Filipi minin 4:19 - LAWA A BOO SONBORE

¹⁹ Maa Lawa á re giɛ ka laadoo tumaa walan sɔnbɔraanɛ, a kɔnpɛ ka a din a pàãmabaa gole kɛ nɛ, Yezu Krita wɔ gɔ́ɔ̃ nɛ.

LAWA A BOO SONBORE 2011

¹⁹ Maa Lawa á re giɛ ka laadoo tumaa walan sɔnbɔraanɛ, a kɔnpɛ ka a din a pàãmabaa gole kɛ nɛ, Yezu Krita wɔ gɔ́ɔ̃ nɛ.

Filipi minin 4:19 ပူးပေါင်းရင်းမြစ်များ

Siin Giala 48:15

Á barka da Zozɛfu ganaa, á pɛ: Ma di gole Abrahamu laanka ma di Izaaki tɔ wɔ Lawa yɔrɔ-a, Lawa mɛn bɛ́ giɛ ma walan, yǎa á daa á dɔ pelo ganaa,

Samayeli2 22:7

Maa fuu gɔ́ɔ̃ nɛ, má lɛ dia Dɛnaa Lawa la, má lɛ dia maa Lawa la. Á n toa a bǎã sonbore kɛ nɛ, á ma lɛ ma, maa lɛ-dɛ kaa a too ne.

KZS2 18:13

Misee ná a lɛ si: «Dɛnaa Lawa Yiikoonaa tɔ lɛ taman yii, Lawa bɛ́ re boo mɛn pii ma nɛ, man die bɛ lɛ dinsɔɔ̃ pii.»

KZS2 31:8

Ezekiasi laanka a zaman nyɛɛnaadɛnan bɛ́ ǹ nə́ bɛa bǐɛ̃n kɛn yɛ, ǹ nə́ barka da Dɛnaa Lawa laanka a zaman Izirayeli ni.

Nehemii 5:19

«Ee maa Lawa, ma sii mɛn tumaa zɛnaa zaman kɛ nɛ, n yiri kɔ ma li, n bǐɛ̃ zɛnaa ma nɛ bɛ taman yii.»

Nehemii 9:15

Bòo bɛ́ ǹ ganaa, ń màn-bii bɔ lon ń kɔ ǹ la, mu boro bɛ́ ǹ ganaa, ń mu bɔ para nɛ ń kɔ ǹ la. N goã ń nə́ n liɛ mà nsɛ tá gána mɛn lɛ koe ǹ la, ń pɛ ǹ nɛ, mà ǹ bɛ si ǹ baa ǹ wɔ lɛa.

Loen 104:24

Dɛnaa Lawa, n nya ǹ dín tá mɔnaa-n dɛ! Ń yiridɛnaabaa ǹ dí nya koe! Tán nə́ pã ka n màn-zɛnaan nɛ.

Loen 130:7

Izirayeli minin lɛn, ka daa wɔ n foo doa Dɛnaa Lawa ganaa. A giala bǐɛ̃baa tá Dɛnaa Lawa lon, a min si sii la ǹ yɔrɔ mɔnaa.

Loen 36:8

Lawa, n bǐɛbaa gole lɛ á siĩni. Minbuiinin man kiɛ n din nyaa giulun.

Loen 84:11

Sonbore, min nə lɛawaa goon dinsɔɔ̃ zɛnaa nsɛ a Kion kɛ nɛ, bɛ á soɛ lɛawaa duu goon zɛnaa bǎã kɔsɔ-n nɛ. Maa Lawa, ta masɛ n giɛ̃ tán, n kion kɛa kiɛnlɛ-a kooro dinin kaa, bɛ á kɔɔ̃n ma ganaa, á la wo giã min kooron bii ni.

Misee 7:7

Sɛnɛ, masɛ, ma nə n yii diɛ Dɛnaa Lawa la. Man Lawa din duĩ, maa kirisibaali, maa Lawa á die maa lɛ-dia miɛ.

Malakii 3:10

Ka da ká kaa tán dí nya ǹ mànan lɛn tumaa a talɛɛ a fùbaa ǹ wɔ nɛ taãnɛ, maa màn koa ǹ kion kɛ nɛ, màn-bii boo la a yɛ, koa nɛ maa kion biikoo tumaa li. Ka á boe la ka n da ma gɔ́ɔ̃ li ka ga-a bɛa sii lɛ paǹ li. Masɛ Dɛnaa Lawa Pàãyiidɛnaa, ka á re yii man die lon a dɔǹɔn lɛ buĩ, bǐɛ̃ tɔrɔ tumaa n die kiɛ ka la mɔnaa nɛ.

Matiə 6:32

Bɛ din tumaa, min kooron man giɛ li ka n yiin paanan nɛ. Sɛnɛ kasɛn Di Lawa tá doɛ̃ mà ka laadoo tá ǹ ganaa.

