Filipi minin 3:20 - LAWA A BOO SONBORE

²⁰ Sɛnɛ, bɛ̀ wɔsɛn wɔ paǹ li ni, wɔsɛn di kion nə Lawa a piɛ. Wɔa Dɛnaa Yezu Krita n boe walan die, wɔ kirisibaali lɛa, wɔ nə́ n yii diɛ la, ka wɔ foo tumaa nɛ.

LAWA A BOO SONBORE 2011

²⁰ Sɛnɛ, bɛ̀ wɔsɛn wɔ paǹ li ni, wɔsɛn di kion nə Lawa a piɛ. Wɔa Dɛnaa Yezu Krita n boe walan die, wɔ kirisibaali lɛa, wɔ nə́ n yii diɛ la, ka wɔ foo tumaa nɛ.

Filipi minin 3:20 ပူးပေါင်းရင်းမြစ်များ

Loen 16:11

N din nə yiikoonaabaa ǹ zii nyɛɛ ma nɛ. Nyɛnyɛɛ nə n din li, foo kɔɔ̃nbaa mɛn bɛ́ a ba nyɛɛ wa, bɛ n yii n din li.

Loen 17:15

Sɛnɛ, masɛ wɔ paǹ li, peperebaa gɔ́ɔ̃ nɛ, ma á re kɔn yii ka n din ni. Bɛ̀ má yoo lɔn, má kɔn yɛ ka n din ni, ma foo n nyɛɛ.

Suusun 15:24

Zii mɛn bɛ́ woe yiikoonaabaa ganaa, sii-dɔ̃li n koe bɛ lɛ. Ǹ mɛn bɛ́ woe gɛ̀ ganaa, a nə n nyɛnɛɛ bɛ nɛ.

Matiə 19:21

Yezu tɔ́n pɛ nɛ: «Bɛ̀ n tá li a lɛ pã, woo, n nə n gɔn màn tumaa sã, n na a wɔrɔ gii doobaan manɛ, n tá re gɔn màn gigiã yii Lawa a piɛ. Bɛ zɛnaa n tɔn da kɔ masɛ kio lɛ.»

Luku 12:21

Yezu pɛ: «Min mɛn bɛ́ gɔn màn lɛ soekɔn a din ni kanaa, a ná a ba giɛ Lawa li ǹ wɔ li wa, kɛ miã sii lɛ nə n zɛnɛɛ bɛa dɛnaa nɛ.»

Luku 14:14

A laan màn kɔ́n ba bɛn lon ǹ tá re n bǐɛ̃ lɛ dòo sarɛɛ-n wa, barka tá bɛ nɛ, a giala, Lawa din nə die n bǐɛ̃ lɛ dòo sarɛɛ min peperen yii kaa pinaa.»

Nya ǹ dín 1:11

ǹ nə́ pɛ ǹ nɛ: «Galilee gána minin lɛn, wàa na á baa ka n golee giɛ lon-a kɛnɛn? Lawa Yezu mɛn bɔ ka bii á dii lon, ka yɛ woe lon lɔn ke, a n die wusii a da bɛa yɔrɔ kɛ lɛ la.»

Korɛnti1 1:7

Yiri Fu a bǐɛ̃baa ǹ mànan kɛn kɔ́n nyaabaa ka li wa. Bɛ lɛ na á toa, ka tá n yii diɛ ka foo-doa nɛ, wɔa Dɛnaa Yezu Krita a da a din nyaa kɛ la.

Korɛnti1 15:48

Bɔ tán wole lɛ goã lɔn, minin mɛnɛn bɛ́ tán wɔn lɛa, bɛn man die kɔnboe ka bɔ tán wole kɛ-n miɛ̃. Bɔ lon wole lɛ dɔ goã lɔn, ǹ mɛnɛn bɛ́ lon wɔ lɛa, bɛn man die kɔnboe ka bɔ Lawa li a daa wole kɛ-n miɛ̃.

Korɛnti2 4:18

A giala, yii bɛ́ màn mɛn yii, ma bie n yiri koɛ bɛ ganaa wa. Yii bɛ́ a ba ǹ mɛn yii wa, ma yiri n bɛ ganaa. Yii bɛ́ màn mɛn yii, bɛa beleboe taãn ma. Sɛnɛ, yii bɛ́ a ba màn mɛn yii wa, bɛ n beleboe yǎa duduu.

Korɛnti2 5:8

Má pã ka foo tãbaa nɛ, bɛ̀ man soe man bɔ gɔ̀nɔn kɛ nɛ, ma wo giã Dɛnaa li, bɛ n kɔɔ̃n ma ganaa.

