nɛ, bɛ̀ ka n barka diɛ Lawa nɛ.

Timote1 2:1

Bibinaa kəni, man kɛ koe dí lɛa: Man máa minin nə ǹ laadoo siin pɛ Lawa nɛ. Máa ǹ na a nyankɔ, ǹ gòã-kũ da a ganaa, ǹ barka da nɛ min tumaa a lɛa,

Timote1 5:5

Lɔ mɛn bɛ́ giɔɔrɔ lɛa taãnɛ, á giã a dinsɔɔ̃ lenlenm bɛ na á n foo doa Lawa ganaa, á n sii sii a ganaa. A n gòã-kũ diɛ Lawa lɛ ganaa, a ná a nyankoe penleen ka tèlò ne.

Piɛrɛ1 4:7

Màn din tumaa a giala-nyɔmiɛ biikoo diri. Ka ka dinin yiri kũ, ka n yii dɔraa, màn mɛn bɛ́ toɛ, ka boo la ka Lawa nyankɔ.

Piɛrɛ1 5:7

Ka kaa gɔ́ɔ̃-bii ǹ siin dinin tumaa doa Lawa ganaa, a giala, a din nə giɛ ka walan.

Samayeli1 1:15

«Haayii, maa dɛnaagiĩ, masɛ n lɔ lɛa, lɔ mɛn foo á ke ziziɛ̃ nɛ. Ma yɔ mi wa, ma yɔ kakaarɛ kɔn mi wa. Man má goã ǹ gɔ́ɔ̃ dinsɔɔ̃ pii Dɛnaa Lawa yɔrɔ-a.

Samayeli1 30:6

Nyɛ́ɛ gole goã Davida ganaa, a giala, minin lɛn man nə́ goã pii, mà ǹ dɛ ka kɔlɔ nɛ. Didie foo na á goã busi parsiini bɛ̀ á n yiri kɔ ka a nɛgininin laanka a nɛlɔn nɛ. Sɛnɛ, Dɛnaa Lawa barka nɛ, Davida a Lawa lɛ, Davida foo wusoo á taã.

Samayeli1 7:12

Samayeli kɔlɔ saa á da tán Misipaa laanka Sɛni kiwi bii ni á ná a tɔ kɔ mà Ebɛn-Ezɛrɛ bɛ̀ á n pii: «Lawa nə́ ǹ dɔ wɔsɛn lɛ yǎa kànaa.»