Zaã a sɛ́wɔ 20:17

Yezu tɔ́n pɛ nɛ: «N baran n gɔn paraa masɛ ganaa wa! A giala, ma bie zii la woe maa Díi li bɔrɔ wa. Sɛnɛ, wo pɛ ma dɔɔ̃nɔn manɛ mà ma á re dii ma wo maa Díi li kəni, ǹ mɛn lɛ bɛ́ ka dɔn Díi lɛa, ma á re woe Lawa li kəni, ǹ mɛn lɛ bɛ́ ka dɔn Lawa lɛa.»

Zaã a sɛ́wɔ 20:27

Bɛ kio, á tɔ́n pɛ Toomaa nɛ: «N gòon wɔ kànaa n ga ma gɔnɔn lɛn ganaa, n gɔn wɔ ma kolo lɛ dɔ nɛ n ga a ganaa. Goleemalibaã kɛ lɛ da, n goleemali wɔ!»

Rɔmu minin 1:8

Bibinaanɛ, ma á barka diɛ maa Lawa nɛ, ka Yezu Krita tɔ nɛ, ka tumaa a lɛa. Maǹ pii kanaa paǹ din tumaa ganaa, mà ká golee Lawa li sonbore.

Rɔmu minin 11:33

Lawa a bǐɛ̃ lɛ á gole á la yii ni! A sii-doɛ̃ dɔ á zuzulu á la yii ni! Min kɔ́n ba boe la a na a kiri kɛ giala ma wa, min kɔ́n ba boe la a na a makara kɛ dɔ giala ma wa.

Rɔmu minin 2:4

Lawa bɛ́ a ba dɔlɔ boe ka ganaa fufuu wa, á n kaa sii sii a ganaa, bɛ lɛ nɛ, n tá a bǐɛ̃baa gole kɛ puusə koe? N ba doɛ̃ mà Lawa a bǐɛ̃baa kɛ lɛ nə n nyanɛɛ, mà n wusoo n sii baraan kio wa?

Rɔmu minin 8:18

Má golee li máa wɔ bɛ́ nɔmaan mɛnɛn yii kanna, máa bɛn ba màn kɔ́n lɛa biɛ̃ ǹ gugurubaa kɛ genli wa, Lawa bɛ́ re gugurubaa mɛn koe wɔ la.

Rɔmu minin 9:23

Min kɔsɔn dɔn tan, Lawa n die makara boe bɛn ganaa. Bɛn laan mà maǹ yii kanaa dinin, bɛ̀ Lawa ná a yɔrɔ bɔ, mà ǹ tá re ǹ wɔ gii yii a din a gugurubaa kɛ nɛ. Lawa n die a din a gugurubaa kɛ a golebaa nyɛɛ wɔ dinin lɛn manɛ.

Korɛnti2 12:21

Ma bɛ́ re die boe ka li, nyɛ́ɛ tá ma ganaa, máa Lawa nyan ma kiɛɛrɛ kɔ ka yɔrɔ-a, ma wuu pɛ kaa min damata a sii ganaa wa. Ǹsɛn mɛnɛn nə sii baraa zɛnaa lɛlɛ, ma ba li ma wusoo ma da ǹ yaa miɛ̃ wa. Man zoɛ̃ máa ǹ nə n gɔ́ɔ̃ binyəə, ǹ nə́ n bɔ ǹ gɔgɔrɛbaa nɛ, ka ǹ din kũ doɛ̃baã nɛ, ka ǹ kɔrɔbaa ǹ sii kɔsɔn nɛ.

Korɛnti2 4:17

Bǎã goon fuu mɛn bɛ́ ma mìi ni, bɛ n gugurubaa gole nyabaã wole yɔrɔ boe koɛ ma nɛ. Fuu kɛ a màn kɔ́n lɛa bɛ li wa.

Efɛɛzi minin 1:18

A die a ka yiin bũ, a din bɛ́ ka bíi mìi mɛn ganaa, ka boo la ka bɛ yɛ. A bɛ́ bǐɛ̃ sonboren mɛnɛn dɔn koɛ ka nɛ, kun ka a zaman tumaa nɛ, a die a toa ka bɛn là dɔ̃.

Efɛɛzi minin 1:7

Krita na á wɔ si bɛ̀rɛbaa la ka a din mà nɛ. A din na á toa wɔa sii baraan nə́ n toa wɔ nɛ. Lawa a bǐɛ̃baa lɛ á gole!

Efɛɛzi minin 2:7

Lawa na á ná a bǐɛ̃baa lɛ nyaa wɔ nɛ ka Yezu Krita nɛ. A na á zɛnaa miɛ̃, mà min tumaa dɔ̃ biikoo tumaa li, mà asɛ a bǐɛ̃baa lɛ a golebaa miã banban.

Efɛɛzi minin 3:16

Lawa a min bǐɛ̃baa á gole. Bɛ lɛ nɛ, ma tá a nyankoe máa a pàã kɔ ka la ka Yiri Fu barka nɛ, ń giɛ pàã á we kaa goleemali ni.

