Filipi minin 4:17 - LAWA A BOO SONBORE

¹⁷ Ma bie giɛ li, máa yǎa ka bǐɛ̃baa ǹ mànan diɛ ma la wa, sɛnɛ, man giɛ li máa Lawa màn gigiã koa ka nɛ.

LAWA A BOO SONBORE 2011

¹⁷ Ma bie giɛ li, máa yǎa ka bǐɛ̃baa ǹ mànan diɛ ma la wa, sɛnɛ, man giɛ li máa Lawa màn gigiã koa ka nɛ.

Filipi minin 4:17 ပူးပေါင်းရင်းမြစ်များ

Suusun 19:17

Min mɛn bɛ́ doobaa goe, a n giɔ̀mɔ diɛ Dɛnaa Lawa ganaa. Dɛnaa Lawa á re sarɛɛ.

Misee 7:1

E, masɛ wɔ n ka bɔ̀n nɛ! A giala, man kɔnboe ka da nɛ-nali ni. Man woe giɛ rezɛ̃ da nɛ laanka gɔ́rɔ da nɛ lɛ binaa li. Kɔɔ̃n ma-a taãn-taãnɛ, sɛnɛ, ma màn kɔn yɛ wa.

Malakii 1:10

Bɛ̀ kaa min goon na á woo Lawa a kion kɛa kiɛnlɛn tã á soɛ. Ka a re woe tɛ koɛ wúlu bɔ ǹ bǎã kɛ-n kooro wa. A bɛ miɛ̃ kaa yɛ ka ma yiin din ba foo kɔɔ̃n goon din lɛa ma ganaa wa, ka bɛ́ wúlu bɔ ǹ mànan mɛnɛn dɔn koe ma la, man pii ka nɛ, ma ba ǹ li wa, masɛ Dɛnaa Lawa Pàãyiidɛnaa mà miɛ̃.

Zaã a sɛ́wɔ 15:16

Kasɛn bie ka masɛ bɔ wa, masɛ n má kasɛn bɔ, má ka dia máa ka woo, ka dí nya, kaa dí lɛ a là goã. Bɛ lɛ n toɛ, bɛ̀ ka màn woo màn nyankɔ masɛ a Díi lon ka masɛ tɔ nɛ, á re bɛ koe ka la.

Zaã a sɛ́wɔ 15:8

Bɛ̀ ka á sii gigiã zɛnɛɛ, ka n nyɛɛ mà ka n masɛ a kialandɛnan lɛa, bɛ lɛ n maa Díi tɔ guguru koe.

Rɔmu minin 15:28

Bɛ̀ má bɛa dí lɛ yɔrɔ bɔ má nya ka lenlen, bɛ̀ má bɛa màn boboe kɛ lɛ a kaa kun kɔ ǹ la ǹ mɛn waáraa, ma á die woe Espanyi, sɛnɛ, ma á re boe ka li ma tɔ́n kiɛ̃.

Korɛnti2 11:16

Man wusii pii ka-n doo: máa min kɔ́n nyan pɛ mà gàãnaa n ma-n wa. Hinlaa, ta ka ma baa gàãnaa lɛa, ka lɛ kɔ ma ganaa miɛ̃, ń giɛ ma dɔ á boe la, man din laakalaa boɛɛnɛ.

Korɛnti2 9:5

Má ga a ganaa, máa a n siĩni, ma wɔ dɔɔ̃nɔn kɛn nyankɔ, ma ǹ dia ma nyɛɛnɛ, ka lɛ kɔ ka bǐɛ̃baa ǹ sii mɛn nɛ, ǹ da bɛ yɔrɔ bɔ. Bɛ̀ á n baa miɛ̃, ma á re die yiɛ bɛ̀ ká n yɔrɔ bɔ ká nya, bɛ tɔn nyaa, mà ka ǹ ká kɔ ka foo kɔɔ̃n nɛ, pàã ná a yɛ a-n wa.

Filipi minin 1:11

Yezu Krita bɛ́ sii peperen mɛnɛn zɛnɛɛ wɔ nɛ, ka á re piɛ̃ ka bɛn nɛ, Lawa a gugurubaa laanka a tɔ bɔ a lɛa.

Filipi minin 4:11

Ma bie pii miɛ̃ dɔn, máa ma laadoo na a ganaa wa. A giala sii tumaa gɔ́ɔ̃ nɛ, masɛ á boe ma din la.

