Filipi minin 4:3 - LAWA A BOO SONBORE

³ Maa giĩ, nsɛ mɛn bɛ́ maa dí nya kun wole bɔlɔgoondɛnaa lɛa, ma nə n dɔ nyankoe, máa n nə n dɔ lɔn kɛn lɛ. A giala, mà ǹ nə́ zia baa kun ka ma nɛ, maa Boo Tii Kɔɔ̃n diɛ kɛ gɔ́ɔ̃ nɛ, ǹ laanka Klemaa nɛ, ka maa dí nya kun wole gialakun kɛ tumaa nɛ. Ǹ tɔn tá kiɛ̃-n nyin nyabaã sɛ́wɔ kɛ nɛ.

LAWA A BOO SONBORE 2011

³ Maa giĩ, nsɛ mɛn bɛ́ maa dí nya kun wole bɔlɔgoondɛnaa lɛa, ma nə n dɔ nyankoe, máa n nə n dɔ lɔn kɛn lɛ. A giala, mà ǹ nə́ zia baa kun ka ma nɛ, maa Boo Tii Kɔɔ̃n diɛ kɛ gɔ́ɔ̃ nɛ, ǹ laanka Klemaa nɛ, ka maa dí nya kun wole gialakun kɛ tumaa nɛ. Ǹ tɔn tá kiɛ̃-n nyin nyabaã sɛ́wɔ kɛ nɛ.

Filipi minin 4:3 ပူးပေါင်းရင်းမြစ်များ

Loen 69:28

Ǹ sãn lɛn tumaa nimi ǹ ni, n baran toa n sii sonbore kɔn dɔ ǹ ganaa doo wa.

Bɔ bɛ̀rɛbaa nɛ 32:32

Sɛnɛ kanna, masɛ nə n nyankoe, bɛ̀ ń boe la, n sii baraa gole kɛ toa ǹ nɛ. Dɛnaa, bɛ̀ a ba n zɛnɛɛ miɛ̃ wa, n masɛ tɔ tuturu, n bɔ yiikoonaabaa ǹ sɛ́wɔ kɛ lɛ nɛ, n din kiɛ̃.»

Izayii 4:3

Bɛ kio, min mɛn tumaa bɛ́ re goɛ̃ Zeruzalɛmu, yiikoonaan lɛa *Siɔn kiwi, ǹ tá re bɛn bíi mà "Dɛnaa Lawa wɔn". Dɛnaa Lawa min mɛnɛn tɔ kiɛ̃ sɛ́wɔ nɛ, màn mɛn bɛ́ toɛ ǹ yii goã koo, bɛn man ka kɛn nɛ Zeruzalɛmu.

Ezekieli 13:9

Lawa a boo gii-dalin mɛnɛn bɛ́ sii-nyaa kooron yii, ǹ nə́ soɛ boon didiɛ, masɛ á re goɛ̃ kɔn ka bɛn nɛ. Ǹ ba re goɛ̃ kun ka maa zaman nɛ doo wa. Izirayeli tɔrɔn tɔ bɛ́ kiɛ̃-n sɛ́wɔ mɛn nɛ, ǹ tɔ dɔ a re n kiɛ̃ walan doo wa, ǹ ba re we Izirayeli gána-n doo wa. Ka á re doɛ̃ ka bɛ lɛ-n kəni, mà masɛ din nə Dɛnaa Lawa lɛa.

Luku 10:20

Ka bɛ din yii ni, ka baran n nyɛnyɛɛ mà nɔ̀ɔnɔn nə́ ka bɔlɔ si wa, ka n nyɛnyɛɛ ka tɔ a kiɛ̃ sɛ́wɔ nɛ Lawa li kɛ a lɛa.»

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Rɔmu minin 16:12

Ma á fòo diɛ Trifɛnɛ laanka Trifozi ni, bɛn mɛnɛn bɛ́ dí nyɛɛ Dɛnaa nɛ, mà á fòo diɛ ma miãnɛn Pɛrsiisi ni, asɛ mɛn bɛ́ á dí gigiã nya Dɛnaa nɛ.

Rɔmu minin 16:9

Ma á fòo diɛ Urbɛn nɛ, maa dí nya kun wole ne Krita tɔ lɛ a lɛa. Ma á fòo diɛ maa giaáragiĩ sonbore Sitakisi ni.

Filipi minin 1:12

Ma dɔɔ̃nɔn lɛn, sii mɛn ma yɛ, má n zoɛ̃ máa ka dɔ̃, bɛ lɛ na á toa Boo Tii Kɔɔ̃n kɛa laakalaa woo nyɛɛnɛ.

Filipi minin 1:16

Bɛn man zɛnɛɛ, ka kɔn-narɛɛ nɛ, a giala, ǹ tá doɛ̃, mà man kànaa maa yɔ-bɔ kɛa lɛa Boo Tii Kɔɔ̃n kɛ taman yii.

