Filipi minin 2:20 - LAWA A BOO SONBORE

²⁰ A dinsɔɔ̃ n ma laadoo siin biɛ a wɔn lɛa, a nə́ n gɔ́ɔ̃ bii ka ka-n taãn-taãnɛ.

LAWA A BOO SONBORE 2011

²⁰ A dinsɔɔ̃ n ma laadoo siin biɛ a wɔn lɛa, a nə́ n gɔ́ɔ̃ bii ka ka-n taãn-taãnɛ.

Filipi minin 2:20 ပူးပေါင်းရင်းမြစ်များ

Loen 55:13

Min mɛn bɛ́ sɔ koe ma ganaa, ǹ dɛnaa bie maa zɔ́ɔ lɛa wa, bɛ bie wa, bɛ̀ ma á sii ma ganaa. Maa zɔ́ɔ bie ma gialaa wa, bɛ bie wa, bɛ̀ ma á re n duri la.

Suusun 31:29

«Lɔ gigiã foo á tã, sɛnɛ nsɛ la ǹ tumaa nɛ.»

Zaã a sɛ́wɔ 10:13

A n baa sii, a giala, a n giɛ a saraa dinsɔɔ̃ li, sèren kɛn bie a yii li ǹ sii lɛa wa.

Zaã a sɛ́wɔ 12:6

Zudaasi bɛ́ á bɛ pɛ, a bie ka a nə n gɔ́ɔ̃ bii doobaan sii-n wa, sɛnɛ, wurumu ni. A giala, a din na á goã wɔrɔ koɛ. Bɛ̀ ǹ nə́ wɔrɔ mɛn kaa màn nɛ, a n bɛ koɛ̃.

Rɔmu minin 15:5

Lawa n foo tãbaa laanka sii simaa koe. Bɛa Lawa lɛ nə n dɔ ka lɛ, ka lɛ boo la a goã kun, ka Yezu Krita bɛ́ giɛ li lɔn.

Korɛnti1 16:10

Bɛ̀ Timote daa ka li, ka toa ka kũ doɛ̃ taãnɛ, a giala, a n Dɛnaa a dí nyɛɛ ka masɛ dɔ bɛ́ lɔn.

Filipi minin 2:2

ka kaa taasiɛn baa goon kɔn-narɛɛ gɔ́ɔ̃ nɛ, ka n gɔ́ɔ̃ baa goon ka kɔn ma sii tumaa ganaa. Bɛ̀ á miɛ̃, masɛ a foo kɔɔ̃nbaa n woe nyɛɛnɛ.

Filipi minin 2:22

Ka dininmaan tá doɛ̃, Timote na a bɔlɔgoondɛnaabaa kɛ nyaa ka-n ka yɔrɔ mɛn nɛ, a na á Boo Tii Kɔɔ̃n a dí kɛ nya kun ka ma nɛ, ka nɛ laanka a díi bɛ́ dí nyɛɛ kun lɔn.

Kolɔɔsi minin 4:11

Yezu mɛn bɛ́ ǹ nə́ bíi Zustusu, bɛ dɔ á fòo diɛ ka nɛ. Bɛa min sɔɔ kɛ lɛ dinsɔɔ̃ n Zuifu lɛa, ǹ nə́ *Lawa a kiibaa ǹ dí kɛ lɛ nyɛɛ kun ma nɛ. Ǹ nə́ ma foo taã parsiini.

Timote1 1:2

Masɛ n sɛ́wɔ kɛ diɛ nsɛ Timote la, nsɛ mɛn bɛ́ maa nɛ taãn-taãn lɛa golee Lawa li gɔ́ɔ̃ nɛ. Díi Lawa laanka wɔa Dɛnaa Yezu Krita die ǹ bǐɛ̃ zɛnaa n nɛ, ǹ makara bɔ n ganaa, ǹ là nyantoro kɔ n la.

Timote1 4:6

N doa n dɔɔ̃nɔn lɛn daraa bɛ tumaa ganaa. Bɛ̀ n zɛnaa miɛ̃, n tá re Yezu *Krita a dí-nyali sonbore biɛ. N bɛ́ n kɔ goleemali boon laanka daraa sonbore mɛn lɛ ka n parsii ni, n din telenboen too ka bɛn lɛn nɛ.

Timote2 1:5

Goleemali sonbore mɛn bɛ́ n lon, ma yiri a boe-n wa, bɛ miã goleemali lɛ na á goã n náa gole Luizi laanka n dan Inisi lon lɛlɛ. Má waa la máa bɛa goleemali kɛ lɛ miã tá n dɔ lon.

Timote2 3:10

Sɛnɛ, ma bɛ́ minin darɛɛ siin mɛnɛn ganaa, nsɛ Timote á bɛn doɛ̃. Maa tɔ wɔ ǹ gɔn nɛ, ka ma sii mɛn koa ma yɔrɔ-a, n tá bɛ dɔ doɛ̃. N maa goleemali boo ma, maa foo-kuĩ ni, ka maa kɔn-narɛɛ laanka maa sii simaa nɛ.

Samayeli1 18:1

Davida bɛ́ á boo da ka Sayulu ni á nya, Zonaatan dama Davida ganaa, á narɛ ka a dinmaa bɛ́ lɔn.

Samayeli1 18:3

Zonaatan nə́ n lɛ kɔ Davida la, a giala, a na á goã narɛ ka a dinmaa bɛ́ lɔn.