Filipi minin 3:1 - LAWA A BOO SONBORE

¹ Kanna kəni, ma dɔɔ̃nɔn lɛn, ka n nyɛnyaa Dɛnaa wɔ gɔ́ɔ̃ nɛ. Bɛ̀ ma boo da ka nɛ, má n wusii timii la, a kaka ma ganaa wa, á soɛ kasɛn dɔn wɔ paǹ li.

LAWA A BOO SONBORE 2011

¹ Kanna kəni, ma dɔɔ̃nɔn lɛn, ka n nyɛnyaa Dɛnaa wɔ gɔ́ɔ̃ nɛ. Bɛ̀ ma boo da ka nɛ, má n wusii timii la, a kaka ma ganaa wa, á soɛ kasɛn dɔn wɔ paǹ li.

Filipi minin 3:1 ပူးပေါင်းရင်းမြစ်များ

KZS1 15:28

Izirayeli din tumaa n woe ka Dɛnaa Lawa a lɛ kɔ kɔn la ǹ goo lɛ nɛ, gɔn dɛ wuu li, bɛnɛn wuu ni, gɔn pere dɛ ǹ mànan nɛ tùtun ni, kɔnkoɛ̃ɛnɛn nɛ.

KZS1 16:10

Ka n dinin koa, ka Dɛnaa Lawa tɔ sonbore kɛ nɛ. Ka n nyɛnyɛɛ, kasɛn mɛnɛn bɛ́ giɛ Dɛnaa Lawa li.

Nehemii 8:10

Ɛsidrasi tɔ́n pɛ ǹ nɛ: «Ka wo nyɔɔ mànan bii, ka mi ǹ màn nɔnɔ̀ɔn mi. Bɛ̀ min mɛnɛn nə boo màn kɔn la ǹ nə́ zɛnaa wa, ka die ka bɛn gii bɔ, a giala pelo a lɛawaa kɛ na á n kɔ wɔsɛn Dɛnaa Lawa la. Ka foo baran ziziɛ̃ wa, a giala, Lawa bɛ́ foo kɔɔ̃nbaa mɛn koe, bɛ lɛ nə ka pàã lɛa.»

Zɔbu 22:26

Bɛa biikoo li, n tá re n nyɛnyɛɛ Pàãyiidɛnaa lɛ a sii ganaa, n tá re n yɔrɔ diɛ Lawa la, n foo n doa nɛ a ganaa.

Loen 149:2

Izirayeli minin, ka n nyɛnyɛɛ, a din na á ka zɛnaa. *Siɔn minin, ka baa zɔ́n lɛa, a din lɛ n kaa kii lɛa.

Loen 32:11

Ka toa ka foo kɔɔ̃n kɔ Dɛnaa Lawa a lɛa, min peperen lɛn, ka n nyɛnyɛɛ. Ka min sonboren lɛn tumaa, ka foo kɔɔ̃nbaa ǹ lɛ dɛ!

Loen 33:1

Min peperen lɛn, ka n lɛ dɛ, ka n nyɛnyɛɛ Dɛnaa Lawa ganaa. Min mɛnɛn gɔ́ɔ̃ bɛ́ fu, a gugurukɔ n niɛ̃ bɛn lɛn ganaa.

Loen 37:4

Toa Dɛnaa Lawa goã n foo dùũ sii lɛa, n bɛ́ giɛ màn mɛn li, á re bɛ koe n la.

Loen 42:4

Bɛ̀ ǹ tá pii ma nɛ lɛawaa tumaa li, mà n Lawa lɛ á maa kəni? Penleen laanka tèlò ne, masɛ wɔ n ka yii mu ni.

Loen 5:11

Lawa, ǹ zɛ̀rɛ lɛ a dɔlɔ bɔ ǹ ganaa! Ǹ sii mɛn yɔrɔ bɔ ǹ nə́ koa, toa bɛ kũ ǹ dinin mìi ni. Ǹ sii baraan lɛn tumaa taman yii, ǹ loo n nə ǹ bɔ n yɔrɔ-a. A giala, ǹ nə́ n piã n nɛ.

Loen 97:1

Dɛnaa Lawa lɛ n kii lɛa. Kanaa minin nə bɛ̀ baa ka foo kɔɔ̃n nɛ, haalɛ gána sɔsɔɔ minin kɛn, ka dɔn nə n nyɛnyɛɛ.

Izayii 41:16

N tá re ǹ sui, piɛ̃ nə ǹ goa a wo ǹ ne. Piɛ̃ gole á re ǹ pɛsɛ̃ paǹ tumaa li. Sɛnɛ nsɛ, n tá re n lɛ dii ka foo kɔɔ̃n nɛ, Dɛnaa Lawa taman yii. Izirayeli a Lawa sonbore kɛ á re n foo kɔɔ̃n koe.

