Filipi minin 2:12 - LAWA A BOO SONBORE

¹² A bɛ́ miɛ̃, maa giaáran lɛn, ka bɛ́ ká ma lɛ si biikoo tumaa li, bɛ̀ ma bɛ́ kun ka nɛ, a n siĩni kanna dɔn, ka ma lɛ si a la bɛ nɛ, maa tanbaã kɛ gɔ́ɔ̃ nɛ. Ka dí nya, ka n bìn diɛ nyɛ́ɛbaa Lawa-n gɔ́ɔ̃ nɛ, kaa bǐɛ̃-kɔ a lɛa.

LAWA A BOO SONBORE 2011

¹² A bɛ́ miɛ̃, maa giaáran lɛn, ka bɛ́ ká ma lɛ si biikoo tumaa li, bɛ̀ ma bɛ́ kun ka nɛ, a n siĩni kanna dɔn, ka ma lɛ si a la bɛ nɛ, maa tanbaã kɛ gɔ́ɔ̃ nɛ. Ka dí nya, ka n bìn diɛ nyɛ́ɛbaa Lawa-n gɔ́ɔ̃ nɛ, kaa bǐɛ̃-kɔ a lɛa.

Filipi minin 2:12 ပူးပေါင်းရင်းမြစ်များ

Ɛsidrasi 10:3

Ka da kanna, wɔ lɛ-kɔ wɔ wɔa Lawa lɛ nɛ, màn mɛn bɛ́ toɛ, lɔn mɛnɛn bɛ́ tɔrɔ kɔsɔ minin lɛa, wɔ bɛn loo kɔnlɛ ka ǹ nɛnyaanan nɛ, a kɔnpɛ ka maa dɛnaagiĩ Ɛsidrasi a doree ne, ka minin kɛn wɔ nɛ nyɛ́ɛbiɛ Lawa a gɔn waa ǹ boon manɛ. A die a n zɛnaa, a kɔnpɛ ka dí-pɛn sɛ́wɔ kɛ a boo ne.

Loen 119:120

Man nyɛ́ɛ biɛ n nɛ, ma gɔ̀nɔn nə́ bìn diɛ. N sii yɔrɔ bɔ ǹ boon lɛn man nyɛ́ɛ diɛ ma ganaa.

Loen 2:11

Ka dí nya Dɛnaa Lawa nɛ, bɛ̀ ka n nyɛ́ɛ biɛ nɛ. Ka a pàãdɛnaabaa dɔ̃ ka n nyɛnyɛɛ.

Suusun 10:16

Min pepere gɔn màn nə yiikoonaabaa koe. Sɛnɛ, min kɔkɔrɔ n sii baraa zɛnɛɛ ka a gɔn màn nɛ.

Suusun 13:4

Yoonaa nə n yiri koɛ màn gigiã-a sɛnɛ, a ba ǹ kɔn yii wa. Gɔ̀nɔndɛnaa bɛ́ giɛ màn mɛn li, a n bɛ yii.

Izayii 66:2

Bɛa mànan kɛn tumaa, ma din gɔn nɛ á ǹ zɛnaa. Ǹ tumaa n ma din wɔn lɛa. Masɛ Dɛnaa Lawa a da ǹ boo ne. Sɛnɛ, ma yii bɛ́ doa-n min mɛn la ka makara-doɛ̃ nɛ, nɔmaa-wɔle kɛ nɛ, a foo n ziziɛ̃ nɛ, ka min mɛn bɛ́ n too koe maa boo ganaa, a n nyɛ́ɛ biɛ ma yii ni.

Izayii 66:5

Ka n too kɔ Dɛnaa Lawa a boon li, kasɛn mɛnɛn bɛ́ nyɛ́ɛ biɛ a yii ni. Ka dɔɔ̃nɔn man ka biɛ zɔ́ɔ, ǹ tá ka lui masɛ taman yii. Maǹ pii: «Dɛnaa Lawa na a gugurubaa lɛ nyaa kəni, ka bɛ nɛ, wɔ á re kaa foo kɔɔ̃nbaa yii.» Sɛnɛ, sìi n die ǹ dinin kuĩ.

Matiə 11:12

A kũ ZAÃ a Boo Tii Kɔɔ̃n pɛ biikoo kɛ ganaa a da pelo yaa, lon a kiibaa ǹ bǎã lɛ a wɔ n minbuiinin la kakaɛ̃, min mɛnɛn bɛ́ doa boe, bɛn man yii.

Matiə 11:29

Ma a kakaarɛ wa, ma a min puusə koe wa. Ma bɛ́ guĩ mɛn koe ka la ka bɛ lɛ si, ka maa doroo ma, piɛ̃ á re kiɛ ka ganaa.

