Filipi minin 2:7 - LAWA A BOO SONBORE

⁷ Sɛnɛ, màn mɛn bɛ́ a gɔn, a na á n piã ka bɛ nɛ a din li, á bɛ̀rɛbaa ǹ gɔn saa. Á n baa ka minbuiinin bɛ́ lɔn, á daa ka minbuiinbaa ǹ gɔn nɛ.

LAWA A BOO SONBORE 2011

⁷ Sɛnɛ, màn mɛn bɛ́ a gɔn, a na á n piã ka bɛ nɛ a din li, á bɛ̀rɛbaa ǹ gɔn saa. Á n baa ka minbuiinin bɛ́ lɔn, á daa ka minbuiinbaa ǹ gɔn nɛ.

Filipi minin 2:7 ပူးပေါင်းရင်းမြစ်များ

Loen 22:6

Maǹ nə́ goã n lɛ dii n ganaa, ń goã ǹ boe sii ni. Maǹ nə́ goã n foo doɛ n ganaa, sìi goã ǹ kuĩ wa.

Izayii 42:1

«Maa dí-nyali á ke: Man kuĩ a gɔn ganaa. Má bɔ ka foo kɔɔ̃nbaa nɛ. Má n yiri da la, má a peperebaa nyaa tɔrɔn manɛ.

Izayii 49:3

Á pɛ ma-n kɛnɛn: «Maa dí-nyali n ka n din ni Izirayeli. Man die maa tɔ golebaa nyɛɛ ka n din ni.»

Izayii 53:11

Fuun kɛn lɛa á ǹ si a ganaa, á re wɔlɔ fúlu yii. Á re piɛ̃ ka là nyantoro ne. A sii-doɛ̃ taman yii, maa dí-nyali, min pepere taãn-taãn kɛ á re min gigiã darɛɛ peperebaa ganaa, a giala, á n toɛ̃ ka ǹ sii baraan nɛ.

Zakarii 3:8

Yesuwa, n too kɔ, nsɛ mɛn bɛ́ Lawa a wúlu-bɔlen kiã lɛa, ka kasɛn kɛn dɔn nɛ kun ni Lawa a wúlu-bɔlen lɛa. A giala, sii mɛn bɛ́ re n zɛnɛɛ, kasɛn Lawa a wúlu-bɔlen kɛn tan nə bɛ giala pii. Á ke man die die ka maa dí-nyali ni, a tɔ n "da ten".

Zakarii 9:9

*Siɔn kiwi, bɛ̀ baa ka n we tumaa nɛ! Zeruzalɛmu minin, ka foo kɔɔ̃nbaa ǹ lɛ dɛ! Ga, n kii n die n li. A n pepere, gɔ̀lɔ̀ lɛa, a nə n din boɛɛn koe. A na á dii dundun la, dundun nɛ la, dundun dan a nɛ.

Matiə 12:18

«Masɛ din Lawa a dí-nyali n ka kɛ nɛ, má bɔ. Man bɛ lɛ narɛ, a sii á kɔɔ̃n ma ganaa. Man die ma din a Yiri Fu koe la. Á die ma foo sii boo diɛ tɔrɔn tumaa nɛ.

Matiə 20:28

Min a Nɛgiĩ dinmaa kɛ lɛ na á daa miɛ̃, a bie á daa mà minin nə dí nya asɛ-n wa, sɛnɛ, a na á daa dí nya minin manɛ, á n din nyin kɔ minbuiin tumaa nyin si ǹ giɔ̀mɔ lɛa.»

Marki 9:12

Á tɔ́n pɛ ǹ nɛ: «Sonbore ne, Yilii doamaa nɛ a daa bɔrɔ, a sii din tumaa yɔrɔ bɔ sɔnbɔraanɛ. Sɛnɛ, wàa na á baa a kiɛ̃maa tá Lawa a boo ne, mà Min a Nɛgiĩ tá re nɔmiɛ parsiini, mà minin tá re n piɛ̃-n dɔn?

Luku 22:27

Ka dinin kánaa, man nɔ̀n diɛ ka la, min paa kɛ bii die n gole: Min mɛn bɛ́ tán màn bii, hinlaa min mɛn bɛ́ màn lɛ siɛ koe a biili la? Giã tán a màn-biili lɛ bie gole wa? Sɛnɛ, masɛ n ka bii, ka dí-nyali bɛ́ lɔn!

Zaã a sɛ́wɔ 1:14

Bɛa Boo kɛ lɛ na á n baa minbuiin nɛ lɛa, á giã wɔ bii. Wɔ́ a gugurubaa yɛ, Díi Lawa din bɛ́ á gugurubaa mɛn kɔ a Nɛgiĩ goon toto la. Bǐɛ̃baa laanka sonborebaa tá a lon parsiini.