Filipi minin 1:27

Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.

Filipi minin 1:5

A giala, ka n dɔ ma lɛ Boo Tii Kɔɔ̃n kɛ a laakalaa gɔ́ɔ̃ nɛ, a saa a giala kɔ waáraa ganaa a da pelo ǹ yaa.

Filipi minin 1:7

A n siĩni ma taasiɛ wɔ miɛ̃ ka tumaa wɔ paǹ li, a giala, ka sii á kɔɔ̃n ma ganaa. Lawa bǐɛ̃ zɛnaa ma nɛ á dí mɛn kɔ ma la, ka tumaa nə́ n gii wɔ a nɛ. Ma bɛ́ kòso-n, ká n dɔ ma lɛ. Ma bɛ́ re golee ma yɔ mɛn bɔ Boo Tii Kɔɔ̃n kɛ a lɛa, ka nə n gii we bɛ dɔ nɛ.

Filipi minin 4:2

Nsɛ Evoodii laanka Sintisi ni, man ka nyankoe, man ka gòã kuĩ, máa kaa tá kun ka Dɛnaa-n kɛ gɔ́ɔ̃ nɛ, ka n doa ka kɔn ma.

Kolɔɔsi minin 1:7

Ka dinin Epafrasi mɛn bɛ́ wɔa giaára lɛa, á n wɔ miã dí-nyali dɔ lɛa, bɛ na á ka daraa bɛ ganaa. A n bɔlɔgoondɛnaa lɛa a dí kɛ nɛ, á nyɛɛ Krita nɛ kaa lɛa.

Sii-nyaan 13:8

Tán mànan tumaa tá re a guguru koe, a saa kanaa giala kɔ waáraa ganaa, min mɛnɛn tumaa bɛ́ ǹ tɔ goã kiɛ̃-n Lawa a yiikoonaabaa ǹ sɛ́wɔ kɛ-n wa, bɛn tumaa á re a guguru koe. Sère Nɛ mɛn bɛ́ ǹ nə́ dɛ lɛlɛ, bɛ wɔ-n ka bɛa sɛ́wɔ kɛ lɛ nɛ.

Sii-nyaan 17:8

N yii bɛ́ Tɔɔ mɛn ganaa, a yii goã koo, sɛnɛ, a yii a koo doo wa. Á re soe nɔmaa ǹ nyankɔrɔ zuzulu lɛ nɛ a wo a ziziɛ̃ ǹ bǎã nɛ. Tán minin mɛnɛn bɛ́ ǹ tɔ goã kiɛ̃-n yiikoonaabaa ǹ sɛ́wɔ kɛ nɛ kanaa giala kɔ waáraa wa, bɛ̀ bɛn nə́ yɛ, á re ǹ tɔwɛɛ. Taãn nɛ, a na á goã a yii n koo lɛlɛ, a yii ná a koo doo wa, sɛnɛ, a n die wusii a daa doo.

Sii-nyaan 20:12

Má geren tumaa yɛ, a bɔnboɛɛnɛn nɛ ka a dadaran nɛ, ǹ nə́ golee kii dankan lɛ yɔrɔ-a. Ǹ nə́ sɛ́wɔn lɛ bũ, geren lɛn sii-zɛnaan nə́ kiɛ̃ nɛ ǹ nɛ. Sɛ́wɔ kɔsɔ dɔ nə́ n lɛ bũ, yiikoonaabaa ǹ sɛ́wɔ n ka bɛ nɛ. Geren lɛn siin mɛnɛn bɛ́ kiɛ̃-n sɛ́wɔn lɛn nɛ, maǹ nə́ kiri kuru ǹ la bɛn lɛn li.

Sii-nyaan 20:15

Min mɛnɛn tumaa tɔ bɛ́ a yɛ yiikoonaabaa ǹ sɛ́wɔ lɛ-n wa, ǹ nə́ bɛn tumaa zũ tɛ panapana lɛ nɛ.

Sii-nyaan 21:27

Màn mɛn tumaa bɛ́ *gɔ̀ lɛa, bɛ kɔ́n ba we kiwi kɛ-n wa, min gɛsɛ a we wa, soɛ-bɔle dɔ a we wa. Sɛnɛ, min mɛnɛn tɔ bɛ́ kiɛ̃-n Sère Nɛ a yiikoonaabaa ǹ sɛ́wɔ kɛ nɛ, bɛn dininsɔɔ̃nɔn man we kiwi lɛ nɛ.

Sii-nyaan 3:5

Min mɛn bɛ́ re gɔ̀lɔ̀ biɛ, ǹ tá re mɔnaa fufun we miɛ̃. Ma a re ǹ tɔ tuturi ma bɔ yiikoonaa baa ǹ sɛ́wɔ kɛ-n wa. Ma á re pii maa Díi yɔrɔ-a, ka a lon a dia dí-a wolen ne, máa ma din wɔn manɛ.