Nya ǹ dín 16:29

Kòso-lɛduə̃li lɛ nɔ̀n da ka bólon fúlu ni, á n baa fufuu á wɔ kion lɛ gɔ́ɔ̃ nɛ. Á gɔ̀nɔn bɛ́ bìn diɛ, á na á kaa tán Pooli laanka Silaasi giulun.

Nya ǹ dín 9:6

Sɛnɛ, yoo, n wɔ kiwi, n doamaa bɛ́ nɛ n sii mɛn zɛnaa, ǹ tá re bɛ pii n ni walan.»

Rɔmu minin 2:7

A n die nyin nyabaã koe ǹ tɛnɛn la, min mɛnɛn bɛ́, ǹ nə́ n dinin kɔ sii bǐɛ̃ zɛnaa la biikoo tumaa waáraa, mà Lawa gugurubaa laanka tɔ sonbore kɔ ǹsɛn la, ǹ yii goã koo miɛ̃ yǎa duduu.

Korɛnti1 15:58

A bɛ́ miɛ̃, ma dɔɔ̃nɔn lɛn, ka n doa sɔnbɔraanɛ, màn kɔ́n ná a boe la, a bìn da ka ganaa wa. Ka toa ka wo nyɛɛnɛ biikoo tumaa li, Dɛnaa a dí-nyɛɛ gɔ́ɔ̃ nɛ, a giala, ka á doɛ̃, mà ka bɛ́ dí mɛn nyɛɛ kun ka Dɛnaa nɛ, mà bɛa kooro lɛa wa.

Korɛnti1 2:3

Bɛ lɛ nɛ, má n din nyaa ka nɛ pàãwɛɛnaa lɛa, nyɛ́ɛ n ma ganaa, ma gɔ̀nɔn yii n bìn diɛ.

Korɛnti1 4:14

Ma bie ma sɛ́wɔ kɛ miã dia ka la, ma á sìi diɛ ka ganaa wa. Sɛnɛ, man má dia ka la, man ka doree, ka ma din a nɛnyaanan bɛ́ lɔn ma nə́ ǹ narɛ.

Korɛnti2 7:15

Ka bɛ́ ká a lɛ si lɔn, ká kũ doɛ̃ lɔn, ká nyɛ́ɛ baa nɛ ka gɔ̀nɔn bìn-diɛ nɛ, bɛ̀ a yiri daa bɛ nɛ, màn nə miɛ a ka narɛɛ a golebaa li.

Efɛɛzi minin 6:5

Bɛ̀rɛn lɛn, ka kaa tán a mìinaan kɛn lɛ si, ka nyɛ́ɛ baa ǹ nɛ, ka ǹ guguru kɔ ka foo sonbore ne, ka n pɛ mà ka n dí nyɛɛ *Krita nɛ.

Filipi minin 1:27

Sɛnɛ, giã ǹ gɔn mɛn bɛ́ woe kun ka Krita a Boo Tii Kɔɔ̃n kɛ nɛ, ka toa ka kɔ bɛ lɛ. Ka bɛ nɛ, ta má daa n yii kɔ ka li, ta ma banban, Boo Tii Kɔɔ̃n bɛ́ goleemali mɛn koe, a n siĩni ma ka boo ma, mà ka tá bɛ gɔ́ɔ̃-n taãn-taãnɛ, mà ka n kun ka taasiɛ goon ne, ka n yɔ boe kun ka foo goon ne.

Filipi minin 1:29

A giala, Krita wɔ paǹ li, Lawa na á bǐɛ̃ zɛnaa ka nɛ mà ka dí nya nɛ goleemali gɔ́ɔ̃ nɛ. Bɛ din sɔɔ̃ bie wa, a n mà ka fuu dɔ yɛ a lɛa.

Filipi minin 1:5

A giala, ka n dɔ ma lɛ Boo Tii Kɔɔ̃n kɛ a laakalaa gɔ́ɔ̃ nɛ, a saa a giala kɔ waáraa ganaa a da pelo ǹ yaa.

Filipi minin 1:6

Ma foo doamaa-n kɛ ganaa: Lawa dí sonbore mɛn giala kɔ ka gɔ́ɔ̃ nɛ, á re toɛ bɛ wo miɛ̃, a wo n giala-nyɔmɔɔ Yezu Krita a lɛawaa kɛ ganaa.

Filipi minin 2:19

Ma foo doamaa-n Dɛnaa Yezu ganaa, máa ma boo la, ma Timote dia ka li kànaa ka boɛɛn nɛ, ń giɛ ma bɛ́ re ka boon mɛnɛn miɛ, ǹ boo la ǹ ma dinmaa foo taã.

