Filipi minin 2:15 - LAWA A BOO SONBORE

¹⁵ Ka zɛnaa miɛ̃, ń giɛ ka á goɛ̃ *yoreen ne, zɛ̀rɛ baãnaan lɛa, ka goã Lawa a nɛnyaanan lɛa, sɔ̀n ná a ba ka ganaa, kanaa min kɔkɔrɔ babaraan kɛn bii wa. Ka doamaa nɛ ka wɔlɔ fúlu bɔ ǹ bii, ka bólonən bɛ́ lɔn,

LAWA A BOO SONBORE 2011

¹⁵ Ka zɛnaa miɛ̃, ń giɛ ka á goɛ̃ *yoreen ne, zɛ̀rɛ baãnaan lɛa, ka goã Lawa a nɛnyaanan lɛa, sɔ̀n ná a ba ka ganaa, kanaa min kɔkɔrɔ babaraan kɛn bii wa. Ka doamaa nɛ ka wɔlɔ fúlu bɔ ǹ bii, ka bólonən bɛ́ lɔn,

Filipi minin 2:15 ပူးပေါင်းရင်းမြစ်များ

Loen 122:5

A giala, kiri wɔ ǹ kii dankanan tá koa-n tán walan, Davida a kion minin kii dankanan tá walan.

Bɔ bɛ̀rɛbaa nɛ 34:35

Izirayeli nɛnyaanan lɛn man nə́ goã yii, mà Muizu yɔrɔ n tɛ pii. A n wusii doo kəni, a mɔnaa lɛ kɔ a yɔrɔ lɛ, yǎa a wusoo a wo boo da ka Lawa-n biikoo kɔsɔ doe.

Suusun 4:18

Sɛnɛ, min mɛnɛn bɛ́ sii bǐɛ̃ zɛnɛɛ, bɛn yiikoonaabaa n ka baayɛlɛ a wɔlɔ fúlu bɛ́ lɔn, màn nə miɛ a fulu li yǎa penleen-n koe.

Suusun 8:8

Ma bɛ́ boo mɛn tumaa diɛ, maǹ ka te. Ma a minin sã ǹ boon diɛ wa, ma a soɛ boe wa.

Izayii 60:1

Yoo lon Zeruzalɛmu, n tɛ pɛ! A giala, tɛ fúlu n boe n wɔ lɛa. Dɛnaa Lawa a gugurubaa kɛ n fúlu boe n nɛ.

Matiə 10:16

Haya! Masɛ n ka diɛ ka sèren bɛ́ woe don ginin bii lɔn. Bɛ lɛ taman yii, ka yiri bɔ ka dinin li ka miɛ̃ bɛ́ yiri boe a din li lon, sɛnɛ, ka goã basiɛ̃-n ka zɛrɛkantoan bɛ́ lɔn, ka baran basaã kɔ wa.

Matiə 17:17

Yezu tɔ́n pɛ: «Ka màn tɔrɔ golee Lawa li baãnaan kɛn, ka n màn tɔrɔ baraa dɔ lɛa. Masɛ n die goɛ̃ kun ka nɛ yǎa biĩ doo, ka tɔn golee Lawa li? Masɛ n die kaa sii sii ma ganaa miɛ̃ yǎa biĩ kəni? Ka nɛ lɛ kũ ka da kɔ ma la kànaa.»

Matiə 5:45

Ka zɛnaa miɛ̃, bɛ lɛ n nyɛɛ mà ka n ka Di Lawa a nɛnyaanan lɛa. A giala, a bɛ́ a wasa lɛ boe min sonboren la lɔn ke, a n boe min baraan dɔn la miɛ̃. A bɛ́ la mu koe sii bǐɛ̃ zɛnaalin la lɔn, a n koe sii baraa-zɛnaalin dɔn la miɛ̃.

Matiə 5:48

Bɛ lɛ taman yii, ka toa ka lɛ pã ka ka Di Lawa lɛ bɛ́ piɛ̃-n lɔn.

Luku 1:6

Ǹ dinin min paa goã min peperen lɛa Lawa yɔrɔ-a, maǹ nə́ goã Dɛnaa a dí-pɛn lɛn tumaa bɔlɔ sii taãn-taãnɛ.

Luku 6:35

Sɛnɛ, bɛ̀ ka tá li ka n baa Lon a Lawa Gole a nɛnyaanan lɛa sonbore, ka saraa gole yɛ, ka siin kɛn zɛnaa: Ka kaa zɔ́ɔn narɛ, ka bǐɛ̃ zɛnaa, min mɛnɛn bɛ́ pàã ba ǹ lon ǹ giɔ̀mɔ dòo saraa wa, ka giɔ̀mɔ da bɛn-a, a giala Lawa lɛ sɛ n bǐɛ̃ zɛnɛɛ bǐɛ̃-doɛ̃ baãnaan laanka min baraan manɛ.