Galaasi minin 4:26

Sɛnɛ, lɔ wɔsiɛ kɛ n goon ka lon a Zeruzalɛmu kɛ nɛ, a din nə wɔa náa lɛa.

Efɛɛzi minin 2:19

Bɛ lɛ a lɛa, ka tɔrɔ kɔsɔn lɛn bie tiin lɛa doo wa, ka bie gùlin dɔn lɛa wa. Sɛnɛ ka ǹ kɛnaan lɛa, kun ka Lawa a zaman kɛ nɛ, ka ǹ Lawa a sɔmɔ wɔn lɛa.

Efɛɛzi minin 2:6

Wɔa tá kun ka Yezu Krita-n lɛ a lɛa, Lawa wusoo á yiikoonaabaa kɔ wɔ la kun ka a din ni, mà wɔ die wɔ boo la, wɔ goã pàã la kun ka a din ni lon.

Filipi minin 1:10

màn mɛn bɛ́ toɛ, ka sii sonbore gɔgɔɔ̃ doɛ̃. Bɛa yɔrɔ lɛ la ka á re goɛ̃ *yoreen ne, ǹ ba re boe la ǹ ka zɛ̀rɛ baa ka sii kɔ́n nɛ, Krita a lɛawaa kɛ a pinaa wa.

Filipi minin 1:27

Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.

Kolɔɔsi minin 1:5

Ka foo bɛ́ doa-n màn mɛn ganaa lon, ka n ka bɛa foo-doa lɛ yɛ ka Boo Tii Kɔɔ̃n barka nɛ, ǹ mɛn bɛ́ sonbore boo lɛa. Ka n ka saa lɛlɛ ka bɛ lɛ ma.

Tesaloniki1 1:10

Ka ǹ bɛ lɛ gɔ́ɔ̃ nɛ, n yii diɛ a Nɛgiĩ a bɔ lon a daa la, a ǹ mɛn lɛ yii kaa á bɔ geren bii, Yezu lɛ, die wɔ sii Lawa a biɛ̃ ǹ foo-busii la.

Tesaloniki1 4:16

Bɛ̀ Lawa din zii kɔ ǹ mɛn pinaa, lon a dia dí-a wolen goledɛnaa lɛn tá re boe, Lawa a bɛn wuu á re boe, Dɛnaa dinmaa á re boe lon a daa. Min mɛnɛn nə gã bɛ̀ ǹ nə́ golee-n *Krita li, bɛn yii á re kiɛ bibinaanɛ.

Timote2 4:8

Kanna kəni, gɔ̀lɔ̀baa ǹ saraa tá ma duĩ. Min mɛnɛn tɔ wɔ ǹ gɔn bɛ́ pepere, Lawa n die saraa lɛ koe bɛn la, Dɛnaa kiri pepere wɔle n die bɛa saraa lɛ koe ma la kiri-kurii pinaa. A bie re koe ma dinsɔɔ̃ la wa. Min mɛnɛn bɛ́ n yii diɛ a wusoo a daa la parsiini, a n die a din saraa goon lɛ koe bɛn dɔn la.

Tiitii 2:13

A n wɔ darɛɛ mà wɔ goã miɛ̃, wɔ nə́ n yii diɛ foo kɔɔ̃n kɛ la, wɔ foo n doa-n a ganaa, wɔa Lawa gole Minin Nyin-sili Yezu *Krita a wusoo a daa pinaa kɛ lɛ, a gugurubaa gɔ́ɔ̃ nɛ.

Ebrəə 12:22

Sɛnɛ, kasɛn man ká n mɔrɔ *Siɔn kele kɛ ganaa, ka Lawa yiikoonaa a kiwi kɛ nɛ, Lon a Zeruzalɛmu ke, ka a lon a dia dí-a wole duu damata kɛ nɛ.

Ebrəə 9:28

Bɛa yɔrɔ kɛ lɛ dɔ la, Krita na á n din kɔ gunyin goon toto, màn mɛn bɛ́ toɛ, a min tumaa a sii baraan nya. A bɛ́ re wusii a daa doo ke, a bie re sii kɔ́n zɛnɛɛ sii baraa wɔ gɔn la doo wa. Min mɛnɛn bɛ́ n yii diɛ la kirisibaa a lɛa, a n die bɛn lɛa.

Sii-nyaan 1:7

Ka ga a ganaa! Yezu n die labaran bii! Min tumaa á re yii, haalɛ min mɛnɛn bɛ́ ǹ nə́ fɔ̃. Kanaa a tɔrɔn tumaa la á re paparɛ a lɛa. Hiĩ, a n miɛ̃!