Rɔmu minin 1:3

Bɛa Boo Tii Kɔɔ̃n lɛ n boo diɛ a din a Nɛgiĩ Yezu Krita wɔ gɔn la. Wɔa Dɛnaa Yezu kɛ lɛ kii Davida tɔrɔ lɛa, gɔ̀nɔn siĩ wɔ gɔn la,

Rɔmu minin 15:3

Sonbore, *Krita dinmaa lɛ bie á ga a dùũ siin li wa. Sɛnɛ, ká a bɛ́ á n kiɛ̃ lɔn: «N sɔ kɔma a wolen sɔ na á dɔ masɛ ganaa.»

Rɔmu minin 15:8

Man bɛ lɛ pii ka nɛ, máa Krita na á daa Zuifun lɛa, á nyaa mà Lawa n bɔlɔgoondɛnaa lɛa. Lawa bɛ́ a n lɛ kɔ Zuifun digolon la ka siin mɛnɛn nɛ, a na á bɛn zɛnaa á ǹ lɛ pã, ka Krita lɛ barka nɛ.

Rɔmu minin 8:3

Wɔa Lawa a dí-pɛn doɛ̃ kɛ bie toɛ wɔ n si sii baraa la wa, a giala, wɔ boo la wɔ bɛa dí-pɛn kɛn lɛn bɔlɔ si wa. Sɛnɛ, Lawa na á dí kɔsɔ nya wɔa kirisibaa ǹ wɔ lɛa. Sii baraa mɛn bɛ́ dùũ sii babaraan nɛ, á bɛ pàã nya. A na á ná a Nɛgiĩ dia bɛ lɛ zɛnɛɛ. Yezu lɛ dɔ na á daa ka minbuiin nɛ dùũ siin ni a lon. Asɛ a gɛ̀ barka nɛ, Lawa na á kiri kuru sii baraa la dùũ siin kɛn lɛn nɛ.

Korɛnti2 13:4

Taãn nɛ, maǹ nə́ dere gɔn ganaa pàãwɛɛnaabaa gɔ́ɔ̃ nɛ, sɛnɛ, a yii n koo Lawa a boo sii la pàã ganaa. Masɛ dɔ n pàãwɛɛnaa lɛa maa tá kun ka Krita gɔ́ɔ̃ nɛ, sɛnɛ, maa sii-zɛnaa gɔ́ɔ̃ nɛ kasɛn wɔ paǹ li, ma yii n koo kun ka a din ni Lawa a boo sii la pàã ganaa.

Korɛnti2 8:9

A giala, ka á wɔa Dɛnaa Yezu *Krita a bǐɛ̃baa ǹ gɔn doɛ̃: asɛ mɛn bɛ́ pàãma lɛa, á n din baa doobaa lɛa kaa lɛa, a boo la a kasɛn baa pàãman lɛa, ka a doobaabaa lɛ nɛ.

Galaasi minin 4:4

Sɛnɛ, biikoo mɛn nə n bɔ á n koa, bɛ bɛ́ á dɔ, Lawa ná a Nɛgiĩ dia. Á yɛ lɔ la, Zuifun dí-pɛn pàã giulun,

Filipi minin 2:6

Lawabaa na a din gɔn lɛlɛndun, sɛnɛ, a n paraa bɛ ganaa, mà asɛ goã goon ka Lawa-n wa.

Ebrəə 12:2

Ka daa wɔ ga Yezu ganaa, a din nə golee Lawa li lɛ a giala-kɔle laanka a lɛ pã wole lɛa wɔ foo ne. Nyɛnyɛɛ mɛn bɛ́ koa-n nɛ, á n yii doa bɛ la, á gɛ̀ wɔ gɔn ganaa kɛ si a ganaa, a ga-a sìi lɛa wa. Bɛ kio, á giã gugurubaa ǹ bǎã nɛ Lawa a kii dankan gusin.

Ebrəə 13:3

Ka n yiri kɔ ka kòso nɛn nɛ, ka n pɛ mà ka dɔn man kòso-n kunun ǹ ni. Ka n yiri kɔ nɔmaa-wɔlen kɛn dɔn nɛ, a giala, ka tá ǹ sii giala miɛ.

Ebrəə 4:15

Wúlu-bɔlen kiã mɛn bɛ́ a ba wɔa pàã wɛɛnaabaa doɛ̃ wa, bɛ bie wɔ lon wa. Wɔa wúlu-bɔlen kiã lɛ damagɔ́ɔ̃li ǹ siin fuu yɛ, yɔrɔ din tumaa la ka wɔ dɔn bɛ́ lɔn, sɛnɛ, asɛ sii baraa zɛnaa wa.