Zaã a sɛ́wɔ 5:35

ZAÃ na á n baa ka bolon bɛ́ lɔn, ǹ ná a lɛ siɛ̃, a n wɔlɔ fúli. Ka n ká lɛ kɔ, ká n nyɛnyɛɛ a fúlu li biikoo boɛɛn gɔ́ɔ̃ nɛ.

Nya ǹ dín 2:40

Piɛrɛ boo gigiã kɔsɔn da á Lawa a boo nyaa nɛ, á minin lɛn dɔn nyankɔ, á pɛ ǹ nɛ: «Ka baa si, ka n bɔ busii kɛ li die mɛnɛɛ min kɔkɔrɔn kɛn la.»

Nya ǹ dín 20:30

Haalɛ ka dinin bii, minin tá re yui, ǹ soɛn bɔbɔ ǹ Lawa-nyankɔlen sã, ǹ nə ǹ kaa ǹ dinin kio.

Rɔmu minin 16:19

Sonbore, min tumaa tá kaa Lawa bɔlɔ-sii kɛ doɛ̃. Bɛ lɛ na á toa, ma tá n nyɛnyɛɛ kaa lɛa. Sɛnɛ, man giɛ li ka ga sii bǐɛ̃ zɛnaa li, ka bɛa dɔ̃lin baa, ka baran ga sii baraa zɛnaa li, ka bɛa dɔ̃lin baa wa.

Korɛnti1 1:8

A din dɔ n die pàã koe ka la sɔnbɔraanɛ, yǎa giala-nyɔmiɛ biikoo li, ka goã zɛ̀rɛ baãnaan lɛa wɔa Dɛnaa Yezu Krita a kiri-kurii pinaa.

Korɛnti2 6:17

Bɛ lɛ a lɛa nɛ, Dɛnaa pɛ: «Ka n bɔ ǹ li ka goã ka gɔrɔn, màn mɛn bɛ́ a yoreen ma, ka nyan wo bɛ wɔlɔ li wa, masɛ din tá re ka kuĩ doɛ̃.

Efɛɛzi minin 5:27

A na á zɔɔ̃ li, mà Lawa a sɔmɔ lɛ goã asɛ din yɔrɔ-a, ka a nɛniɛ tii bɛ́ lɔn, a siĩnbaa tumaa gɔ́ɔ̃ nɛ, a gɔ̀nɔn nə́ zɔzɔnɔ, *gɔ̀ ná a ba a ganaa wa, wɔ̀lɔ̀ kɔ́n dɔ ná a ba a ganaa wa.

Timəə dí-pɛn 32:5

Maǹ nə́ n dinin ziziɛ̃, Lawa sii bie wa, bɛa sìi nə ǹ dinin ganaa, ǹ ba a nɛnyaanan lɛa wa min gɛsɛ manɛ, min kɔkɔrɔn manɛ.

Filipi minin 1:10

màn mɛn bɛ́ toɛ, ka sii sonbore gɔgɔɔ̃ doɛ̃. Bɛa yɔrɔ lɛ la ka á re goɛ̃ *yoreen ne, ǹ ba re boe la ǹ ka zɛ̀rɛ baa ka sii kɔ́n nɛ, Krita a lɛawaa kɛ a pinaa wa.

Filipi minin 3:6

Ma yii goã kaka a gɔ́ɔ̃ nɛ, yǎa má goã boe Lawa a sɔmɔn yii ni. Bɛ̀ ga peperebaa li ni, landa a dí-pɛn lɛ-si gɔ́ɔ̃ nɛ, man má goã ka te, sã ná a ba ma ganaa wa.

Tesaloniki1 5:23

Lawa dinmaa mɛn bɛ́ là nyantoro koe, a din die a toa ka a wɔn baa ka ka paǹ yii ni. Ka yiri ni, ka telenboen laanka ka gɔ̀nɔn tumaa nə n tamaa sɔnbɔraanɛ, zɛ̀rɛ baran goã ka ganaa wɔa Dɛnaa Yezu Krita a daa pinaa wa.

Timote1 3:10

Ǹ dɔn sii doamaa nɛ a n gɔsɛ bɔrɔ. Bɛ kio, bɛ̀ zɛ̀rɛbaa ǹ sii kɔ́n ba ǹ ganaa wa, ǹ tá boe la ǹ Lawa a sɔmɔ dí-nyalin baa.

Timote1 3:2

Ga Lawa a sɔmɔ walan wole doamaa nɛ a goã zɛ̀rɛ baãnaa lɛa, lɔ goon-dɛnaa lɛa, din-kũli lɛa, sii saa ka yiri-n wole lɛa, a tɔ wɔ ǹ gɔn nə́ siĩni. A doamaa nɛ a goã tii-kũli lɛa, á n boe minin daraa la.

Timote1 5:14

Bɛ lɛ-n ma á giɛ li, máa lɔ giɔɔrɔ tenən nə wusoo ǹ wɔ giĩ li, ǹ nɛnyaanan yɛ, ǹ ga ǹ dinin kion walan, màn mɛn bɛ́ toɛ, wɔa zɔ́ɔn baran wɔ tɔ ziziɛ̃ wa.