Izayii 61:10

Dɛnaa Lawa taman yii, ma foo á kɔɔ̃nɛ á la yii ni. Ma nə n nyɛnyɛɛ maa Lawa a lɛa. Taãn nɛ, a nà a kirisibaa kɛ koe ma lɛ ká mɔnaa bɛ́ lɔn. A peperebaa ke, a n bɛ pɛnɛ ma ganaa ka mɔnaa gole bɛ́ lɔn. Man má kɔnbɔ ka kɔn-wɔle tii ni, á zɔ́n mɔnaa gɔn yii a mìi-a ka Lawa a wúlu-bɔle bɛ́ lɔn, hinlaa, ka lɔ tii bɛ́ lɔn á nyaǹ mànan wɔ.

Izayii 65:14

Min mɛnɛn bɛ́ dí nyɛɛ ma nɛ, bɛn tá re n lɛ dii ka foo kɔɔ̃n nɛ, ǹ nə́ yii-nyɛɛ la. Sɛnɛ kasɛn, ka ǹ die n lɛ dii ka là paparɛɛ nɛ, ka gɔ́ɔ̃ n piɛ̃ nɛ ka busii ni. Ka ǹ die gini, ka yiri n lɔloɛ-n kɔn.

Zowɛli 2:23

Kasɛn, Siɔn minin lɛn, Dɛnaa Lawa taman yii, kaa Lawa lɛ, ka bɛ̀ baa, ka n nyɛnyɛɛ. Á re bǐɛ̃ koe ka-a ka la bibinaa nə taãlen kio. Bɛ̀ la a kaa biikoo dɔ, á re la koe ka la a biikoo li. Ká a bɛ́ ke á goã zɛnɛɛ lɔn lɛlɛ.

Sofonii 3:14

LOE lɔ, n bɛ̀ baa, *Siɔn kiwi! Ka foo kɔɔ̃n lɛ dɛ, Izirayeli minin! N nyanyaa ka n foo tumaa nɛ, Zeruzalɛmu!

Sofonii 3:17

Dɛnaa Lawa, n Lawa ta kunun n ni. A din nə gɔ̀lɔ̀ lɛa, a n gɔ̀lɔ̀ biɛ miɛ̃, a foo n kɔɔ̃nɛ n wɔ paǹ li. A kɔn-narɛɛ n nyin dii koe n la. A n foo kɔɔ̃n lɛ dii n din taman yii,

Zakarii 10:7

Efrayimu minin foo n die tã koe, ka zia-baali zanbian bɛ́ lɔn. Ǹ foo n die kɔɔ̃n koe, ka maǹ nə́ duvɛ̃ mi. Ǹ nɛnyaanan tá re bɛ yii, maǹ die goɛ̃ ǹ foo n kɔɔ̃nɛ, ǹ nə n nyɛnyɛɛ Dɛnaa Lawa taman yii.

Matiə 5:12

Ka n nyɛnyɛɛ, ka foo goã kɔɔ̃nɛ, a giala, saraa gole tá ka duĩ lon, Lawa a piɛ. Lawa a boo gii-dalin mɛnɛn nə da ka nyɛɛnɛ, minin man nə́ bɛn dɔn nɔmaa miɛ̃.

Luku 1:47

Ma foo piɛ̃maa-n ka nyɛnyɛɛ nɛ maa Lawa taman yii, a giala a n die ma nyin sii.

Rɔmu minin 5:11

Ka bɛ din yii ni, wɔ foo á kɔɔ̃nɛ, a giala, wɔa Dɛnaa Yezu Krita na á daa wɔ bii kɔɔ̃n kɔ kɔn ka Lawa nɛ, wɔ ba Lawa a zɔ́ɔn lɛa doo wa.

Korɛnti2 13:11

Ma dɔɔ̃nɔn lɛn, ka n nyanyaa. Ka toa ka lɛ-piɛ̃maa goã goleemali gɔ́ɔ̃ nɛ, ka kɔn foo taã, ka toa ka kɔn bɔlɔ ma, ka goã ka là nyantoro ne. Lawa mɛn bɛ́ minin narɛ, a n là nyantoro koe, bɛ á re goɛ̃ kun ka nɛ.

Efɛɛzi minin 6:10

Bɛ tumaa kio, ka ga pàã li kaa tá kun ka Dɛnaa-n kɛ gɔ́ɔ̃ nɛ, ka ga a din a pàã gole kɛ li.

Timəə dí-pɛn 12:18

Kaa Lawa, Dɛnaa Lawa din bɛ́ re bǎã mɛn boe, yǎa ka soɛ̃ walan a din yɔrɔ-a: ka dinin ni, kaa nɛgiĩn laanka kaa nɛlɔn nɛ, kaa bɛ̀rɛgiĩn laanka kaa bɛ̀rɛlɔn nɛ, ka Levii tɔrɔn kɛn nɛ, giã nɛ kaa kiwin ni. Ka dí mɛn tumaa nya, ka á re n nyɛnyɛɛ kaa Lawa, Dɛnaa Lawa yɔrɔ-a walan bɛa lɛa.