Filipi minin 4:1

A bɛ́ miɛ̃, ma dɔɔ̃n sonboren lɛn, ka n gòãn doa kaka, kaa tá kun ka Dɛnaa-n kɛ gɔ́ɔ̃ nɛ. Kasɛn mɛnɛn bɛ́ ma dɔɔ̃n narɛɛ wolen lɛa, ma tá li parsiini ma wusoo ma ka yɛ. Ka dinin lɛn man maa foo kɔɔ̃nbaa laanka maa din laakalaa ǹ màn lɛa.

Filipi minin 4:15

Ka Filipi minin dininmaan tá doɛ̃, mà ma bɛ́ má soo Masedoanɛ biikoo mɛn li, bɛ̀ wɔ bɛ́ Boo Tii Kɔɔ̃n kɛ laakalaa giala koe, ka dinin Lawa a sɔmɔ lɛ din sɔɔ̃ na á goã á n dɔ ma lɛ. Ka dininsɔɔ̃nɔn man ka n gii wɔ maa yoo laanka maa mɛnaa ǹ sii ni.

Tesaloniki1 1:3

Ka golee Lawa li mɛn nyaa ka kaa nya ǹ dín ni, ka sii mɛn da ka dinin mìi ni kaa Krita narɛɛ taman yii, ka bɛ́ n foo doɛ, ka á n yii diɛ wɔa Dɛnaa Yezu Krita a daa la lɔn, wɔ n bɛ yii pii wɔ Di Lawa yɔrɔ-a biikoo tumaa li.

Timote2 2:10

Bɛ lɛ na á toa, Lawa min mɛnɛn bɔ, man sii tumaa sii ma ganaa bɛn lɛn taman yii, màn mɛn bɛ́ toɛ, Yezu Krita bɛ́ kirisibaa mɛn koe, ǹ dɔn nə bɛ lɛ yɛ, ǹ gugurubaa nyabaã wole dɔ yɛ bɛ lɛ gɔ́ɔ̃ nɛ.

Ebrəə 12:1

Bɛa siére zaman gole kɛ lɛ tá wɔ lɛnpɛnɛ, ǹ nə́ ǹ golee Lawa li sii nyɛɛ wɔ nɛ. Bɛ lɛ-n kəni, màn mɛn tumaa bɛ́ wɔa tɔ-wɔ sàabiɛ, ka daa wɔ n piã bɛ nɛ, ka sii baraa kɛ dɔ nɛ n pɛnɛ wɔ ganaa fufuu. Ka daa, baa si a kɔn daa mɛn nə n nyaa wɔ nɛ, wɔ bɛ si ka sii simaa nɛ.

Ebrəə 4:1

Lawa a lɛ-kɔ lɛ n wɔ dɔn wɔ lɛa, wɔ á re boe la, wɔ wɔ bɛa bǎã lɛ nɛ wɔ n susu. Ka daa wɔ n dinin kũ, màn mɛn bɛ́ toɛ, kaa min kɔ́n baran fɔ̃ bɛa susui kɛ lɛ li wa.

Ebrəə 4:11

Ka daa wɔ n doa wɔ wɔ bɛa susui kɛ nɛ, màn mɛn bɛ́ toɛ, lɛlɛdɛnan Lawa bɔlɔ tii kɛ miã baran wɔa min kɔ́n daa, a na a bɔ̀n baa wa.

Ebrəə 5:9

A daraa fuu gɔ́ɔ̃-n lɛ bɛ́ á nya, Yezu a sii tumaa lɛ pã, á n baa kirisibaa nyabaã wole kɛ a kɔle lɛa, a bɔlɔ-silin tumaa nɛ.

Piɛrɛ1 2:11

Ma dɔɔ̃n narɛɛ wolen lɛn, kasɛn mɛnɛn bɛ́ gùlin laanka tiin lɛa kanaa kɛ nɛ, man ka nyankoe, ka ka dinin kũ dùũ sii babaraan kɛn ganaa, dùũ siin mɛnɛn bɛ́ zia biɛ biikoo tumaa li telenboen ganaa.

Piɛrɛ2 3:18

Sɛnɛ, wɔa Dɛnaa laanka wɔ Nyin-sili Yezu *Krita bɛ́ bǐɛ̃ mɛn zɛnɛɛ ka nɛ, ka toa ka wo nyɛɛn bɛ gɔ́ɔ̃ nɛ, ka wo nyɛɛnɛ a dinmaa doɛ̃ dɔ gɔ́ɔ̃ nɛ. Gugurubaa na a din wɔ lɛa kanna yǎa duduu. A n miɛ̃.