Filipi minin 4:18 - LAWA A BOO SONBORE

¹⁸ Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.

LAWA A BOO SONBORE 2011

¹⁸ Ka màn mɛn tumaa dia ma la, má yɛ, á la ma lɛ-n dinin. Epafroditi bɛ́ á daa kaa dɔmalɛn lɛn kɔ ma la, màn kɔ́n wɛɛ ba ma-a doo wa. Kaa bǐɛ̃baa ǹ mànan lɛn man ka wúlu bɔ ǹ màn gìĩ kɔɔ̃n bɛ́ lɔn, ka Lawa bɛ́ lɛ koe wúlu mɛn ganaa, a ń kɔɔ̃n a ganaa.

Filipi minin 4:18 ပူးပေါင်းရင်းမြစ်များ

Bɔ bɛ̀rɛbaa nɛ 29:18

N sère gɔ̀lɔ̀ lɛ tumaa tã wúlu bɔ ǹ bǎã lɛ nɛ, a goã *wúlu màn tiɛ̃ lɛa Dɛnaa wɔ lɛa. Wúlu màn tiɛ̃ wole ne, a gìĩ n kɔɔ̃n masɛ Dɛnaa ganaa.

Minin nimi 15:3

ka die ka *wúlu màn tiɛ̃n hinlaa barka da ǹ wúlu mànan bɔ bɛ̀ ka ǹ kɔ masɛ la. Ka ǹ bɔ lɛ-kɔ lɛ pã wɔ lɛa, hinlaa ka dinin nə bɔ ka foo-a ka kɔ, hinlaa ka ǹ bɔ kaa zɔ́nɔn wɔ lɛa. Ka die ka dii bɔ, hinlaa ka sère bɔ, hinlaa bòe, bɛa wúlu màn kɛ lɛ miã wɔ lɛa, a gìĩ ń kɔɔ̃n Dɛnaa Lawa ganaa.

Nya ǹ dín 10:4

Kɔrnɛyi nə́ n yiin doa la ka gongon. Nyɛ́ɛ bɛ́ a ganaa, a ná a lɛ si: «Wàa mɛn nɛ, Dɛnaa?» Lon a dia dí-a wole lɛ pɛ: «Lawa nə́ n yiri kɔ n nyankɔ lɛ li, ka n bǐɛ̃n kɛn nɛ n nə́ ǹ zɛnaa doobaan manɛ.

Rɔmu minin 12:1

Dɔɔ̃nɔn lɛn, man ka nyankoe, Lawa a makara-doɛ̃ a lɛa, ka ka dinin kɔ Lawa la, *wúlu màn yiikoonaan lɛa, wúlu mànan mɛnɛn bɛ́ koa nɛ a din ni, ǹ nə́ kɔɔ̃n a ganaa. Bɛ lɛ n die goɛ̃ kaa Lawa guguru kɔ ǹ gɔn sonbore lɛa.

Korɛnti2 11:8

Má lɛ kɔ Lawa a sɔmɔ kɔsɔn nə́ goã ma sarɛɛ, a n goon ka man má bɛn ki bɔ, má daa n dɔ kasɛn lɛ nɛ.

Korɛnti2 9:12

A giala, bɛa dí kɛ lɛ ka á nyɛɛ, a bie Lawa a zaman dinsɔɔ̃ laadoo bǐɛ̃ koe wa, sɛnɛ, a n toɛ doo, barka gigiã nə n da Lawa nɛ.

Efɛɛzi minin 5:2

Ka goã kɔn-narɛɛ gɔ́ɔ̃ nɛ, ka *Krita din bɛ́ á wɔ narɛ lɔn, yǎa á n din kɔ wɔ a lɛa, *wúlu màn gìĩ kɔɔ̃n-a lɛa, á n kɔɔ̃n Lawa ganaa.

Filipi minin 4:12

Ma á boe ma din la doobaabaa gɔ́ɔ̃ nɛ, ma á boe ma din la paãmabaa dɔ gɔ́ɔ̃ nɛ. Má n daraa màn a dɔ ma yii li ganaa, paǹ din tumaa li, sii tumaa gɔ́ɔ̃ nɛ, ta màn-bii tá ma lon, ta bòo n ma ganaa, ta màn na á la yii-n ma gɔn, ta a na a tɛ wa.

Tesaloniki2 1:3

Dɔɔ̃nɔn lɛn, wɔ doamaa-n wɔ barka da Lawa nɛ biikoo tumaa li kaa lɛa. A n siĩn miɛ̃, a giala, màn tá miɛ kaa golee Lawa li li parsiini, kɔn-narɛɛ mɛn dɔ bɛ́ ka lon kɔn wɔ paǹ li, bɛ dɔ á gole koe ka tumaa gɔ́ɔ̃ nɛ.

Ebrəə 13:16

Ka yiri baran bɔ bǐɛ̃ zɛnaa kɔn nɛ laanka dɔkɔnlɛ-n wa. A giala, bɛ miã siin lɛn zɛnaa á kɔɔ̃n Lawa ganaa, maǹ ka wúlu mànan bɛ́ lɔn.

Piɛrɛ1 2:5

Bɛ̀ ka á n mɔrɛ bɛa kɔlɔ kɛ ganaa, ka dɔn man die goɛ̃ ka kɔlɔ yiikoonaan bɛ́ lɔn. Ǹ bɛ́ kɔlɔn kiɛ kɔn mìi-n lɔn a kion baa, ka dɔn man die goɛ̃ kun miɛ̃, Yiri Fu ka baa Lawa a kion lɛa. Ka á re goɛ̃ Lawa a wúlu-bɔlen zaman lɛa, kɔɔ̃n Lawa ganaa.