Filipi minin 3:5 - LAWA A BOO SONBORE

⁵ Maǹ nə́ masɛ kuru maa yɛ lɛawaa kiwisibaa ǹ wɔ pinaa, má yɛ Izirayeli min lɛa Bɛnzamɛn tɔrɔ lɛa, *Ebrəə goarɛ n ka ma nɛ. Bɛ̀ Zuifun landa dɔ wɔ a paǹ nɛ, man má goã *Fariziɛ̃ lɛa sɔɔ̃nɛ.

LAWA A BOO SONBORE 2011

⁵ Maǹ nə́ masɛ kuru maa yɛ lɛawaa kiwisibaa ǹ wɔ pinaa, má yɛ Izirayeli min lɛa Bɛnzamɛn tɔrɔ lɛa, *Ebrəə goarɛ n ka ma nɛ. Bɛ̀ Zuifun landa dɔ wɔ a paǹ nɛ, man má goã *Fariziɛ̃ lɛa sɔɔ̃nɛ.

Filipi minin 3:5 ပူးပေါင်းရင်းမြစ်များ

Siin Giala 14:13

Baa si a la wole goon daa, á bɛa boo lɛ pɛ Ebrəən giĩ Abramu ni. Abramu na á goã giã-n Amɔɔrɔn giĩ Manbre a dan kɛn bǎã nɛ. Manbre n Eskɔli laanka Anɛɛrɛ ǹ dɔɔ̃n lɛa. Bɛa min sɔɔ lɛ tumaa n kun ka Abramu ni.

Siin Giala 17:12

A saa kanna ganaa a wo miɛ̃, kaa giĩn tumaa, bɛ̀ ǹ mɛn a yɛ dɔ lɛawaa kiwisi, bɛ doamaa nɛ a n kuru. Bɛ̀rɛ mɛn tumaa bɛ́ re yii n kion, n bɛ́ re ǹ mɛnɛn pii ka wɔrɔ nɛ, ǹ nə́ tɔrɔ kɔsɔn lɛa, n din tɔrɔ ná a bie wa, ta tɔrɔ mɛn nɛ, ǹ dɔn doamaa nɛ ǹ nə n kuru.

Siin Giala 40:15

Maǹ nə́ masɛ koã *Ebrəə gána nɛ, ǹ nə́ daa ka ma-n kànaa. Haalɛ kànaa lɛ dɔ din ni, ma sii kɔ́n zɛnaa, da kòso ne ǹ sii lɛa wa.»

Siin Giala 41:12

Nɛginin goon goã kòso lɛ-n kun ka wɔ nɛ, *Ebrəə min ni, kii a sɔmɔ-lɛduə̃li lɛ a bɛ̀rɛ lɛa. Wɔ́ wɔa narɛɛn lɛn pɛ nɛ. Á ǹ giala pɛ, á didie wɔ a binyəə pɛ nɛ.

Zonaasi 1:9

Á ǹ lɛ si kɛnɛn: «*Ebrəə min ni ka masɛ nɛ. Man Dɛnaa Lawa guguru koe, lon a Lawa kɛ lɛ á yìsi mu laanka tán zɛnaa.»

Luku 1:59

Nɛ lɛ bɛ́ á dɔ lɛawaa kiwisi, ǹ nə́ daa, màn mɛn bɛ́ toɛ, ǹ na a tɔ kɔ, ǹ kuru. Maǹ nə́ goã mà maǹ die bíi ka ǹ di tɔ nɛ, mà Zakarii.

Luku 2:21

Lɛawaa kiwisi bɛ kio yǎa nɛ lɛ a kurii dɔ. Ǹ ná a tɔ kɔ mà Yezu, lon a dia dí-a wole bɛ́ á tɔ mɛn boo da, bɛ̀ nɛ lɛ dan din bɛ́ a tɔn na a nɔ̀ si wa.

Luku 5:38

Sonbore, duvɛ̃ dii n siĩni a n kaa màn dii ni.

Nya ǹ dín 22:3

Pooli pɛ: – Man Zuifu lɛa, man má yɛ Tarsi kiwi, Siliisii gána nɛ, sɛnɛ, man má gole kɔ kiwi kɛ lɛ nɛ kànaa, man má daraa wɔ Gamalieli lon, á kɔnpɛ taãn-taãnɛ ka wɔsɛn digolon landa nɛ. Lawa sii na á goã kaka ma gɔn parsiini, ká a bɛ́ kaka ka dɔn gɔn pelo lɔn ke.

Nya ǹ dín 23:6

Pooli bɛ́ á dɔ̃ mà zaman lɛ a talɛɛ goon nə *Sadusɛɛ̃n lɛa, a talɛɛ goon kɛ dɔ n *Fariziɛ̃n lɛa, á n lɛ dɛ kiri-wɔlen lɛn bii: «Ma dɔɔ̃nɔn lɛn ganaa, ma dinmaa lɛ n Fariziɛ̃ lɛa, maa diin dɔn man nə́ goã a lɛa. Ma á ke wɔ foo doa ǹ sii mɛn boo diɛ ke lɛn, bɛ lɛ a lɛa nɛ, ǹ tá kiri kuri ma la. Bɛa foo-doa ǹ sii lɛ, biɛ̃ ǹ geren yii-kaa kɛ nɛ.»

Nya ǹ dín 6:1

Bɛa biikoo kɛ lɛ li, màn mɛ Yezu a kialandɛnan lɛn li, ǹ nə́ mɔnaa. Zuifun mɛnɛn nə́ bɔ bǎã kɔsɔn nɛ, ǹ nə́ Grɛki bɔlɔ pii, bɛn nə́ goã gungunun sii gána gɔ́ɔ̃ wɔn kɛn ganaa, a giala, mà maǹ màn-bii gii baraabaraa, ǹ ba ǹ lɔ giɔɔrɔn goe taãn wa.

Rɔmu minin 11:1

Man nɔ̀n diɛ kəni: Lawa na á ná a din a tɔrɔ kɛ daa? Haayii dɛ! A giala, ma dinmaa lɛ n Izirayeli min lɛa, Abrahamu a nɔ̀ɔn nə ma nɛ, man Bɛnzamɛn tɔrɔ lɛa.

Korɛnti2 11:22

Bɛ̀ maǹ *Ebrəən lɛa? Masɛ dɔ na a lɛa. Bɛ̀ maǹ Izirayeli minin lɛa? Masɛ dɔ na a lɛa. Bɛ̀ maǹ Abrahamu tɔrɔn lɛa? Masɛ dɔ na a lɛa.

Samayeli1 4:6

Filisiti minin nə́ lɛ-dɛ lɛ ma, ǹ nə́ tɔ́n pɛ: «Wàa dɔ lɛ-dɛ gole n ke boe *Ebrəə minin bǎã nɛ?» Ǹ nə́ dɔ̃ mà Dɛnaa Lawa a goo lɛ dɔ giã ǹ bǎã lɛ nɛ.