Filipi minin 3:18 - LAWA A BOO SONBORE

¹⁸ Má pɛ ka-n gunyin damata, man wusii ma á pii ka-n kanna ka wuu ni: min gigiã tá tɔn nə n dinin kuĩ Krita a gã gɔn la kɛ a zɔ́ɔn lɛa.

LAWA A BOO SONBORE 2011

¹⁸ Má pɛ ka-n gunyin damata, man wusii ma á pii ka-n kanna ka wuu ni: min gigiã tá tɔn nə n dinin kuĩ Krita a gã gɔn la kɛ a zɔ́ɔn lɛa.

Filipi minin 3:18 ပူးပေါင်းရင်းမြစ်များ

Loen 119:136

Yii mu bɔ ma yɔrɔ nɛ, a giala, ǹ ba n landa boon lɛn tamaɛ wa.

Izayii 8:11

Dɛnaa Lawa nə́ n gɔn waa ma nɛ ka pàã nɛ, mà ma baran n saa Zudaa gána minin giã ǹ gɔn li wa. A boo mɛn pɛ ma nɛ, bɛ á ke:

Zeremii 13:17

Bɛ̀ ka n too kɔ gɔn waa kɛ li wa, man wuu pii ka durii ni kaa din koa kɛ taman yii. Ma yii mu n piɛ̃ kiɛ, a giala, maǹ nə́ Dɛnaa Lawa a zaman goa ǹ nə́ woe ne.

Zeremii 9:1

Áh! Man zoɛ̃ li ma goã diə gole ne, zii tɔ-wɔlen bɛ́ nɛn bɛ̀ ǹ golee bǎã mɛn nɛ. Ma á re maa zaman toɛ walan, ma wo sɔsɔɔ man bɔ ǹ li. Minin giala da kanaa wolen manɛ, Naarɛbaalin manɛ!

Lawa a wúlu-bɔlen 11:16

kɔnaason ne, kɔlɔ nɛ, mu li ǹ sɛ́wɔ nɛ, baafɔɔ tɔrɔ tumaa nɛ,

Lawa a wúlu-bɔlen 13:8

Wúlu-bɔle lɛ ga a ganaa. Bɛ̀ á woo yǎa màn mɛ a gɔ̀nɔn kokoree lɛ li, haya! A pɛ ma gɔ̀dɛnaa nɛ: Gɔ̀nɔn ki busu babaraa nɛ.

Luku 19:41

Yezu bɛ́ á diri kiwi lɛ la á yɛ, á wuu pɛ la.

Nya ǹ dín 20:19

Masɛ n má dí nya Lawa nɛ ka din gisiĩ ni, ka yii mu ni, fuun bii, Zuifun nə fuun mɛnɛn da masɛ mìi ni, bɛ̀ ǹ bɛ́ giɛ li ǹ ma kũ.

Rɔmu minin 9:2

Foo-busii gole n ma gialaa biikoo tumaa li

Korɛnti1 1:18

Sonbore, min mɛnɛn bɛ́ papaɛ̃, Krita a gã dere ǹ gɔn ganaa boo kɛ n gàãnaabaa lɛa bɛn yii li. Sɛnɛ, wɔsɛn mɛnɛn bɛ́ kirisibaa ǹ zii la, a n Lawa a pàãyiidɛnaabaa lɛa wɔsɛn yii li.

Korɛnti1 6:9

Ka a doɛ̃ mà min kɔkɔrɔn ba re bǎã yii *Lawa a kiibaa-n wa? Ka nyan ka dinin yiri sã wa! Din kũ doɛ̃baã wolen ne ka dì wúlu-bɔlen ne, naarɛbaalin ni, ka giĩ baa lɔ lɛa wolen ne,

Korɛnti2 11:13

Bɛa minin kɛn lɛn ba dia dí-a wole taãnan lɛa wa. Maǹ soɛ boe ka ǹ nya ǹ dí ni, ǹ nə́ n dinin biɛ Krita a dia dí-a wolen lɛa.

Korɛnti2 11:29

Die n pàãwɛɛnaa lɛa, man ma a doɛ̃ la wa? Die n sii baraa zɛnɛɛ, a ná a ma kuĩ tɛ lɛa wa?

Korɛnti2 2:4

Sonbore ne, má sɛ́wɔ dia ka foo-ziziɛ̃ nɛ, ka yiri-lɔlɔkɔn nɛ, ka yii mu gigiã nɛ. Kaa foo-ziziɛ̃ ǹ sii bie wa, sɛnɛ, ma bɛ́ ka narɛ taãn-taãn ka yɔrɔ mɛn nɛ, man máa ka bɛ dɔ̃.

Galaasi minin 1:7

Sonbore, a bie ka Boo Tii Kɔɔ̃n kɔsɔ na a tan wa. Sɛnɛ, man pii ka-n miɛ̃, a giala, minin tan, ǹ nə́ ka yiri lɔlɛkɔn. Boo Tii Kɔɔ̃n mɛn nə n da Krita wɔ paǹ li, maǹ zoɛ̃ mà ǹ bɛ bɔyaa.