Timote1 5:20

Ǹ mɛnɛn bɛ́ sii baraan zɛnɛɛ, yiɛ ǹ ganaa min tumaa yɔrɔ-a, màn mɛn bɛ́ toɛ nyɛ́ɛ gialakunun kũ.

Timote1 5:7

N doamaa nɛ n bɛ lɛ pɛ ǹ nɛ n laa, màn mɛn bɛ́ toɛ, min baran zɛ̀rɛ sii yɛ ǹ ganaa wa.

Tiitii 1:6

Ga Lawa a sɔmɔ walan wole doamaa nɛ, a goã lɛ pɔrɔ ǹ bǎã ná a ba a ganaa wa. A goã lɔ goon toto zuũ lɛa, a nɛnyaanan doamaa nɛ, ǹ goã golee sii li wolen lɛa, ǹ tɔ baran goã ziziɛ̃-n wa, ǹ lɛ-silin baa.

Tiitii 2:10

Ǹ doamaa bie ǹ nə ǹ mìinaan màn kɔ́n koã wa. Ǹ doamaa nɛ ǹ nə n dinin nyaa min sonboren lɛa, bɔlɔgoondɛnan lɛa, biikoo tumaa li. Bɛa yɔrɔ kɛ lɛ la, daraa ǹ yɔrɔ mɛn bɛ́ wɔ Kirisibaali Lawa wɔ gɔn la, ǹ tá re gugurubaa koe bɛ la sii tumaa gɔ́ɔ̃ nɛ.

Tiitii 2:15

N doamaa nɛ n minin daraa bɛa yɔrɔ kɛ lɛ la. N nə ǹ foo taã, n zɛ̀rɛdɛnan zɛ̀rɛ baa. Bɛ zɛnaa ka n parsii din tumaa nɛ. Min kɔ́n dɔ nyan sàn kɔ n nɛ wa.

Ebrəə 7:26

Wɔ laadoo bɛ́ wúlu-bɔlen kiã mɛn ganaa, bɛ n ka Yezu ni. A n siĩni; zɛ̀rɛ laanka sii baraa kɔ́n ba a ganaa wa. A sii kɔ́n dɔ ba kun ka sii baraa-zɛnaalin wɔ-n wa. Lawa saa lon a ná a gole kɔ, á la lon màn tumaa nɛ.

Piɛrɛ1 2:12

Ka toa kaa tɔ wɔ ǹ gɔn siĩn kɔ Lawa-nyankɔle baãnaan bii, màn mɛn bɛ́ toɛ, tà maǹ ka tɔ ziziɛ̃, mà ka n baraa-zɛnaalin lɛa ka sii mɛn nɛ, kaa nya ǹ dí sonboren kɛn doɛ̃ nə n baa pàã lɛa ǹ ganaa, ǹ boo la ǹ Lawa guguru kɔ a din nyaa ǹ nɛ pinaa.

Piɛrɛ1 2:9

Sɛnɛ, kasɛn man Lawa a tɔrɔ boe lɛa, tɔrɔ mɛn bɛ́ Kii Lawa a wúlu-bɔlen lɛa. Kasɛn man tɔrɔ lɛa, Lawa koa a gɔrɔn a din wɔ lɛa, tɔrɔ mɛn a minin bɛ́ Lawa wɔn lɛa. A na á ka bíi á ka bɔ wɔlɔ tì li, á daa ka nɛ a din a wɔlɔ fúlu sonbore kɛ li, mà ka a din a sii sonboren kɛn laakalaa.

Piɛrɛ2 3:14

Bɛ lɛ nɛ, maa giaáran lɛn, ka bɛ́ n yii diɛ ke, ka n doa, màn mɛn bɛ́ toɛ, Dɛnaa lɛ da ka yaa ka bii n kɔɔ̃n kɔ ka a din ni, ka n *yoreen ne, zɛ̀rɛ ná a ba ka ganaa wa.

Sii-nyaan 2:5

N yiri koa n bɔ a mɛnaa ǹ bǎã kɛ li! N wusoo n sii baraan kio, ka n sii zɛnaa nɛ, ka n bɛ́ ń goã zɛnɛɛ lɔn lɛlɛ. Bɛ̀ bɛ bie wa, ma á re die n gialaa, ma n bolon koa ǹ bǎã kɛ saa ma bɔ a bǎã nɛ.

Sii-nyaan 3:9

Min mɛnɛn bɛ́ n dinin biɛ Zuifun lɛa, ǹ nə́ ǹ ba a lɛa dɔn wa, maǹ soɛ boe, maǹ *Sɛtaan a lɛ-kaakun minin lɛa, ma á re ǹ kuĩ ka pàã nɛ, ǹ da kaa tán ka giulun. Ǹ tá re doɛ̃ ka bɛ nɛ, mà ma á ka narɛ.