Tesaloniki1 2:5

Wɔ bin lɛn bebele ǹ boo da min kɔ́n nɛ wa, ka dinin tá bɛ doɛ̃. Wɔ bìn da ka ga là li ǹ taasiɛ-n wɔ gɔ́ɔ̃-n wa. Lawa n wɔa siére lɛa.

Timote1 3:3

A doamaa bie a goã duvɛ̃ mii a la a din ni wa, a baran goã kakaarɛ wa, sɛnɛ, a goã min basiɛ̃ lɛa, sabara-baali lɛa. A baran n là kakã wɔrɔ sii li wa.

Timote1 6:10

A giala, wɔrɔ-narɛɛ n sii baraa din tumaa a bɔ ǹ bǎã goon lɛa. Min tɛnɛn nə́ n dinin kɔ a gamali la, bɛn nə́ sã, ǹ nə́ woo sɔsɔɔ ǹ nə́ golee Lawa li toa walan, ǹ nə́ foo-busii gigiã da ǹ dinin ganaa.

Tiitii 1:7

Lawa a sɔmɔ nyɛɛnaan-bɔle doamaa nɛ, a ga Lawa a sɔmɔ mànan walan. Bɛ lɛ n toɛ, a doamaa bie lɛ pɔrɔ ǹ bǎã kɔ́n yɛ a wɔ paǹ li wa. A nyan din gole-kɔle baa wa, a nyan foo yoo fufuu wole baa wa, a nyan yɔ-mili baraa baa wa, a nyan zia-dali baa wa, a nyan ga là babaraa li wole baa wa.

Tiitii 3:14

Wɔ dɔn Lawa-nyankɔlen lɛn doamaa nɛ ǹ nə n daraa dí sonbore nyali taãnbaa lɛ ganaa. Màn mɛn bɛ́ toɛ, ǹ boo la ǹ laadoo taãnan saa ǹ bɔ kɔn la. Bɛa yɔrɔ kɛ la, ǹ tá kanaa ba re goɛ̃ là ná a ba a ganaa wa.

Ebrəə 6:10

Sonbore, Lawa a kɔkɔrɔ wa. A yiri a boe la a bɔ ka kaa nya ǹ dín ni wa. Ká Lawa din tɔ kɛ narɛ, ká dí nya ka dɔɔ̃n Lawa-nyankɔlen man lɛlɛ. Ka n tɔn nyɛɛ miɛ̃ ka pelo yii ni, Lawa lɛ yiri a boe bɛ dɔ-n wa.

Piɛrɛ1 5:2

Lawa ka bɔ á ka koa a zaman mɛn nyɛɛn ke, ka ga bɛa zaman lɛ walan, ka tɔɔn-lɛduə̃li bɛ́ giɛ a tɔɔn walan lɔn. Ka ga zaman lɛ walan ka foo kɔɔ̃n nɛ, a kɔnpɛ Lawa dùũ ni, a baran n baa ka n pɛ mà pàã sii-n wa. Ka baran zɛnaa ga màn li ǹ dí dɔ lɛa wa, ka toa a goã din-kɔ ǹ dí lɛa.

Piɛrɛ2 2:15

Ǹ nə́ zii sonbore toa walan, ǹ nə́ ǹ dinin papaã ǹ wɔ saa. Maǹ nə́ Bozɔɔrɔ a nɛ Balaamu a sii-zɛnaa ǹ gɔn saa, bɛ mɛn bɛ́ á lɛ kɔ sii baraa-zɛnaa ganaa wɔrɔ a lɛa.

Piɛrɛ2 2:3

Ǹ ga màn li baraa lɛ dɔ n die toɛ, ǹ ka bebele ka boo wɔwɔkɔnlɛn nɛ kun ni, ǹ màn si ka la. Lawa bɛa minin kɛn lɛn kiri yɔrɔ bɔ gɔrɔ, á n die diɛ ǹ la, ǹ bɔ̀n baa kànaa ka boɛɛn nɛ.

Zude 1:11

Bɔ̀n nə ǹ wɔ lɛa! A giala, maǹ nə́ Kanyɛ a baraabaa ǹ zii kɛ saa. Ǹ dɔn nə́ n dinin kɔ minin bebele a màn si ǹ dí kɛ la, ka Balaamu bɛ́ á goã zɛnɛɛ lɔn. Koore minin gɔ́ɔ̃ tii lɔn, ǹ tumaa bɔ̀n baa kun, ǹ dɔn man nə́ bɛa zii lɛ saa, ǹ nə́ woe bɔ̀n biɛ.