Filipi minin 3:21 - LAWA A BOO SONBORE

²¹ Á re wɔ gɔ̀nɔn pàãwɛɛnaa kɛ bɔyɛɛ, a baa ka a din gɔ̀nɔn tɛ-pɛle kɛ bɛ́ lɔn. A giala, pàã mɛn bɛ́ toɛ màn tumaa tá a lɛ sii, a n die zɛnɛɛ ka bɛ nɛ.

LAWA A BOO SONBORE 2011

²¹ Á re wɔ gɔ̀nɔn pàãwɛɛnaa kɛ bɔyɛɛ, a baa ka a din gɔ̀nɔn tɛ-pɛle kɛ bɛ́ lɔn. A giala, pàã mɛn bɛ́ toɛ màn tumaa tá a lɛ sii, a n die zɛnɛɛ ka bɛ nɛ.

Filipi minin 3:21 ပူးပေါင်းရင်းမြစ်များ

Loe kɔɔ̃n kɔɔ̃n 1:11

Wɔ n die too kaaranan zɛnɛɛ ka sana nɛ, wɔrɔ konkoron nə́ ǹ ganaa, wɔ ǹ kɔ n la.

Izayii 25:8

Dɛnaa Lawa á re gɛ̀ papaɛ̃ duduu. Á re min tumaa yii mu tuturi. Á re a zaman tumaa a sìi nyɛɛ a bɔ ǹ ganaa. Dɛnaa Lawa na á pɛ.

Izayii 26:19

Maa zaman, n geren yii á re kiɛ ǹ mɛnɛn bɛ́ yala-n, bɛn yii á re kiɛ. Ka yoo ka n bɔ geren li ka foo kɔɔ̃nbaa ǹ lɛ dɛ kasɛn mɛnɛn bɛ́ gusuũ li! Dɛnaa Lawa á re tɛ fúlu diɛ ka pele wɔ bɛ́ lɔn. Bɛ lɛ pàã ganaa, tán a geren yii á re kiɛ.

Ozee 13:14

Masɛ Dɛnaa Lawa, ma doamaa nɛ, ma bɛa minin kɛn waa ma ǹ bɔ geren piɛ, ma á re ǹ kirisibiɛ gɛ̀ ganaa. Gɛ̀, n pàã lɛ a ma-a? Geren piɛ, n gɛ̀ dɛ ǹ pàã lɛ a ma-a? Man die n yii tiɛ̃, ma a re makara doɛ̃ doo wa.

Matiə 17:2

Yezu nə́ n bɔyaa ǹ yɔrɔ-a. A yɔrɔ n tɛ pii ka wasa bɛ́ lɔn, a mɔnaan nə́ n baa fu, kiɛ min yii-n ka tɛ fúlu bɛ́ lɔn.

Matiə 22:29

Yezu tɔ́n pɛ ǹ nɛ: – Ka sã á la yii ni. A giala ka a Lawa a boo giala miɛ wa, ka a doɛ̃ dɔn mà pàã tá Lawa lon wa.

Matiə 28:18

Yezu nə́ n zɔ̃ á dɔ, á pɛ ǹ nɛ: «Lawa pàã tumaa kɔ ma la lon, á kɔ ma la tán.

Rɔmu minin 8:29

A giala, Lawa din bɛ́ á saa lɛlɛ á min mɛnɛn bɔ, a din na á bɛn kaa ǹ gɔrɔn. A na á ǹ baa a Nɛgiĩ a kɔnboen lɛa, ǹ nə́ ǹ diɛ̃n lɛa, màn mɛn bɛ́ toɛ, Nɛgiĩ lɛ goã gole ǹ bii.

Kolɔɔsi minin 3:4

Krita mɛn bɛ́ kaa yiikoonaabaa taãn-taãn lɛ lɛa, bɛ̀ bɛ lɛ daa n din nyaa ǹ mɛn pinaa, ka dɔn tá re yii kun a din ni gugurubaa nɛ.

Zaã1 3:2

Maa giaáran lɛn, wɔ n Lawa a nɛnyaanan lɛa gɔrɔ. Wɔ bɛ́ re màn mɛn biɛ, wɔ tɔn bɛa foaãbaa yɛ bɔrɔ wa. Bɛ tun kio, wɔ á doɛ̃ wáa bɛ̀ *Krita daa biikoo mɛn li, wɔ n die kɔnboe ka a din ni, wɔ ǹ die yii, ka a bɛ́ lɔn.

Sii-nyaan 1:8

Wɔa Dɛnaa Lawa mɛn bɛ́ á goã a tan, a na a tan, a n die die, a n Pàãyiidɛnaa lɛa, bɛ́ pɛ: «Ma din nə bibinaa lɛa, ma din nə giala-nyɔmɔɔ dɔ lɛa.»