Timəə dí-pɛn 16:11

Kaa Lawa, Dɛnaa Lawa bɛ́ re bǎã mɛn lɛ boe a n tɔ da la, ka die ka n nyɛnyɛɛ walan a din yɔrɔ-a: ka dinin ni, kaa nɛnyaanan nɛ, ka bɛ̀rɛgiĩn laanka kaa bɛ̀rɛlɔn nɛ ka *Levii tɔrɔn kɛn nɛ kaa kiwin ni, kɔnlɛ ka gùlin ni, nɛ-toenən ne ka lɔ giɔɔrɔn nɛ, ǹ mɛnɛn bɛ́ giã-n ka bii.

Filipi minin 3:3

Bɛ̀ kurii wolebaa a lɛa nɛ, wɔsɛn lɛn man kurii wole taãnan lɛa, ǹsɛn bie wa; a giala wɔsɛn man dí nyɛɛ Lawa nɛ, ka a din Yiri ni, wɔ nə n foo doɛ Yezu *Krita ganaa, wɔ n wɔ ba n foo doɛ minbuiinin kanaa sii-zɛnaan ganaa wa.

Filipi minin 4:4

Ka n nyɛnyaa kaa tá kun ka Dɛnaa-n kɛ gɔ́ɔ̃-n baraabaraa! Man wusii pii, máa ka n nyɛnyaa!

Filipi minin 4:8

Bɛ din tumaa kio kəni, ma dɔɔ̃nɔn lɛn, ka n yiri doa sii bǐɛ̃ ganaa, a n tɔ bɔ ǹ sii lɛa: ǹ mɛn bɛ́ taãn lɛa, guguru-kɔ ná a nɛ, a n pepere, *yoreen ne, a n kɔɔ̃nɛ, zín ná a nɛ.

Tesaloniki1 4:1

Bɛ tumaa woo a n tiləə, dɔɔ̃nɔn lɛn, ka doamaa bɛ́-n ka tɔ wɔ lɔn, ka sii tɔn kɔɔ̃n kɔ Lawa ganaa, wɔ́ ka daraa bɛ ganaa. Sonbore, ka n tɔ we miɛ̃; sɛnɛ sisia, wɔ ǹ ka nyankoe parsiini ka wɔa Dɛnaa Yezu tɔ nɛ, wáa ka n doa ka wusoo ka màn da li.

Tesaloniki1 5:16

Ka n nyɛnyɛɛ biikoo tumaa li.

Zaaki 1:2

Ma dɔɔ̃nɔn lɛn, ka bɛ́ nɔmaa tɔrɔ mɛn tumaa we, ka toa ka n nyɛnyɛɛ bɛ gɔ́ɔ̃ nɛ.

Piɛrɛ1 3:8

Bɛ din tumaa kio, ka toa kaa taasiɛn nə goã goon, ka toa ka sii dɔ̃ kɔn la. Ka kɔn narɛ ka Lawa a minin bɛ́ zɛnɛɛ lɔn dɔɔ̃nbaa gɔ́ɔ̃ nɛ. Ka makara bɔ kɔn ganaa, ka ka dinin boɛɛn kɔ kɔn nɛ.

Piɛrɛ1 4:13

Sɛnɛ, ka n nyɛnyɛɛ kaa fuu yɛ kun Krita-n kɛ lɛ a lɛa, màn mɛn bɛ́ toɛ, ka foo dɔ kɔɔ̃n kɔ parsiini a din a da ka gugurubaa-n kɛ a pinaa.

Piɛrɛ2 3:1

Maa giaáran lɛn, maa sɛ́wɔ lɛ a paabaa ǹ wɔ n ka kɛ nɛ, ma á kiɛ̃ diɛ ka la. Bɛa sɛ́wɔ màn paa lɛ din tumaa gɔ́ɔ̃ nɛ, man má ga li, máa man dɔ ka lɛ, ma ka yiri gisĩ daraan kɛn nɛ ká yɛ, màn mɛn bɛ́ toɛ, ka taasiɛ peperen wɔ.

Samayeli1 2:1

Anɛɛ Lawa nyankɔ á pɛ: «Dɛnaa Lawa pàã nɛ, ma foo á kɔɔ̃n nɛ, Dɛnaa Lawa pàã nɛ, ma mìi á lon. Ma á boe la ma yaa wɔ maa zɔ́ɔn kɛn ganaa. Ma nə n nyɛnyɛɛ a giala, ń ma kanbaa.