Efɛɛzi minin 3:8

Masɛ n Lawa a zaman kɛ a min bɔnboɛɛnɛn tumaa a boɛɛndɛnaa lɛa. Bɛ tumaa kio, Lawa nə́ n tã la, á lɛ kɔ ma la, ka bɛa bǐɛ̃ kɛ nɛ. Mà ma Krita a màndɛnaa gole gole baa ǹ Boo Tii Kɔɔ̃n kɛ pɛ tɔrɔ kɔsɔn manɛ.

Filipi minin 4:7

Là nyantoro mɛn bɛ́ á kiɛ̃ minbuiinin doɛ̃ tumaa la, Lawa á re bɛ koe ka la, á re ka foo laanka ka yiri lɛduĩ Yezu *Krita wɔbaa gɔ́ɔ̃ nɛ.

Kolɔɔsi minin 1:27

Bɛa sii-durii kɛ lɛ a bǐɛ̃ a golebaa laanka a gugurubaa n doe tɔrɔ tumaa ganaa, Lawa na á ga li mà a bɛ lɛ nyaa a din a minin kɛn manɛ. Bɛa sii-durii lɛ n ka kɛ nɛ: Krita n ka gɔ́ɔ̃ nɛ, bɛ n foo-doa lɛa, mà ka á re kaa wɔ gii yii Lawa a gugurubaa kɛ nɛ.

Kolɔɔsi minin 3:16

Ka toa Krita a boo kɛ goã ka bii, a na a bǐɛ̃ kɛ tumaa zɛnaa ka foo ne. Ka kɔn daraa ka yiri sonbore ne, ka n dan da kɔn nɛ sɔnbɔraanɛ. Ka Lawa tɔ bɔ, ka barka da nɛ ka ka foo din tumaa nɛ. Ka Lawa tɔ bɔ ǹ loen lɔ, ka loe kɔsɔn nɛ, ka Yiri Fu bɛ́ loen mɛnɛn dɔn gisĩ ka mìi pán nɛ.

Tesaloniki1 2:12

Wɔ́ ka gù kaa, wɔ́ ka foo taã. Wɔ́ ka nyankɔ parsiini, wáa ka tɔ wɔ a kɔnpɛ ka Lawa foo sii ni, asɛ mɛn bɛ́ lɛ diɛ ka la, mà ka gii yɛ a kiibaa ǹ bǎã laanka a gugurubaa kɛ nɛ.

Timote1 6:17

A pɛ n laa kanaa kɛ a pàãman ganaa, mà ǹ baran n dinin gole kɔ wa. A pɛ ǹ nɛ dɔn, mà ǹ baran n foo doa naforo nya wolen kɛn ganaa wa, sɛnɛ, mà ǹ nə n foo doa Lawa ganaa. Asɛ lɛ n bǐɛ̃ màn tumaa koe wɔ la gigiã, màn mɛn bɛ́ toɛ, ǹ là yɛ wɔ ganaa.

Filemɔn 1:4

Filemɔn, n foo bɛ́ doa-n Dɛnaa Yezu ganaa lɔn, n bɛ́ kɔn-narɛɛ mɛn dɔ nyɛɛ Lawa a minin tumaa nɛ, má bɛn boo ma, bɛ lɛ nɛ, ma á barka diɛ maa Lawa nɛ. Biikoo woo biikoo, bɛ̀ ma á Lawa nyankoe, ma na a nyankoe n lɛa.

Piɛrɛ1 5:1

Min mɛnɛn bɛ́ ka bii, ǹ nə́ Lawa a sɔmɔ lɛ a minin nyɛɛnaandɛnan lɛa, man kɔn ka bɛn nɛ sisia. Ma dɔ dinmaa lɛ n nyɛɛnaandɛnaa lɛa. *Krita fuun mɛnɛn yɛ, ma bɛn yɛ ma yii ni, ma nə ǹ siére lɛa. Krita lɛ bɛ́ re die ǹ mɛn pinaa, ma á re maa wɔ gii yii a gugurubaa kɛ nɛ. Ma á màn mɛn nyankoe bɛa nyɛɛnaandɛnan lɛn lon, bɛ n ka kɛ nɛ:

Piɛrɛ1 5:10

Sɛnɛ, ka bɛ́ fuu yii biikoo boɛɛn kɛ gɔ́ɔ̃-n ke, bɛ kio, bǐɛ̃ tumaa zɛnaali Lawa mɛn bɛ́ á ka bíi, mà ka kaa wɔ gii yɛ a din a gugurubaa nyabaã wole kɛ nɛ, kaa kaa-kun Krita-n lɛ barka nɛ, bɛa Lawa lɛ dinmaa n die ka gòãn doɛ doo, a ka foo taã, a pàã kɔ ka la, a ka kaa gòãn koa ǹ bǎã sonbore ne.