Galaasi minin 2:14

Sɛnɛ, má yɛ, máa ǹ ba koe Boo Tii Kɔɔ̃n a sonbore kɛ lɛ pepere wa. Má pɛ Piɛrɛ-n min tumaa yii ni: «N din mɛn bɛ́ Zuifu lɛa, sii zɛnɛɛ ka tɔrɔ kɔsɔn wɔ bɛ́ lɔn, a ná a kɔnpii ka Zuifun landa-n wa, ma n siɛ lɔn, n tɔn boo la n pɛ tɔrɔ kɔsɔn nɛ mà ǹ kɔ Zuifun landan lɛ ka pàã nɛ?»

Galaasi minin 2:21

Ma bie Lawa a bǐɛ̃ kɛ biɛ sii kooro lɛa wa. A giala, bɛ̀ Lawa n lɛ koe min ganaa min pepere lɛa dí-pɛn gɔ́ɔ̃ nɛ, bɛ̀ Krita a gɛ̀ n goɛ̃ sii kooro lɛa kəni.

Galaasi minin 5:21

Maǹ yii bɔ miãn gɔn màn li wolen lɛa, ǹ nə́ n dinin koe yɔ mi á la yii-n la, ǹ nə́ basaã-kɔlen lɛa, ka bɛ miã sii kɔsɔn dɔn nɛ. Man wusii ka yiri diɛ a-n kanna doo, ka ma bɛ́ má pɛ ka-n lɔn lɛlɛ, máa bɛ miã min kɛ kɔ́n ba *Lawa a kiibaa ǹ bǎã yii kíɛ̃ lɛa wa.

Galaasi minin 6:12

Min mɛnɛn bɛ́, minbuiinbaa a din nyaa sii nə́ ǹ ganaa, bɛn lɛn man ke mà yǎa ka n kuri. Sɛnɛ, a zɛnaa miɛ̃ giala n ka kɛ dinsɔɔ̃ nɛ: Zuifun baran bɔ ǹsɛn yii ni, Krita a dere ǹ gɔn kɛ a lɛa wa.

Galaasi minin 6:14

Masɛ yii li, din laakalaa ǹ mìi kɔsɔ banban, á kiɛ̃ wɔa Dɛnaa Yezu Krita a dere ǹ gɔn kɛ la wa. Bɛ lɛ pàã ganaa, kanaa gã masɛ yii li, masɛ dɔ gã kanaa yii li.

Efɛɛzi minin 4:17

Ma bɛ́ màn mɛn pii ka nɛ ma á laɛ, ka Dɛnaa tɔ nɛ, bɛ á ke: Ka nyan ka dinin baa ka min kooron bɛ́ lɔn wa. Bɛn man koe ǹ dinin taasiɛ kooron lɛ,

Filipi minin 1:4

Biikoo tumaa li, bɛ̀ ma á Lawa nyankoe ka tumaa a lɛa, man koe ka foo kɔɔ̃n nɛ.

Tesaloniki1 4:6

Min kɔ́n baran wɔ ǹ miã lon bɛa sii lɛ gɔ́ɔ̃ nɛ, a pɛ mà a n woe ǹ miã wɔ wɔlɔ li wa. Wɔ́ pɛ ka-n lɛlɛ, wɔ́ n gɔn waa ka-n taãn-taãnɛ, wáa min mɛnɛn bɛ́ bɛa siin lɛn zɛnɛɛ, Dɛnaa á re dɔlɔ boe ǹ ganaa.

Tesaloniki2 3:11

Wɔ á miɛ mà minin tá ka bii, ǹ ba woe dí yɔrɔ li wa, yǎa sii-lɔlɔkɔn dinsɔɔ̃.

Piɛrɛ2 2:10

Sɛnɛ, min mɛnɛn dɔlɔ bɛ́ re baraa koe taãn-taãnɛ, bɛn man ka min mɛnɛn bɛ́ giɛ gɔ̀nɔn foo sii kɛn li, ǹ nə́ sɔ koe Lawa pàã gole kɛ ganaa. Bɛa minin-daraali soɛ-bɔlen kɛn lɛn foo n doa nɛ ǹ dinin ganaa á la yii ni, maǹ nə n dinin gole koe, ǹ ba nyɛ́ɛ biɛ sɔ kɔ lon màn pàãdɛnan ganaa din ni wa.

Zude 1:13

Bɛa minin kɛn lɛn man ka yìsi mu a bìn-diɛ gàãnaa bɛ́ lɔn, yìsi mu bɛ́ woe lɔn a kaã gɔgɔrɛ toa walan, ǹ nya ǹ dín là n ka ǹ dinin sìi ni. Maǹ goon ka leeren bibiə̃ wolen kɛn nɛ, Lawa na á ǹ koa wɔlɔ tì biribiri kɛ wɔn lɛa yǎa duduu.