Filipi minin 2:16 - LAWA A BOO SONBORE

¹⁶ ka yiikoonaabaa kɔ ǹ boo kɛ nyaa ǹ nɛ. Bɛ̀ ka á zɛnɛɛ miɛ̃, ma foo á re kɔɔ̃n koe ka ka nɛ, Krita a lɛawaa kɛ a pinaa; bɛ á re nyɛɛ, mà maa wen waa tumaa nɛ, ka maa dí nyɛɛ tumaa nɛ, mà ǹ goã kooro wa.

LAWA A BOO SONBORE 2011

¹⁶ ka yiikoonaabaa kɔ ǹ boo kɛ nyaa ǹ nɛ. Bɛ̀ ka á zɛnɛɛ miɛ̃, ma foo á re kɔɔ̃n koe ka ka nɛ, Krita a lɛawaa kɛ a pinaa; bɛ á re nyɛɛ, mà maa wen waa tumaa nɛ, ka maa dí nyɛɛ tumaa nɛ, mà ǹ goã kooro wa.

Filipi minin 2:16 ပူးပေါင်းရင်းမြစ်များ

Loen 40:9

man die die, man foo sii zɛnaa a kɔnpɛ ka bɛ nɛ. Maa Lawa, ma tá li ma n dí-pɛ kɛ tamaa ma foo ne.

Loen 71:17

Lawa! Ń ma daraa, a kũ maa boɛɛnmaa ganaa. Haalɛ ka pelo yii ni, ma nə n sii sonboren kɛn laakalɛɛ.

Izayii 49:4

Má tɔ́n pɛ ma din gɔ́ɔ̃ nɛ: Man má mɛnaa ma din la, man din nɔmaa kooro, a là dɔ ná a banban. A da yaa, Dɛnaa Lawa n die peperebaa zɛnɛɛ ma nɛ, maa saraa n boe maa Lawa li.

Matiə 10:27

Masɛ bɛ́ màn mɛn pii ka nɛ wɔlɔ tì li, ka pɛ wɔlɔ fúlu-a; ma bɛ́ màn mɛn pii ka nɛ dɔndɔɔn nɛ, ka pɛ sùnbaa ǹ bǎã nɛ, min tumaa ma.

Luku 12:8

Yezu pɛ: «Masɛ n pii ka nɛ, bɛ̀ min mɛn na a-n min din tumaa yɔrɔ-a, mà a n masɛ wɔ lɛa, Min a Nɛgiĩ dɔ á re niɛ̃ a nɛ kiri-kurii pinaa, Lawa a lon a dia dí-a wolen yɔrɔ-a, máa a tá masɛ wɔ lɛa sonbore.

Zaã a sɛ́wɔ 6:63

Lawa a Yiri Fu n yiikoonaabaa koe; minbuiin nɛ a boe la a sii kɔ́n bǐɛ̃ kɔ bɛ gɔ́ɔ̃-n wa. Ma boon mɛnɛn pɛ ka nɛ, maǹ boe Lawa a Yiri Fu ni, bɛa boon lɛn man yiikoonaabaa koe.

Zaã a sɛ́wɔ 6:68

Simɔn Piɛrɛ tɔ́n a lɛ si: «Dɛnaa, wɔsɛn man die woe die li? Nyin nyabaã kɔ ǹ boon lɛn man nə n din gɔn.

Nya ǹ dín 13:26

Pooli pɛ doo: – Dɔɔ̃nɔn lɛn, ta ka n Abrahamu tɔrɔn lɛa hinlaa ta ka n tɔrɔ kɔsɔn lɛa, ka n nyɛ́ɛ biɛ Lawa nɛ, kirisibaa ǹ boo kɛ na á n dia wɔsɛn tumaa wɔ lɛa.

Korɛnti1 1:8

A din dɔ n die pàã koe ka la sɔnbɔraanɛ, yǎa giala-nyɔmiɛ biikoo li, ka goã zɛ̀rɛ baãnaan lɛa wɔa Dɛnaa Yezu Krita a kiri-kurii pinaa.

Korɛnti1 9:26

Bɛ lɛ-n masɛ á baa sii, ma yii n doa-n golee ǹ bǎã la. Man ka gɔn-munii wɔle mɛn bɛ́, a min dii a mìi gialaa wa.

Korɛnti2 1:14

A giala sisia, ka ba a tumaa giala miɛ bɔrɔ wa. Sɛnɛ, Dɛnaa Yezu a wusoo a daa pinaa, ka á re n dinin kalɛɛ maa lɛa, ma dɔ á re n din kalɛɛ ka dɔn lɛa.

Galaasi minin 2:2

Lawa na á ma yii toɛ̃, á nyaa ma nɛ mà ma woo. Bɛ lɛ nɛ má woo. Ma bɛ́ má goã Boo Tii Kɔɔ̃n mɛn lakalɛɛ tɔrɔ kɔsɔn manɛ, má bɛ yɔrɔ pɛ ǹ nɛ. Nyɛɛnaandɛnan dininsɔɔ̃nɔn kɔn-yɛ goon bǎã dɔ nɛ, má a yɔrɔ pɛ. Ń giɛ ma dí mɛn nya lɛlɛ, ka sisia wɔ nɛ, bɛn baran goã kooro wa.

Galaasi minin 4:11

Nyɛ́ɛ tá ma ganaa kaa wɔ paǹ li. Masɛ dí mɛn tumaa nya ka nɛ, bɛ n die goɛ̃ kooro?

Filipi minin 1:10

màn mɛn bɛ́ toɛ, ka sii sonbore gɔgɔɔ̃ doɛ̃. Bɛa yɔrɔ lɛ la ka á re goɛ̃ *yoreen ne, ǹ ba re boe la ǹ ka zɛ̀rɛ baa ka sii kɔ́n nɛ, Krita a lɛawaa kɛ a pinaa wa.

Filipi minin 1:6

Ma foo doamaa-n kɛ ganaa: Lawa dí sonbore mɛn giala kɔ ka gɔ́ɔ̃ nɛ, á re toɛ bɛ wo miɛ̃, a wo n giala-nyɔmɔɔ Yezu Krita a lɛawaa kɛ ganaa.

Tesaloniki1 2:19

A giala, ka dinin lɛn man wɔ foo-doa-n màn lɛa, kaa sii n nyɛnyɛɛ diɛ wɔ ganaa, kaa sii n die toɛ wɔ n dinin laakalaa wɔa Dɛnaa Yezu yɔrɔ-a a daa biikoo li.

Tesaloniki1 3:5

Bɛ lɛ na á toa ke, ma bɛ́ má giã má fɔ̃, má Timote dia máa a da kaa golee Lawa li lɛ konpa bɔ. Nyɛ́ɛ na á goã ma ganaa, máa *Sɛtaan tɔn nə n da ka gɔ́ɔ̃ li, a ka bebele, wɔa nɔmaa kɛ tɔn kiɛ̃ a kooro baa.

Ebrəə 4:12

Sonbore, Lawa a boo lɛ n boo yiikoonaa lɛa, pàã dɔ tá a nɛ, á lɛ boe á la gɔya paǹan paanan lɛbɔle tumaa nɛ. A n we min ni taãn-taãnɛ, yǎa a telenboen laanka yiri toɛ̃ kɔn, yǎa a gù kòròn laanka sɛwɔ toɛ̃ kɔn. A n min dùũ laanka a taasiɛ bǐɛ̃ boe kɔn lɛ ka a baraa nɛ.

Piɛrɛ1 1:23

Sonbore, ka ǹ ká yɛ gunyin paa, ka bie ka yɛ díi gã wolen la doo wa, ka ǹ ká yɛ díi kɔ́n la, a n màn tɔrɔ gãbaã wole lɛa, bɛ n ka Lawa a boo yiikoonaa kɛ nɛ, a kiɛ̃ duduu wa.

Zaã1 1:1

Wɔ n sɛ́wɔ kɛ diɛ ka la Boo kɛ a lɛa, Boo mɛn bɛ́ yiikoonaabaa koe. Á goã a tan, bɛ̀ màn kɔ́n tɔn nə n giala kɔ bɔrɔ wa. Wɔ́ Boo lɛ ma, wɔ́ yɛ ka wɔ yii ni, wɔ́ ga a ganaa, wɔ n gɔn da a ganaa.

Sii-nyaan 22:17

Yiri Fu ni ka Lawa a sɔmɔ minin ni bɛn man pii: «Daa.» Min mɛn dɔ too bɛ́ á ma, a dɔ́ pɛ: «Daa.» Mu boro bɛ́ min mɛnɛn ganaa ǹ dɔn nə daa, bɛ̀ ǹ mɛn tá giɛ yiikoonaabaa ǹ mu li, a yɛ kooro.